ƐZƖKƖƐL 38
38
Ba bʋl wɩalɩŋ sɩ jaŋ ŋaa kuoro Gɔg lɛ
1La TƖƖNA bʋl wɩaa pɩmɛ, ʋ sɩ, 2“Nuhuobiiŋ, joŋ ŋ sɩaa chaasɛ Gɔg sɩ hɛ Magɔg tinteeŋ lɛ. Ʋ nɛ ŋaa Mɛsɛk arɩ Tubal nɩaa sɩpaalaara ŋɩɩ. Bʋl wɩaa mɩ doluŋ lɛ, 3Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ ŋaa ŋ-na Gɔg, Mɛsɛk arɩ Tubal nɩaa sɩpaalaarʋ dʋndɔŋ nɛ. 4Mɩ jaŋ kɛnɩŋ kaa viire kɩɩ, a joŋ gbɩaŋ hɛ ŋ tapaŋaa lɛ a lɛrɛ ŋ dɩ ŋ laalɩyuoroo kala kʋ lɩɩ: ŋ janɩŋ, ŋ ja-jɩlla-la kala sɩ nyɩgɩla, laalɩyuori daŋ-la sɩ kori hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, kʋjalaa arɩ kʋbiisiŋ a pɛ tokobiee lɛ. 5Pɛsɩa arɩ Kus arɩ Libiya laalɩyuoroo ma pɛ ŋ lɛ nɛ a kori hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, a chu nyunchu-gbaŋkogunuŋ. 6Laalɩyuoro-la kala sɩ hɛ Goma tinteeŋ arɩ Bɛf Togaama tinteeŋ sɩ hɛ wɩɩpɔsʋŋ nagʋa dɩɩrɩŋ kala ma hɛ ŋ teeŋ nɛ. Laalɩyuoroo sɩ lɩɩ tintee daŋ ma yʋga a hɛ ŋ teeŋ.
7Kɛŋ ŋ tɩtɩa hɛ dɔŋɔ, a kɛŋ ŋ laalɩyuori daŋ-la kala sɩ hɛ ŋ teeŋ ma hɛ dɔŋɔ. 8Dɩ jɩ-daŋ nɛ kʋ bal, mɩ jaŋ leŋ dɩ ŋ mʋ yuo tintee kʋbala nɩaa sɩ yuo laalɩŋ aŋ lɛɛlɛ fɩɛla hɔŋ. Ba kɛmba kaa lɩɩ tintee daŋ nɛ a mɩɩra kɔ Iziral tinteeŋ. Ŋ jaŋ mʋ yuo Iziral tintee-la, lee-la fa sɩ pɩŋ hoi a dieni. Ama lɛɛlɛ ʋ nɩaa hɔŋ ʋ lɛ nɛ, wɩɩkala bɩ baa walɩmɛ. 9Ŋ dɩ ŋ laalɩyuoroo arɩ tintee daŋ-la nɩaa sɩ hɛ ŋ teeŋ kala jaŋ mʋ tintee-la lɛ a nagɛ duoŋ-peliŋ, a tɔ ʋ kala a nagɛ duoŋ-bɩlɩmbaanɩŋ.”
10Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Dɩ bʋa-la nɛ yie, ŋ jaŋ suomo bɩbɩɩnɛ dɩ ŋ ŋaa wʋbɔŋ. 11Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ. 12Mɩ jaŋ yuo paa nɩalɩŋ tasɩŋ fa sɩ pɩŋ jikpeeŋ kɩaa. Ba mɩɩra lɩɩ tinteyee nɛ a kʋ hɛ dɔŋɔ, a lɛɛlɛ kɛŋ pʋsʋŋ arɩ kɩaa dɔnsʋŋ a hɔŋ dʋnɩa tʋtʋɔbaanɩŋ.’ 13Sɛba tɩŋŋaa arɩ Dɛdaŋ tɩŋŋaa, a pɛ Taasɩs arɩ ʋ tabiisiŋ kala bayalaa jaŋ pɩɛsɩŋ, ‘Ŋ kɛŋ ŋ laalɩyuoroo kɔ dɩ ma yuo aŋ paa kɩaa nɛɛ? Ŋŋ chɛ ŋ paa hɔpʋla arɩ sɛlɩmɛ, a kɛsɛ pʋsʋŋ a laa kɩaa yʋgɛ a kaa viiri nɛ koo?’ ”
14Ŋɩɩ wɩaa nuhuobiiŋ, bʋl wɩaa mɩ doluŋ lɛ a pɩ Gɔg. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Bʋa-la lɛ mɩ nɩaa Iziral tɩŋŋaa sɩ jaŋ hɔŋ a ta jɩa, ŋ jaŋ na. 15Ŋ jaŋ sii lɩɩ wɩɩpɔsʋŋ nagʋa lee-la ŋ sɩ hɛ, ŋ dɩ laalɩyuori duoruŋ sɩ yʋga a lɩɩ tintee daŋ a pɛ ŋ lɛ a kala jɩl janɩŋ. 16Ma jaŋ kɔ mɩ nɩaa Iziral tɩŋŋaa lɛ a nagɛ duoŋ-bɩlɩmbaanɩŋ sɩ tɔ leriŋ. Dɩ bʋa-la nɛ yie, mɩ jaŋ kɛŋ ŋ-na Gɔg mʋ dɩ ŋ yuo mɩ nɩaa. Dɩ mɩ nɛ to ŋ lɛ a dagɛ mɩ yɩrɩ zɔmʋŋ tinteyee nɩaa sɩpaaŋ, ba jaŋ jɩŋ nɩdoho-la mɩ sɩ ŋaa.”
17Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: “Ma wɩaa nɛ mɩ fa to mɩ wʋlaabʋllaa sɩ ŋaa mɩ tɩntɩnnaa a lɩɩ Iziral tinteeŋ a bʋbʋl ŋɩɩ faafaa kala, arɩ maachie mɩ jaŋ leŋ dɩ ma kʋ yuo Iziral tɩŋŋaa. 18Wɩɩ-la sɩ jaŋ ŋaa tapʋlɩɩ-la nɛ ŋ-la: Dɩ Gɔg nɛ mʋa dɩ ʋ yuo Iziral tɩŋŋaa, mɩ baanɩŋ jaŋ chaasa sii woruŋ, La TƖƖNA Wɩɩjarɩbakɔ nɛ bʋla. 19Mɩ baanɩŋ sɩ jaŋ faasa sii dɩ mɩ sɩɩŋ fɩɛsɛ ŋɩɩ, mɩ jaŋ leŋ dɩ Iziral tinteeŋ faasa zigili. 20Chenfilee, diibiisiŋ, bagɩlaa arɩ kɩalɩŋ kala sɩɩ vaamɛ tinteeŋ, a pɛ nuhuobiinee lɛ, ba kala jaŋ chichel mɩ sɩpaaŋ. Peelee jaŋ wuro chu dɩ bʋsʋŋ yɛrɛ dɩ jeyee ma kala tel. 21Mɩ jaŋ leŋ dɩ laalɩŋ chaasa hosi woruŋ Gɔg nyuŋ, mɩ-na ma TƖƖNA Wɩɩjarɩbakɔ nɛ bʋla. Gɔg nɩaa jaŋ mɩɩra gʋra yuyuo dɔŋɔ. 22Mɩ jaŋ joŋ nyanyal bɔŋŋɔɔ hɛ ʋ nɩaa lɛ. Ba jaŋ kpʋkpʋ dɔŋɔ. Mɩ jaŋ leŋ dɩ duonuŋ faasa nɩɩ, dɩ duoŋ-tabɩaa tel ba nyuŋ, dɩ jiribiiŋ ma chol nyiniŋ a wurisi ʋ dɩ ʋ laalɩyuoroo arɩ tintee daŋ-la nɩaa sɩ kʋ pɛ ʋ lɛ. 23Dɩ mɩ nɛ ŋaa ŋɩɩ, tintee daŋ nɩaa jaŋ jɩŋ arɩ mɩ kɛŋ doluŋ nɛ a bɩ disiniŋ kɛnɛ. Ba jaŋ jɩŋ arɩ mɩ nɛ ma TƖƖNA.”
Currently Selected:
ƐZƖKƖƐL 38: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
ƐZƖKƖƐL 38
38
Ba bʋl wɩalɩŋ sɩ jaŋ ŋaa kuoro Gɔg lɛ
1La TƖƖNA bʋl wɩaa pɩmɛ, ʋ sɩ, 2“Nuhuobiiŋ, joŋ ŋ sɩaa chaasɛ Gɔg sɩ hɛ Magɔg tinteeŋ lɛ. Ʋ nɛ ŋaa Mɛsɛk arɩ Tubal nɩaa sɩpaalaara ŋɩɩ. Bʋl wɩaa mɩ doluŋ lɛ, 3Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ ŋaa ŋ-na Gɔg, Mɛsɛk arɩ Tubal nɩaa sɩpaalaarʋ dʋndɔŋ nɛ. 4Mɩ jaŋ kɛnɩŋ kaa viire kɩɩ, a joŋ gbɩaŋ hɛ ŋ tapaŋaa lɛ a lɛrɛ ŋ dɩ ŋ laalɩyuoroo kala kʋ lɩɩ: ŋ janɩŋ, ŋ ja-jɩlla-la kala sɩ nyɩgɩla, laalɩyuori daŋ-la sɩ kori hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, kʋjalaa arɩ kʋbiisiŋ a pɛ tokobiee lɛ. 5Pɛsɩa arɩ Kus arɩ Libiya laalɩyuoroo ma pɛ ŋ lɛ nɛ a kori hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, a chu nyunchu-gbaŋkogunuŋ. 6Laalɩyuoro-la kala sɩ hɛ Goma tinteeŋ arɩ Bɛf Togaama tinteeŋ sɩ hɛ wɩɩpɔsʋŋ nagʋa dɩɩrɩŋ kala ma hɛ ŋ teeŋ nɛ. Laalɩyuoroo sɩ lɩɩ tintee daŋ ma yʋga a hɛ ŋ teeŋ.
7Kɛŋ ŋ tɩtɩa hɛ dɔŋɔ, a kɛŋ ŋ laalɩyuori daŋ-la kala sɩ hɛ ŋ teeŋ ma hɛ dɔŋɔ. 8Dɩ jɩ-daŋ nɛ kʋ bal, mɩ jaŋ leŋ dɩ ŋ mʋ yuo tintee kʋbala nɩaa sɩ yuo laalɩŋ aŋ lɛɛlɛ fɩɛla hɔŋ. Ba kɛmba kaa lɩɩ tintee daŋ nɛ a mɩɩra kɔ Iziral tinteeŋ. Ŋ jaŋ mʋ yuo Iziral tintee-la, lee-la fa sɩ pɩŋ hoi a dieni. Ama lɛɛlɛ ʋ nɩaa hɔŋ ʋ lɛ nɛ, wɩɩkala bɩ baa walɩmɛ. 9Ŋ dɩ ŋ laalɩyuoroo arɩ tintee daŋ-la nɩaa sɩ hɛ ŋ teeŋ kala jaŋ mʋ tintee-la lɛ a nagɛ duoŋ-peliŋ, a tɔ ʋ kala a nagɛ duoŋ-bɩlɩmbaanɩŋ.”
10Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Dɩ bʋa-la nɛ yie, ŋ jaŋ suomo bɩbɩɩnɛ dɩ ŋ ŋaa wʋbɔŋ. 11Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ. 12Mɩ jaŋ yuo paa nɩalɩŋ tasɩŋ fa sɩ pɩŋ jikpeeŋ kɩaa. Ba mɩɩra lɩɩ tinteyee nɛ a kʋ hɛ dɔŋɔ, a lɛɛlɛ kɛŋ pʋsʋŋ arɩ kɩaa dɔnsʋŋ a hɔŋ dʋnɩa tʋtʋɔbaanɩŋ.’ 13Sɛba tɩŋŋaa arɩ Dɛdaŋ tɩŋŋaa, a pɛ Taasɩs arɩ ʋ tabiisiŋ kala bayalaa jaŋ pɩɛsɩŋ, ‘Ŋ kɛŋ ŋ laalɩyuoroo kɔ dɩ ma yuo aŋ paa kɩaa nɛɛ? Ŋŋ chɛ ŋ paa hɔpʋla arɩ sɛlɩmɛ, a kɛsɛ pʋsʋŋ a laa kɩaa yʋgɛ a kaa viiri nɛ koo?’ ”
14Ŋɩɩ wɩaa nuhuobiiŋ, bʋl wɩaa mɩ doluŋ lɛ a pɩ Gɔg. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Bʋa-la lɛ mɩ nɩaa Iziral tɩŋŋaa sɩ jaŋ hɔŋ a ta jɩa, ŋ jaŋ na. 15Ŋ jaŋ sii lɩɩ wɩɩpɔsʋŋ nagʋa lee-la ŋ sɩ hɛ, ŋ dɩ laalɩyuori duoruŋ sɩ yʋga a lɩɩ tintee daŋ a pɛ ŋ lɛ a kala jɩl janɩŋ. 16Ma jaŋ kɔ mɩ nɩaa Iziral tɩŋŋaa lɛ a nagɛ duoŋ-bɩlɩmbaanɩŋ sɩ tɔ leriŋ. Dɩ bʋa-la nɛ yie, mɩ jaŋ kɛŋ ŋ-na Gɔg mʋ dɩ ŋ yuo mɩ nɩaa. Dɩ mɩ nɛ to ŋ lɛ a dagɛ mɩ yɩrɩ zɔmʋŋ tinteyee nɩaa sɩpaaŋ, ba jaŋ jɩŋ nɩdoho-la mɩ sɩ ŋaa.”
17Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: “Ma wɩaa nɛ mɩ fa to mɩ wʋlaabʋllaa sɩ ŋaa mɩ tɩntɩnnaa a lɩɩ Iziral tinteeŋ a bʋbʋl ŋɩɩ faafaa kala, arɩ maachie mɩ jaŋ leŋ dɩ ma kʋ yuo Iziral tɩŋŋaa. 18Wɩɩ-la sɩ jaŋ ŋaa tapʋlɩɩ-la nɛ ŋ-la: Dɩ Gɔg nɛ mʋa dɩ ʋ yuo Iziral tɩŋŋaa, mɩ baanɩŋ jaŋ chaasa sii woruŋ, La TƖƖNA Wɩɩjarɩbakɔ nɛ bʋla. 19Mɩ baanɩŋ sɩ jaŋ faasa sii dɩ mɩ sɩɩŋ fɩɛsɛ ŋɩɩ, mɩ jaŋ leŋ dɩ Iziral tinteeŋ faasa zigili. 20Chenfilee, diibiisiŋ, bagɩlaa arɩ kɩalɩŋ kala sɩɩ vaamɛ tinteeŋ, a pɛ nuhuobiinee lɛ, ba kala jaŋ chichel mɩ sɩpaaŋ. Peelee jaŋ wuro chu dɩ bʋsʋŋ yɛrɛ dɩ jeyee ma kala tel. 21Mɩ jaŋ leŋ dɩ laalɩŋ chaasa hosi woruŋ Gɔg nyuŋ, mɩ-na ma TƖƖNA Wɩɩjarɩbakɔ nɛ bʋla. Gɔg nɩaa jaŋ mɩɩra gʋra yuyuo dɔŋɔ. 22Mɩ jaŋ joŋ nyanyal bɔŋŋɔɔ hɛ ʋ nɩaa lɛ. Ba jaŋ kpʋkpʋ dɔŋɔ. Mɩ jaŋ leŋ dɩ duonuŋ faasa nɩɩ, dɩ duoŋ-tabɩaa tel ba nyuŋ, dɩ jiribiiŋ ma chol nyiniŋ a wurisi ʋ dɩ ʋ laalɩyuoroo arɩ tintee daŋ-la nɩaa sɩ kʋ pɛ ʋ lɛ. 23Dɩ mɩ nɛ ŋaa ŋɩɩ, tintee daŋ nɩaa jaŋ jɩŋ arɩ mɩ kɛŋ doluŋ nɛ a bɩ disiniŋ kɛnɛ. Ba jaŋ jɩŋ arɩ mɩ nɛ ma TƖƖNA.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014