MOSIS KƐŊ IZIRAL TƖŊŊAA LƖƖ 2
2
Ba lʋl Mosis
1Bʋa kʋbala lɛ, Levi doho nɩaa baal kʋbala nɛ jaa Levi doho nɩaa tolo. 2Tolo-la kɛŋ luoruŋ a lʋl hambolibie. Ʋ sɩ na dɩ bile zɔmɔ, ʋ joŋu faa chɛnsɩŋ batori. 3Ama ʋ sɩ na dɩ ʋ bɩra bɩ bile wuo kaa faa, ʋ joŋ sime a taarɛ ʋ tʋɔŋ arɩ keliŋ, a joŋ bile hɛ a kɛŋ kʋa tɔ a kaa mʋ fuo-la ba sɩɩ yɩrɛ Naayɩl niiŋ, a joŋo faa yaŋ tʋɔŋ. 4Bii-mulo-la dɩhaala mʋ chɩŋ dɩ-bolii aŋ bibeŋ dɩ ʋ na wɩɩ-la sɩ jaŋ ŋaa bile lɛ.
5Ŋɩɩ nɛ Ijipiti tinteeŋ kuoro tolo tuu fuo-la dɩ ʋ fo lɩɩŋ, ka ʋ ketiee gʋgɔllɛ fuo-la niiŋ. Ijipiti tinteeŋ kuoro tolo-la sɩ na sime-la fuo-la niiŋ yaŋ tʋɔŋ, ʋ tɩŋ ʋ ketie-la dɔŋɔ dɩ ʋ mʋ joŋ sime-la kɔ. 6Ʋ kaa kɔ kuoro tolo-la suri dɩ bie hɛ sime-la tʋɔŋ a yiyel. Ŋɩɩ nɛ bile nisusuŋ kɛnʋ ʋ bʋl, “Hiburu tɩmma-la dɔŋɔ bie nɛ ŋ-la.”
7Ŋɩɩ nɛ bile dɩhaal-la sɩ chɩna bibeŋ pɩɛsɛ Ijipiti tinteeŋ kuoro tolo-la, “Mɩ mʋ yɩrɛ Hiburu tɩŋŋaa haala-la dɔŋɔ kɔ dɩ ʋ beŋ bile pɩŋ?”
8Ŋɩɩ nɛ Ijipiti tinteeŋ kuoro tolo sɛɩ arɩ ʋ mʋ kɛŋ Hiburu tɩŋŋaa haala-la dɔŋɔ kɔ. Ŋɩɩ nɛ tolo-la mʋ yɩrɛ bile naaŋ tɩtɩa ʋ kɔ. 9Ijipiti tinteeŋ kuoro tolo-la bʋla pɩ haal-la, “Laa bie deeŋ a dɩɛsa pɩmɛ, ka dɩ mɩ timiŋ.” Ŋɩɩ nɛ bile naaŋ laa bile a kaa mʋ dɩa a dɩɛsʋ. 10Bile sɩ kʋ waa mʋa, ʋ kaa mʋ pɩ Ijipiti tinteeŋ kuoro tolo. Ʋ laa ʋ ŋaa ʋ bie, ʋ hɛ ʋ yɩrɩŋ Mosis, aŋ bʋl, “Mɩ lɩɩsʋ lɩɩŋ tʋɔŋ nɛ.”
Mosis fá mʋ Midiaŋ
11Mosis sɩ kʋ waa dɛrɛ, tapʋlɩɩ kʋbala ʋ sii mʋ lee-la ʋ naambiiriŋ sɩ hɛ, a na tɩntɩŋ-duoru-la ba sɩɩ tɩŋ. Ʋ na dɩ Ijipiti tɩmma-la dɔŋɔ ka ŋmoo ʋ naambiiri-la dɔŋɔ. 12Ŋɩɩ nɛ ʋ daasɛ leriŋ kala dɩ nʋʋkala bɩ kpaga, ʋ ŋmoo Ijipiti tɩɩna-la a kpʋ a joŋo hugi hagɩlɩ-bumbugulo lɛ. 13Ʋ taŋ sɩ pʋla, ʋ lɩɩ a na Hiburu tɩŋŋaa balɩa ka yuo dɔŋɔ. Ŋɩɩ nɛ ʋ pɩɛsɛ nɩɩ-la kɩaa sɩ bɩ sɩŋ, “Bɛɛ nɛ tɩɩ ŋ ŋmuŋmoo ŋ naambie?”
14Ŋɩɩ nɛ baal-la pɩɛsʋ, “Kʋbɛɛ nɛ lɩɩsɩŋ dɩ ŋ bibenla a laa la wɩaa jɩjɩŋ? Ŋ bɩɩnɛ dɩ ŋ kpʋmɛ arɩ ŋ sɩ kpʋ Ijipiti tɩɩna-la ŋɩɩ nɛɛ?” Ŋɩɩ nɛ fawʋllʋŋ kɛŋ Mosis, ʋ bʋl, “Wɩɩ-la mɩ sɩ ŋaa, nɩaa jɩma nɛ.”
15Ijipiti tinteeŋ kuoro sɩ nɩa dɩ Mosis kpʋ Ijipiti tɩɩna, ʋ chɩchɛ dɩ ʋ kpʋʋ. Ŋɩɩ nɛ Mosis fá mʋ Midiaŋ tinteeŋ, a mʋ hɔŋ viliŋ sɛmɛ. 16Midiaŋ tinteeŋ lɛ, nɩɩ-la sɩ ŋaa Wɩɩsʋllɩ sɩpaalaara hɛ nɩmɛ, dɩ ʋ kɛŋ toloo balɩpɛ. Tolie-la kɔ dɩ ba ŋaa lɩɩŋ hɛ ba nyɩmma pʋsʋŋ lɩɩ-nyʋarɩ-kʋa lɛ a pɩ ba nyɩmma pʋsʋŋ. 17Ŋɩɩ nɛ kʋdaaraa dɔnsʋŋ kʋ kiriba, ama Mosis bɩ sɛyɛ a sii pɛ tolie-la lɛ ba ŋaa lɩɩŋ a pɩ ba nyɩmma pʋsʋŋ.
18Tolie-la sɩ mɩɩra mʋ ba nyɩmma Rɛwɛl teeŋ, ŋɩɩ nɛ ʋ pɩɛsɛba, “Bɛɛ nɛ tɩɩ jɩnɩŋ ma kɔ lɩma ŋ-la?” (Rɛwɛl yɩrɩŋ dɔŋɔ nɛ Jeturo.)
19Ŋɩɩ nɛ ba bʋl, “Ijipiti tɩɩna nɛ laala ta kʋdaaraa nɩsɩŋ lɛ aŋ ŋaa lɩɩŋ pɩ la pʋsʋŋ.” 20Ŋɩɩ nɛ ba nyɩmma pɩɛsɛba, “Nɩɩ nɛ baal-la hɛ? Bɛɛ nɛ tɩɩ ma bɩ pɛ kɛnʋ kaa kɔ? Má mʋ yɩrʋ dɩ ʋ kʋ dii kɩaa.”
21Ŋɩɩ nɛ ba yɩrɛ Mosis ʋ kɔ. Ʋ sɛɩ arɩ ʋ dɩ Jeturo jaŋ hɔŋ. Ŋɩɩ nɛ Jeturo joŋ ʋ tolo Zipora a pɩ Mosis ʋ jaa. 22Zipora kɛŋ luoruŋ a lʋl hambolibie, Mosis hɛ bile yɩrɩŋ Gesom, aŋ bʋl, “Mɩ ŋaa nʋhʋɔrʋ nɛ tinteeŋ deeŋ lɛ.”
23Mosis hɛ Midiaŋ tinteeŋ lɛ ŋɩɩ nɛ halɩɩ, Ijipiti tinteeŋ kuoro kʋ sʋʋ, ka Iziral tɩŋŋaa ha ŋmuŋmoo niiŋ a tɩŋ yoŋ tɩntɩmɩa-la ba sɩɩ tɩŋ Ijipiti tinteeŋ lɛ. Ŋɩɩ nɛ Wɩa nɩɩ ba yele. 24Wɩa sɩ nɩɩ ba yele-la ŋɩɩ, ʋ liise yi nii-la ʋ sɩ hɛ ʋ dɩ Abɩraham, Aɩzɩk arɩ Jekɔb pɛgɛ. 25Wɩa na Iziral tɩŋŋaa hɛɛ-la, ba wɩaa chɩlʋ.
Currently Selected:
MOSIS KƐŊ IZIRAL TƖŊŊAA LƖƖ 2: SIS
Highlight
Copy
Compare
Share
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
MOSIS KƐŊ IZIRAL TƖŊŊAA LƖƖ 2
2
Ba lʋl Mosis
1Bʋa kʋbala lɛ, Levi doho nɩaa baal kʋbala nɛ jaa Levi doho nɩaa tolo. 2Tolo-la kɛŋ luoruŋ a lʋl hambolibie. Ʋ sɩ na dɩ bile zɔmɔ, ʋ joŋu faa chɛnsɩŋ batori. 3Ama ʋ sɩ na dɩ ʋ bɩra bɩ bile wuo kaa faa, ʋ joŋ sime a taarɛ ʋ tʋɔŋ arɩ keliŋ, a joŋ bile hɛ a kɛŋ kʋa tɔ a kaa mʋ fuo-la ba sɩɩ yɩrɛ Naayɩl niiŋ, a joŋo faa yaŋ tʋɔŋ. 4Bii-mulo-la dɩhaala mʋ chɩŋ dɩ-bolii aŋ bibeŋ dɩ ʋ na wɩɩ-la sɩ jaŋ ŋaa bile lɛ.
5Ŋɩɩ nɛ Ijipiti tinteeŋ kuoro tolo tuu fuo-la dɩ ʋ fo lɩɩŋ, ka ʋ ketiee gʋgɔllɛ fuo-la niiŋ. Ijipiti tinteeŋ kuoro tolo-la sɩ na sime-la fuo-la niiŋ yaŋ tʋɔŋ, ʋ tɩŋ ʋ ketie-la dɔŋɔ dɩ ʋ mʋ joŋ sime-la kɔ. 6Ʋ kaa kɔ kuoro tolo-la suri dɩ bie hɛ sime-la tʋɔŋ a yiyel. Ŋɩɩ nɛ bile nisusuŋ kɛnʋ ʋ bʋl, “Hiburu tɩmma-la dɔŋɔ bie nɛ ŋ-la.”
7Ŋɩɩ nɛ bile dɩhaal-la sɩ chɩna bibeŋ pɩɛsɛ Ijipiti tinteeŋ kuoro tolo-la, “Mɩ mʋ yɩrɛ Hiburu tɩŋŋaa haala-la dɔŋɔ kɔ dɩ ʋ beŋ bile pɩŋ?”
8Ŋɩɩ nɛ Ijipiti tinteeŋ kuoro tolo sɛɩ arɩ ʋ mʋ kɛŋ Hiburu tɩŋŋaa haala-la dɔŋɔ kɔ. Ŋɩɩ nɛ tolo-la mʋ yɩrɛ bile naaŋ tɩtɩa ʋ kɔ. 9Ijipiti tinteeŋ kuoro tolo-la bʋla pɩ haal-la, “Laa bie deeŋ a dɩɛsa pɩmɛ, ka dɩ mɩ timiŋ.” Ŋɩɩ nɛ bile naaŋ laa bile a kaa mʋ dɩa a dɩɛsʋ. 10Bile sɩ kʋ waa mʋa, ʋ kaa mʋ pɩ Ijipiti tinteeŋ kuoro tolo. Ʋ laa ʋ ŋaa ʋ bie, ʋ hɛ ʋ yɩrɩŋ Mosis, aŋ bʋl, “Mɩ lɩɩsʋ lɩɩŋ tʋɔŋ nɛ.”
Mosis fá mʋ Midiaŋ
11Mosis sɩ kʋ waa dɛrɛ, tapʋlɩɩ kʋbala ʋ sii mʋ lee-la ʋ naambiiriŋ sɩ hɛ, a na tɩntɩŋ-duoru-la ba sɩɩ tɩŋ. Ʋ na dɩ Ijipiti tɩmma-la dɔŋɔ ka ŋmoo ʋ naambiiri-la dɔŋɔ. 12Ŋɩɩ nɛ ʋ daasɛ leriŋ kala dɩ nʋʋkala bɩ kpaga, ʋ ŋmoo Ijipiti tɩɩna-la a kpʋ a joŋo hugi hagɩlɩ-bumbugulo lɛ. 13Ʋ taŋ sɩ pʋla, ʋ lɩɩ a na Hiburu tɩŋŋaa balɩa ka yuo dɔŋɔ. Ŋɩɩ nɛ ʋ pɩɛsɛ nɩɩ-la kɩaa sɩ bɩ sɩŋ, “Bɛɛ nɛ tɩɩ ŋ ŋmuŋmoo ŋ naambie?”
14Ŋɩɩ nɛ baal-la pɩɛsʋ, “Kʋbɛɛ nɛ lɩɩsɩŋ dɩ ŋ bibenla a laa la wɩaa jɩjɩŋ? Ŋ bɩɩnɛ dɩ ŋ kpʋmɛ arɩ ŋ sɩ kpʋ Ijipiti tɩɩna-la ŋɩɩ nɛɛ?” Ŋɩɩ nɛ fawʋllʋŋ kɛŋ Mosis, ʋ bʋl, “Wɩɩ-la mɩ sɩ ŋaa, nɩaa jɩma nɛ.”
15Ijipiti tinteeŋ kuoro sɩ nɩa dɩ Mosis kpʋ Ijipiti tɩɩna, ʋ chɩchɛ dɩ ʋ kpʋʋ. Ŋɩɩ nɛ Mosis fá mʋ Midiaŋ tinteeŋ, a mʋ hɔŋ viliŋ sɛmɛ. 16Midiaŋ tinteeŋ lɛ, nɩɩ-la sɩ ŋaa Wɩɩsʋllɩ sɩpaalaara hɛ nɩmɛ, dɩ ʋ kɛŋ toloo balɩpɛ. Tolie-la kɔ dɩ ba ŋaa lɩɩŋ hɛ ba nyɩmma pʋsʋŋ lɩɩ-nyʋarɩ-kʋa lɛ a pɩ ba nyɩmma pʋsʋŋ. 17Ŋɩɩ nɛ kʋdaaraa dɔnsʋŋ kʋ kiriba, ama Mosis bɩ sɛyɛ a sii pɛ tolie-la lɛ ba ŋaa lɩɩŋ a pɩ ba nyɩmma pʋsʋŋ.
18Tolie-la sɩ mɩɩra mʋ ba nyɩmma Rɛwɛl teeŋ, ŋɩɩ nɛ ʋ pɩɛsɛba, “Bɛɛ nɛ tɩɩ jɩnɩŋ ma kɔ lɩma ŋ-la?” (Rɛwɛl yɩrɩŋ dɔŋɔ nɛ Jeturo.)
19Ŋɩɩ nɛ ba bʋl, “Ijipiti tɩɩna nɛ laala ta kʋdaaraa nɩsɩŋ lɛ aŋ ŋaa lɩɩŋ pɩ la pʋsʋŋ.” 20Ŋɩɩ nɛ ba nyɩmma pɩɛsɛba, “Nɩɩ nɛ baal-la hɛ? Bɛɛ nɛ tɩɩ ma bɩ pɛ kɛnʋ kaa kɔ? Má mʋ yɩrʋ dɩ ʋ kʋ dii kɩaa.”
21Ŋɩɩ nɛ ba yɩrɛ Mosis ʋ kɔ. Ʋ sɛɩ arɩ ʋ dɩ Jeturo jaŋ hɔŋ. Ŋɩɩ nɛ Jeturo joŋ ʋ tolo Zipora a pɩ Mosis ʋ jaa. 22Zipora kɛŋ luoruŋ a lʋl hambolibie, Mosis hɛ bile yɩrɩŋ Gesom, aŋ bʋl, “Mɩ ŋaa nʋhʋɔrʋ nɛ tinteeŋ deeŋ lɛ.”
23Mosis hɛ Midiaŋ tinteeŋ lɛ ŋɩɩ nɛ halɩɩ, Ijipiti tinteeŋ kuoro kʋ sʋʋ, ka Iziral tɩŋŋaa ha ŋmuŋmoo niiŋ a tɩŋ yoŋ tɩntɩmɩa-la ba sɩɩ tɩŋ Ijipiti tinteeŋ lɛ. Ŋɩɩ nɛ Wɩa nɩɩ ba yele. 24Wɩa sɩ nɩɩ ba yele-la ŋɩɩ, ʋ liise yi nii-la ʋ sɩ hɛ ʋ dɩ Abɩraham, Aɩzɩk arɩ Jekɔb pɛgɛ. 25Wɩa na Iziral tɩŋŋaa hɛɛ-la, ba wɩaa chɩlʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014