1 Kɔrɩntɩ Nɩaa 8
8
Vʋɩyaa kɩaa diiniŋ wɩaa
1Ma sɩ pɩɛsɛmɛ wɩaa dɔnsʋŋ a mʋ tɩgɛ vʋɩŋ kʋdiilee lɛ, mɩɩ chɛ dɩ mɩ bʋl wɩaa a mʋ tɩgɛ ba lɛ nɛ. Ʋ ŋaa wʋtɩtɩɩ nɛ arɩ la kala jɩŋ wɩaa nɛ. Wʋjɩmɩŋ saa yie kɛŋ ʋ tɩɩna bibigisi ʋ tɩtɩa lɛ nɛ. Ama nɩalɩŋ sɩ cho nɩaa yie pɛ ba lɛ nɛ dɩ ba chɩŋ wɩalɩŋ ba sɩ laa dii lɛ woruŋ. 2Nɩɩ-la sɩ bɩɩna dɩ ʋ jɩŋ wɩaa nɛ, ʋ bɩ wɩɩkala jɩŋ arɩ ʋ sɩ maga dɩ ʋ jɩŋ ŋɩɩ. 3Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.
4Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ. 5Dɩ vesiŋ nɛ paala hɛ nɩmɛ, dɩ ba nɛ hɛ wɩa-nyuŋ koo tinteeŋ, dɩ la tɩɩnaba nɛ paala yʋgɛ ma, 6la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.
7Ama nɩaa kala dee bɩ wɩɩŋ deeŋ jɩŋ. Nɩaa dɔnsʋŋ fa kpaarɛ vʋɩyaa a mal nɛ kɩŋkɛŋ, arɩ jɩnɩŋ kala dɩ ba nɩɩ dii vʋɩyaa kʋdiilee, ba yie bɩɩnɛ arɩ ba pɛ nɩalɩŋ sɩɩ kpaarɛ vʋɩyaa lɛ nɛ, ba tʋɔbɩɩnaa bɩ Wɩa wɩaa lɛ woruŋ chɩna. Ba yie bɩbɩɩnɛ kʋdiile-la ŋaa ba kɛŋ disiniŋ nɛ. 8Kʋdiilee bɩ jaŋ wuo leŋ dɩ Wɩa arɩ nuhuobiinee pɛgɛ zɔŋ. Dɩ ŋ nɛ dii kʋdiilee dɔnsʋŋ aŋ vɩvɩa dɔnsʋŋ, ʋ tuo wɩɩkala Wɩa teeŋ. 9Ma nɩalɩŋ sɩ laa Wɩa wɩaa dii a jɩŋ arɩ ma jaŋ wuo dii kʋŋkala, má fɩɛlɛ ma sɩaa, dɩ ŋɩɩ dee ma jaŋ leŋ dɩ nɩalɩŋ ma sɩ laa Wɩa wɩaa dii aŋ bɩ ba lɛ chɩna woruŋ ŋaa wʋbɔŋ. 10Ma nɩalɩŋ sɩ waa Wɩa wɩaa lɛ, dɩ ma dɔnsʋŋ nɛ jʋʋ vʋɩŋ dɩa a hɔnɔ didii kɩaa, dɩ nɩalɩŋ sɩ bɩ waa Wɩa wɩaa lɛ nɛ nama dɩ maa dii kʋdiilee deemba, ma bɩ jɩŋ arɩ ba ma jaŋ to ma lɛ a didii kɩaa deemba? 11A tɩŋ ma wʋjɩmɩŋ deeŋ, ma naambie sɩ bɩ Wɩa wɩaa lɛ chɩna tele nɛ, nɩɩ-la wɩaa Kirisito sɩ sʋba. 12Ŋɩɩ wɩaa, dɩ kʋdiile-la ma sɩɩ dii nɛ leŋe dɩ ma naambiiriŋ to ŋɩɩ lɛ a ŋaa wʋbɔŋ, maa vʋgʋmɛ ʋ tʋɔbɩɩnaa nɛ ŋɩɩ. Dɩ ma nɛ ŋaa ŋɩɩ, ma ŋaa wʋbɔŋ nɛ Kirisito lɛ. 13Ŋɩɩ wɩaa, dɩ mɩ nɛ jɩma arɩ mɩ nɛ dii kʋdiil dɔŋ, mɩ naambie jaŋ ŋaa wʋbɔŋ, ŋɩɩ-na mɩ bɩ jaŋ dii a leŋ dɩ mɩ naambie ŋaa wʋbɔŋ.
Currently Selected:
1 Kɔrɩntɩ Nɩaa 8: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
1 Kɔrɩntɩ Nɩaa 8
8
Vʋɩyaa kɩaa diiniŋ wɩaa
1Ma sɩ pɩɛsɛmɛ wɩaa dɔnsʋŋ a mʋ tɩgɛ vʋɩŋ kʋdiilee lɛ, mɩɩ chɛ dɩ mɩ bʋl wɩaa a mʋ tɩgɛ ba lɛ nɛ. Ʋ ŋaa wʋtɩtɩɩ nɛ arɩ la kala jɩŋ wɩaa nɛ. Wʋjɩmɩŋ saa yie kɛŋ ʋ tɩɩna bibigisi ʋ tɩtɩa lɛ nɛ. Ama nɩalɩŋ sɩ cho nɩaa yie pɛ ba lɛ nɛ dɩ ba chɩŋ wɩalɩŋ ba sɩ laa dii lɛ woruŋ. 2Nɩɩ-la sɩ bɩɩna dɩ ʋ jɩŋ wɩaa nɛ, ʋ bɩ wɩɩkala jɩŋ arɩ ʋ sɩ maga dɩ ʋ jɩŋ ŋɩɩ. 3Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.
4Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ. 5Dɩ vesiŋ nɛ paala hɛ nɩmɛ, dɩ ba nɛ hɛ wɩa-nyuŋ koo tinteeŋ, dɩ la tɩɩnaba nɛ paala yʋgɛ ma, 6la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.
7Ama nɩaa kala dee bɩ wɩɩŋ deeŋ jɩŋ. Nɩaa dɔnsʋŋ fa kpaarɛ vʋɩyaa a mal nɛ kɩŋkɛŋ, arɩ jɩnɩŋ kala dɩ ba nɩɩ dii vʋɩyaa kʋdiilee, ba yie bɩɩnɛ arɩ ba pɛ nɩalɩŋ sɩɩ kpaarɛ vʋɩyaa lɛ nɛ, ba tʋɔbɩɩnaa bɩ Wɩa wɩaa lɛ woruŋ chɩna. Ba yie bɩbɩɩnɛ kʋdiile-la ŋaa ba kɛŋ disiniŋ nɛ. 8Kʋdiilee bɩ jaŋ wuo leŋ dɩ Wɩa arɩ nuhuobiinee pɛgɛ zɔŋ. Dɩ ŋ nɛ dii kʋdiilee dɔnsʋŋ aŋ vɩvɩa dɔnsʋŋ, ʋ tuo wɩɩkala Wɩa teeŋ. 9Ma nɩalɩŋ sɩ laa Wɩa wɩaa dii a jɩŋ arɩ ma jaŋ wuo dii kʋŋkala, má fɩɛlɛ ma sɩaa, dɩ ŋɩɩ dee ma jaŋ leŋ dɩ nɩalɩŋ ma sɩ laa Wɩa wɩaa dii aŋ bɩ ba lɛ chɩna woruŋ ŋaa wʋbɔŋ. 10Ma nɩalɩŋ sɩ waa Wɩa wɩaa lɛ, dɩ ma dɔnsʋŋ nɛ jʋʋ vʋɩŋ dɩa a hɔnɔ didii kɩaa, dɩ nɩalɩŋ sɩ bɩ waa Wɩa wɩaa lɛ nɛ nama dɩ maa dii kʋdiilee deemba, ma bɩ jɩŋ arɩ ba ma jaŋ to ma lɛ a didii kɩaa deemba? 11A tɩŋ ma wʋjɩmɩŋ deeŋ, ma naambie sɩ bɩ Wɩa wɩaa lɛ chɩna tele nɛ, nɩɩ-la wɩaa Kirisito sɩ sʋba. 12Ŋɩɩ wɩaa, dɩ kʋdiile-la ma sɩɩ dii nɛ leŋe dɩ ma naambiiriŋ to ŋɩɩ lɛ a ŋaa wʋbɔŋ, maa vʋgʋmɛ ʋ tʋɔbɩɩnaa nɛ ŋɩɩ. Dɩ ma nɛ ŋaa ŋɩɩ, ma ŋaa wʋbɔŋ nɛ Kirisito lɛ. 13Ŋɩɩ wɩaa, dɩ mɩ nɛ jɩma arɩ mɩ nɛ dii kʋdiil dɔŋ, mɩ naambie jaŋ ŋaa wʋbɔŋ, ŋɩɩ-na mɩ bɩ jaŋ dii a leŋ dɩ mɩ naambie ŋaa wʋbɔŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014