Israelfɔ Ɩlʋ 96
96
Bulu Gyi Owie
1Ɔyɩtɔ aha fɛ́ɛ́, mlɩwa ɩlʋ pɔpwɛ ha Nana Bulu.
Mlɩwa ɩlʋ ha Nana Bulu.
2Mlɩwa ɩlʋ ha Nana Bulu, amlɩkanfʋ mʋ ɩda!
Ekekegyiɛkɛ mlɩda mʋ ɩwɩ asʋn wanklaan ɔkan, ánɩ́ alahɔ anɩ nkpa!
3Mlɩda mʋ numnyam ɔkan ɔmá-ɔmásʋ.
Mlɩda mʋ ofulabwɛ ɔkan suna ɔyɩtɔ aha fɛ́ɛ́,
4tsufɛ Nana Bulu lomoni.
Ɩkanfʋ letsia mʋ.
Ilehian ánɩ́ aha bénya mʋ ifu dʋn ɩkpɩ fɛ́ɛ́.
5Ɔmá-ɔmá ɩkpɩ bʋmegyi tɔtɔ,
tamɛ Nana Bulu lɔbwɛ ɔsʋsʋ.
6Obú pʋ́ numnyam bʋ mʋsʋ.
Ɔwʋnlɩn pʋ́ alɛ ɩbʋ mʋ otsiakpa.
7Ɔyɩtɔ abusuan fɛ́ɛ́,
mlɩpʋ numnyam mʋ́a ɔwʋnlɩn ha Nana Bulu.
8Mlɩpʋ obuá ɩlɛkana Nana Bulu ɩda ha mʋ.
Mlɩpʋ afɔdɩɛ ba mʋ wunsɩnɛsʋ.
9Mlɩda akpawunu ha mʋ; tsufɛ mʋ nkʋlɛ lɔwankɩ.
Ɔsʋlʋsʋ atsiapʋ fɛ́ɛ́, bʋba ɩwɩasɩ ha mʋ.
10Mlɩbla ɔyɩtɔ aha fɛ́ɛ́ mlɩaa,
“Nana Bulu gyi owie!
Ee, ɔyɩ lalɛ nlin, ɩmɛ́ɛkpɩnkɩ.
Obégyi ɔmá-ɔmá asʋn ɔnɔkwalɩsʋ.”
11Ɔsʋsʋ inya ansigyi,
ɔsʋlʋ ɩwɩ ɩsankɩ mʋ.
Ɔpʋ mʋa mʋ́tɔ atɔ fɛ́ɛ́ ɩlɛ ɔnɔ.
12Ndɔ pʋ́ mʋ́tɔ atɔ fɛ́ɛ́ inya ansigyi.
Apʋtɔ-nyi bʋpʋ ansigyi wa ɩlʋ
13Nana Bulu ansɩtɔ, tsufɛ ɔbá.
Ɔbá begyi ɔyɩ fɛ́ɛ́ asʋn.
Obégyi mʋ́ yilebwɛ ɔkpasʋ,
gyi ɔmá-ɔmá asʋn ɔnɔkwalɩsʋ.
Currently Selected:
Israelfɔ Ɩlʋ 96: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 96
96
Bulu Gyi Owie
1Ɔyɩtɔ aha fɛ́ɛ́, mlɩwa ɩlʋ pɔpwɛ ha Nana Bulu.
Mlɩwa ɩlʋ ha Nana Bulu.
2Mlɩwa ɩlʋ ha Nana Bulu, amlɩkanfʋ mʋ ɩda!
Ekekegyiɛkɛ mlɩda mʋ ɩwɩ asʋn wanklaan ɔkan, ánɩ́ alahɔ anɩ nkpa!
3Mlɩda mʋ numnyam ɔkan ɔmá-ɔmásʋ.
Mlɩda mʋ ofulabwɛ ɔkan suna ɔyɩtɔ aha fɛ́ɛ́,
4tsufɛ Nana Bulu lomoni.
Ɩkanfʋ letsia mʋ.
Ilehian ánɩ́ aha bénya mʋ ifu dʋn ɩkpɩ fɛ́ɛ́.
5Ɔmá-ɔmá ɩkpɩ bʋmegyi tɔtɔ,
tamɛ Nana Bulu lɔbwɛ ɔsʋsʋ.
6Obú pʋ́ numnyam bʋ mʋsʋ.
Ɔwʋnlɩn pʋ́ alɛ ɩbʋ mʋ otsiakpa.
7Ɔyɩtɔ abusuan fɛ́ɛ́,
mlɩpʋ numnyam mʋ́a ɔwʋnlɩn ha Nana Bulu.
8Mlɩpʋ obuá ɩlɛkana Nana Bulu ɩda ha mʋ.
Mlɩpʋ afɔdɩɛ ba mʋ wunsɩnɛsʋ.
9Mlɩda akpawunu ha mʋ; tsufɛ mʋ nkʋlɛ lɔwankɩ.
Ɔsʋlʋsʋ atsiapʋ fɛ́ɛ́, bʋba ɩwɩasɩ ha mʋ.
10Mlɩbla ɔyɩtɔ aha fɛ́ɛ́ mlɩaa,
“Nana Bulu gyi owie!
Ee, ɔyɩ lalɛ nlin, ɩmɛ́ɛkpɩnkɩ.
Obégyi ɔmá-ɔmá asʋn ɔnɔkwalɩsʋ.”
11Ɔsʋsʋ inya ansigyi,
ɔsʋlʋ ɩwɩ ɩsankɩ mʋ.
Ɔpʋ mʋa mʋ́tɔ atɔ fɛ́ɛ́ ɩlɛ ɔnɔ.
12Ndɔ pʋ́ mʋ́tɔ atɔ fɛ́ɛ́ inya ansigyi.
Apʋtɔ-nyi bʋpʋ ansigyi wa ɩlʋ
13Nana Bulu ansɩtɔ, tsufɛ ɔbá.
Ɔbá begyi ɔyɩ fɛ́ɛ́ asʋn.
Obégyi mʋ́ yilebwɛ ɔkpasʋ,
gyi ɔmá-ɔmá asʋn ɔnɔkwalɩsʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation