Israelfɔ Ɩlʋ 90
90
Ɔwʋlʋ 4sɩ
(Israelfɔ Ɩlʋ 90--106)
Bulu, Ha Fʋ Awɩtɔlɛ Ibuo Anɩ
Bulu ɔha Mose mpaɩ.
1Oo anɩ Wie, tsu ɔyɩ ɔpá
fʋgyi otsiakpa ha anɩ otuntufla fɛ́ɛ́.
2Asa fɛlɛ abʋ, lɛ ɔyɩ a,
fʋgyi Bulu tsu brɛá ɔyɩ mɔkʋlɩn yɛfʋn brɛá ɩtamata.
3Fʋteyinkia anɩ anyankpʋsa ya ɩsɩtɔ,
fʋtɛblɩ fɛɛ, “Anyankpʋsa, mlɩyinki.”
4Nfi ɔpɩm (1,000) igyi fɛ igye ɔyɩkɛhɛá ɩlɔtsʋn fʋ wa,
ntɛ onye itinbi.
5Fʋtɛha amʋ́ nkpa tɔmɔ ɔnɔ, fɛ okude.
Bʋgyi fɛ ɩfa, ɩtɔbwɛ mlɔɔ nyankɩ.
6Nyankɩ ɩtɔwa ntswɩtswɩ bwɛ mlɔɔ,
tamɛ ntʋpwɛsʋ ɩtɔbʋ, kpada.
7Fʋ ɔblɔ tɔmɔ anɩ,
fʋ ɩyɩn ɛ bʋ anɩ ifu.
8Faha anɩ lakpan fɛ́ɛ́ ɩda fʋ ansɩtɔ.
Fʋyin mʋ́á anɩlabwɛ ŋain kʋraa.
9Fʋ ɔblɔ laka anɩ nkpa itin.
Anɩ nkɛ tɛta fɛ ɔŋɛ lʋn fʋhɛ.
10Anɩ nkɛ fɛ́ɛ́ igyi nfi aduesienɔ (70),
nɩ anɩlɔwa ɔwʋnlɩn a, nfi adukwe (80).
Mʋ́ o a, asʋn wunhɛ mʋ́a ipian sɔɔn bʋ mʋ́tɔ.
Ɩtɔtsʋn, anɩtɔfwɩ.
11Ma yin alɩá fʋ ɔblɔ ɔnɔ ɩbʋ ɔnlɩn,
pʋ́ ɩyɩn ánɩ́ fʋbʋ, mɛnɩ obénya fʋ ifu?
12Mʋ́ sʋ suna alɩá abɛ́kla anɩ nkɛ,
mɛnɩ abénya nyansa.
13Nana Bulu, kokoli damli kɩ anɩ.
Ɔmɛnkɛ fési ɔblɔ tswɩ?
Wun fʋ asumbi nwɛ!
14Ha fʋ ɔdwɛá ɩma ɔka ɩbʋla anɩ nyankɩ,
mɛnɩ abɔ́wa ɩlʋ nya ansigyi anɩ nkpatɔ fɛ́ɛ́.
15Faha ɩlapian anɩ wa ɔpá.
Ha ansɩ igyi anɩ nfi tsɔtsɔɔtsɔá anɩlatsia ɩkplantɔ fɛ́ɛ́ ɔnɔ.
16Pʋ fʋ agyʋma suna fʋ asumpʋ,
afʋha amʋ́ abi abʋwun fʋ numnyam.
17Anɩ Wie Bulu, fʋ awɩtɔlɛ ibuo anɩ,
anɩ gyumagyihɛ ɩwa alɛ ha anɩ.
Ee! Ɩwa alɛ ha anɩ.
Currently Selected:
Israelfɔ Ɩlʋ 90: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
