Israelfɔ Ɩlʋ 89
89
Bulu Mʋa Dawid Nsɩnɛ Ntam
(2 Samuel 7:8-16)
Esrayin Etan atosuna ɩlʋ.
1Nana Bulu, nɔ́wa fʋ ɔdwɛá ɩma ɔka ɩwɩ ɩlʋ brɛ fɛ́ɛ́.
Nɛ́da fʋ ɔnɔkwalɩwa ɩwɩ ɔkan suna otuntufla fɛ́ɛ́.
2Nablɩ mbɛɛ, fʋ ɔdwɛá ɩma ɔka ibétsia brɛ fɛ́ɛ́.
Fʋ ɔnɔkwalɩ ibétsia brɛ fɛ́ɛ́, fɛ ɔsʋsʋ ɩnʋ.
3Fʋlɛblɩ fɛɛ, “Naka ntam ha mɩ osumbi Dawid amʋʋ nalɛ amʋ.
Ntam ánɩ́ naka ha mʋ gyi:
4‘Nɛ́ha fʋ abi-aná bégyi iwie brɛ fɛ́ɛ́.
Nɛha fʋ owie-obia ibétsia ha fʋ abi-aná ánɩ́ bɛlɩn fɛ́ɛ́.> ” Ɩya.
5“Oo Nana Bulu, fʋ abɔpʋ bʋkanfʋ fʋ ofula,
mʋ́a fʋ ɔnɔkwalɩ amʋ́ ɔpasuatɔ.
6Ma bʋ ɔsʋsʋ ɩnʋá bɔ́pʋ mʋ kapʋ fʋ?
Fʋ abɔpʋtɔ ɔmɔmʋ lɔfʋn fʋ?
7Fʋ abɔpʋ ɔpasua bʋtenya fʋ ifu.
Fʋdʋn ɔsʋsʋ atumipʋá bobomli fʋ fɛ́ɛ́.
8Oo Ɩsa Ɔnɔ Ɔlɩɩpʋ Bulu, Nana Bulu,
ma bʋ tumi fɛ fʋ?
Ɔnɔkwalɩ labomli fʋ.
9Fʋdɛ ɔpʋá ɩdɛdasʋ gyi.
Nɩ ɩdɛda alɩágyialɩá a, fʋtɛha mʋ́ ɩtɔlʋa.
10Fʋlɛda ntsutso-ɔbwɩ lalahɛ Rahab amʋ mɔ,
fɔpʋ tumi da fʋ alupʋ saɩn.
11Fʋbʋ ɔsʋsʋ, fʋbʋ asɩ.
Fʋlotsua ɔyɩ pʋ́ mʋ́tɔ atɔ fɛ́ɛ́ asɩ.
12Fʋlɔbwɛ gyɔpɩ mʋ́a bɩnasʋ fɛ́ɛ́.
Tabor pʋ́ Hermon abʋ bʋdɛ ɩlʋ wa kanfʋ fʋ ɩda.
13Fʋ ɩbɩ bʋ tumi, ɩbʋ ɔwʋnlɩn.
Fʋ gyɔpɩ ɩbɩ lɔfʋa.
14Yilebwɛ mʋ́a asʋngyi ɔnɔkwalɩsʋ
fɔpʋwa fʋ obia.
Ɔdwɛá ɩma ɔka mʋ́a ɔnɔkwalɩ tegya fʋ nkpa.”
15“Oo Nana Bulu, aha ánɩ́ bʋyin ope tswɩ,
bʋna fʋ ansɩtɔ wankɩ amʋtɔ bʋnya ansigyi.
16Ansɩ bégyi amʋ́ fʋ ɩdatɔ ɔyɩkɛhɛtɔ fɛ́ɛ́.
Fʋ yilebwɛ sʋ fatsu amʋ́ fʋa,
17tsufɛ fʋgyi amʋ́ ɔwʋnlɩn numnyam.
Fʋ awɩtɔlɛ tɛha anɩ tumi.
18Tsufɛ fʋ Nana Bulu bʋ anɩ kʋtʋ.
Fʋ Israel ɔha Wankɩhɛ bʋ anɩ owie.”
19Ɛkɛ ɔkʋ fɔtɔɩ tsʋn atowunhɛtɔ,
suna aha ánɩ́ bʋtamadalɩ fʋ ɔma fɛɛ,
“Nawa ɩsa ɔkɔpʋ ɔkʋ ɔwʋnlɩn.
Nalɛ mʋ tsu aha amʋtɔ, tsu mʋ fʋa.
20Nawun mɩ osumbi Dawid anfɩ.
Napʋ mɩ ofobi kpa mʋ, pʋda mʋ ofuli.
21Mɩ tumi bɛ́lɩɩ mʋ ɔma,
mɩ ɩbɩ ɛ bɔ́wa mʋ ɔwʋnlɩn.
22Mʋ olupʋ ɔkʋkʋ mɛ́ɛtalɩ gyi mʋsʋ ɩsatɔ.
Ɔha lalahɛ ɔkʋkʋ mɛ́ɛtalɩ ba mʋ asɩ.
23Nɔ́mɔ adʋn lɛ mʋ ansɩtɔ,
da mʋ alupʋ lɛ da.
24Mɩ ɔnɔkwalɩ pʋ́ mɩ ɔdwɛá ɩma ɔka bóbuo mʋ.
Mɩ ɩda sʋ obénya ɔwʋnlɩn.
25Nɛ́ha mʋ iwie ogyikpa bótsu ɔpʋ ɔnɔ
yɔwɔ ntsu bʋnkpa.
26Ɔbɛ́bla mɩ ɔbɛɛ, ‘Fʋgyi mɩ Sɩ,
mɩ Bulu pʋ́ mɩ nkpahɔ bʋta!>
27Nɔ́bwɛ mʋ mɩ bitɩ,
ɔbɔ́bwɛ ɔsʋlʋsʋ awie fɛ́ɛ́ nwun.
28Mɩ ɔdwɛá ɩma ɔka ibétsia mʋsʋ brɛ fɛ́ɛ́.
Mɩa mʋnyɔ nsɩnɛ ntam bɛ́lɩɩ kinkiinkin.
29Iwiegyi mɛ́ɛdalɩ mʋ woyitɔ ɛkɛkɛɛkɛ.
Alɩ amʋʋ ɔsʋsʋ bʋ ɩnʋ brɛ fɛ́ɛ́ amʋ a,
alɩ mʋ owie-obia ɛ ibétsia nɩ.”
30“Tamɛ nɩ mʋ abi bekina mɩ atosunahɛ,
bʋmɛnatɩ mɩ amandɩɛ ɔkpasʋ,
31bʋmobu mɩ amandɩɛ,
bʋmɛkɩta mɩ mblatɔ a,
32mʋmʋ nɛ́hɩɛ pɩtɩ amʋ́ oyibibi amʋ́ lakpan sʋ,
wɛn amʋ́ mplɩ amʋ́ lalahɛ sʋ.
33Tamɛ mmɛ́ɛdɩnkɩ mɩ ɔdwɛá ɩma ɔka lɛ mʋsʋ,
ntɛ kina ɔnɔkwalɩwa ha mʋ.
34Mmɔ́ɔtʋn mɩ ntam ánɩ́ nɛka ha mʋ,
ntɛ tsɛ mɩ asʋn blɩhɛ ha mʋ.
35Naka mɩ ɩda ntam ɔtsawʋlɛ pɛ,
ánɩ́ mmɔ́ɔwa afunu suna Dawid ɛkɛkɛɛkɛ.
36Iwiegyi bétsia mʋ woyitɔ brɛ fɛ́ɛ́.
Mʋ owie-obia bétsia mɩ ansɩtɔ brɛ fɛ́ɛ́, fɛ owi.
37Ibétsiá fɛ ɔtsra,
mʋ́gyi ɔdansɩyin ɔnɔkwalɩpʋá ɔbʋ nwʋlʋtasʋ nɩ.” Ɩya.
38“Oo Bulu, tamɛ fakina mʋ, gya mʋ.
Ɔblɔ ɩhɩɛ dɛ fʋ ɔha anfɩ fada ofuli anfɩsʋ.
39Fatʋn ntam amʋʋ fɛka ha fʋ osumbi amʋ,
falɛ ntʋkʋta mʋ yabitɔ.
40Fabwiebwie mʋ abunti fɛ́ɛ́ bun,
fayinta mʋ oŋainkpa fɛ́ɛ́.
41Ɩnʋ atsʋnpʋ bʋdɛ mʋ atɔ wi.
Ɔmá bambasʋfɔ bʋdɛ mʋ ɔblɔla bwɛ.
42Faha mʋ anyaba banya ɔwʋnlɩn mʋsʋ,
ansɩ dɛ mʋ alupʋ fɛ́ɛ́ gyi.
43Faha mʋ ɔdayi ɔnɔ lawu,
fʋmɛha mʋ ɔtalɩ lɩɩ ɩsa ɔnɔ.
44Faswɩɩ mʋ mʋ akɔnfra,
kpa mʋ owie-obia da.
45Faka mʋ nkpa itin,
pʋ́ pɛlɩ dɩda mʋ.” Ɩya.
46“Oo Nana Bulu, ɔmɛnkɛ? Féŋain ɩwɩ brɛ fɛ́ɛ́?
Ɔmɛnkɛ fʋ ɩklʋn bési ogya tsii?
47Kaɩn ánɩ́ mɩ nkpa igyi ɔbɩlɔ pɛ.
Mʋ́ sʋ kpalɩ fɔbwɛ nyankpʋsa?
48Ma ɔbɛ́talɩ tsia nkpa, lowu mɔ́ɔpʋ mʋ ɛkɛkɛɛkɛ?
Ma ɔbɛ́talɩ srɩ si lowu?” Ɩya.
49Anɩ Wie, bɩmbɩ ɔpá
fɔpʋ ɔnɔkwalɩ ka fʋ ɔdwɛá ɩma ɔka ɩwɩ ntam ha Dawid.
Nkʋnʋ ɩbʋ?
50Mátan ɔblɔla ánɩ́ bʋdɛ fʋ asumbi bwɛsʋ,
alɩá nahɔ ɔmá bambasʋfɔ asiabi dɩnka mɩ klʋnsʋ.
51Nana Bulu, fʋ alupʋ bʋdɛ owieá fɛda mʋ ofuli ɔblɔla bwɛ.
Ɔtɩnɛgyiɔtɩnɛá ɔyɔ a, bʋdɛ mʋ ɔblɔla bwɛ.
52Mlɩkanfʋ Nana Bulu brɛ fɛ́ɛ́!
Ɩbá mʋ́tɔ, ɩtra laba mʋ́tɔ.
Currently Selected:
Israelfɔ Ɩlʋ 89: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 89
89
Bulu Mʋa Dawid Nsɩnɛ Ntam
(2 Samuel 7:8-16)
Esrayin Etan atosuna ɩlʋ.
1Nana Bulu, nɔ́wa fʋ ɔdwɛá ɩma ɔka ɩwɩ ɩlʋ brɛ fɛ́ɛ́.
Nɛ́da fʋ ɔnɔkwalɩwa ɩwɩ ɔkan suna otuntufla fɛ́ɛ́.
2Nablɩ mbɛɛ, fʋ ɔdwɛá ɩma ɔka ibétsia brɛ fɛ́ɛ́.
Fʋ ɔnɔkwalɩ ibétsia brɛ fɛ́ɛ́, fɛ ɔsʋsʋ ɩnʋ.
3Fʋlɛblɩ fɛɛ, “Naka ntam ha mɩ osumbi Dawid amʋʋ nalɛ amʋ.
Ntam ánɩ́ naka ha mʋ gyi:
4‘Nɛ́ha fʋ abi-aná bégyi iwie brɛ fɛ́ɛ́.
Nɛha fʋ owie-obia ibétsia ha fʋ abi-aná ánɩ́ bɛlɩn fɛ́ɛ́.> ” Ɩya.
5“Oo Nana Bulu, fʋ abɔpʋ bʋkanfʋ fʋ ofula,
mʋ́a fʋ ɔnɔkwalɩ amʋ́ ɔpasuatɔ.
6Ma bʋ ɔsʋsʋ ɩnʋá bɔ́pʋ mʋ kapʋ fʋ?
Fʋ abɔpʋtɔ ɔmɔmʋ lɔfʋn fʋ?
7Fʋ abɔpʋ ɔpasua bʋtenya fʋ ifu.
Fʋdʋn ɔsʋsʋ atumipʋá bobomli fʋ fɛ́ɛ́.
8Oo Ɩsa Ɔnɔ Ɔlɩɩpʋ Bulu, Nana Bulu,
ma bʋ tumi fɛ fʋ?
Ɔnɔkwalɩ labomli fʋ.
9Fʋdɛ ɔpʋá ɩdɛdasʋ gyi.
Nɩ ɩdɛda alɩágyialɩá a, fʋtɛha mʋ́ ɩtɔlʋa.
10Fʋlɛda ntsutso-ɔbwɩ lalahɛ Rahab amʋ mɔ,
fɔpʋ tumi da fʋ alupʋ saɩn.
11Fʋbʋ ɔsʋsʋ, fʋbʋ asɩ.
Fʋlotsua ɔyɩ pʋ́ mʋ́tɔ atɔ fɛ́ɛ́ asɩ.
12Fʋlɔbwɛ gyɔpɩ mʋ́a bɩnasʋ fɛ́ɛ́.
Tabor pʋ́ Hermon abʋ bʋdɛ ɩlʋ wa kanfʋ fʋ ɩda.
13Fʋ ɩbɩ bʋ tumi, ɩbʋ ɔwʋnlɩn.
Fʋ gyɔpɩ ɩbɩ lɔfʋa.
14Yilebwɛ mʋ́a asʋngyi ɔnɔkwalɩsʋ
fɔpʋwa fʋ obia.
Ɔdwɛá ɩma ɔka mʋ́a ɔnɔkwalɩ tegya fʋ nkpa.”
15“Oo Nana Bulu, aha ánɩ́ bʋyin ope tswɩ,
bʋna fʋ ansɩtɔ wankɩ amʋtɔ bʋnya ansigyi.
16Ansɩ bégyi amʋ́ fʋ ɩdatɔ ɔyɩkɛhɛtɔ fɛ́ɛ́.
Fʋ yilebwɛ sʋ fatsu amʋ́ fʋa,
17tsufɛ fʋgyi amʋ́ ɔwʋnlɩn numnyam.
Fʋ awɩtɔlɛ tɛha anɩ tumi.
18Tsufɛ fʋ Nana Bulu bʋ anɩ kʋtʋ.
Fʋ Israel ɔha Wankɩhɛ bʋ anɩ owie.”
19Ɛkɛ ɔkʋ fɔtɔɩ tsʋn atowunhɛtɔ,
suna aha ánɩ́ bʋtamadalɩ fʋ ɔma fɛɛ,
“Nawa ɩsa ɔkɔpʋ ɔkʋ ɔwʋnlɩn.
Nalɛ mʋ tsu aha amʋtɔ, tsu mʋ fʋa.
20Nawun mɩ osumbi Dawid anfɩ.
Napʋ mɩ ofobi kpa mʋ, pʋda mʋ ofuli.
21Mɩ tumi bɛ́lɩɩ mʋ ɔma,
mɩ ɩbɩ ɛ bɔ́wa mʋ ɔwʋnlɩn.
22Mʋ olupʋ ɔkʋkʋ mɛ́ɛtalɩ gyi mʋsʋ ɩsatɔ.
Ɔha lalahɛ ɔkʋkʋ mɛ́ɛtalɩ ba mʋ asɩ.
23Nɔ́mɔ adʋn lɛ mʋ ansɩtɔ,
da mʋ alupʋ lɛ da.
24Mɩ ɔnɔkwalɩ pʋ́ mɩ ɔdwɛá ɩma ɔka bóbuo mʋ.
Mɩ ɩda sʋ obénya ɔwʋnlɩn.
25Nɛ́ha mʋ iwie ogyikpa bótsu ɔpʋ ɔnɔ
yɔwɔ ntsu bʋnkpa.
26Ɔbɛ́bla mɩ ɔbɛɛ, ‘Fʋgyi mɩ Sɩ,
mɩ Bulu pʋ́ mɩ nkpahɔ bʋta!>
27Nɔ́bwɛ mʋ mɩ bitɩ,
ɔbɔ́bwɛ ɔsʋlʋsʋ awie fɛ́ɛ́ nwun.
28Mɩ ɔdwɛá ɩma ɔka ibétsia mʋsʋ brɛ fɛ́ɛ́.
Mɩa mʋnyɔ nsɩnɛ ntam bɛ́lɩɩ kinkiinkin.
29Iwiegyi mɛ́ɛdalɩ mʋ woyitɔ ɛkɛkɛɛkɛ.
Alɩ amʋʋ ɔsʋsʋ bʋ ɩnʋ brɛ fɛ́ɛ́ amʋ a,
alɩ mʋ owie-obia ɛ ibétsia nɩ.”
30“Tamɛ nɩ mʋ abi bekina mɩ atosunahɛ,
bʋmɛnatɩ mɩ amandɩɛ ɔkpasʋ,
31bʋmobu mɩ amandɩɛ,
bʋmɛkɩta mɩ mblatɔ a,
32mʋmʋ nɛ́hɩɛ pɩtɩ amʋ́ oyibibi amʋ́ lakpan sʋ,
wɛn amʋ́ mplɩ amʋ́ lalahɛ sʋ.
33Tamɛ mmɛ́ɛdɩnkɩ mɩ ɔdwɛá ɩma ɔka lɛ mʋsʋ,
ntɛ kina ɔnɔkwalɩwa ha mʋ.
34Mmɔ́ɔtʋn mɩ ntam ánɩ́ nɛka ha mʋ,
ntɛ tsɛ mɩ asʋn blɩhɛ ha mʋ.
35Naka mɩ ɩda ntam ɔtsawʋlɛ pɛ,
ánɩ́ mmɔ́ɔwa afunu suna Dawid ɛkɛkɛɛkɛ.
36Iwiegyi bétsia mʋ woyitɔ brɛ fɛ́ɛ́.
Mʋ owie-obia bétsia mɩ ansɩtɔ brɛ fɛ́ɛ́, fɛ owi.
37Ibétsiá fɛ ɔtsra,
mʋ́gyi ɔdansɩyin ɔnɔkwalɩpʋá ɔbʋ nwʋlʋtasʋ nɩ.” Ɩya.
38“Oo Bulu, tamɛ fakina mʋ, gya mʋ.
Ɔblɔ ɩhɩɛ dɛ fʋ ɔha anfɩ fada ofuli anfɩsʋ.
39Fatʋn ntam amʋʋ fɛka ha fʋ osumbi amʋ,
falɛ ntʋkʋta mʋ yabitɔ.
40Fabwiebwie mʋ abunti fɛ́ɛ́ bun,
fayinta mʋ oŋainkpa fɛ́ɛ́.
41Ɩnʋ atsʋnpʋ bʋdɛ mʋ atɔ wi.
Ɔmá bambasʋfɔ bʋdɛ mʋ ɔblɔla bwɛ.
42Faha mʋ anyaba banya ɔwʋnlɩn mʋsʋ,
ansɩ dɛ mʋ alupʋ fɛ́ɛ́ gyi.
43Faha mʋ ɔdayi ɔnɔ lawu,
fʋmɛha mʋ ɔtalɩ lɩɩ ɩsa ɔnɔ.
44Faswɩɩ mʋ mʋ akɔnfra,
kpa mʋ owie-obia da.
45Faka mʋ nkpa itin,
pʋ́ pɛlɩ dɩda mʋ.” Ɩya.
46“Oo Nana Bulu, ɔmɛnkɛ? Féŋain ɩwɩ brɛ fɛ́ɛ́?
Ɔmɛnkɛ fʋ ɩklʋn bési ogya tsii?
47Kaɩn ánɩ́ mɩ nkpa igyi ɔbɩlɔ pɛ.
Mʋ́ sʋ kpalɩ fɔbwɛ nyankpʋsa?
48Ma ɔbɛ́talɩ tsia nkpa, lowu mɔ́ɔpʋ mʋ ɛkɛkɛɛkɛ?
Ma ɔbɛ́talɩ srɩ si lowu?” Ɩya.
49Anɩ Wie, bɩmbɩ ɔpá
fɔpʋ ɔnɔkwalɩ ka fʋ ɔdwɛá ɩma ɔka ɩwɩ ntam ha Dawid.
Nkʋnʋ ɩbʋ?
50Mátan ɔblɔla ánɩ́ bʋdɛ fʋ asumbi bwɛsʋ,
alɩá nahɔ ɔmá bambasʋfɔ asiabi dɩnka mɩ klʋnsʋ.
51Nana Bulu, fʋ alupʋ bʋdɛ owieá fɛda mʋ ofuli ɔblɔla bwɛ.
Ɔtɩnɛgyiɔtɩnɛá ɔyɔ a, bʋdɛ mʋ ɔblɔla bwɛ.
52Mlɩkanfʋ Nana Bulu brɛ fɛ́ɛ́!
Ɩbá mʋ́tɔ, ɩtra laba mʋ́tɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation