Israelfɔ Ɩlʋ 86
86
Damli Kɩ Mɩ, Afʋwa Awɩtɔlɛ Ha Mɩ
Dawid mpaɩ.
1Oo Nana Bulu yaa asʋ nu, afʋsɔ mɩ ɔnɔ,
tsufɛ ɩlahian mɩ, nawa nwɛ.
2Gyo mɩ ɩwɩ, tsufɛ ntamakpa fʋ ɔma.
Hɔ fʋ osumbiá mʋ ɩklʋn dɩn fʋsʋ,
tsufɛ fʋgyi mɩ Bulu.
3Oo mɩ Wie, wa awɩtɔlɛ ha mɩ.
Fʋ ndesu kpoli ɔyɩkɛhɛtɔ fɛ́ɛ́.
4Ha ansɩ igyi fʋ osumbi,
tsufɛ fʋsʋ napʋ mɩ klʋn dɩnka.
5Tsufɛ anɩ Wie, fʋhɩɛ fʋbʋ alɛ, fʋtesi ɩla kie.
Fʋbʋ ɔdwɛá ɩma ɔka ha aha ánɩ́ bʋtosu kpoli fʋ.
6Nana Bulu, yaa asʋ afʋnu mɩ isu,
afʋnu mɩ kokoli.
7Ntosu kpoli fʋ mɩ ɔkplankɛ,
tsufɛ fʋtɔsɔ mɩ ɔnɔ.
8Oo mɩ Wie, ɔkpɩ ɔkʋkʋ mɔ́fʋn fʋ!
Amʋ́tɔ ɔkʋkʋ mɛ́ɛtalɩ bwɛ fʋ bwɛhɛ.
9Mɩ Wie, ɔmá amʋʋ fɔbwɛ amʋ fɛ́ɛ́
bɛ́ba bɛda akpawunu fʋ ansɩtɔ,
wa fʋ ɩda numnyam,
10tsufɛ fomoni, fʋtɔbwɛ ofula.
Fʋ nkʋlɛ gyi Bulu.
11Nana Bulu, suna mɩ fʋ ɔkpa,
mɩ anatɩ fʋ ɔnɔkwalɩ amʋsʋ.
Ha mɩ ampʋ ɩklʋn dɩnka fʋ nkʋlɛsʋ,
annya fʋ ɩda ifu.
12Mɩ Wie Bulu, nɔ́pʋ mɩ klʋn fɛ́ɛ́ kanfʋ fʋ.
Nɔ́wa fʋ ɩda numnyam brɛ fɛ́ɛ́,
13tsufɛ ɔdwɛá fʋbʋ ha mɩ ɩma ɔka.
Falɛ mɩ ɔkla tsu lowutɔ.
14Oo Bulu, ɩwɩ atsupʋ bakʋsʋ mɩsʋ.
Awuntɔlɩnpʋ ɔdɔm bʋdekleá bɔ́mɔ mɩ.
Fʋmegyi tɔtɔ amʋ́ ansɩsʋ.
15Tamɛ fʋ mɩ Wie Bulu mʋ́ a, nwɛ owunpʋ pʋ́ awɩtɔlɛpʋ fʋgyi.
Fʋtamakɔsɩ nya ɔblɔ, fʋ ɔdwɛ ɩma ɔka, fʋbʋ ɔnɔkwalɩ.
16Damli kɩ mɩ, afʋwa awɩtɔlɛ ha mɩ.
Wa fʋ osumbi ɔwʋnlɩn.
Fʋ osumbi tsɩhɛ mʋ bi ngyi, hɔ mɩ nkpa.
17Bwɛ tɔkʋ isuna ánɩ́ ɩlawa alɛ ha mɩ;
mɩ alupʋ abʋwun, pɛlɩ ɩkɩta amʋ́.
Tsufɛ fʋ Nana Bulu lagyi mɩ bʋalɛ,
faha ɩklʋn ladɩ mɩ asɩ.
Currently Selected:
Israelfɔ Ɩlʋ 86: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 86
86
Damli Kɩ Mɩ, Afʋwa Awɩtɔlɛ Ha Mɩ
Dawid mpaɩ.
1Oo Nana Bulu yaa asʋ nu, afʋsɔ mɩ ɔnɔ,
tsufɛ ɩlahian mɩ, nawa nwɛ.
2Gyo mɩ ɩwɩ, tsufɛ ntamakpa fʋ ɔma.
Hɔ fʋ osumbiá mʋ ɩklʋn dɩn fʋsʋ,
tsufɛ fʋgyi mɩ Bulu.
3Oo mɩ Wie, wa awɩtɔlɛ ha mɩ.
Fʋ ndesu kpoli ɔyɩkɛhɛtɔ fɛ́ɛ́.
4Ha ansɩ igyi fʋ osumbi,
tsufɛ fʋsʋ napʋ mɩ klʋn dɩnka.
5Tsufɛ anɩ Wie, fʋhɩɛ fʋbʋ alɛ, fʋtesi ɩla kie.
Fʋbʋ ɔdwɛá ɩma ɔka ha aha ánɩ́ bʋtosu kpoli fʋ.
6Nana Bulu, yaa asʋ afʋnu mɩ isu,
afʋnu mɩ kokoli.
7Ntosu kpoli fʋ mɩ ɔkplankɛ,
tsufɛ fʋtɔsɔ mɩ ɔnɔ.
8Oo mɩ Wie, ɔkpɩ ɔkʋkʋ mɔ́fʋn fʋ!
Amʋ́tɔ ɔkʋkʋ mɛ́ɛtalɩ bwɛ fʋ bwɛhɛ.
9Mɩ Wie, ɔmá amʋʋ fɔbwɛ amʋ fɛ́ɛ́
bɛ́ba bɛda akpawunu fʋ ansɩtɔ,
wa fʋ ɩda numnyam,
10tsufɛ fomoni, fʋtɔbwɛ ofula.
Fʋ nkʋlɛ gyi Bulu.
11Nana Bulu, suna mɩ fʋ ɔkpa,
mɩ anatɩ fʋ ɔnɔkwalɩ amʋsʋ.
Ha mɩ ampʋ ɩklʋn dɩnka fʋ nkʋlɛsʋ,
annya fʋ ɩda ifu.
12Mɩ Wie Bulu, nɔ́pʋ mɩ klʋn fɛ́ɛ́ kanfʋ fʋ.
Nɔ́wa fʋ ɩda numnyam brɛ fɛ́ɛ́,
13tsufɛ ɔdwɛá fʋbʋ ha mɩ ɩma ɔka.
Falɛ mɩ ɔkla tsu lowutɔ.
14Oo Bulu, ɩwɩ atsupʋ bakʋsʋ mɩsʋ.
Awuntɔlɩnpʋ ɔdɔm bʋdekleá bɔ́mɔ mɩ.
Fʋmegyi tɔtɔ amʋ́ ansɩsʋ.
15Tamɛ fʋ mɩ Wie Bulu mʋ́ a, nwɛ owunpʋ pʋ́ awɩtɔlɛpʋ fʋgyi.
Fʋtamakɔsɩ nya ɔblɔ, fʋ ɔdwɛ ɩma ɔka, fʋbʋ ɔnɔkwalɩ.
16Damli kɩ mɩ, afʋwa awɩtɔlɛ ha mɩ.
Wa fʋ osumbi ɔwʋnlɩn.
Fʋ osumbi tsɩhɛ mʋ bi ngyi, hɔ mɩ nkpa.
17Bwɛ tɔkʋ isuna ánɩ́ ɩlawa alɛ ha mɩ;
mɩ alupʋ abʋwun, pɛlɩ ɩkɩta amʋ́.
Tsufɛ fʋ Nana Bulu lagyi mɩ bʋalɛ,
faha ɩklʋn ladɩ mɩ asɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation