Israelfɔ Ɩlʋ 74
74
Bulu, Fʋgyi Owie Bɩmbɩ Ɔpá, Fʋdɛ Nkpa Hɔ Ɔsʋlʋsʋ
Asaf atosuna ɩlʋ.
1Oo Bulu, ntogyi sʋ fakina anɩ plɩplɩplɩ?
Ntogyi sʋ fahɩɛ nya ɔblɔ fʋ ɩbantɔ akufasʋ alɩ?
2Kaɩn ɔpasua amʋʋ fɛka lɛ,
bʋgyi fʋ ogyikpa tsu bɩmbɩ ɔpá amʋsʋ!
Kaɩn fʋ otsiakpa Sion ɩbʋ amʋsʋ.
3Olupʋ layinta fʋ ɔtswɛkpa ɩnʋ atɔ fɛ́ɛ́.
Bɛkɩ mʋ́ abunti bwiebwiehɛá ɩma tɔtɔ bwɛtɔ.
4Ansɩ legyi fʋ alupʋ, bʋdɛ okitikiti.
Beyiyi ɩsʋgyi ɔfranka fʋ ofiakpa ɩnʋ.
5Ɩnʋ lɔbwɛ fɛ ɩpʋdayiá bapʋ ɛfɛ kun nyi mʋ́tɔ.
6Bɔpʋ ɛfɛ mʋ́a ɔpɛwa mamaɩn
ɩnʋ atosrehɛ fɛ́ɛ́.
7Bɔwa fʋ otsiakpa ɩnʋ ogya plɩplɩplɩ,
pʋ ifin da mʋ́.
8Amʋ́ wʋlɛwʋlɛ bɛblɩ wa amʋ́ ɩklʋntɔ bɛɛ, “Ahɩɛ ba amʋ́ asɩ.”
Ɩnɩ sʋ bɔwa Bulu ofiakpa fɛ́ɛ́ ogya ɔsʋlʋ amʋsʋ.
9Anɩmɛdɛ osuna kʋkʋ wun.
Bulu ɔnɔsʋ ɔtɔɩpʋ ɔkʋkʋ ɛ tra ɔma ɩnʋ.
Anɩmeyin ɛkɛá ɩbɔ́mɔ ɔnɔ.
10Oo Bulu, ɔmɛnkɛ kʋraa olupʋ osi fʋsʋ plei?
Alɩ ɔbɔ́kpɔɩ fʋ ɩda brɛ fɛ́ɛ́ nɩ?
11Ntogyi faya fʋ gyɔpɩ-ɩbɩ ɔma?
Lɛ fʋ ɩbɩ ayatɔ, afʋmɔ amʋ́.
12Mɩ Bulu, fʋgyi owie bɩmbɩ ɔpá,
fʋdɛ nkpa hɔ ɔsʋlʋsʋ.
13Fʋlɔpʋ fʋ ɔwʋnlɩn bɔɩ ɔpʋtɔ,
fobwiebwie ntsutso-awɔ nwun.
14Fobwiebwie ntsutso-ɔbwɩ Leviatan nwun,
pʋ́ mʋ́ bwɛ atogyihɛ bʋla dimbitɔ-mbwɩ.
15Fɛha abun pʋ́ abʋnkpa letii,
fɛha ntsu akpɔnkpɔntɩ lɛkpɩ.
16Fʋbʋ ɔpa mʋ́a onye,
fʋlɛlɛ owi mʋ́a ɔtsra.
17Fʋlɔwa ɔka ɔsʋlʋsʋ fɛ́ɛ́,
fɔbwɛ lɩlɩ mʋ́a nyankpʋtswiebɩ.
18Oo Nana Bulu, kaɩn ánɩ́ olupʋ amʋ dɛ fʋsʋ plei.
Ɔmá mimlahɛ dɛ fʋ ɩda kpɔɩ.
19Anɩgyi fʋ alɔpɔ, mási anɩ wa mbwɩkɩtatɔ ɩbɩtɔ.
Mátan fʋ ahianfɔ nkpasʋ brɛ fɛ́ɛ́tɔ.
20Kaɩn fʋ ntamsʋ,
tsufɛ owuntɔlɩn labʋla ɔsʋlʋ amʋ okoklobigyiokoklobitɔ.
21Máha pɛlɩ ɩkɩta aha ánɩ́ bʋdɛ amʋ́ sisi.
Ha ahianfɔ pʋ́ ipian awunpʋ anfɩ abʋkanfʋ fʋ ɩda.
22Oo Bulu, kʋsʋ kɔ fʋ ɩkɔ!
Kaɩn alɩá aha mimlahɛ anfɩ bʋdɛ fʋsʋ plei ekekegyiɛkɛ.
23Mátan kʋsʋ anfɩ fʋ alupʋ bakʋsʋ lɩɩ fʋsʋ anfɩsʋ.
Mátan olu mʋ́a okitikitiá fʋ alupʋ bʋdɛsʋ.
Currently Selected:
Israelfɔ Ɩlʋ 74: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 74
74
Bulu, Fʋgyi Owie Bɩmbɩ Ɔpá, Fʋdɛ Nkpa Hɔ Ɔsʋlʋsʋ
Asaf atosuna ɩlʋ.
1Oo Bulu, ntogyi sʋ fakina anɩ plɩplɩplɩ?
Ntogyi sʋ fahɩɛ nya ɔblɔ fʋ ɩbantɔ akufasʋ alɩ?
2Kaɩn ɔpasua amʋʋ fɛka lɛ,
bʋgyi fʋ ogyikpa tsu bɩmbɩ ɔpá amʋsʋ!
Kaɩn fʋ otsiakpa Sion ɩbʋ amʋsʋ.
3Olupʋ layinta fʋ ɔtswɛkpa ɩnʋ atɔ fɛ́ɛ́.
Bɛkɩ mʋ́ abunti bwiebwiehɛá ɩma tɔtɔ bwɛtɔ.
4Ansɩ legyi fʋ alupʋ, bʋdɛ okitikiti.
Beyiyi ɩsʋgyi ɔfranka fʋ ofiakpa ɩnʋ.
5Ɩnʋ lɔbwɛ fɛ ɩpʋdayiá bapʋ ɛfɛ kun nyi mʋ́tɔ.
6Bɔpʋ ɛfɛ mʋ́a ɔpɛwa mamaɩn
ɩnʋ atosrehɛ fɛ́ɛ́.
7Bɔwa fʋ otsiakpa ɩnʋ ogya plɩplɩplɩ,
pʋ ifin da mʋ́.
8Amʋ́ wʋlɛwʋlɛ bɛblɩ wa amʋ́ ɩklʋntɔ bɛɛ, “Ahɩɛ ba amʋ́ asɩ.”
Ɩnɩ sʋ bɔwa Bulu ofiakpa fɛ́ɛ́ ogya ɔsʋlʋ amʋsʋ.
9Anɩmɛdɛ osuna kʋkʋ wun.
Bulu ɔnɔsʋ ɔtɔɩpʋ ɔkʋkʋ ɛ tra ɔma ɩnʋ.
Anɩmeyin ɛkɛá ɩbɔ́mɔ ɔnɔ.
10Oo Bulu, ɔmɛnkɛ kʋraa olupʋ osi fʋsʋ plei?
Alɩ ɔbɔ́kpɔɩ fʋ ɩda brɛ fɛ́ɛ́ nɩ?
11Ntogyi faya fʋ gyɔpɩ-ɩbɩ ɔma?
Lɛ fʋ ɩbɩ ayatɔ, afʋmɔ amʋ́.
12Mɩ Bulu, fʋgyi owie bɩmbɩ ɔpá,
fʋdɛ nkpa hɔ ɔsʋlʋsʋ.
13Fʋlɔpʋ fʋ ɔwʋnlɩn bɔɩ ɔpʋtɔ,
fobwiebwie ntsutso-awɔ nwun.
14Fobwiebwie ntsutso-ɔbwɩ Leviatan nwun,
pʋ́ mʋ́ bwɛ atogyihɛ bʋla dimbitɔ-mbwɩ.
15Fɛha abun pʋ́ abʋnkpa letii,
fɛha ntsu akpɔnkpɔntɩ lɛkpɩ.
16Fʋbʋ ɔpa mʋ́a onye,
fʋlɛlɛ owi mʋ́a ɔtsra.
17Fʋlɔwa ɔka ɔsʋlʋsʋ fɛ́ɛ́,
fɔbwɛ lɩlɩ mʋ́a nyankpʋtswiebɩ.
18Oo Nana Bulu, kaɩn ánɩ́ olupʋ amʋ dɛ fʋsʋ plei.
Ɔmá mimlahɛ dɛ fʋ ɩda kpɔɩ.
19Anɩgyi fʋ alɔpɔ, mási anɩ wa mbwɩkɩtatɔ ɩbɩtɔ.
Mátan fʋ ahianfɔ nkpasʋ brɛ fɛ́ɛ́tɔ.
20Kaɩn fʋ ntamsʋ,
tsufɛ owuntɔlɩn labʋla ɔsʋlʋ amʋ okoklobigyiokoklobitɔ.
21Máha pɛlɩ ɩkɩta aha ánɩ́ bʋdɛ amʋ́ sisi.
Ha ahianfɔ pʋ́ ipian awunpʋ anfɩ abʋkanfʋ fʋ ɩda.
22Oo Bulu, kʋsʋ kɔ fʋ ɩkɔ!
Kaɩn alɩá aha mimlahɛ anfɩ bʋdɛ fʋsʋ plei ekekegyiɛkɛ.
23Mátan kʋsʋ anfɩ fʋ alupʋ bakʋsʋ lɩɩ fʋsʋ anfɩsʋ.
Mátan olu mʋ́a okitikitiá fʋ alupʋ bʋdɛsʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation