Israelfɔ Ɩlʋ 69
69
Bulu, Hɔ Mɩ, Ndɛmɛ Wie Ɔdɩba Kluklutɔ
Dawid ɩlʋ ha ɩlʋ osunapʋ. Dimbisʋ-saprada ɔmɛ bɔ́pʋwa mʋ́.
1Oo Bulu, hɔ mɩ.
Ntsu labʋla wie mɩ ɔmɛtɔ.
2Ndɛmɛ wie ɔfrɔdɔtɔ,
mmenya yabi oyikpa.
Nakpawie ntsu-ibuntɔ,
ntsu lamuna mɩ.
3Nasu kpoli alɩɩ, ɩlapian mɩ.
Mɩ ɔmɛ lapin.
Nakɩ mɩ Bulu ɔkpa alɩɩ,
mɩ ansibi lawu mɩ.
4Aha ánɩ́ bʋdɛ mɩ lu kʋkʋ kpalɩ
bʋtsɔ dʋn mɩ nwunsʋ-imi.
Alupʋá bʋdɛ ofunu wa dɩnka, abʋmɔ mɩ bʋhɩɛ bʋdʋn mɩ.
Bʋdɛ mɩ ka hɩɛ bɛɛ, mpʋ tɔá mmɔkʋtsu ba.
5Oo Bulu, fʋyin mɩ mimlatɔ.
Mɩ lakpan meŋain fʋ.
6Oo anɩ Wie, Ɩsa Ɔnɔ Ɔlɩɩpʋ, Nana Bulu,
mɩ sʋ máha pɛlɩ ɩkɩta fʋ ɔkpa akɩpʋ.
Oo Israel Bulu, mɩ sʋ máha fʋ adunkapʋ abʋsʋpa.
7Tsufɛ fʋ sʋ besia mɩ,
pɛlɩ lɛkɩta mɩ.
8Namli ɔfɔɔ mɩ apiotɔ.
Nabwɛ fɛ ɔha ánɩ́ bʋmeyin mɩ mɩ yin abitɔ.
9Fʋ otsiakpa ɩnʋ asʋn ɩhɩɛ bʋ mɩ ogya.
Fʋ asiabi fɛ́ɛ́ lɛbɛdɩnka mɩsʋ.
10Brɛá nɛklɩ ɔnɔ su kpoli fʋ Nana Bulu a,
besia mɩ.
11Brɛá nɔpʋ kpekpe bwɛ mɩ tati dɩdahɛ a,
nemli blɩbi dɩnka amʋ́ ɔnɔsʋ.
12Mɩ ɩwɩ asʋn sɔɔn betsia blɩ dɩnsʋ.
Nta abʋpʋ bɔwa mɩ ɩlʋtɔ.
13Tamɛ mɩ mʋ́ fʋ Nana Bulu netsia su kpoli.
Oo Bulu, brɛá iletsia fʋ a,
pʋ fʋ ɔdwɛá ɩma ɔka pʋ́ fʋ nkpahɔá igyi ɔnɔkwalɩ sɔ mɩ ɔnɔ.
14Lɛ mɩ lɛ ɔfrɔdɔ anfɩtɔ, mási mɩ ammɛ.
Lɛ mɩ lɛ mɩ alupʋ anfɩ ɩbɩ.
Bɩtɩa mɩ lɛ ntsu-ibun anfɩtɔ.
15Máha ntsu anfɩ ɩbʋla kɩta mɩ,
ankpada wie ntsu-ibuntɔ,
ntɛ lowu ɩpʋ mɩ.
16Nana Bulu, sɔ mɩ ɔnɔ,
tsufɛ fʋ ɔdwɛá ɩma ɔka bʋ alɛ.
Fʋ nwewun kpɔnkpɔntɩ amʋ sʋ
damli kɩ mɩ.
17Mápʋ ansɩtɔ ŋain fʋ osumbi.
Ɩladʋn mɩ, wa ɔsa sɔ mɩ ɔnɔ.
18Kpʋkpɛ ba bɛka lɛ mɩ.
Ka mɩ lɛ mɩ alupʋ ɩbɩtɔ.
19Fʋyin mɩ asiabi, fʋyin mɩ pɛlɩ
pʋ́ mɩ nsʋpa.
Fawun mɩ adʋn fɛ́ɛ́.
20Amʋ́ asiabi labwiebwie mɩ,
ɩlatu mɩ awútɔ.
Nkɩ mbɛɛ, ɔkʋ obówun mɩ nwɛ,
ntɛ kɩta ɩklʋn wa mɩ ɩwɩtɔ,
tamɛ mmenya ɔhaa.
21Brɛa akʋn dɛ mɩ a, bɔwa atɔ#Mat. 27:34, 48 atɔtɔ ha mɩ bɛɛ, ngyi.
Brɛá ɔmɛwʋlɩ dɛ mɩ a, bɔpʋ nta-ɔdaɩ ha mɩ bɛɛ nnun.
22Amʋ́ ɔpʋnʋ tswɩhɛ ɩbwɛ yibi, ɩkɩta amʋ́.
Amʋ́ ɔdwɛ ogyikpa ɩbwɛ agbla, ɩkpa kɩta amʋ́.
23Ansɩtɔ iklun amʋ́, mɛnɩ bʋmɛ́ɛtra wun atɔ;
amʋ́ osietɔ ɩkpa brɛ fɛ́ɛ́.
24Fʋ ɔblɔ ɩba amʋ́sʋ.
Nya ɔblɔ kpitii amʋ́sʋ.
25Amʋ́ woyi ɩdɩ kpan,
amʋ́ abuntisʋ ɩkwɛ ɩfa,
26tsufɛ bʋdɛ ɔha amʋʋ fɛda lɛ da amʋ sia.
Bɛla bʋdɛ ɔha amʋʋ fepilan amʋ ɔyɩya kaɩn.
27Lɛ amʋ́ ɩla, afʋlalɛ amʋ́ ɩla.
Bʋmánya ɔlɩɩkpa fʋ asʋn ogyikɛ.
28Tsitsi amʋ́ ada lɛ nkpa ɔwʋlʋtɔ.
Amʋ́ ada mátsia yile abwɛpʋ ɔwʋlʋ anfɩtɔ.
29Mɩ mʋ́ a, nawa nwɛ, ɩwɩ dɛ mɩ ɔsɩn.
Oo Bulu, ha fʋ nkpahɔ ɩbwɛ mɩ okpikplikpa.
30Nɔ́wa ɩlʋ kanfʋ Bulu ɩda.
Nɔpʋ ɩpan tsu mʋ fʋa.
31Ɩnɩ bégyi Nana Bulu ansɩ,
dʋn ɔnantswie yinhɛá ɔbʋ nsiebi mʋ́a awatɛ.
32Aha ánɩ́ bʋma tɔtɔ bʋwun mʋ́, nya ansigyi.
Bulu adunkapʋ, ɩklʋn ɩdɩ mlɩ asɩ,
33tsufɛ Nana Bulu tɛyaa asʋ nu aha ánɩ́ bʋma tɔtɔ isu.
Ɔtamakɩ mʋ aha ánɩ́ bʋda obu, ki nwun.
34Ɔsʋ mʋ́a asɩ, mlɩkanfʋ mʋ.
Ɔpʋ mʋ́a mʋ́tɔ ntobiá bʋkɩ nkpa fɛ́ɛ́ bʋkanfʋ mʋ,
35tsufɛ Bulu ɔbɔ́hɔ Sion nkpa.
Ɔbɛ́lada Yuda awulu.
Mʋ aha bétsia ɩnʋ, gyi ɔsʋlʋ amʋ.
36Mʋ asumpʋ abi-aná obégyi ɔsʋlʋ amʋ,
mʋ adwɛpʋ ɛ bétsia ɩnʋ.
Currently Selected:
Israelfɔ Ɩlʋ 69: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 69
69
Bulu, Hɔ Mɩ, Ndɛmɛ Wie Ɔdɩba Kluklutɔ
Dawid ɩlʋ ha ɩlʋ osunapʋ. Dimbisʋ-saprada ɔmɛ bɔ́pʋwa mʋ́.
1Oo Bulu, hɔ mɩ.
Ntsu labʋla wie mɩ ɔmɛtɔ.
2Ndɛmɛ wie ɔfrɔdɔtɔ,
mmenya yabi oyikpa.
Nakpawie ntsu-ibuntɔ,
ntsu lamuna mɩ.
3Nasu kpoli alɩɩ, ɩlapian mɩ.
Mɩ ɔmɛ lapin.
Nakɩ mɩ Bulu ɔkpa alɩɩ,
mɩ ansibi lawu mɩ.
4Aha ánɩ́ bʋdɛ mɩ lu kʋkʋ kpalɩ
bʋtsɔ dʋn mɩ nwunsʋ-imi.
Alupʋá bʋdɛ ofunu wa dɩnka, abʋmɔ mɩ bʋhɩɛ bʋdʋn mɩ.
Bʋdɛ mɩ ka hɩɛ bɛɛ, mpʋ tɔá mmɔkʋtsu ba.
5Oo Bulu, fʋyin mɩ mimlatɔ.
Mɩ lakpan meŋain fʋ.
6Oo anɩ Wie, Ɩsa Ɔnɔ Ɔlɩɩpʋ, Nana Bulu,
mɩ sʋ máha pɛlɩ ɩkɩta fʋ ɔkpa akɩpʋ.
Oo Israel Bulu, mɩ sʋ máha fʋ adunkapʋ abʋsʋpa.
7Tsufɛ fʋ sʋ besia mɩ,
pɛlɩ lɛkɩta mɩ.
8Namli ɔfɔɔ mɩ apiotɔ.
Nabwɛ fɛ ɔha ánɩ́ bʋmeyin mɩ mɩ yin abitɔ.
9Fʋ otsiakpa ɩnʋ asʋn ɩhɩɛ bʋ mɩ ogya.
Fʋ asiabi fɛ́ɛ́ lɛbɛdɩnka mɩsʋ.
10Brɛá nɛklɩ ɔnɔ su kpoli fʋ Nana Bulu a,
besia mɩ.
11Brɛá nɔpʋ kpekpe bwɛ mɩ tati dɩdahɛ a,
nemli blɩbi dɩnka amʋ́ ɔnɔsʋ.
12Mɩ ɩwɩ asʋn sɔɔn betsia blɩ dɩnsʋ.
Nta abʋpʋ bɔwa mɩ ɩlʋtɔ.
13Tamɛ mɩ mʋ́ fʋ Nana Bulu netsia su kpoli.
Oo Bulu, brɛá iletsia fʋ a,
pʋ fʋ ɔdwɛá ɩma ɔka pʋ́ fʋ nkpahɔá igyi ɔnɔkwalɩ sɔ mɩ ɔnɔ.
14Lɛ mɩ lɛ ɔfrɔdɔ anfɩtɔ, mási mɩ ammɛ.
Lɛ mɩ lɛ mɩ alupʋ anfɩ ɩbɩ.
Bɩtɩa mɩ lɛ ntsu-ibun anfɩtɔ.
15Máha ntsu anfɩ ɩbʋla kɩta mɩ,
ankpada wie ntsu-ibuntɔ,
ntɛ lowu ɩpʋ mɩ.
16Nana Bulu, sɔ mɩ ɔnɔ,
tsufɛ fʋ ɔdwɛá ɩma ɔka bʋ alɛ.
Fʋ nwewun kpɔnkpɔntɩ amʋ sʋ
damli kɩ mɩ.
17Mápʋ ansɩtɔ ŋain fʋ osumbi.
Ɩladʋn mɩ, wa ɔsa sɔ mɩ ɔnɔ.
18Kpʋkpɛ ba bɛka lɛ mɩ.
Ka mɩ lɛ mɩ alupʋ ɩbɩtɔ.
19Fʋyin mɩ asiabi, fʋyin mɩ pɛlɩ
pʋ́ mɩ nsʋpa.
Fawun mɩ adʋn fɛ́ɛ́.
20Amʋ́ asiabi labwiebwie mɩ,
ɩlatu mɩ awútɔ.
Nkɩ mbɛɛ, ɔkʋ obówun mɩ nwɛ,
ntɛ kɩta ɩklʋn wa mɩ ɩwɩtɔ,
tamɛ mmenya ɔhaa.
21Brɛa akʋn dɛ mɩ a, bɔwa atɔ#Mat. 27:34, 48 atɔtɔ ha mɩ bɛɛ, ngyi.
Brɛá ɔmɛwʋlɩ dɛ mɩ a, bɔpʋ nta-ɔdaɩ ha mɩ bɛɛ nnun.
22Amʋ́ ɔpʋnʋ tswɩhɛ ɩbwɛ yibi, ɩkɩta amʋ́.
Amʋ́ ɔdwɛ ogyikpa ɩbwɛ agbla, ɩkpa kɩta amʋ́.
23Ansɩtɔ iklun amʋ́, mɛnɩ bʋmɛ́ɛtra wun atɔ;
amʋ́ osietɔ ɩkpa brɛ fɛ́ɛ́.
24Fʋ ɔblɔ ɩba amʋ́sʋ.
Nya ɔblɔ kpitii amʋ́sʋ.
25Amʋ́ woyi ɩdɩ kpan,
amʋ́ abuntisʋ ɩkwɛ ɩfa,
26tsufɛ bʋdɛ ɔha amʋʋ fɛda lɛ da amʋ sia.
Bɛla bʋdɛ ɔha amʋʋ fepilan amʋ ɔyɩya kaɩn.
27Lɛ amʋ́ ɩla, afʋlalɛ amʋ́ ɩla.
Bʋmánya ɔlɩɩkpa fʋ asʋn ogyikɛ.
28Tsitsi amʋ́ ada lɛ nkpa ɔwʋlʋtɔ.
Amʋ́ ada mátsia yile abwɛpʋ ɔwʋlʋ anfɩtɔ.
29Mɩ mʋ́ a, nawa nwɛ, ɩwɩ dɛ mɩ ɔsɩn.
Oo Bulu, ha fʋ nkpahɔ ɩbwɛ mɩ okpikplikpa.
30Nɔ́wa ɩlʋ kanfʋ Bulu ɩda.
Nɔpʋ ɩpan tsu mʋ fʋa.
31Ɩnɩ bégyi Nana Bulu ansɩ,
dʋn ɔnantswie yinhɛá ɔbʋ nsiebi mʋ́a awatɛ.
32Aha ánɩ́ bʋma tɔtɔ bʋwun mʋ́, nya ansigyi.
Bulu adunkapʋ, ɩklʋn ɩdɩ mlɩ asɩ,
33tsufɛ Nana Bulu tɛyaa asʋ nu aha ánɩ́ bʋma tɔtɔ isu.
Ɔtamakɩ mʋ aha ánɩ́ bʋda obu, ki nwun.
34Ɔsʋ mʋ́a asɩ, mlɩkanfʋ mʋ.
Ɔpʋ mʋ́a mʋ́tɔ ntobiá bʋkɩ nkpa fɛ́ɛ́ bʋkanfʋ mʋ,
35tsufɛ Bulu ɔbɔ́hɔ Sion nkpa.
Ɔbɛ́lada Yuda awulu.
Mʋ aha bétsia ɩnʋ, gyi ɔsʋlʋ amʋ.
36Mʋ asumpʋ abi-aná obégyi ɔsʋlʋ amʋ,
mʋ adwɛpʋ ɛ bétsia ɩnʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation