Israelfɔ Ɩlʋ 141
141
Bulu, Ndɛ Fʋ Kpoli
Dawid kanfʋ-ɩlʋ.
1Oo Nana Bulu, fʋ ndekpoli, kɔsɩ ba mɩ wa.
Yaa asʋ nu mɩ ɔmɛ, afʋsɔ mɩ ɔnɔ.
2Mɩ mpaɩ ɩwa fʋ ɔfan fɛ ɔhɩɛn,#Atɔlɛ. 5:8
afʋhɔ mɩ ɩbɩá natsu fʋa fɛ ntʋpwɛsʋ afɔdɩɛ.
3Oo Nana Bulu, kɩ mɩ tɔɩtɔ,
mɛnɩ mmɛ́ɛblɩ asʋn lalahɛ,
afʋgyo mɩ ɔnɔ.
4Máha lalahɛbwɛ ɩdɩnka mɩ ɔwɔlɩ,
antsia bwɛ lalahɛ.
Máha mɩ antsia lalahɛ abwɛpʋ ɔpasuatɔ,
amʋ́ atɔ debidebi ɩdɩnka mɩ ɔwɔlɩ.
5Ha ɔha yile ɔpɩtɩ mɩ atɔ,
awɩtɔlɛ alawa ha mɩ.
Ha ɔha yile otswii mɩ, dwɛ ɔtɔdwɛ mɩ.
Máha mɩ ankina mʋ́,
tsufɛ mɩ mpaɩ tɔkʋsʋ lɩɩ lalahɛ abwɛpʋsʋ.
6Nɩ bɛkpa amʋ́sʋ agyipʋ tsu abʋtasʋ bɛda a,
lalahɛ abwɛpʋ amʋ bónu mɩ asʋn, wun ánɩ́ ɔnɔkwalɩ igyi.
7Alɩ amʋʋ bʋtobwie abwi, ɩtɛdasaɩn wʋlɩ ɔsʋlʋsʋ amʋ a,
alɩ amʋ́ awú bɛ́dasaɩn, bʋmóopula amʋ́ nɩ.
8Tamɛ mɩ Wie Nana Bulu, mɩ ansɩ dɩn fʋsʋá fɛ́kpa mɩ.
Fʋ natanʋ, máha abʋmɔ mɩ.
9Máha mɩ ankpa wie ayibiá bafɩnɩ mɩ,
pʋ́ lalahɛ abwɛpʋ amʋ agblatɔ.
10Ha amʋ́ onuto awʋlɛ ɩlɛ amʋ́tɔ,
afʋha mɩ annyankɩ mʋ́sʋ tsʋn.
Currently Selected:
Israelfɔ Ɩlʋ 141: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 141
141
Bulu, Ndɛ Fʋ Kpoli
Dawid kanfʋ-ɩlʋ.
1Oo Nana Bulu, fʋ ndekpoli, kɔsɩ ba mɩ wa.
Yaa asʋ nu mɩ ɔmɛ, afʋsɔ mɩ ɔnɔ.
2Mɩ mpaɩ ɩwa fʋ ɔfan fɛ ɔhɩɛn,#Atɔlɛ. 5:8
afʋhɔ mɩ ɩbɩá natsu fʋa fɛ ntʋpwɛsʋ afɔdɩɛ.
3Oo Nana Bulu, kɩ mɩ tɔɩtɔ,
mɛnɩ mmɛ́ɛblɩ asʋn lalahɛ,
afʋgyo mɩ ɔnɔ.
4Máha lalahɛbwɛ ɩdɩnka mɩ ɔwɔlɩ,
antsia bwɛ lalahɛ.
Máha mɩ antsia lalahɛ abwɛpʋ ɔpasuatɔ,
amʋ́ atɔ debidebi ɩdɩnka mɩ ɔwɔlɩ.
5Ha ɔha yile ɔpɩtɩ mɩ atɔ,
awɩtɔlɛ alawa ha mɩ.
Ha ɔha yile otswii mɩ, dwɛ ɔtɔdwɛ mɩ.
Máha mɩ ankina mʋ́,
tsufɛ mɩ mpaɩ tɔkʋsʋ lɩɩ lalahɛ abwɛpʋsʋ.
6Nɩ bɛkpa amʋ́sʋ agyipʋ tsu abʋtasʋ bɛda a,
lalahɛ abwɛpʋ amʋ bónu mɩ asʋn, wun ánɩ́ ɔnɔkwalɩ igyi.
7Alɩ amʋʋ bʋtobwie abwi, ɩtɛdasaɩn wʋlɩ ɔsʋlʋsʋ amʋ a,
alɩ amʋ́ awú bɛ́dasaɩn, bʋmóopula amʋ́ nɩ.
8Tamɛ mɩ Wie Nana Bulu, mɩ ansɩ dɩn fʋsʋá fɛ́kpa mɩ.
Fʋ natanʋ, máha abʋmɔ mɩ.
9Máha mɩ ankpa wie ayibiá bafɩnɩ mɩ,
pʋ́ lalahɛ abwɛpʋ amʋ agblatɔ.
10Ha amʋ́ onuto awʋlɛ ɩlɛ amʋ́tɔ,
afʋha mɩ annyankɩ mʋ́sʋ tsʋn.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation