Israelfɔ Ɩlʋ 140
140
Maha Mɩ Alupʋ Abʋgyi Mɩsʋ
Dawid kanfʋ-ɩlʋ ha ɩlʋ osunapʋ.
1Nana Bulu, lɛ mɩ tsu lalahɛ abwɛpʋ ɩbɩ,
afʋgyi ɩban wa mɩ tsu awuntɔlɩnpʋ ɩbɩtɔ.
2Bʋtɔgywɩɩn agywɩɩn lalahɛ,
lɛ ɩsa bregyibrɛ.
3Amʋ́ ɔdandʋ bʋ ogya fɛ ɩwɔ.
Amʋ́ ɔnɔtɔ asʋn blɩhɛ tɔmɔ fɛ ɩbɛ-elin. Ɩya.
4Oo Nana Bulu, lɛ mɩ tsu aha lalahɛ ɩbɩ,
afʋgyi ɩban wa mɩ tsu awuntɔlɩnpʋ anfɩ
bʋdekleá bɛ́lɛ mɩ da anfɩ ɩbɩtɔ.
5Ɩwɩ atsupʋ bafɩnɩ mɩ ayibi ŋain,
bawa ɔyɔɩ ha mɩ.
bafɩnɩ agbla mɩ ɔkpasʋ ha mɩ. Ɩya.
6Nana Bulu, ndɛ fʋ bla mbɛɛ, “Fʋgyi mɩ Bulu.
Oo Nana Bulu, nu mɩ ɔmɛ. Yaa asʋ afʋnu mɩ kokoli.”
7Oo Nana Bulu, mɩ Wie, mɩ Ɔwʋnlɩnpʋá ɔtɔhɔ mɩ nkpa,
fʋlɔpʋ atɔ bun mɩ nwunsʋ ɩsa ɔkɔkɛ.
8Mábwɛ tɔá aha lalahɛ bʋdekle ha amʋ́.
Máha agywɩɩn ánɩ́ bʋdɛkɩta ɩba mʋ́tɔ, mɛnɩ bʋmóotsu ɩwɩ. Ɩya.
9Maha mɩ alupʋ amʋ abʋgyi mɩsʋ.
Ha amʋ́ onuto ɔnɔtɔ asʋn lalahɛ amʋ iyinki yɔ amʋ́sʋ.
10Ha agyawunuá ɩdɛhɔ ibun amʋ́sʋ.
Tsɛɩ amʋ́ wa ɩlantɔ, ɔtɩnɛá bʋmɛ́ɛtalɩ dalɩ ɛkɛkɛɛkɛ!
11Máha ahasʋ atɔɩpʋ abʋnya atsialɛ ɔsʋlʋsʋ.
Ha lalahɛ itsia tʋ awuntɔlɩnpʋ amʋ ɔsasʋ.
12Nyin ánɩ́ Nana Bulu tegyi bʋa aha ánɩ́ bʋma tɔtɔ.
Otegyi asʋn ɔnɔkwalɩsʋ ha ahianfɔ.
13Ee, aha yile bɛ́kanfʋ fʋ ɩda.
Aha ánɩ́ amʋ́ asʋn da ɔkpa bétsia fʋ wa.
Currently Selected:
Israelfɔ Ɩlʋ 140: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
