Israelfɔ Ɩlʋ 120
120
Nokpoli Nana Bulu Brɛá Mbʋ Ɩkplantɔ
Yerusalem-yɔ ɩlʋ.
1Nokpoli Nana Bulu brɛá mbʋ ɩkplantɔ,
ɔlɔsɔ mɩ ɔnɔ.
2Oo Nana Bulu, lɛ mɩ lɛ ofunupʋ ɔnɔ
pʋ́ aha ɔmlɛpʋ ɩbɩ.
3Aha ɔmlɛpʋ, ntɔ fénya tsu Bulu wa?
Ntɔ ɛ ɔbɛ́tra ha fʋ?
4Obékpie ɩsa ɔkɔpʋ mbɩn pɩɔnpɩɔn yi mlɩ,
pʋ ɔdɔm agyawunuá ɩhɩɛ idetsii wa mlɩ ogya.
5Ngyɔwɩ ánɩ́ nabɔswɩɩ Mesek ɔmátɔ,
ntsie Kedarfɔtɔ!
6Nayinta brɛ tsɔtsɔɔtsɔ tsia
aha ánɩ́ bʋtamakle iwilwiitɔ.
7Mɩ mʋ́ a, iwilwii ntekle,
tamɛ nɔtɔɩ a, nalɛ ɩsa.
Currently Selected:
Israelfɔ Ɩlʋ 120: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
