Israelfɔ Ɩlʋ 111
111
Nɔ́pʋ Mɩ Klʋn Fɛ́ɛ́ Da Nana Bulu Ɩpan
1Mlɩkanfʋ Nana Bulu!
Nɔ́pʋ mɩ klʋn fɛ́ɛ́ da Nana Bulu ɩpan,
brɛá aha ánɩ́ amʋ́ asʋn da ɔkpa befia.
2Nana Bulu gyumagyihɛ lomoni.
Aha ánɩ́ amʋ́ ansɩ tegyi mʋ́ ɩwɩ fɛ́ɛ́,
bʋtɛkasɩ atɔ tsu mʋ́tɔ.
3Mʋ gyumagyihɛ lɛlɛ mʋ obú pʋ́ mʋ numnyam ɔwan.
Mʋ yilebwɛ bʋ ɩnʋ brɛ fɛ́ɛ́.
4Ɔtɛha bʋtɛkaɩn mʋ ofulasʋ.
Awɩtɔlɛpʋ pʋ́ nwɛ owunpʋ Nana Bulu gyi.
5Ɔtɛha aha ánɩ́ bʋtenya mʋ ifu atogyihɛ.
Ɔtamatan mʋ ntam amʋsʋ ɛkɛkɛɛkɛ.
6Ɔlɔpʋ ɔmá-ɔmá ɔsʋlʋ#Eks. 3:17 ha mʋ aha,
pʋsuna mʋ tumiá ɔbʋ mʋ gyumagyihɛsʋ.
7Mʋ atɔ bwɛhɛ fɛ́ɛ́ igyi ɔnɔkwalɩ, ɩda ɔkpa.
Aha bɛ́talɩ pʋ ansɩ dɩnka mʋ mbla fɛ́ɛ́sʋ.
8Ɔlɔbwɛ mʋ́ ɩlɩɩ kinkiinkin brɛ fɛ́ɛ́.
Bɔ́pʋ ɔnɔkwalɩ mʋ́a yilebwɛ gyi mʋ́sʋ.
9Ɔlɛka lɛ mʋ aha,
ka mʋ ntam tswɩ ha brɛ fɛ́ɛ́.
Ɔlɔwankɩ, mʋ ɩda bʋ ifu.
10Nyansa otsuakpa gyi Nana Bulu ifunya.
Aha ánɩ́ bʋtegyi mʋ́sʋ bʋtonu asʋn asɩ wanklaan.
Aha bʋkanfʋ mʋ brɛ fɛ́ɛ́.
Currently Selected:
Israelfɔ Ɩlʋ 111: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
