Israelfɔ Ɩlʋ 103
103
Mɩ Ɔkla, Kanfʋ Nana Bulu
Dawid ɩlʋ.
1Oo mɩ ɔkla, kanfʋ Nana Bulu.
Mɩ ɩklʋn fɛ́ɛ́
ɩkanfʋ mʋ ɩda wankɩhɛ.
2Oo mɩ ɔkla, kanfʋ Nana Bulu.
Mátan mʋ atɔ bwɛhɛ wanklaan ánɩ́ ɔdɛbwɛ ha mɩsʋ.
3Mʋtesi mɩ lakpan fɛ́ɛ́ kie mɩ,
ɔtɛtsa mɩ ɩlɔ fɛ́ɛ́.
4Mʋtɛlɛ mɩ tsu afulitɔ,
ɔtɔpʋ ɔdwɛá ɩma ɔka mʋ́a nwewun tɔ mɩ nwun.
5Mʋtɔpʋ atɔ wanklaan bʋla mɩ, mɩ nkpatɔ fɛ́ɛ́,
ntɛlabwɛ ɔyasubi fɛ oyitsu.
6Nana Bulu tegyi asʋn ɔnɔkwalɩsʋ,
ɔtɛha aha ánɩ́ bʋdɛ amʋ́ sisi asʋ.
7Ɔlɛha Mose lɛbɩ mʋ ɩkpa,
ɔlɛha Israelfɔ bowun mʋ atɔ bwɛhɛ.
8Nwɛ owunpʋ pʋ awɩtɔlɛpʋ Nana Bulu gyi.
Ɔtamakɔsɩ nya ɔblɔ,
mʋ ɔdwɛá ɩma ɔka ɩhɩɛ tsɔ.
9Ɔtamatsia lɛ aha ɩla,
ntɛ hɔ asʋn wa ɩwɩtɔ brɛ fɛ́ɛ́.
10Ɔtamabɩtɩ anɩ ɩsʋ anɩ lakpan ɔnɔ,
ntɛ pʋ anɩ lakpan ka anɩ ɩkɔ.
11Tsufɛ alɩ amʋʋ ɔsʋsʋ lɛhɩɛ fʋa tsu ɔsʋlʋsʋ amʋ a,
alɩ mʋ ɔdwɛá ɩma ɔka ɛ lɛhɩɛ moni ha mʋ ifu anyapʋ nɩ.
12Alɩ amʋʋ owi ɔdalɩkpa
ɩbʋ ɩfɔ tsu owi ɔkplɩwiekpa amʋ a,
alɩ ɔtɛha anɩ lalahɛ tɔwa ɩfɔ anɩ ɩwɩ nɩ.
13Alɩ amʋʋ ɔsɩ towun mʋ abi nwɛ amʋ a,
alɩ Nana Bulu towun mʋ ifu anyapʋ nwɛ nɩ.
14Tsufɛ oyin alɩá ɔlɔpwɛ anɩ.
Ɔtɛkaɩn ánɩ́ ɩsɩ anɩgyi.
15Nyankpʋsa mʋ́ a, mʋ nkɛ igyi fɛ ɩfa.
Ɔtɔwa akɩlɛ fɛ ɩfa ntswɩtswɩ.
16Afu ɩnya tsʋan mʋ́ pɛ a,
mʋ́ klɛtɔ lata.
Bʋtamatra kaɩn mʋ́sʋ.
17Tamɛ Nana Bulu ɔdwɛá ɩma ɔka bʋ ɩnʋ
ha mʋ ifu anyapʋ brɛ fɛ́ɛ́.
Mʋ yilebwɛ ɛ bʋ ɩnʋ ha amʋ́ abi-aná.
18Ɩbʋ ɩnʋ ha mʋ ntamsʋ agyipʋ
pʋ́ mʋ mblasʋ akaɩnpʋá bʋtegyi mʋ́sʋ.
19Nana Bulu layaɩ mʋ owie-obia ɔsʋsʋ.
Mʋdɛ togyitɔsʋ gyi.
20Bulu-abɔpʋ, mlɩkanfʋ mʋ,
mlɩ mʋ atumipʋá mlɩtonu mʋ ɔmɛ,
mlɩtegyi mʋ asʋnsʋ fɛ́ɛ́.
21Bulu-abɔpʋá mlɩtɔkɔ fɛ́ɛ́, mlɩkanfʋ mʋ,
mʋ asumbiá mlɩtɔbwɛ mʋ ɔdwɛla.
22Nana Bulu atɔ bwɛhɛ fɛ́ɛ́, ɩkanfʋ mʋ
ɔtɩnɛgyiɔtɩnɛá ɔdɛ iwie gyi.
Mɩ ɔkla, kanfʋ Nana Bulu!
Currently Selected:
Israelfɔ Ɩlʋ 103: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 103
103
Mɩ Ɔkla, Kanfʋ Nana Bulu
Dawid ɩlʋ.
1Oo mɩ ɔkla, kanfʋ Nana Bulu.
Mɩ ɩklʋn fɛ́ɛ́
ɩkanfʋ mʋ ɩda wankɩhɛ.
2Oo mɩ ɔkla, kanfʋ Nana Bulu.
Mátan mʋ atɔ bwɛhɛ wanklaan ánɩ́ ɔdɛbwɛ ha mɩsʋ.
3Mʋtesi mɩ lakpan fɛ́ɛ́ kie mɩ,
ɔtɛtsa mɩ ɩlɔ fɛ́ɛ́.
4Mʋtɛlɛ mɩ tsu afulitɔ,
ɔtɔpʋ ɔdwɛá ɩma ɔka mʋ́a nwewun tɔ mɩ nwun.
5Mʋtɔpʋ atɔ wanklaan bʋla mɩ, mɩ nkpatɔ fɛ́ɛ́,
ntɛlabwɛ ɔyasubi fɛ oyitsu.
6Nana Bulu tegyi asʋn ɔnɔkwalɩsʋ,
ɔtɛha aha ánɩ́ bʋdɛ amʋ́ sisi asʋ.
7Ɔlɛha Mose lɛbɩ mʋ ɩkpa,
ɔlɛha Israelfɔ bowun mʋ atɔ bwɛhɛ.
8Nwɛ owunpʋ pʋ awɩtɔlɛpʋ Nana Bulu gyi.
Ɔtamakɔsɩ nya ɔblɔ,
mʋ ɔdwɛá ɩma ɔka ɩhɩɛ tsɔ.
9Ɔtamatsia lɛ aha ɩla,
ntɛ hɔ asʋn wa ɩwɩtɔ brɛ fɛ́ɛ́.
10Ɔtamabɩtɩ anɩ ɩsʋ anɩ lakpan ɔnɔ,
ntɛ pʋ anɩ lakpan ka anɩ ɩkɔ.
11Tsufɛ alɩ amʋʋ ɔsʋsʋ lɛhɩɛ fʋa tsu ɔsʋlʋsʋ amʋ a,
alɩ mʋ ɔdwɛá ɩma ɔka ɛ lɛhɩɛ moni ha mʋ ifu anyapʋ nɩ.
12Alɩ amʋʋ owi ɔdalɩkpa
ɩbʋ ɩfɔ tsu owi ɔkplɩwiekpa amʋ a,
alɩ ɔtɛha anɩ lalahɛ tɔwa ɩfɔ anɩ ɩwɩ nɩ.
13Alɩ amʋʋ ɔsɩ towun mʋ abi nwɛ amʋ a,
alɩ Nana Bulu towun mʋ ifu anyapʋ nwɛ nɩ.
14Tsufɛ oyin alɩá ɔlɔpwɛ anɩ.
Ɔtɛkaɩn ánɩ́ ɩsɩ anɩgyi.
15Nyankpʋsa mʋ́ a, mʋ nkɛ igyi fɛ ɩfa.
Ɔtɔwa akɩlɛ fɛ ɩfa ntswɩtswɩ.
16Afu ɩnya tsʋan mʋ́ pɛ a,
mʋ́ klɛtɔ lata.
Bʋtamatra kaɩn mʋ́sʋ.
17Tamɛ Nana Bulu ɔdwɛá ɩma ɔka bʋ ɩnʋ
ha mʋ ifu anyapʋ brɛ fɛ́ɛ́.
Mʋ yilebwɛ ɛ bʋ ɩnʋ ha amʋ́ abi-aná.
18Ɩbʋ ɩnʋ ha mʋ ntamsʋ agyipʋ
pʋ́ mʋ mblasʋ akaɩnpʋá bʋtegyi mʋ́sʋ.
19Nana Bulu layaɩ mʋ owie-obia ɔsʋsʋ.
Mʋdɛ togyitɔsʋ gyi.
20Bulu-abɔpʋ, mlɩkanfʋ mʋ,
mlɩ mʋ atumipʋá mlɩtonu mʋ ɔmɛ,
mlɩtegyi mʋ asʋnsʋ fɛ́ɛ́.
21Bulu-abɔpʋá mlɩtɔkɔ fɛ́ɛ́, mlɩkanfʋ mʋ,
mʋ asumbiá mlɩtɔbwɛ mʋ ɔdwɛla.
22Nana Bulu atɔ bwɛhɛ fɛ́ɛ́, ɩkanfʋ mʋ
ɔtɩnɛgyiɔtɩnɛá ɔdɛ iwie gyi.
Mɩ ɔkla, kanfʋ Nana Bulu!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation