Israelfɔ Ɩlʋ 101
101
Nana Bulu, Fʋ Nɔ́wa Ɩlʋ Kanfʋ
Dawid kanfʋ-ɩlʋ.
1Nɔ́wa fʋ ɔdwɛá ɩma ɔka pʋ́ fʋ asʋnbua ɔnɔkwalɩsʋ ɩwɩ ɩlʋ.
Nana Bulu, fʋ nɔ́wa ɩlʋ kanfʋ.
2Nɛ́kɩá nétsia nkpa ánɩ́ ɔlala ɩma mʋ́ ɩwɩ.
Oo, ɔmɛnkɛ fɛ́ba mɩ wa?
Nɔ́pʋ tsiatɔ wanklaan
tsia mɩ woyitɔ.
3Mmɛ́ɛha tɔá ɩma labi
itsia mɩ ansɩsʋ.
Ntekisi aha ánɩ́ bʋmɔhɔ Bulu gyi bwɛhɛ.
Mmɛ́ɛha mʋ́ isin mɩsʋ.
4Mméetsia manta aha ánɩ́ amʋ́ ɔkpa motswii,
mmóotsula bwɛ lalahɛ.
5Néyinta ɔhagyiɔha ánɩ́ otetsii mʋ aba.
Mɩa ɩwɩ otsupʋ anɩméetsia.
6Nɛ́lɛ ansɩ kɩ anɔkwalɩpʋá bʋbʋ ɔsʋlʋ anfɩsʋ,
mɛnɩ bétsia mɩ wa.
Aha ánɩ́ ɔlala ma amʋ́ natɩtɔ obósum mɩ.
7Aha ɔmlɛpʋ ɔkʋkʋ méetsia mɩ woyitɔ.
Ofunupʋ ɔkʋkʋ méenya ɔlɩɩkpa mɩ ansɩtɔ.
8Nɛ́lɛ aha lalahɛ lɛ ɔsʋlʋ anfɩsʋ ekekegyiɛkɛ nyankɩ,
lɛ lalahɛ abwɛpʋ fɛ́ɛ́ lɛ Nana Bulu wulu anfɩtɔ.
Currently Selected:
Israelfɔ Ɩlʋ 101: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
