Mateo 21
21
Bɔhɔ Yesu Fɛ Owie Yerusalem
(Marko 11:1-11; Luka 19:28-40; Yohane 12:12-19)
1-2Brɛá Yesu mʋa mʋ akasɩpʋ bɛbɛn Yerusalem wulu, bɛta Betfage wuluá ɩbʋ Olif ɩbʋsʋ#21:1 Olif ɩbʋ igyi obubwi kʋá ɩbʋ manta Yerusalem, bʋtɛtɩ mʋ́ Olifbʋ. amʋ asɩ wie ta a, ɔlɔwa mʋ akasɩpʋ abanyɔ gyankpa. Ɔlɛbla amʋ́ ɔbɛɛ, “Mlɩyɔ wulu anfɩ ɩda mlɩ ansɩtɔ anfɩsʋ. Nɩ mlowie wulu amʋ ɔnɔ a, mlówun afrimu tsɩhɛ ɔkʋá ɔda ɔfɛtɔ, mʋ bi lɩɩ mʋ wa. Mlɩsankɩ mʋ, amlɩkpa amʋ́ ba mɩ. 3Nɩ ɔkʋ ɔfɩtɛ mlɩ asʋankʋ a, mlɩbla mʋ mlɩaa, ‘Anɩ Wie dɛ amʋ́ hian.> Ɩnʋnʋ ɔbɛ́ha mlɔ́pʋ amʋ́ ba mɩ.”
4Ɩnɩ lɛha Bulu asʋn amʋʋ ɔlɛblɩ tsʋn mʋ ɔnɔsʋ ɔtɔɩpʋsʋ amʋ lɛba mʋ́tɔ. Ɔbɛɛ,
5“Mlɩbla Sionfɔ mlɩaa,
Mlɩkɩ, mlɩ Wie ɔba mlɩ wa.
Ololwii, ɔdɩn afrimusʋ.
Ɔdɩn afrimu ibi yinhɛsʋ ɔba.”
6Yesu akasɩpʋ abanyɔ amʋ bɔyɛbwɛ alɩ amʋʋ Yesu lɛbla amʋ́ amʋ. 7Bɛkpa afrimu mʋa mʋ bi amʋ ba, bɛyaɩ amʋ́ atati dɩnka amʋ́sʋ, ɔlɔdʋ bian mʋsʋ. 8Ɔdɔm kpɔnkpɔɔnkpɔntɩ bɛyaɩ amʋ́ atati tswɩ ɔkpatɔ, akʋ ɛ bebiabia afɩta bunbun ɔkpa amʋtɔ. 9Ɔdɔm amʋʋ bʋgya Yesu nkpa mʋ́a ɔma amʋ bɔsʋra okitikiti bɛɛ, “Hosiana ha Dawid mʋ na amʋ! Bulu oyula owie anfɩ ɔba mʋ ɩdatɔ anfɩ! Hosiana bʋ ɔsʋsʋʋsʋ!”
10Brɛá Yesu lowie Yerusalem a, wulu amʋtɔ fɛ́ɛ́ lɛda kpokiti, bʋdɛfɩtɛ bɛɛ, “Ma gyi ɔha anfɩ?”
11Ɔdɔm amʋʋ bʋbuo mʋ amʋ bɛlɛ mʋ́ ɔnɔ bɛɛ, “Ɔ́nɩ gyi Yesu, Bulu ɔnɔsʋ ɔtɔɩpʋ amʋʋ otsu Nasaret wuluá ɩbʋ Galilea ɔmátɔ amʋ nɩ.”
Yesu Bulu Ɔtswɛkpa Yɔ
(Marko 11:15-19; Luka 19:45-48; Yohane 2:13-22)
12Mʋʋ Yesu lɔyɔ Bulu ɔtswɛkpa wunsɩnɛsʋ ɩnʋ, yegya atɔ afɛpʋ pʋ́ atɔ ahɔpʋ fɛ́ɛ́ dalɩ. Olowuwuta kɔba atsɛpʋ mpʋnʋ da, sunsunki alɔpɔ afɛpʋ ɛ mbia da. 13Ɔlɛbla amʋ́ ɔbɛɛ, “Bɔwanlɩn wa Bulu asʋn amʋtɔ bɛɛ, ‘Bɛtɩ mɩ ɔtswɛkpa bɛɛ, mpaɩ ɔbɔkpa.> Tamɛ mlɩlapʋ ɩnʋ mli awikplu oŋainkpa.”
14Ansibi abwiepʋ pʋ́ abubupʋ akʋ bɛba mʋ wa Bulu ɔtswɛkpa wunsɩnɛsʋ ɩnʋ, ɔlɛtsa amʋ́ ɩlɔ. 15Brɛá Bulu igyi ahapʋ dɛhɛn pʋ́ Mose mbla asunapʋ amʋ bowun ofula ánɩ́ Yesu dɛbwɛ, pʋ́ alɩá nyebi bʋdɛkplʋn Bulu ɔtswɛkpa wunsɩnɛsʋ ɩnʋ bɛɛ, “Hosiana ha Dawid mʋ na amʋ!” a, ɔblɔ lɛkɩta amʋ́. 16Mʋ́ sʋ bɛfɩtɛ Yesu bɛɛ, “Fʋmedenu asʋn ánɩ́ nyebi anfɩ bʋdɛblɩ?”
Yesu lɛlɛ mʋ́ ɔnɔ ɔbɛɛ, “Ndenu. Mlɩmɔkʋkla asʋn ánɩ́ Bulu asʋn wanlɩnhɛ amʋ lɛblɩ? Ɔbɛɛ, ‘Fasuna nyebi pʋ́ amʋ́á bʋmɔkʋtɩn nyɔpʋ alɩá bʋkanfʋ fʋ.> ”
17Yesu lɛdalɩ wulu amʋtɔ si amʋ́ yɔ Betania. Ɩnʋ ɔlɛdɩ ɛkɛ amʋ nɩ.
Pɔntɔ Oyi Lwɩɩ
(Marko 11:12-14, 20-24)
18Ɔyɩ kɛhɛ nyankɩ, brɛá Yesu leyinki ɔba Yerusalem a, akʋn dɛ mʋ. 19Mʋ́ sʋ brɛá olowun pɔntɔ kʋá ɩlɩɩ manta ɔkpa a, ɔlɛbaɩ yɔ mʋ́ asɩ. Ɔlɔyɔ a, omowun abi kʋkʋ mʋ́tɔ. Afɩta sɔɔn bʋ mʋ́sʋ. Ɩnʋ ɔlɛbla pɔntɔ amʋ ɔbɛɛ, “Tsu ndɛ, fʋmɛ́ɛtra swie abi ɛkɛkɛɛkɛ!” Ɩnʋnʋ oyi amʋ lowu.
20Mʋ akasɩpʋ amʋ bowun alɩá oyi amʋ labwɛ a, ɔnɔ lobwie amʋ́. Mʋ́ sʋ bɛfɩtɛ bɛɛ “Ntogyi sʋ oyi anfɩ lawu ɔtsawʋlɛ pɛ alɩ?”
21Yesu lɛbla amʋ́ ɔbɛɛ, “Ɔnɔkwalɩ ndɛ mlɩ bla. Nɩ mlɔhɔ Bulu gyi, mlɩmegyi nwɛn a, mlɛ́talɩ bwɛ ɩtɔ anfɩ nabwɛ oyi anfɩ pʋ́ mʋ́á ɩdʋn mʋ́. Mlɛ́talɩ bla ɩbʋ anfɩ mlɩaa, ‘Puli yowie ɔpʋtɔ.> Ibópuli yɔ. 22Nɩ mlɔhɔ Bulu gyi, mlɔkʋlɩ mʋ togyitɔ a, mlɩ ɩbɩ bɛ́da mʋ́.”
Yesu Tumi Ɩwɩ Asʋn Fɩtɛhɛ
(Marko 11:27-33; Luka 20:1-8)
23Yesu leyinki bowie Bulu ɔtswɛkpa wunsɩnɛsʋ ɩnʋ. Brɛá ɔdɛ atɔ suna a, Bulu igyi ahapʋ dɛhɛn pʋ́ Yudafɔ ahandɛ amʋ bɛba mʋ wa. Bɛfɩtɛ mʋ bɛɛ, “Ma lɛha fʋ ɔkpa, fʋdɛ ntobi anfɩ bwɛ? Ma lɛha fʋ tumi?”
24Yesu lɛlɛ mʋ́ ɔnɔ ɔbɛɛ, “Mɩ ɛ nfɩtɛ mlɩ asʋn kuakʋlɛ. Nɩ mlɛlɛ mʋ́ ɔnɔ a, nɛ́bla mlɩ tumi oduá ndɛpʋbwɛ ntobi anfɩ. 25Bulu wa Asu Ɔbɔpʋ Yohane lenya tumi pʋbɔ aha asu, ntɛ nyankpʋsa?”
Amʋ́ wʋlɛwʋlɛ bɔyɔ asʋn anfɩtɔ bɛɛ, “Nɩ ablɩ anɩaa itsu Bulu wa a, ɔbɛ́fɩtɛ anɩ ɔbɛɛ, mʋ́ ntogyi sʋ anɩmɔhɔ mʋ gyi? 26Ntɛ ablɩ anɩaa, anyankpʋsa wa itsu?” Tamɛ bʋdɛ tɔá ɔdɔm amʋ bɔ́bwɛ amʋ́ ifu nya. Tsufɛ amʋ́ fɛ́ɛ́ bohogyi ánɩ́ Bulu ɔnɔsʋ ɔtɔɩpʋ Yohane gyi. 27Mʋ́ sʋ bɛlɛ mʋ́ ɔnɔ bɛɛ, “Ohwee! Anɩmeyin ɔtɩnɛá olenya mʋ tumi tsu.”
Mʋʋ Yesu ɛ lɛbla amʋ́ ɔbɛɛ, “Mʋmʋ mɩ ɛ mmɛ́ɛbla mlɩ tumi oduá ndɛpʋbwɛ ntobi anfɩ.”
Oyin Ɔkʋ Abi Anyɔ Ɩwɩ Yebi
28“Mlɩyɔ asʋn anfɩtɔ amlɩkɩ. Oyin ɔkʋ mʋa mʋ abi anyɔ betsia. Ɛkɛ ɔkʋ ɔlɔyɔ yɛbla ɔdɛhɛn ɔbɛɛ, ‘Mɩ bi, ndɛ yɔyɔ agyʋma mɩ ndɔtɔ ha mɩ.> 29Ɔlɛbla mʋ sɩ ɔbɛɛ, ‘Mmɔ́ɔyɔ.> Mʋ́ ɔma a, ɔlɛlatsɛ mʋ agywɩɩn, yɔ ndɔ amʋtɔ. 30Amʋ́ sɩ lɛnatɩ yɔ ɔkʋsʋ amʋ ɛ wa yɛbla mʋ alɩ kɛn. Ɔkʋsʋ amʋ lotsula ɔbɛɛ, ‘Mɩ sɩ, nɔ́yɔ.> Tamɛ ɔmɔyɔ.” 31Ɩnʋ Yesu lɛfɩtɛ aha amʋ ɔbɛɛ, “Abi anyɔ anfɩtɔ ɔmɔmʋ lɔbwɛ dɩnka mʋ sɩ asʋnsʋ?”
Yudafɔ igyi ahapʋ dɛhɛn pʋ́ Yudafɔ ahandɛ amʋ bɛbla mʋ bɛɛ, “Ɔdɛhɛn amʋ.”
Mʋʋ Yesu lɛbla amʋ́ ɔbɛɛ, “Ɔnɔkwalɩ ndɛ mlɩ bla. Lampoo ahɔpʋ pʋ́ obu-ɔnɔ atsiapʋ bówie Bulu iwiegyi amʋtɔ si mlɩ. 32Tsufɛ Asu Ɔbɔpʋ Yohane lobosuna mlɩ tsiatɔ oduá ɩda ɔkpa Bulu ansɩtɔ, tamɛ mlɩmɔhɔ mʋ gyi. Lampoo ahɔpʋ pʋ́ obu-ɔnɔ atsiapʋ bɔhɔ mʋ gyi. Ɔma mlɩlowun ánɩ́ amʋ́ kʋraa batsɛ a, mlɩmɛtsɛ mlɩ agywɩɩn hɔ mʋ gyi.
Apafɔ Lalahɛ Akʋ
(Marko 12:1-12; Luka 20:9-19)
33“Mlɩnu yebi ɩkʋ ɛ. Ɔdɔtɔpʋ ɔkʋ lɔdɔ waɩn ndɔ. Olegyi ɩban bomli mʋ́. Olokwi waɩn amʋ onyimɛkpa. Ɔlɔpwɛ obu fʋahɛ kʋ ha ndɔ amʋ agyopʋ. Mʋʋ ɔlɔpʋ ndɔ amʋ wa apafɔ ɩbɩtɔ, olotu ɔkpa yɔ ɔmá ɩkʋtɔ. 34Brɛá waɩn-abi amʋ kpɔtɩbɩ lɔfʋn a, ɔlɔwa mʋ asumpʋ apafɔ amʋ wa ɔbɛɛ, bʋyɛhɔ mʋ ogyikpa ba mʋ. 35Tamɛ apafɔ amʋ bɛkɩta amʋ́, da ɔkʋlɛ, mɔ ɔkʋlɛ, da ɔkʋlɛ ɛ abwi. 36Ndɔ mʋ wie amʋ lɛtra wa mʋ asumpʋ bamba ánɩ́ bʋtsɔ dʋn agyankpapʋ amʋ. Apafɔ amʋ bɔbwɛ amʋ́ ɛ alɩ kɛn. 37Mʋ́ trahɛ kʋraa a, ɔlɛblɩ ɔbɛɛ, ‘Oo, bóbu mɩ bi kwɩɩhɛ mʋ́.> Mʋ́ sʋ ɔlɔwa mʋ ɛ. 38Tamɛ brɛá apafɔ amʋ bowun mʋ bi amʋ sɩsɩ a, bɛbla aba bɛɛ, ‘Ɔ́nɩ obégyi mʋ sɩ atɔ nɩ. Mlɩha amɔ mʋ, mɛnɩ ndɔ amʋ ibémli anɩ klɛ.> 39Mʋ́ sʋ bɛkɩta mʋ, bɩtɩa mʋ dalɩ ndɔ amʋtɔ yɔmɔ mʋ.”
40“Nɩ ndɔ mʋ wie ɔba a, ntɔ mlɩlahogyi mlɩaa, ɔbɔ́bwɛ apafɔ anfɩ?”
41Yudafɔ igyi ahapʋ dɛhɛn pʋ́ Yudafɔ ahandɛ amʋ bɛlɛ mʋ́ ɔnɔ bɛɛ, “Ɔbɛ́ha aha lalahɛ anfɩ bówu lowu-sɩnsɩn, ɔbɛ́lapʋ ndɔ amʋ wa apafɔ bamba ɩbɩtɔ. Amʋ́á bétsia pʋ mʋ atɔ-abi ba mʋ mʋ́ kpɔtɩbɩ.”
42Mʋʋ Yesu lɛfɩtɛ amʋ́ ɔbɛɛ, “Ntɛ mlɩmɔkʋkla Bulu asʋn wanlɩnhɛ amʋ kɩ? Bɔwanlɩn bɛɛ,
‘Ibwi amʋʋ obu ayipʋ bekina amʋ
lebemli okonkisʋbwi nɩ.
Bulu lɔbwɛ mʋ́ alɩ,
ɩbʋ wanwan.>
43“Mʋ́ sʋ ndɛ mlɩ bla mbɛɛ, Bulu ɔbɔ́hɔ mʋ iwiegyi amʋ lɛ mlɩ ɩbɩtɔ pʋha ɔmá ánɩ́ bɔ́bwɛ tɔá otekle.
44“Ɩnɩ sʋ ɔha ánɩ́ ɔlɛdɩda ibwi amʋsʋ obébiabia blublublublu. Nɩ ibwi amʋ isunki da ɔkʋsʋ ɛ a, ɩbɔ́kwɛ mʋ fɩkɔfɩkɔfɩkɔ fɛ nfuo.#21:44 Mʋ́tɔ ye 44 ɩma nwʋlʋ dada amʋ akʋtɔ.” 45Brɛá Bulu igyi ahapʋ dɛhɛn pʋ́ Farisifɔ amʋ bonu Yesu ayebi anfɩ a, ɩlɔwankɩ amʋ́ ánɩ́ amʋ́ ɔdɛ. 46Tɛkɩ bekleá bɛ́kɩta mʋ, tamɛ benya ifu, tsufɛ ɔdɔm amʋ bʋtobu Yesu ánɩ́ Bulu ɔnɔsʋ ɔtɔɩpʋ ogyi.
Currently Selected:
Mateo 21: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Mateo 21
21
Bɔhɔ Yesu Fɛ Owie Yerusalem
(Marko 11:1-11; Luka 19:28-40; Yohane 12:12-19)
1-2Brɛá Yesu mʋa mʋ akasɩpʋ bɛbɛn Yerusalem wulu, bɛta Betfage wuluá ɩbʋ Olif ɩbʋsʋ#21:1 Olif ɩbʋ igyi obubwi kʋá ɩbʋ manta Yerusalem, bʋtɛtɩ mʋ́ Olifbʋ. amʋ asɩ wie ta a, ɔlɔwa mʋ akasɩpʋ abanyɔ gyankpa. Ɔlɛbla amʋ́ ɔbɛɛ, “Mlɩyɔ wulu anfɩ ɩda mlɩ ansɩtɔ anfɩsʋ. Nɩ mlowie wulu amʋ ɔnɔ a, mlówun afrimu tsɩhɛ ɔkʋá ɔda ɔfɛtɔ, mʋ bi lɩɩ mʋ wa. Mlɩsankɩ mʋ, amlɩkpa amʋ́ ba mɩ. 3Nɩ ɔkʋ ɔfɩtɛ mlɩ asʋankʋ a, mlɩbla mʋ mlɩaa, ‘Anɩ Wie dɛ amʋ́ hian.> Ɩnʋnʋ ɔbɛ́ha mlɔ́pʋ amʋ́ ba mɩ.”
4Ɩnɩ lɛha Bulu asʋn amʋʋ ɔlɛblɩ tsʋn mʋ ɔnɔsʋ ɔtɔɩpʋsʋ amʋ lɛba mʋ́tɔ. Ɔbɛɛ,
5“Mlɩbla Sionfɔ mlɩaa,
Mlɩkɩ, mlɩ Wie ɔba mlɩ wa.
Ololwii, ɔdɩn afrimusʋ.
Ɔdɩn afrimu ibi yinhɛsʋ ɔba.”
6Yesu akasɩpʋ abanyɔ amʋ bɔyɛbwɛ alɩ amʋʋ Yesu lɛbla amʋ́ amʋ. 7Bɛkpa afrimu mʋa mʋ bi amʋ ba, bɛyaɩ amʋ́ atati dɩnka amʋ́sʋ, ɔlɔdʋ bian mʋsʋ. 8Ɔdɔm kpɔnkpɔɔnkpɔntɩ bɛyaɩ amʋ́ atati tswɩ ɔkpatɔ, akʋ ɛ bebiabia afɩta bunbun ɔkpa amʋtɔ. 9Ɔdɔm amʋʋ bʋgya Yesu nkpa mʋ́a ɔma amʋ bɔsʋra okitikiti bɛɛ, “Hosiana ha Dawid mʋ na amʋ! Bulu oyula owie anfɩ ɔba mʋ ɩdatɔ anfɩ! Hosiana bʋ ɔsʋsʋʋsʋ!”
10Brɛá Yesu lowie Yerusalem a, wulu amʋtɔ fɛ́ɛ́ lɛda kpokiti, bʋdɛfɩtɛ bɛɛ, “Ma gyi ɔha anfɩ?”
11Ɔdɔm amʋʋ bʋbuo mʋ amʋ bɛlɛ mʋ́ ɔnɔ bɛɛ, “Ɔ́nɩ gyi Yesu, Bulu ɔnɔsʋ ɔtɔɩpʋ amʋʋ otsu Nasaret wuluá ɩbʋ Galilea ɔmátɔ amʋ nɩ.”
Yesu Bulu Ɔtswɛkpa Yɔ
(Marko 11:15-19; Luka 19:45-48; Yohane 2:13-22)
12Mʋʋ Yesu lɔyɔ Bulu ɔtswɛkpa wunsɩnɛsʋ ɩnʋ, yegya atɔ afɛpʋ pʋ́ atɔ ahɔpʋ fɛ́ɛ́ dalɩ. Olowuwuta kɔba atsɛpʋ mpʋnʋ da, sunsunki alɔpɔ afɛpʋ ɛ mbia da. 13Ɔlɛbla amʋ́ ɔbɛɛ, “Bɔwanlɩn wa Bulu asʋn amʋtɔ bɛɛ, ‘Bɛtɩ mɩ ɔtswɛkpa bɛɛ, mpaɩ ɔbɔkpa.> Tamɛ mlɩlapʋ ɩnʋ mli awikplu oŋainkpa.”
14Ansibi abwiepʋ pʋ́ abubupʋ akʋ bɛba mʋ wa Bulu ɔtswɛkpa wunsɩnɛsʋ ɩnʋ, ɔlɛtsa amʋ́ ɩlɔ. 15Brɛá Bulu igyi ahapʋ dɛhɛn pʋ́ Mose mbla asunapʋ amʋ bowun ofula ánɩ́ Yesu dɛbwɛ, pʋ́ alɩá nyebi bʋdɛkplʋn Bulu ɔtswɛkpa wunsɩnɛsʋ ɩnʋ bɛɛ, “Hosiana ha Dawid mʋ na amʋ!” a, ɔblɔ lɛkɩta amʋ́. 16Mʋ́ sʋ bɛfɩtɛ Yesu bɛɛ, “Fʋmedenu asʋn ánɩ́ nyebi anfɩ bʋdɛblɩ?”
Yesu lɛlɛ mʋ́ ɔnɔ ɔbɛɛ, “Ndenu. Mlɩmɔkʋkla asʋn ánɩ́ Bulu asʋn wanlɩnhɛ amʋ lɛblɩ? Ɔbɛɛ, ‘Fasuna nyebi pʋ́ amʋ́á bʋmɔkʋtɩn nyɔpʋ alɩá bʋkanfʋ fʋ.> ”
17Yesu lɛdalɩ wulu amʋtɔ si amʋ́ yɔ Betania. Ɩnʋ ɔlɛdɩ ɛkɛ amʋ nɩ.
Pɔntɔ Oyi Lwɩɩ
(Marko 11:12-14, 20-24)
18Ɔyɩ kɛhɛ nyankɩ, brɛá Yesu leyinki ɔba Yerusalem a, akʋn dɛ mʋ. 19Mʋ́ sʋ brɛá olowun pɔntɔ kʋá ɩlɩɩ manta ɔkpa a, ɔlɛbaɩ yɔ mʋ́ asɩ. Ɔlɔyɔ a, omowun abi kʋkʋ mʋ́tɔ. Afɩta sɔɔn bʋ mʋ́sʋ. Ɩnʋ ɔlɛbla pɔntɔ amʋ ɔbɛɛ, “Tsu ndɛ, fʋmɛ́ɛtra swie abi ɛkɛkɛɛkɛ!” Ɩnʋnʋ oyi amʋ lowu.
20Mʋ akasɩpʋ amʋ bowun alɩá oyi amʋ labwɛ a, ɔnɔ lobwie amʋ́. Mʋ́ sʋ bɛfɩtɛ bɛɛ “Ntogyi sʋ oyi anfɩ lawu ɔtsawʋlɛ pɛ alɩ?”
21Yesu lɛbla amʋ́ ɔbɛɛ, “Ɔnɔkwalɩ ndɛ mlɩ bla. Nɩ mlɔhɔ Bulu gyi, mlɩmegyi nwɛn a, mlɛ́talɩ bwɛ ɩtɔ anfɩ nabwɛ oyi anfɩ pʋ́ mʋ́á ɩdʋn mʋ́. Mlɛ́talɩ bla ɩbʋ anfɩ mlɩaa, ‘Puli yowie ɔpʋtɔ.> Ibópuli yɔ. 22Nɩ mlɔhɔ Bulu gyi, mlɔkʋlɩ mʋ togyitɔ a, mlɩ ɩbɩ bɛ́da mʋ́.”
Yesu Tumi Ɩwɩ Asʋn Fɩtɛhɛ
(Marko 11:27-33; Luka 20:1-8)
23Yesu leyinki bowie Bulu ɔtswɛkpa wunsɩnɛsʋ ɩnʋ. Brɛá ɔdɛ atɔ suna a, Bulu igyi ahapʋ dɛhɛn pʋ́ Yudafɔ ahandɛ amʋ bɛba mʋ wa. Bɛfɩtɛ mʋ bɛɛ, “Ma lɛha fʋ ɔkpa, fʋdɛ ntobi anfɩ bwɛ? Ma lɛha fʋ tumi?”
24Yesu lɛlɛ mʋ́ ɔnɔ ɔbɛɛ, “Mɩ ɛ nfɩtɛ mlɩ asʋn kuakʋlɛ. Nɩ mlɛlɛ mʋ́ ɔnɔ a, nɛ́bla mlɩ tumi oduá ndɛpʋbwɛ ntobi anfɩ. 25Bulu wa Asu Ɔbɔpʋ Yohane lenya tumi pʋbɔ aha asu, ntɛ nyankpʋsa?”
Amʋ́ wʋlɛwʋlɛ bɔyɔ asʋn anfɩtɔ bɛɛ, “Nɩ ablɩ anɩaa itsu Bulu wa a, ɔbɛ́fɩtɛ anɩ ɔbɛɛ, mʋ́ ntogyi sʋ anɩmɔhɔ mʋ gyi? 26Ntɛ ablɩ anɩaa, anyankpʋsa wa itsu?” Tamɛ bʋdɛ tɔá ɔdɔm amʋ bɔ́bwɛ amʋ́ ifu nya. Tsufɛ amʋ́ fɛ́ɛ́ bohogyi ánɩ́ Bulu ɔnɔsʋ ɔtɔɩpʋ Yohane gyi. 27Mʋ́ sʋ bɛlɛ mʋ́ ɔnɔ bɛɛ, “Ohwee! Anɩmeyin ɔtɩnɛá olenya mʋ tumi tsu.”
Mʋʋ Yesu ɛ lɛbla amʋ́ ɔbɛɛ, “Mʋmʋ mɩ ɛ mmɛ́ɛbla mlɩ tumi oduá ndɛpʋbwɛ ntobi anfɩ.”
Oyin Ɔkʋ Abi Anyɔ Ɩwɩ Yebi
28“Mlɩyɔ asʋn anfɩtɔ amlɩkɩ. Oyin ɔkʋ mʋa mʋ abi anyɔ betsia. Ɛkɛ ɔkʋ ɔlɔyɔ yɛbla ɔdɛhɛn ɔbɛɛ, ‘Mɩ bi, ndɛ yɔyɔ agyʋma mɩ ndɔtɔ ha mɩ.> 29Ɔlɛbla mʋ sɩ ɔbɛɛ, ‘Mmɔ́ɔyɔ.> Mʋ́ ɔma a, ɔlɛlatsɛ mʋ agywɩɩn, yɔ ndɔ amʋtɔ. 30Amʋ́ sɩ lɛnatɩ yɔ ɔkʋsʋ amʋ ɛ wa yɛbla mʋ alɩ kɛn. Ɔkʋsʋ amʋ lotsula ɔbɛɛ, ‘Mɩ sɩ, nɔ́yɔ.> Tamɛ ɔmɔyɔ.” 31Ɩnʋ Yesu lɛfɩtɛ aha amʋ ɔbɛɛ, “Abi anyɔ anfɩtɔ ɔmɔmʋ lɔbwɛ dɩnka mʋ sɩ asʋnsʋ?”
Yudafɔ igyi ahapʋ dɛhɛn pʋ́ Yudafɔ ahandɛ amʋ bɛbla mʋ bɛɛ, “Ɔdɛhɛn amʋ.”
Mʋʋ Yesu lɛbla amʋ́ ɔbɛɛ, “Ɔnɔkwalɩ ndɛ mlɩ bla. Lampoo ahɔpʋ pʋ́ obu-ɔnɔ atsiapʋ bówie Bulu iwiegyi amʋtɔ si mlɩ. 32Tsufɛ Asu Ɔbɔpʋ Yohane lobosuna mlɩ tsiatɔ oduá ɩda ɔkpa Bulu ansɩtɔ, tamɛ mlɩmɔhɔ mʋ gyi. Lampoo ahɔpʋ pʋ́ obu-ɔnɔ atsiapʋ bɔhɔ mʋ gyi. Ɔma mlɩlowun ánɩ́ amʋ́ kʋraa batsɛ a, mlɩmɛtsɛ mlɩ agywɩɩn hɔ mʋ gyi.
Apafɔ Lalahɛ Akʋ
(Marko 12:1-12; Luka 20:9-19)
33“Mlɩnu yebi ɩkʋ ɛ. Ɔdɔtɔpʋ ɔkʋ lɔdɔ waɩn ndɔ. Olegyi ɩban bomli mʋ́. Olokwi waɩn amʋ onyimɛkpa. Ɔlɔpwɛ obu fʋahɛ kʋ ha ndɔ amʋ agyopʋ. Mʋʋ ɔlɔpʋ ndɔ amʋ wa apafɔ ɩbɩtɔ, olotu ɔkpa yɔ ɔmá ɩkʋtɔ. 34Brɛá waɩn-abi amʋ kpɔtɩbɩ lɔfʋn a, ɔlɔwa mʋ asumpʋ apafɔ amʋ wa ɔbɛɛ, bʋyɛhɔ mʋ ogyikpa ba mʋ. 35Tamɛ apafɔ amʋ bɛkɩta amʋ́, da ɔkʋlɛ, mɔ ɔkʋlɛ, da ɔkʋlɛ ɛ abwi. 36Ndɔ mʋ wie amʋ lɛtra wa mʋ asumpʋ bamba ánɩ́ bʋtsɔ dʋn agyankpapʋ amʋ. Apafɔ amʋ bɔbwɛ amʋ́ ɛ alɩ kɛn. 37Mʋ́ trahɛ kʋraa a, ɔlɛblɩ ɔbɛɛ, ‘Oo, bóbu mɩ bi kwɩɩhɛ mʋ́.> Mʋ́ sʋ ɔlɔwa mʋ ɛ. 38Tamɛ brɛá apafɔ amʋ bowun mʋ bi amʋ sɩsɩ a, bɛbla aba bɛɛ, ‘Ɔ́nɩ obégyi mʋ sɩ atɔ nɩ. Mlɩha amɔ mʋ, mɛnɩ ndɔ amʋ ibémli anɩ klɛ.> 39Mʋ́ sʋ bɛkɩta mʋ, bɩtɩa mʋ dalɩ ndɔ amʋtɔ yɔmɔ mʋ.”
40“Nɩ ndɔ mʋ wie ɔba a, ntɔ mlɩlahogyi mlɩaa, ɔbɔ́bwɛ apafɔ anfɩ?”
41Yudafɔ igyi ahapʋ dɛhɛn pʋ́ Yudafɔ ahandɛ amʋ bɛlɛ mʋ́ ɔnɔ bɛɛ, “Ɔbɛ́ha aha lalahɛ anfɩ bówu lowu-sɩnsɩn, ɔbɛ́lapʋ ndɔ amʋ wa apafɔ bamba ɩbɩtɔ. Amʋ́á bétsia pʋ mʋ atɔ-abi ba mʋ mʋ́ kpɔtɩbɩ.”
42Mʋʋ Yesu lɛfɩtɛ amʋ́ ɔbɛɛ, “Ntɛ mlɩmɔkʋkla Bulu asʋn wanlɩnhɛ amʋ kɩ? Bɔwanlɩn bɛɛ,
‘Ibwi amʋʋ obu ayipʋ bekina amʋ
lebemli okonkisʋbwi nɩ.
Bulu lɔbwɛ mʋ́ alɩ,
ɩbʋ wanwan.>
43“Mʋ́ sʋ ndɛ mlɩ bla mbɛɛ, Bulu ɔbɔ́hɔ mʋ iwiegyi amʋ lɛ mlɩ ɩbɩtɔ pʋha ɔmá ánɩ́ bɔ́bwɛ tɔá otekle.
44“Ɩnɩ sʋ ɔha ánɩ́ ɔlɛdɩda ibwi amʋsʋ obébiabia blublublublu. Nɩ ibwi amʋ isunki da ɔkʋsʋ ɛ a, ɩbɔ́kwɛ mʋ fɩkɔfɩkɔfɩkɔ fɛ nfuo.#21:44 Mʋ́tɔ ye 44 ɩma nwʋlʋ dada amʋ akʋtɔ.” 45Brɛá Bulu igyi ahapʋ dɛhɛn pʋ́ Farisifɔ amʋ bonu Yesu ayebi anfɩ a, ɩlɔwankɩ amʋ́ ánɩ́ amʋ́ ɔdɛ. 46Tɛkɩ bekleá bɛ́kɩta mʋ, tamɛ benya ifu, tsufɛ ɔdɔm amʋ bʋtobu Yesu ánɩ́ Bulu ɔnɔsʋ ɔtɔɩpʋ ogyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation