Gyumagyihɛ 23
23
1Paulo lotsu ansɩ kɩ Yudafɔ asʋn agyipʋ amʋ diin. Mʋʋ ɔlɛbla amʋ́ ɔbɛɛ, “Mɩ apio Israelfɔ, nyin mɩ klʋntɔ ánɩ́ mmɔkʋtsia nkpa lalahɛ Bulu ansɩtɔ bɔtʋ ɔwʋlʋ anfɩ wanlɩnbɩ.” 2Mʋʋ igyi ɔhapʋ dɛhɛn Anania lɛbla aha amʋʋ bʋlɩɩ manta mʋ amʋ ɔbɛɛ, bʋda mʋ ɔnɔsʋ. 3Ɩnʋ Paulo lɛbla mʋ ɔbɛɛ, “Fʋ Bulu ɔbɛ́da. Fabwɛ ɩwɩ fɛ buntiá bakpa mʋ́ afa fututu, fabetsia asɩ fɛɛ fɔ́pʋ Mose Mbla gyi mɩ asʋn. Fʋdɛ aha bla fɛɛ, bʋda mɩ ansɩtɔ. Fʋ mʋ́ megyi mbla amʋ fatʋn a?”
4Aha akʋá bʋlɩɩ manta Paulo bɛfɩtɛ mʋ bɛɛ, “Bulu igyi ɔhapʋ dɛhɛn fʋdesia alɩ a?”
5Paulo lɛbla amʋ́ ɔbɛɛ, “Mɩ apio, mmeyin mbɛɛ, mʋgyi Bulu igyi ɔhapʋ dɛhɛn. Tsufɛ bɔwanlɩn wa Bulu asʋn amʋtɔ bɛɛ, ‘Máblɩ ɔha ánɩ́ ɔdɛ fʋ ɔmásʋ gyi ɩwɩ asʋn lalahɛ.> ”
6Brɛá Paulo lowun ánɩ́ Yudafɔ asʋn agyipʋ amʋtɔ akʋ bʋgyi Sadukifɔ, akʋ ɛ bʋgyi Farisifɔ a, ɔlɔsʋra okitikiti asʋn ogyikpa ɩnʋ ɔbɛɛ, “Mɩ apio, mɩ anfɩ nlɩɩ a, Farisiyin ngyi. Mɩ anain ɛ a, Farisifɔ bʋgyi. Mɩ ɛ nohogyiá awupʋ bɛ́lakʋsʋ. Mʋ́ ndɛblɩ sʋ bakpa mɩ ba asʋn ogyikpa nfɩ nɩ.”
7Olenya blɩ alɩ pɛ, aha tsɔtsɔɔtsɔ amʋtɔ leye anyɔ. Farisifɔ amʋ pʋ́ Sadukifɔ amʋ bɔwa aba nwɛngyi bɩ. 8Tsufɛ Sadukifɔ bʋtɛblɩ bɛɛ, kʋsʋ tsu afulitɔ kʋkʋ ɩma ɩnʋ. Bulu-abɔpʋ pʋ́ ɔŋɛ lalahɛ kʋkʋ ɛ ma ɩnʋ. Tamɛ Farisifɔ mʋ́ bohogyiá ɩnɩ fɛ́ɛ́ bʋ ɩnʋ. 9Ɩnɩ lɛha nwɛn amʋ ɔnɔ lɛhɩɛ wa ɔnlɩn. Mbla asunapʋá bʋgyi Farisifɔ bɔkʋsʋ lɩɩ blɩ bɛɛ, “Anɩmɔkʋwun tsitsa kʋkʋ oyin anfɩ ɩwɩ. Fialɩ ɔŋɛ kʋ ntɛ Bulu-ɔbɔpʋ ɔkʋ lɛbla mʋ.”
10Nwɛn amʋ ɔnɔ lɛhɩɛ wa ɔnlɩn, idekle imli ɩkɔ. Ɩnʋ ɩsa akɔpʋ ɔhandɛ amʋ lenya ifuá bɔ́bwɛ tɩtɩ Paulo. Mʋ́ sʋ ɔlɛbla ɩsa akɔpʋ amʋ ɔbɛɛ, “Mlɩwa ɔsa kpa mʋ ya mlɩ otsiakpa ɩnʋ.”
11Mʋ́ onye a, anɩ Wie lɛbɛlɩɩ Paulo wa, bla mʋ ɔbɛɛ, “Wa klʋn! Alɩ anfɩ fagyi mɩ ɩwɩ adansɩɛ Yerusalem nfɩ a, alɩ kɛn fʋyegyi mʋ́ Roma wulutɔ ɛ nɩ.”
Paulo Mɔ Ɩwɩ Agywɩɩn Kɩta
12Mʋ́ ɔyɩkɛhɛ a, Yudafɔ amʋ akʋ befia, kɩta Paulo ɩwɩ agywɩɩn. Bɛka ntam bɛɛ, nɩ bʋmɔkʋmɔ mʋ bʋméegyi atɔ, bʋmóonun ntsu. 13Aha amʋʋ bɛka ntam amʋ bʋdʋn adʋana (40). 14Bɔyɔ Bulu igyi ahapʋ dɛhɛn pʋ́ Yudafɔ ahandɛ wa, yɛbla amʋ́ bɛɛ, “Anɩlahɩɛ ka ntam anɩaa, nɩ anɩmɔkʋmɔ Paulo anɩmɛ́ɛda tɔtɔ ɔnɔ. 15Mʋ́ sʋ tɔá anɩdekle anɩaa, fʋa Yudafɔ asʋn agyipʋ amʋ mlɩbwɛ ha anɩ gyi, mlɩkɩ ansɩ wa abi sɩsɩ ɩsa akɔpʋ ɔhandɛ amʋ mlɩaa, ɔpʋ Paulo ba, amlɩlanu mʋ asʋntɔ. Anɩlada ɩwɩsʋ anɩaa, obótsutsua obowie nfɩ anɩlamɔ mʋ.”
16Paulo mʋ bitɛpʋ ɔkʋ lonu asʋn anfɩ fɛ́ɛ́. Mʋ́ sʋ ɔlɛsrɩ yɔ ɩsa akɔpʋ otsiakpa ɩnʋ yowi tsa Paulosʋ. 17Ɩnʋ Paulo lɛtɩ ɩsa akɔpʋ ɔhandɛ ɔkʋ, bla mʋ ɔbɛɛ, “Kpa ɔyasubi anfɩ ya mlɩ ɔhandɛ wa. Ɔdɛ asʋankʋ, ɔbɛ́bla mʋ.” 18Ɩsa akɔpʋ ɔhandɛ amʋ lɛkpa ɔyasubi amʋ ya amʋ́ ɔhandɛ wa, yɛbla mʋ ɔbɛɛ, “Obu ɔdɩpʋ Paulo ɔbɛɛ, nkpa ɔyasubi anfɩ ba fʋ. Ɔdɛ asʋankʋ, ɔbɛ́bla fʋ.”
19Ɔhandɛ amʋ lɛkɩta ɔyasubi amʋ ɩbɩ, kpa mʋ ya ɩtsɛtɔ yɛfɩtɛ mʋ ɔbɛɛ, “Amansʋ fʋbʋá fɛ́bla mɩ?”
20Ɔyasubi amʋ lɛbla mʋ ɔbɛɛ, “Yudafɔ ahandɛ babwɛ agywɩɩn bɛɛ, bépina wa abi fʋ wa bɛɛ, fʋkpa Paulo ba obówun amʋ́ ɔkɛ, abʋlanu mʋ asʋn amʋtɔ wanklaan. 21Tamɛ máhɔ mʋ́sʋ gyi, tsufɛ amʋ́ ayin ánɩ́ bʋdʋn adʋana (40) bɛɛ, béŋain ɔkpatɔ gyo Paulo, mɔ mʋ. Amʋ́ fɛ́ɛ́ baka ntam bɛɛ, tɔtɔ mɛ́ɛda amʋ́ ɔnɔ, kpɛfʋn brɛá bamɔ mʋ. Fʋ nkʋlɛ bʋgyo sei ánɩ́ fótsula kpa mʋ ba.”
22Mʋʋ ɔhandɛ amʋ lɛda ɔyasubi amʋ ɔla ɔbɛɛ, “Máyɛbla ɔhaa fɛɛ, fawi asʋn anfɩ tsa mɩsʋ.” Olesi mʋ ɔkpa.
Paulo Lɛ Ya Kaesarea
23Ɩnʋ ɔhandɛ amʋ lɛtɩ ɩsa akɔpʋ ahandɛ abanyɔ, ɔlɛbla amʋ́ ɔbɛɛ, “Mlɩlɛ ɩsa akɔpʋ lafanyɔ (200), mpɔnkɔsʋ adɩnkapʋ aduesienɔ (70) pʋ́ pɩa atswɩpʋ lafanyɔ (200) abʋkʋsʋ onyenɩ dokwebatɔ yɔ Kaesarea. 24Mlɩha Paulo mpɔnkɔ, odɩnka amʋ́sʋ yɔ. Mlɩkpa mʋ, amlɩha mʋ oyowie ɔmásʋ ogyipʋ Felike wa pisii.” 25Ɔhandɛ amʋ lɔwanlɩn ɔwʋlʋ manta mʋsʋ ɔbɛɛ,
26“Mɩ Klaudio Lisia dɛ ɔwʋlʋ anfɩ wanlɩn sɩsɩ fʋ, ɔmásʋ ogyipʋ onumnyampʋ Felike. Ndɛ fʋ itsia ha. 27Ndɛ fʋ ɩbɩ ha ánɩ́ Yudafɔ lɛkɩta oyin anfɩ, bʋdekleá bɔ́mɔ mʋ, tamɛ mɩa ɩsa akɔpʋ tsɔtsɔɔtsɔ anɩlɔyɛhɔ mʋ lɛ amʋ́ ɩbɩ. Tsufɛ nonuá Romayin ogyi. 28Ndekle mbɛɛ, nɛ́bɩ tɔá ɔlɔbwɛ. Mʋ́ sʋ nɔpʋ mʋ ya amʋ́ Yudafɔ asʋn agyipʋ ansɩtɔ. 29Ɩnʋ nowun ánɩ́ amʋ́ mbla ɩwɩ nwɛn bʋdegyi. Mʋ́ sʋ ɔmɔkʋbwɛ lakpan kʋkʋá bɔ́mɔ mʋ, ntɛ bɔ́wa mʋ obu. 30Tamɛ ɔkʋ laba bowi tsa mɩsʋ ɔbɛɛ, Yudafɔ amʋ akʋ babwɛ agywɩɩn bɛɛ, bɔ́mɔ mʋ. Ɩnʋ nɔbwɛ agywɩɩn mbɛɛ, nɔ́pʋ mʋ sɩsɩ fʋ. Nabla mʋ anyaba amʋ ɛ mbɛɛ, bʋpʋ amʋ́ asʋn ba fʋ. Nafʋn nfɩ. Nɛha fʋ itsia gyagyagya.”
31Ɩsa akɔpʋ amʋ bɔbwɛ dɩnka amʋ́ ɔhandɛ asʋn blɩhɛsʋ. Onye-onye amʋ bɛkpa Paulo kɔnkɔɔnkɔn alɩɩ yowie Antipatri wulutɔ. 32Brɛá ɔyɩ lɛkɛ a, bɛha mpɔnkɔsʋ adɩnkapʋ amʋ bɛkpa mʋ ya Kaesarea, ayabitɔ anatɩpʋ amʋ beyinki yɔ amʋ́ otsukpa. 33Brɛá mpɔnkɔsʋ adɩnkapʋ amʋ boyowie ɩnʋ a, bɔpʋ Paulo pʋ́ ɔwʋlʋ amʋ wa ɔmásʋ ogyipʋ amʋ ɩbɩtɔ. 34Ɔmásʋ ogyipʋ amʋ lɛkla ɔwʋlʋ amʋ, ɔlɛfɩtɛ Paulo ɔbɛɛ, “Nkʋnʋ yin fʋgyi?” Brɛá ɔlɛbɩá Kilikia ɔmátɔ Paulo otsu a, 35ɔlɛbla Paulo ɔbɛɛ, “Nɩ fʋ anyaba amʋ bɛba a, nónu fʋ ɔnɔ asʋn.” Ɩnʋ ɔlɛbla amʋ́ ɔbɛɛ, bʋpʋ Paulo yɛwa Owie Herode woyitɔ, abʋgyo mʋ ɩwɩ.
Currently Selected:
Gyumagyihɛ 23: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Gyumagyihɛ 23
23
1Paulo lotsu ansɩ kɩ Yudafɔ asʋn agyipʋ amʋ diin. Mʋʋ ɔlɛbla amʋ́ ɔbɛɛ, “Mɩ apio Israelfɔ, nyin mɩ klʋntɔ ánɩ́ mmɔkʋtsia nkpa lalahɛ Bulu ansɩtɔ bɔtʋ ɔwʋlʋ anfɩ wanlɩnbɩ.” 2Mʋʋ igyi ɔhapʋ dɛhɛn Anania lɛbla aha amʋʋ bʋlɩɩ manta mʋ amʋ ɔbɛɛ, bʋda mʋ ɔnɔsʋ. 3Ɩnʋ Paulo lɛbla mʋ ɔbɛɛ, “Fʋ Bulu ɔbɛ́da. Fabwɛ ɩwɩ fɛ buntiá bakpa mʋ́ afa fututu, fabetsia asɩ fɛɛ fɔ́pʋ Mose Mbla gyi mɩ asʋn. Fʋdɛ aha bla fɛɛ, bʋda mɩ ansɩtɔ. Fʋ mʋ́ megyi mbla amʋ fatʋn a?”
4Aha akʋá bʋlɩɩ manta Paulo bɛfɩtɛ mʋ bɛɛ, “Bulu igyi ɔhapʋ dɛhɛn fʋdesia alɩ a?”
5Paulo lɛbla amʋ́ ɔbɛɛ, “Mɩ apio, mmeyin mbɛɛ, mʋgyi Bulu igyi ɔhapʋ dɛhɛn. Tsufɛ bɔwanlɩn wa Bulu asʋn amʋtɔ bɛɛ, ‘Máblɩ ɔha ánɩ́ ɔdɛ fʋ ɔmásʋ gyi ɩwɩ asʋn lalahɛ.> ”
6Brɛá Paulo lowun ánɩ́ Yudafɔ asʋn agyipʋ amʋtɔ akʋ bʋgyi Sadukifɔ, akʋ ɛ bʋgyi Farisifɔ a, ɔlɔsʋra okitikiti asʋn ogyikpa ɩnʋ ɔbɛɛ, “Mɩ apio, mɩ anfɩ nlɩɩ a, Farisiyin ngyi. Mɩ anain ɛ a, Farisifɔ bʋgyi. Mɩ ɛ nohogyiá awupʋ bɛ́lakʋsʋ. Mʋ́ ndɛblɩ sʋ bakpa mɩ ba asʋn ogyikpa nfɩ nɩ.”
7Olenya blɩ alɩ pɛ, aha tsɔtsɔɔtsɔ amʋtɔ leye anyɔ. Farisifɔ amʋ pʋ́ Sadukifɔ amʋ bɔwa aba nwɛngyi bɩ. 8Tsufɛ Sadukifɔ bʋtɛblɩ bɛɛ, kʋsʋ tsu afulitɔ kʋkʋ ɩma ɩnʋ. Bulu-abɔpʋ pʋ́ ɔŋɛ lalahɛ kʋkʋ ɛ ma ɩnʋ. Tamɛ Farisifɔ mʋ́ bohogyiá ɩnɩ fɛ́ɛ́ bʋ ɩnʋ. 9Ɩnɩ lɛha nwɛn amʋ ɔnɔ lɛhɩɛ wa ɔnlɩn. Mbla asunapʋá bʋgyi Farisifɔ bɔkʋsʋ lɩɩ blɩ bɛɛ, “Anɩmɔkʋwun tsitsa kʋkʋ oyin anfɩ ɩwɩ. Fialɩ ɔŋɛ kʋ ntɛ Bulu-ɔbɔpʋ ɔkʋ lɛbla mʋ.”
10Nwɛn amʋ ɔnɔ lɛhɩɛ wa ɔnlɩn, idekle imli ɩkɔ. Ɩnʋ ɩsa akɔpʋ ɔhandɛ amʋ lenya ifuá bɔ́bwɛ tɩtɩ Paulo. Mʋ́ sʋ ɔlɛbla ɩsa akɔpʋ amʋ ɔbɛɛ, “Mlɩwa ɔsa kpa mʋ ya mlɩ otsiakpa ɩnʋ.”
11Mʋ́ onye a, anɩ Wie lɛbɛlɩɩ Paulo wa, bla mʋ ɔbɛɛ, “Wa klʋn! Alɩ anfɩ fagyi mɩ ɩwɩ adansɩɛ Yerusalem nfɩ a, alɩ kɛn fʋyegyi mʋ́ Roma wulutɔ ɛ nɩ.”
Paulo Mɔ Ɩwɩ Agywɩɩn Kɩta
12Mʋ́ ɔyɩkɛhɛ a, Yudafɔ amʋ akʋ befia, kɩta Paulo ɩwɩ agywɩɩn. Bɛka ntam bɛɛ, nɩ bʋmɔkʋmɔ mʋ bʋméegyi atɔ, bʋmóonun ntsu. 13Aha amʋʋ bɛka ntam amʋ bʋdʋn adʋana (40). 14Bɔyɔ Bulu igyi ahapʋ dɛhɛn pʋ́ Yudafɔ ahandɛ wa, yɛbla amʋ́ bɛɛ, “Anɩlahɩɛ ka ntam anɩaa, nɩ anɩmɔkʋmɔ Paulo anɩmɛ́ɛda tɔtɔ ɔnɔ. 15Mʋ́ sʋ tɔá anɩdekle anɩaa, fʋa Yudafɔ asʋn agyipʋ amʋ mlɩbwɛ ha anɩ gyi, mlɩkɩ ansɩ wa abi sɩsɩ ɩsa akɔpʋ ɔhandɛ amʋ mlɩaa, ɔpʋ Paulo ba, amlɩlanu mʋ asʋntɔ. Anɩlada ɩwɩsʋ anɩaa, obótsutsua obowie nfɩ anɩlamɔ mʋ.”
16Paulo mʋ bitɛpʋ ɔkʋ lonu asʋn anfɩ fɛ́ɛ́. Mʋ́ sʋ ɔlɛsrɩ yɔ ɩsa akɔpʋ otsiakpa ɩnʋ yowi tsa Paulosʋ. 17Ɩnʋ Paulo lɛtɩ ɩsa akɔpʋ ɔhandɛ ɔkʋ, bla mʋ ɔbɛɛ, “Kpa ɔyasubi anfɩ ya mlɩ ɔhandɛ wa. Ɔdɛ asʋankʋ, ɔbɛ́bla mʋ.” 18Ɩsa akɔpʋ ɔhandɛ amʋ lɛkpa ɔyasubi amʋ ya amʋ́ ɔhandɛ wa, yɛbla mʋ ɔbɛɛ, “Obu ɔdɩpʋ Paulo ɔbɛɛ, nkpa ɔyasubi anfɩ ba fʋ. Ɔdɛ asʋankʋ, ɔbɛ́bla fʋ.”
19Ɔhandɛ amʋ lɛkɩta ɔyasubi amʋ ɩbɩ, kpa mʋ ya ɩtsɛtɔ yɛfɩtɛ mʋ ɔbɛɛ, “Amansʋ fʋbʋá fɛ́bla mɩ?”
20Ɔyasubi amʋ lɛbla mʋ ɔbɛɛ, “Yudafɔ ahandɛ babwɛ agywɩɩn bɛɛ, bépina wa abi fʋ wa bɛɛ, fʋkpa Paulo ba obówun amʋ́ ɔkɛ, abʋlanu mʋ asʋn amʋtɔ wanklaan. 21Tamɛ máhɔ mʋ́sʋ gyi, tsufɛ amʋ́ ayin ánɩ́ bʋdʋn adʋana (40) bɛɛ, béŋain ɔkpatɔ gyo Paulo, mɔ mʋ. Amʋ́ fɛ́ɛ́ baka ntam bɛɛ, tɔtɔ mɛ́ɛda amʋ́ ɔnɔ, kpɛfʋn brɛá bamɔ mʋ. Fʋ nkʋlɛ bʋgyo sei ánɩ́ fótsula kpa mʋ ba.”
22Mʋʋ ɔhandɛ amʋ lɛda ɔyasubi amʋ ɔla ɔbɛɛ, “Máyɛbla ɔhaa fɛɛ, fawi asʋn anfɩ tsa mɩsʋ.” Olesi mʋ ɔkpa.
Paulo Lɛ Ya Kaesarea
23Ɩnʋ ɔhandɛ amʋ lɛtɩ ɩsa akɔpʋ ahandɛ abanyɔ, ɔlɛbla amʋ́ ɔbɛɛ, “Mlɩlɛ ɩsa akɔpʋ lafanyɔ (200), mpɔnkɔsʋ adɩnkapʋ aduesienɔ (70) pʋ́ pɩa atswɩpʋ lafanyɔ (200) abʋkʋsʋ onyenɩ dokwebatɔ yɔ Kaesarea. 24Mlɩha Paulo mpɔnkɔ, odɩnka amʋ́sʋ yɔ. Mlɩkpa mʋ, amlɩha mʋ oyowie ɔmásʋ ogyipʋ Felike wa pisii.” 25Ɔhandɛ amʋ lɔwanlɩn ɔwʋlʋ manta mʋsʋ ɔbɛɛ,
26“Mɩ Klaudio Lisia dɛ ɔwʋlʋ anfɩ wanlɩn sɩsɩ fʋ, ɔmásʋ ogyipʋ onumnyampʋ Felike. Ndɛ fʋ itsia ha. 27Ndɛ fʋ ɩbɩ ha ánɩ́ Yudafɔ lɛkɩta oyin anfɩ, bʋdekleá bɔ́mɔ mʋ, tamɛ mɩa ɩsa akɔpʋ tsɔtsɔɔtsɔ anɩlɔyɛhɔ mʋ lɛ amʋ́ ɩbɩ. Tsufɛ nonuá Romayin ogyi. 28Ndekle mbɛɛ, nɛ́bɩ tɔá ɔlɔbwɛ. Mʋ́ sʋ nɔpʋ mʋ ya amʋ́ Yudafɔ asʋn agyipʋ ansɩtɔ. 29Ɩnʋ nowun ánɩ́ amʋ́ mbla ɩwɩ nwɛn bʋdegyi. Mʋ́ sʋ ɔmɔkʋbwɛ lakpan kʋkʋá bɔ́mɔ mʋ, ntɛ bɔ́wa mʋ obu. 30Tamɛ ɔkʋ laba bowi tsa mɩsʋ ɔbɛɛ, Yudafɔ amʋ akʋ babwɛ agywɩɩn bɛɛ, bɔ́mɔ mʋ. Ɩnʋ nɔbwɛ agywɩɩn mbɛɛ, nɔ́pʋ mʋ sɩsɩ fʋ. Nabla mʋ anyaba amʋ ɛ mbɛɛ, bʋpʋ amʋ́ asʋn ba fʋ. Nafʋn nfɩ. Nɛha fʋ itsia gyagyagya.”
31Ɩsa akɔpʋ amʋ bɔbwɛ dɩnka amʋ́ ɔhandɛ asʋn blɩhɛsʋ. Onye-onye amʋ bɛkpa Paulo kɔnkɔɔnkɔn alɩɩ yowie Antipatri wulutɔ. 32Brɛá ɔyɩ lɛkɛ a, bɛha mpɔnkɔsʋ adɩnkapʋ amʋ bɛkpa mʋ ya Kaesarea, ayabitɔ anatɩpʋ amʋ beyinki yɔ amʋ́ otsukpa. 33Brɛá mpɔnkɔsʋ adɩnkapʋ amʋ boyowie ɩnʋ a, bɔpʋ Paulo pʋ́ ɔwʋlʋ amʋ wa ɔmásʋ ogyipʋ amʋ ɩbɩtɔ. 34Ɔmásʋ ogyipʋ amʋ lɛkla ɔwʋlʋ amʋ, ɔlɛfɩtɛ Paulo ɔbɛɛ, “Nkʋnʋ yin fʋgyi?” Brɛá ɔlɛbɩá Kilikia ɔmátɔ Paulo otsu a, 35ɔlɛbla Paulo ɔbɛɛ, “Nɩ fʋ anyaba amʋ bɛba a, nónu fʋ ɔnɔ asʋn.” Ɩnʋ ɔlɛbla amʋ́ ɔbɛɛ, bʋpʋ Paulo yɛwa Owie Herode woyitɔ, abʋgyo mʋ ɩwɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation