Gyumagyihɛ 21
21
Paulo Yerusalem Yɔ
1Brɛá anɩlegyi nkla ta a, anɩlowie ntsusʋ-yibitɔ, natɩ laa yɔ Ko wulutɔ. Ɛkɛ nyɔsɩ a, anɩlɔyɔ Rodo. Tsu ɩnʋ a, anɩlɛba Patara otsubunɔ. 2Anɩlenya ntsusʋ-yibi kʋá ɩyɔ Foinike otsubunɔ, anɩlowie mʋ́tɔ. 3Brɛá ayɔ a, anɩlowun ɔsʋlʋ kʋá bʋtɛtɩ mʋ́ Kipro sɩsɩ. Anɩlesi mʋ́ tswɩ bɩnasʋ ɩfʋn, tsʋn yɔ Siria ɔmátɔ. Anɩlɛyɛkplɩ Tiro otsubunɔ, tsufɛ ɩnʋ bɛ́lɛ ntsusʋ-yibi amʋtɔ atɔ nɩ. 4Anɩlɔtʋ akasɩpʋ akʋ ɩnʋ, anɩletsia amʋ́ wa nkensienɔ. Ɔŋɛ Wankɩhɛ lɛlɛ suna amʋ́ ɔbɛɛ, Paulo máyɔ Yerusalem wulutɔ. 5Anɩ nkɛ lɔfʋn, anɩlɔtʋa anɩ ɔkpasʋ. Brɛá anɩdɛnatɩ a, akasɩpʋ amʋ, amʋ́ aka pʋ́ amʋ́ abi fɛ́ɛ́ beyesi anɩ ɔkpa alɩɩ yowie ɔpʋ ɔnɔ. Ɩnʋ a, anɩ fɛ́ɛ́ anɩlɛda akpawunu bɔ mpaɩ. 6Anɩlegyi nkla, anɩlowie ntsusʋ-yibi amʋtɔ pʋ ayɔ, amʋ́ ɛ beyinki yɔ woyi.
7Anɩlɛdɩnka ɔpʋsʋ tsu Tiro alɩɩ bowie Ptolemai otsubunɔ. Brɛá anɩlowie ɩnʋ a, anɩlɛyɛha ahogyipʋá bʋbʋ ɩnʋ itsia, anɩletsia amʋ́ wa ɛkɛwʋlɛ. 8Ɔyɩ kɛhɛ a, anɩlɔkʋsʋ tsu ɩnʋ ba Kaesarea otsubunɔ. Anɩlɔyɔswɩɩ Bulu asʋn ɔkan ɔdapʋ Filipo woyi. Oyin anfɩ gyi aha abasienɔ amʋʋ bɛlɛ Yerusalem bɛɛ, bʋtsa ahandɛ agyʋma yɔ amʋtɔ ɔkʋlɛ. 9Filipo bʋ abi tsɩhɛ abana, bʋmɔkʋyɔ ayin wa kɩ. Bulu ɔnɔsʋ atɔɩpʋ mʋ abi anfɩ bʋgyi. 10Anɩlegyi nkɛ kpalobi ɩnʋ. Ɛkɛ ɔkʋ Bulu ɔnɔsʋ ɔtɔɩpʋ Agabo lotsu Yudea ɔmátɔ ba ɩnʋ. 11Olenya bowie laa alɩ olotsu Paulo osietɔ ɔfɛ klɩ mʋ onuto ɩbɩ pʋ́ mʋ ayabi. Mʋʋ ɔlɛblɩ ɔbɛɛ, “Ɔŋɛ Wankɩhɛ ɔbɛɛ, ‘Alɩ Yudafɔá bʋbʋ Yerusalem bɛ́klɩ ɔha amʋʋ ɔbʋ ɔfɛ anfɩ, pʋ mʋ wa aha ánɩ́ bʋmegyi Yudafɔ ɩbɩtɔ nɩ.> ”
12Brɛá anɩlonu asʋn anfɩ a, anɩa aha amʋʋ bʋbʋ ɩnʋ amʋ fɛ́ɛ́ anɩlokokoli Paulo anɩaa, ɔmáyɔ Yerusalem. 13Ɩnʋ Paulo lɛfɩtɛ anɩ ɔbɛɛ, “Ntogyi sʋ mlɩdesu, mlɩlaha ɩwɩ lawu mɩ alɩ? Mɩ mʋ́ a, megyi klɩ amʋʋ bɛ́kɩklɩ mɩ Yerusalem amʋ pɛ nala ɩwɩ yaɩ ha. Mboun nala ɩwɩ yaɩ ánɩ́ nówu anɩ Wie Yesu sʋ ɛ.”
14Paulo ɔnɔ lɔdʋn anɩ. Mʋ́ sʋ anɩlesi mʋ tɔɩ wa. Mʋʋ anɩlɛblɩ anɩaa, “Ɩba mʋ́tɔ alɩá anɩ Wie dekle.”
15Ɩnɩ ɔma a, anɩlɔkʋla anɩ atɔ dʋ yɔ Yerusalem. 16Anɩa Kaesareafɔ akasɩpʋ akʋ lɔyɔ ɩnʋ. Bɛkpa anɩ ya oyin ɔkʋá bʋtɛtɩ mʋ Mnason woyitɔ bɛɛ, aswɩɩ mʋ wa. Akasɩpʋ agyankpapʋ amʋtɔ ɔkʋlɛ ogyi, otsu Kipro ɔmátɔ.
Paulo Yerusalem Wie
17Brɛá anɩlowie Yerusalem ɩnʋ a, ahogyipʋ amʋ bɔhɔ anɩ atuu. 18Ɔyɩkɛhɛ anɩa Paulonyɔ anɩlɛyɛkɩ Yakobo. Ɔpasua ahandɛ amʋ fɛ́ɛ́ bɛba ɩnʋ. 19Paulo lɔwa amʋ́ ɔnɔ, ɔlɛbla amʋ́ togyitɔá Bulu latsʋn mʋsʋ bwɛ aha ánɩ́ bʋmegyi Yudafɔtɔ. 20Brɛá bonu Paulo asʋn anfɩ a, amʋ́ fɛ́ɛ́ bɛkanfʋ Bulu. Mʋʋ bɛbla mʋ bɛɛ, “Opio nu, Yudafɔ mpɩm-mpɩm ánɩ́ badamli klʋntɔ fɛ́ɛ́ bʋdɛ Mose mbla amʋtɔ kinkiinkin. 21Tamɛ akʋ babla amʋ́ bɛɛ, fasuna Yudafɔá bʋbʋ ɔmá bambasʋ fɛ́ɛ́ fɛɛ, bʋmágyi Mose mbla amʋsʋ. Ɔma ɛ a, fɛɛ bʋmátɩn amʋ́ abi kete, bʋmágyi anɩ amandɩɛ ɛsʋ. 22Ɩbwɛbwɛbwɛ a, aha bónuá faba nfɩ. Nkalɩ abɔ́bwɛ tsu mʋ́ ɩwɩ? 23Abɛ́bla fʋ tɔá fʋbwɛ. Ayin abana akʋá bʋbʋ anɩtɔ baka ntam ha Bulu. Ilehian ánɩ́ bɔ́gyʋra ɩwɩ. 24Kpa amʋ́ ya, amlɩyɔgyʋra ɩwɩ. Ka amʋ́ atoyintahɛ fɛ́ɛ́ ɩkɔ, mɛnɩ bɛ́kpa amʋ́ nwun. Ɩnɩ ɔbɛ́ha aha fɛ́ɛ́ bɛ́bɩá fʋtegyi Mose mbla amʋsʋ. Ɩnɩ sʋ fʋ ɩwɩ asʋn amʋʋ bonu amʋ ɩma mʋ́tɔ. 25Anɩlawanlɩn ɔwʋlʋ sɩsɩ ahogyipʋá bʋmegyi Yudafɔ dodo. Anɩlɔwanlɩn anɩaa, anɩlablɩ ánɩ́ bʋmágyi atogyihɛá bapʋha ɩkpɩ. Bʋmágyi obugya pʋ́ ɔbwɩá bapʋsa mɔ. Bʋmáwa atsɩ mʋ́a ayin asʋn ɛ.”
26Mʋ́ sʋ brɛá ɔyɩ lɛkɛ a, Paulo lɛkpa ayin abana amʋ ya, mʋa amʋ́nyɔ bɔyɔgyʋra ɩwɩ. Ɔlɔyɔ Bulu ɔtswɛkpa ɩnʋ yɛblɩ ɛkɛá amʋ́ ɩwɩgyʋra amʋ ɩbɔ́mɔ ɔnɔ, ɔbɛ́ba bɔbɔ afɔdɩɛ ha amʋ́tɔ okugyiɔkʋ.
Paulo Kɩta Bulu Ɔtswɛkpa
27Brɛá nkensienɔ amʋ ɩba bɔfʋn a, Yudafɔ akʋá botsu Asia ɔmátɔ bowun Paulo Bulu ɔtswɛkpa ɩnʋ. Ɔdɔm amʋʋ bʋbʋ wunsɩnɛsʋ ɩnʋ amʋ fɛ́ɛ́ benya ɔblɔ Paulosʋ, bɛkɩta mʋ. 28Bɔsʋra okitikiti bɛɛ, “Israelfɔ ayin, mlɩdalɩ ba oo! Oyin amʋʋ ɔna ɔdɛ aha atɔ suna, yinta amʋ́ agywɩɩn amʋ nɩ. Mʋdɛkʋsʋ lɩɩ ɔmá anfɩ, Mose Mbla pʋ́ Bulu ɔtswɛkpa amʋsʋ nɩ. Alakpa Grikifɔ kʋraa ba Bulu ɔtswɛkpa wunsɩnɛsʋ nfɩ. Mʋ́ sʋ alapʋ ifin da ɔwankɩkpa amʋ.” 29Bɛblɩ mʋ́ alɩ, tsufɛ bowun Efesoyin ɔkʋá bʋtɛtɩ mʋ Trofimo mʋa Paulo wulu amʋtɔ dodo. Ɩnɩ sʋ bʋkɩ bɛɛ, Paulo lɔpʋ oyin amʋ ya Bulu ɔtswɛkpa ɩnʋ.
30Wulu amʋtɔ fɛ́ɛ́ lɛda kpokiti. Aha bɛdalɩ tsu amʋ́ woyitɔ srɩ ba bɛkɩta Paulo. Bɛbɩtɩa mʋ dalɩ ɔtswɛkpa wunsɩnɛsʋ ɩnʋ, fin ɩban amʋ. 31Brɛá bʋdɛ mʋ da, bʋdekleá bɔ́mɔ mʋ a, ɔkʋ lɛyɛbla Romafɔ ɩsa akɔpʋ ɔhandɛ ɔbɛɛ, “Kpokiti lada Yerusalem wulutɔ.” 32Ɩnʋnʋ ɔhandɛ amʋ lɛkpa ɩsa akɔpʋ amʋ akʋ pʋ́ amʋ́ ahandɛ akʋ bɛsrɩ yɔ ɩnʋ. Ɔdɔm amʋ benya wun amʋ́ alɩ besi Paulo da. 33Ɔhandɛ amʋ lɛnatɩ yɔtʋ Paulo, ɔlɛha mʋ ɩsa akɔpʋ amʋ bɛkɩta mʋ, wa mʋ ɩkan anyɔ. Mʋʋ ɔlɛfɩtɛ aha amʋ ɔbɛɛ, “Ma gyi oyin anfɩ? Ntɔ alabwɛ?” 34Ɔdɔm amʋ bʋdɛ okitikiti, bʋdɛtɔtɔɩ. Akʋ bɛɛ alɩ, akʋ ɛ bɛɛ alɩ. Okitikiti amʋ ɔnɔ lɔwa ɔnlɩn. Mʋ́ sʋ ɔhandɛ amʋ mɛbɩ ɔnɔkwalɩá ɩbʋ asʋn amʋtɔ. Ɩnɩ sʋ ɔlɛha ɔbɛɛ, bʋkpa Paulo ya ɩsa akɔpʋ amʋ otsiakpa. 35Brɛá bowie obu-ɔnɔ ɔdʋkpa a, ɔdɔm amʋ bʋdɛ ɩyɩn wa. Mʋ́ sʋ ɩsa akɔpʋ amʋ botsu Paulo wa nkɔnkɔ. 36Aha amʋ fɛ́ɛ́ bʋbuo Paulo, bʋdɛ okitikiti bɛɛ, “Mlɩha awuna mɔ mʋ! Mlɩha awuna mɔ mʋ!”
Paulo Ɩwɩ Ɔnɔlɛ
37Brɛá bowie obu amʋ ɔnɔ, bɔ́dʋ wie amʋ́ otsiakpa ɩnʋ a, Paulo lɛbla ɔhandɛ amʋ ɔbɛɛ, “Nobwii ɩpa, mbla fʋ asʋankʋ.”
Ɔhandɛ amʋ lɛfɩtɛ mʋ ɔbɛɛ, “Fʋtonu Griki ɔblɩ? 38Mʋ́ sʋ megyi fʋgyi Egyipteyin amʋʋ ɔlɛha kpokiti lɛda brɛ kʋtɔ, ɔlɛkpa aha amɔpʋ mpɩm-na (4,000) buo ɩwɩ ya ɔsʋlʋkpansʋ amʋ nɩ?”
39Ɩnʋ Paulo lɛlɛ mʋ́ ɔnɔ ɔbɛɛ, “Yudayin ngyi mɩ mʋ́. Tarsoá ɩbʋ Kilikia ɔmátɔ bɔkwɩɩ mɩ. Megyi wulubitɔ notsu. Nobwii ɩpa, ha mɩ ambla aha anfɩ asʋn.”
40Ɩsa akɔpʋ ɔhandɛ amʋ lɛha mʋ ɔkpa. Mʋ́ sʋ Paulo lɛyɛlɩɩ obu-ɔnɔ ɔdʋkpa ɩnʋ, bwɛ aha amʋ ɩbɩ bɛkasʋ. Ɩnʋ lɔtɔ diin. Mʋʋ Paulo lɛbla amʋ́ asʋn Hebri ɔblɩtɔ ɔbɛɛ,
Currently Selected:
Gyumagyihɛ 21: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Gyumagyihɛ 21
21
Paulo Yerusalem Yɔ
1Brɛá anɩlegyi nkla ta a, anɩlowie ntsusʋ-yibitɔ, natɩ laa yɔ Ko wulutɔ. Ɛkɛ nyɔsɩ a, anɩlɔyɔ Rodo. Tsu ɩnʋ a, anɩlɛba Patara otsubunɔ. 2Anɩlenya ntsusʋ-yibi kʋá ɩyɔ Foinike otsubunɔ, anɩlowie mʋ́tɔ. 3Brɛá ayɔ a, anɩlowun ɔsʋlʋ kʋá bʋtɛtɩ mʋ́ Kipro sɩsɩ. Anɩlesi mʋ́ tswɩ bɩnasʋ ɩfʋn, tsʋn yɔ Siria ɔmátɔ. Anɩlɛyɛkplɩ Tiro otsubunɔ, tsufɛ ɩnʋ bɛ́lɛ ntsusʋ-yibi amʋtɔ atɔ nɩ. 4Anɩlɔtʋ akasɩpʋ akʋ ɩnʋ, anɩletsia amʋ́ wa nkensienɔ. Ɔŋɛ Wankɩhɛ lɛlɛ suna amʋ́ ɔbɛɛ, Paulo máyɔ Yerusalem wulutɔ. 5Anɩ nkɛ lɔfʋn, anɩlɔtʋa anɩ ɔkpasʋ. Brɛá anɩdɛnatɩ a, akasɩpʋ amʋ, amʋ́ aka pʋ́ amʋ́ abi fɛ́ɛ́ beyesi anɩ ɔkpa alɩɩ yowie ɔpʋ ɔnɔ. Ɩnʋ a, anɩ fɛ́ɛ́ anɩlɛda akpawunu bɔ mpaɩ. 6Anɩlegyi nkla, anɩlowie ntsusʋ-yibi amʋtɔ pʋ ayɔ, amʋ́ ɛ beyinki yɔ woyi.
7Anɩlɛdɩnka ɔpʋsʋ tsu Tiro alɩɩ bowie Ptolemai otsubunɔ. Brɛá anɩlowie ɩnʋ a, anɩlɛyɛha ahogyipʋá bʋbʋ ɩnʋ itsia, anɩletsia amʋ́ wa ɛkɛwʋlɛ. 8Ɔyɩ kɛhɛ a, anɩlɔkʋsʋ tsu ɩnʋ ba Kaesarea otsubunɔ. Anɩlɔyɔswɩɩ Bulu asʋn ɔkan ɔdapʋ Filipo woyi. Oyin anfɩ gyi aha abasienɔ amʋʋ bɛlɛ Yerusalem bɛɛ, bʋtsa ahandɛ agyʋma yɔ amʋtɔ ɔkʋlɛ. 9Filipo bʋ abi tsɩhɛ abana, bʋmɔkʋyɔ ayin wa kɩ. Bulu ɔnɔsʋ atɔɩpʋ mʋ abi anfɩ bʋgyi. 10Anɩlegyi nkɛ kpalobi ɩnʋ. Ɛkɛ ɔkʋ Bulu ɔnɔsʋ ɔtɔɩpʋ Agabo lotsu Yudea ɔmátɔ ba ɩnʋ. 11Olenya bowie laa alɩ olotsu Paulo osietɔ ɔfɛ klɩ mʋ onuto ɩbɩ pʋ́ mʋ ayabi. Mʋʋ ɔlɛblɩ ɔbɛɛ, “Ɔŋɛ Wankɩhɛ ɔbɛɛ, ‘Alɩ Yudafɔá bʋbʋ Yerusalem bɛ́klɩ ɔha amʋʋ ɔbʋ ɔfɛ anfɩ, pʋ mʋ wa aha ánɩ́ bʋmegyi Yudafɔ ɩbɩtɔ nɩ.> ”
12Brɛá anɩlonu asʋn anfɩ a, anɩa aha amʋʋ bʋbʋ ɩnʋ amʋ fɛ́ɛ́ anɩlokokoli Paulo anɩaa, ɔmáyɔ Yerusalem. 13Ɩnʋ Paulo lɛfɩtɛ anɩ ɔbɛɛ, “Ntogyi sʋ mlɩdesu, mlɩlaha ɩwɩ lawu mɩ alɩ? Mɩ mʋ́ a, megyi klɩ amʋʋ bɛ́kɩklɩ mɩ Yerusalem amʋ pɛ nala ɩwɩ yaɩ ha. Mboun nala ɩwɩ yaɩ ánɩ́ nówu anɩ Wie Yesu sʋ ɛ.”
14Paulo ɔnɔ lɔdʋn anɩ. Mʋ́ sʋ anɩlesi mʋ tɔɩ wa. Mʋʋ anɩlɛblɩ anɩaa, “Ɩba mʋ́tɔ alɩá anɩ Wie dekle.”
15Ɩnɩ ɔma a, anɩlɔkʋla anɩ atɔ dʋ yɔ Yerusalem. 16Anɩa Kaesareafɔ akasɩpʋ akʋ lɔyɔ ɩnʋ. Bɛkpa anɩ ya oyin ɔkʋá bʋtɛtɩ mʋ Mnason woyitɔ bɛɛ, aswɩɩ mʋ wa. Akasɩpʋ agyankpapʋ amʋtɔ ɔkʋlɛ ogyi, otsu Kipro ɔmátɔ.
Paulo Yerusalem Wie
17Brɛá anɩlowie Yerusalem ɩnʋ a, ahogyipʋ amʋ bɔhɔ anɩ atuu. 18Ɔyɩkɛhɛ anɩa Paulonyɔ anɩlɛyɛkɩ Yakobo. Ɔpasua ahandɛ amʋ fɛ́ɛ́ bɛba ɩnʋ. 19Paulo lɔwa amʋ́ ɔnɔ, ɔlɛbla amʋ́ togyitɔá Bulu latsʋn mʋsʋ bwɛ aha ánɩ́ bʋmegyi Yudafɔtɔ. 20Brɛá bonu Paulo asʋn anfɩ a, amʋ́ fɛ́ɛ́ bɛkanfʋ Bulu. Mʋʋ bɛbla mʋ bɛɛ, “Opio nu, Yudafɔ mpɩm-mpɩm ánɩ́ badamli klʋntɔ fɛ́ɛ́ bʋdɛ Mose mbla amʋtɔ kinkiinkin. 21Tamɛ akʋ babla amʋ́ bɛɛ, fasuna Yudafɔá bʋbʋ ɔmá bambasʋ fɛ́ɛ́ fɛɛ, bʋmágyi Mose mbla amʋsʋ. Ɔma ɛ a, fɛɛ bʋmátɩn amʋ́ abi kete, bʋmágyi anɩ amandɩɛ ɛsʋ. 22Ɩbwɛbwɛbwɛ a, aha bónuá faba nfɩ. Nkalɩ abɔ́bwɛ tsu mʋ́ ɩwɩ? 23Abɛ́bla fʋ tɔá fʋbwɛ. Ayin abana akʋá bʋbʋ anɩtɔ baka ntam ha Bulu. Ilehian ánɩ́ bɔ́gyʋra ɩwɩ. 24Kpa amʋ́ ya, amlɩyɔgyʋra ɩwɩ. Ka amʋ́ atoyintahɛ fɛ́ɛ́ ɩkɔ, mɛnɩ bɛ́kpa amʋ́ nwun. Ɩnɩ ɔbɛ́ha aha fɛ́ɛ́ bɛ́bɩá fʋtegyi Mose mbla amʋsʋ. Ɩnɩ sʋ fʋ ɩwɩ asʋn amʋʋ bonu amʋ ɩma mʋ́tɔ. 25Anɩlawanlɩn ɔwʋlʋ sɩsɩ ahogyipʋá bʋmegyi Yudafɔ dodo. Anɩlɔwanlɩn anɩaa, anɩlablɩ ánɩ́ bʋmágyi atogyihɛá bapʋha ɩkpɩ. Bʋmágyi obugya pʋ́ ɔbwɩá bapʋsa mɔ. Bʋmáwa atsɩ mʋ́a ayin asʋn ɛ.”
26Mʋ́ sʋ brɛá ɔyɩ lɛkɛ a, Paulo lɛkpa ayin abana amʋ ya, mʋa amʋ́nyɔ bɔyɔgyʋra ɩwɩ. Ɔlɔyɔ Bulu ɔtswɛkpa ɩnʋ yɛblɩ ɛkɛá amʋ́ ɩwɩgyʋra amʋ ɩbɔ́mɔ ɔnɔ, ɔbɛ́ba bɔbɔ afɔdɩɛ ha amʋ́tɔ okugyiɔkʋ.
Paulo Kɩta Bulu Ɔtswɛkpa
27Brɛá nkensienɔ amʋ ɩba bɔfʋn a, Yudafɔ akʋá botsu Asia ɔmátɔ bowun Paulo Bulu ɔtswɛkpa ɩnʋ. Ɔdɔm amʋʋ bʋbʋ wunsɩnɛsʋ ɩnʋ amʋ fɛ́ɛ́ benya ɔblɔ Paulosʋ, bɛkɩta mʋ. 28Bɔsʋra okitikiti bɛɛ, “Israelfɔ ayin, mlɩdalɩ ba oo! Oyin amʋʋ ɔna ɔdɛ aha atɔ suna, yinta amʋ́ agywɩɩn amʋ nɩ. Mʋdɛkʋsʋ lɩɩ ɔmá anfɩ, Mose Mbla pʋ́ Bulu ɔtswɛkpa amʋsʋ nɩ. Alakpa Grikifɔ kʋraa ba Bulu ɔtswɛkpa wunsɩnɛsʋ nfɩ. Mʋ́ sʋ alapʋ ifin da ɔwankɩkpa amʋ.” 29Bɛblɩ mʋ́ alɩ, tsufɛ bowun Efesoyin ɔkʋá bʋtɛtɩ mʋ Trofimo mʋa Paulo wulu amʋtɔ dodo. Ɩnɩ sʋ bʋkɩ bɛɛ, Paulo lɔpʋ oyin amʋ ya Bulu ɔtswɛkpa ɩnʋ.
30Wulu amʋtɔ fɛ́ɛ́ lɛda kpokiti. Aha bɛdalɩ tsu amʋ́ woyitɔ srɩ ba bɛkɩta Paulo. Bɛbɩtɩa mʋ dalɩ ɔtswɛkpa wunsɩnɛsʋ ɩnʋ, fin ɩban amʋ. 31Brɛá bʋdɛ mʋ da, bʋdekleá bɔ́mɔ mʋ a, ɔkʋ lɛyɛbla Romafɔ ɩsa akɔpʋ ɔhandɛ ɔbɛɛ, “Kpokiti lada Yerusalem wulutɔ.” 32Ɩnʋnʋ ɔhandɛ amʋ lɛkpa ɩsa akɔpʋ amʋ akʋ pʋ́ amʋ́ ahandɛ akʋ bɛsrɩ yɔ ɩnʋ. Ɔdɔm amʋ benya wun amʋ́ alɩ besi Paulo da. 33Ɔhandɛ amʋ lɛnatɩ yɔtʋ Paulo, ɔlɛha mʋ ɩsa akɔpʋ amʋ bɛkɩta mʋ, wa mʋ ɩkan anyɔ. Mʋʋ ɔlɛfɩtɛ aha amʋ ɔbɛɛ, “Ma gyi oyin anfɩ? Ntɔ alabwɛ?” 34Ɔdɔm amʋ bʋdɛ okitikiti, bʋdɛtɔtɔɩ. Akʋ bɛɛ alɩ, akʋ ɛ bɛɛ alɩ. Okitikiti amʋ ɔnɔ lɔwa ɔnlɩn. Mʋ́ sʋ ɔhandɛ amʋ mɛbɩ ɔnɔkwalɩá ɩbʋ asʋn amʋtɔ. Ɩnɩ sʋ ɔlɛha ɔbɛɛ, bʋkpa Paulo ya ɩsa akɔpʋ amʋ otsiakpa. 35Brɛá bowie obu-ɔnɔ ɔdʋkpa a, ɔdɔm amʋ bʋdɛ ɩyɩn wa. Mʋ́ sʋ ɩsa akɔpʋ amʋ botsu Paulo wa nkɔnkɔ. 36Aha amʋ fɛ́ɛ́ bʋbuo Paulo, bʋdɛ okitikiti bɛɛ, “Mlɩha awuna mɔ mʋ! Mlɩha awuna mɔ mʋ!”
Paulo Ɩwɩ Ɔnɔlɛ
37Brɛá bowie obu amʋ ɔnɔ, bɔ́dʋ wie amʋ́ otsiakpa ɩnʋ a, Paulo lɛbla ɔhandɛ amʋ ɔbɛɛ, “Nobwii ɩpa, mbla fʋ asʋankʋ.”
Ɔhandɛ amʋ lɛfɩtɛ mʋ ɔbɛɛ, “Fʋtonu Griki ɔblɩ? 38Mʋ́ sʋ megyi fʋgyi Egyipteyin amʋʋ ɔlɛha kpokiti lɛda brɛ kʋtɔ, ɔlɛkpa aha amɔpʋ mpɩm-na (4,000) buo ɩwɩ ya ɔsʋlʋkpansʋ amʋ nɩ?”
39Ɩnʋ Paulo lɛlɛ mʋ́ ɔnɔ ɔbɛɛ, “Yudayin ngyi mɩ mʋ́. Tarsoá ɩbʋ Kilikia ɔmátɔ bɔkwɩɩ mɩ. Megyi wulubitɔ notsu. Nobwii ɩpa, ha mɩ ambla aha anfɩ asʋn.”
40Ɩsa akɔpʋ ɔhandɛ amʋ lɛha mʋ ɔkpa. Mʋ́ sʋ Paulo lɛyɛlɩɩ obu-ɔnɔ ɔdʋkpa ɩnʋ, bwɛ aha amʋ ɩbɩ bɛkasʋ. Ɩnʋ lɔtɔ diin. Mʋʋ Paulo lɛbla amʋ́ asʋn Hebri ɔblɩtɔ ɔbɛɛ,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation