Cô‑ꞌlô‑ꞌsai 3

Au chaư sáư ꞌpứng ꞌnéo dú ꞌmướng ꞌphạ

1ꞌPi ꞌnọng ꞌmí ꞌchua ꞌlới ꞌnéo máư đảy ꞌcứn ꞌhéng ꞌmá ꞌtoi Chảu ꞌKha‑ꞌlịt#ꞌlẹo, ꞌsướng ꞌnặn hảư ꞌpi ꞌnọng ꞌkhớng chaư ha ꞌpứng ꞌnéo dú ꞌmướng#ꞌphạ, ꞌmen bón Chảu ꞌKha‑ꞌlịt ꞌnăng ꞌtến ꞌhiếng sảng ꞌphượng khoa Chảu Pua#ꞌPhạ. 2Hảư au chaư sáư ꞌpứng ꞌnéo dú ꞌmướng#ꞌphạ, báu#ꞌmen ꞌnéo dú ꞌmướng#ꞌlum. 3Pên#ꞌva ꞌpi ꞌnọng đảy tai#ꞌlẹo, ꞌchua ꞌlới ꞌcọ đảy ꞌsuôn ꞌvạy ꞌtoi Chảu ꞌKha‑ꞌlịt cuông ꞌhôm ꞌngáu Chảu Pua#ꞌPhạ. 4Chảu ꞌKha‑ꞌlịt hảư ꞌháu ꞌmí ꞌchua ꞌlới ꞌnéo#máư, ꞌchớ đaư ꞌTan chảu ꞌlống ꞌmá hảư#hên, ꞌchớ ꞌnặn ꞌpi ꞌnọng ꞌcọ ꞌchí ók ꞌmá hảư hên ꞌhuôm ꞌhung ꞌhướng ꞌTan#chảu.

ꞌLới ꞌcốn máư

5ꞌSướng ꞌnặn hảư ꞌpi ꞌnọng ꞌváng sia ꞌnéo uối ꞌhại chaư cáu phái ꞌmướng#ꞌlum, ꞌsướng ꞌdệt phít ꞌviạk ꞌnhính#ꞌchái, ꞌdệt ꞌnéo uối#ꞌhại, chaư é đảy ꞌnéo ꞌtáng báu#đi, pháư é ꞌdệt ꞌnéo ꞌhại ꞌhứ#ꞌva húp#huôi. Húp huôi ꞌcọ pék ꞌsướng ꞌsớ ꞌthớn théng#pom. 6ꞌPứng ꞌviạk ꞌnéo ꞌnặn ꞌquám pút nhay khong Chảu Pua ꞌPhạ ꞌchí tốc sáư ꞌpứng ꞌcốn phủ báu ꞌchưa ꞌphắng ꞌTan#chảu. 7Té#cón, ꞌchua ꞌlới ꞌpi ꞌnọng ꞌkhới kin dú ꞌnéo uối ꞌhại ꞌsướng#ꞌnặn. 8ꞌKhạy hảư ꞌpi ꞌnọng ꞌváng sia ꞌchu ꞌnéo báu#đi ꞌsướng pút#nhay, chaư#ꞌhại, chaư#ác, ꞌvạu uối#sáu, pák#uối. ꞌPứng khót ꞌnặn ꞌnhá đảy ók#sốp. 9ꞌNhá bẻo#căn, ꞌcọ ꞌpưa ꞌpi ꞌnọng đảy ꞌváng sia ꞌluống phủ ꞌcốn kin dú ꞌnéo ꞌchua ꞌlới cáu#ꞌlẹo. 10ꞌKhạy ꞌpi ꞌnọng ꞌcọ đảy piến pên ꞌcốn#máư, Chảu Pua ꞌPhạ đang piến hảư pên ꞌsướng ꞌTan chảu phủ sảng khửn#ꞌnặn, hảư ꞌhụ chắc chẻng ꞌTan#chảu. 11ꞌKhạy báu#ꞌva ꞌcốn Ca‑ꞌlịch ꞌhứ ꞌva ꞌcốn#ꞌDiu, phủ ꞌdệt ꞌhịt tắt mai ꞌhứ ꞌva phủ báu#ꞌdệt, ꞌcốn ꞌmướng ꞌnọk ꞌhứ#ꞌva sả ꞌpú nu#pá, phủ pên khỏi ꞌhứ#ꞌva phủ ꞌtứ#ꞌtang, Chảu ꞌKha‑ꞌlịt lỏ#pên nháư ꞌsứa#mết, ꞌTan chảu ꞌcọ dú cắp ꞌnặp pheng ꞌtếng#cá.

12Chảu Pua ꞌPhạ ꞌhặc ꞌpéng ꞌlưạk au ꞌpi ꞌnọng ꞌmá pên dên ꞌpay ꞌTan#chảu, ꞌsướng ꞌnặn hảư ꞌpi ꞌnọng piến au chaư ín đu ꞌhặc#ꞌpéng, chaư quảng sảng#ꞌdáo, huốn chaư#ꞌlống, chaư ón#van, ứt chaư dón ha#căn. 13ꞌVa phủ đaư phít khỏng tỏng siêng căn lỏ#ứt dón ha#căn, dáng ꞌdóm hảư căn ꞌsướng ꞌGiê‑ꞌsu phủ pên Chảu Chom dáng ꞌdóm ꞌnéo báp ꞌsội hảư ꞌpi ꞌnọng ꞌnặn#lo. 14ꞌViạk ꞌsứa mết lỏ#ꞌhụ ꞌhặc ꞌpéng#căn, hảư pên sai phúk ꞌmặt ꞌnặm#ꞌnưng chaư điêu mết ꞌchu#ꞌluống.

15Chảu ꞌKha‑ꞌlịt uôn ꞌpá ꞌpi ꞌnọng hảư ꞌtiêng#chaư, đảy khék au ꞌpi ꞌnọng ꞌmá pên ꞌsúm ꞌhốm điêu kin dú hảư ꞌmen#căn. ꞌSướng ꞌnặn hảư ꞌpi ꞌnọng đảy ꞌtiêng#chaư, ꞌlẹo cáo ꞌquám đảy ꞌdọn ꞌTan#chảu. 16Au ꞌquám Chảu ꞌKha‑ꞌlịt ꞌvạy têm cuông#chaư, ꞌlẹo au ꞌquám ꞌhụ lắc ꞌchu ꞌnéo bók son tít tơn#căn. Au ꞌvái khắp ꞌmá khắp sỏng#ꞌnhó, khắp vảy#ꞌháu, khắp ꞌtoi Chảu Khuôn Saư uôn#ꞌpá, cuông chaư ꞌcọ cáo ꞌquám đảy ꞌdọn Chảu Pua#ꞌPhạ. 17Báu#ꞌva ꞌviạk ꞌdệt ꞌhứ#ꞌva ꞌquám pák#ꞌvạu, hảư ꞌdệt ꞌhứ ꞌvạu ꞌtoi ꞌchư siêng Chảu ꞌGiê‑ꞌsu, ꞌlẹo ꞌcọ cáo ꞌquám đảy ꞌdọn Chảu Pua ꞌPhạ phủ pên ꞌPo ꞌtáng Chảu ꞌGiê‑ꞌsu.

ꞌViạk ꞌchúa ꞌhướn kin dú

18Phủ pên ꞌmía hảư dón chaư ꞌphắng ꞌquám phua#chảu, ꞌdệt ꞌnéo ꞌnặn ꞌcọ sôm đáng pên ꞌcốn ꞌtoi ꞌtáng Chảu ꞌGiê‑ꞌsu ꞌchọ#ꞌdệt. 19Phủ pên phua hảư ꞌhặc ꞌmía#chảu, ꞌnhá ꞌmí chaư ꞌcặt ꞌkêng hảư#ꞌnáng. 20Phủ pên#ꞌlụk, ải ꞌếm bók ꞌviạk săng hảư ꞌphắng#ꞌquám, ꞌdệt ꞌnéo ꞌnặn ꞌcọ sôm chaư Chảu Pua#ꞌPhạ. 21Phủ pên ải ꞌnhá ꞌdệt hảư ꞌlụk pút#nhay, dản sau ꞌnọi#chaư.

22Phủ pên khỏi hảư ꞌphắng ꞌquám chảu ꞌhướn phái ꞌmướng#ꞌlum, bók ꞌviạk săng hảư ꞌphắng#ꞌquám. Báu#ꞌmen ꞌto sú ꞌquám ꞌpưa hảư chảu ꞌhướn sưng ꞌmưa ꞌchớ sau hên ꞌpi ꞌnọng ꞌdệt đi cá#đaư, ꞌpưa ꞌpi ꞌnọng nể dăm ꞌGiê‑ꞌsu phủ pên Chảu#Chom, hảư ꞌmí ꞌnặm saư chaư ꞌsư#ꞌdệt. 23Báu#ꞌva ꞌdệt ꞌviạk#săng, hảư mết mốc mết chaư#ꞌdệt, ꞌsướng ꞌdệt hảư ꞌGiê‑ꞌsu phủ pên Chảu#Chom, báu#ꞌmen ꞌsướng ꞌdệt hảư phủ#ꞌcốn, 24ꞌpưa ꞌpi ꞌnọng ꞌcọ ꞌhụ#ꞌlẹo, ꞌchí nhẳn au ꞌnéo đi quí ꞌpéng nẳng ꞌTan chảu ꞌmá sưởng ꞌpi#ꞌnọng. Phủ ꞌpi ꞌnọng ꞌdệt ꞌviạk hảư ꞌnặn ꞌmen ꞌtẹ Chảu ꞌKha‑ꞌlịt phủ pên Chảu#Chom. 25Phủ đaư ꞌdệt ꞌviạk báu#đi ꞌcọ ꞌchí đảy ꞌtội ꞌsướng ꞌviạk chảu đảy ꞌdệt#ꞌnặn. Chảu ꞌKha‑ꞌlịt báu#ꞌhặc khỏn ꞌchọn hiếng phủ#đaư.

Currently Selected:

Cô‑ꞌlô‑ꞌsai 3: bltTDM

Highlight

Copy

Compare