Matio 28
28
Fịḅụsịsẹ Mị
(Mak 16.1-10; Luk 24.1-12; Jọn 20.1-10)
1Ịnyọsara Ene mị ḅọrọ sịkị, Chọchị ene mị ḅe ḅaso ḅiri, anị Meri Magdalin ma na ísí Meri ma na mun iḍupu mị ḍiki-ẹ mun ye-ẹ. 2Ḅụnemika ogbo kiri mị kụrọma jikemẹ, Nyanaḅọ Ḅe enjẹlḅọ soḅie koroḅo ḍụparị mị imbibilesin se anịa ọgọnọ kpọnjị simemẹ. 3Oria simeḅara mị so ḅịa ọkụ ḅịamẹ anịsịkị oria ḅụchụayema pịkị ijiriji ḅịa ọkụ ḅịamẹ. 4Nyọ koruapụma ḅalafa se ḅụgeregere so ọkụma ini ḅo fịsapụ simeọkụ simemẹ.
5Enjẹlḅọ ḅe ọkwẹịn eremenima pịrị, se nwọ ḅẹmẹ, “Ó ḅalafama,” “à nemimẹ na ó Jizọs Ḅe ḍọkịaḅẹ, ini se mgbẹsẹchịn ọgọnọ ḅakụḅaa ḅọ Ḅe. 6Mịanga Ori ofori-ẹ Ọ̀ sịsẹsam, Ò ḍuko ḅara ḅụ. Ó ḅo Ọ̀ ḅọlọlọ sime nyọ mị ḍiki. 7Mịọkụ, ọ́ fịkịrị somun ḍuko Oria ọḅụḍukoapụma pịrị, ‘Na fị ḅụ Ọ̀ sịsẹsam, na mịọkụ Ori inia tọrọkọ ḅọrọ tatarị Galili mun aḅẹ, anịnyọ ómine Ori ọrịḅịa!’ Ḍiki à ḍuko ọ́ pịrịsam.”
8Anị ini ḅo iḍupu mị koromasoye-ẹ, ḅalafa ḅụ, anị sọnị ḅieḅẹlẹ inia ḅie ḅein waraḅẹ, se mangị mun ḍuko Oria ọḅụḍukoapụma pịrịmẹ.
9Ḅụnemika ḅụ Jizọs Ḅe ini na ịrịa se nwọ ḅẹmẹ, “Dein ómine na sime.” Ini Ọ̀ damaḅo se Ọ̀ ḅụọchuku kun se kpẹrẹkị Ọ̀ pịrịmẹ. 10Jizọs Ḅe nwọse ini ḅẹmẹ, “Ọ́ ḅalafa ma,” “ó mun ḍuko ị̀ya mịnapụma pịrị, na ini so Galili mun anị nyọ ini ị̀ ọrịḅịa.”
Nyọ Koruapụma Ḍukopakụmaye Mị
11Eremenima ini mun àrị nyọ mị nwọ mun-arịogbo, iḍupu mị koru sime owunima ḅie tọn-apụ so opuama mị ḅie tịḅịnị agbamịẹapụma damamun se pakaye mamgba nwọ ḍuko ini pịrịmẹ. 12Tịḅịnị agbamịẹapụma sẹnịapụma ḅụ sọ se ini mịẹḅịa ḅara nwọ ḅiamẹ, ini ḅaka igbiki seni owunima pịrịmẹ 13se nwọ ḅẹmẹ, “Ọ́ nwọ ḅẹḅịa na, Oria ọḅụḍukoapụma wa mọnọarị ogbo, ḍin ḅie ḅo Oria oju mị furu se somẹ. 14Se gọvịna ḅe nemikase mịn mị naamẹ ḅẹḅẹ, wa mịẹse anị ọ̀ ḅụokoroḅịa se ọ̀ ḅarị ó se ḅụḅalaḅala ḅie chu ẹkẹ.”
15Nyọ koruapụma igbiki mị ọkị se ini ḍuko ini pịrị ọkụ mị nwọ mịẹmẹ. Ọkịḅo mịmgba ene mị la sọnị, Juapụma mị ini pa se anị ḍuko wasama àrị ọkụ-ẹ.
Jizọs Ḅe Ḅụ Se Oria Ọḅụḍukoapụma Ḍiemẹ
(Mak 16.14-18; Luk 24.36-49; Jọn 20.19-23; Oku 1.6-8)
16Ọḅụḍuko oyigbọrịapụ fịnjịma Galili chịngị mị nwọ mun mẹ Jizọs Ḅe ḍuko ini pịrị nyọ mị. 17Ini Ori ọrị sịkị ini kpẹrẹkị Ọ̀ tẹkẹmẹ, inia ḅie tọn-apụ makuḅie nyanamẹ nwọ ḅẹ sọnị. 18Jizọs Ḅe kpekima mun se nwọse ini ḅẹmẹ, “Ini kụrọmamgba nwọse ị̀ pịrịsam soḅie na tomonikiri ḅie na. 19Anịẹrẹchị, ọ́ nyọ mamgba ḅụ tomoni mamgba nwọ damamun: ini se ị̀ya ọḅụḍukoapụ nwọ mịẹ: Ḍaḅọ Ḅe na Tọkụ Ḅe na, Fịafịa Tẹmẹ Ḅe na ẹrẹ ḅụ mengi se ini sara, 20ye se ini ḍie, oloko ḅara ḅụ à se ọ́ pịrị aye layelaye ini nwọ koko. Ḍiki à sịkịmamgba ómine na simeḅịa, ọkịmun tomonikiri mị ḅe kuluma sịkị la.”
Currently Selected:
Matio 28: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Matio 28
28
Fịḅụsịsẹ Mị
(Mak 16.1-10; Luk 24.1-12; Jọn 20.1-10)
1Ịnyọsara Ene mị ḅọrọ sịkị, Chọchị ene mị ḅe ḅaso ḅiri, anị Meri Magdalin ma na ísí Meri ma na mun iḍupu mị ḍiki-ẹ mun ye-ẹ. 2Ḅụnemika ogbo kiri mị kụrọma jikemẹ, Nyanaḅọ Ḅe enjẹlḅọ soḅie koroḅo ḍụparị mị imbibilesin se anịa ọgọnọ kpọnjị simemẹ. 3Oria simeḅara mị so ḅịa ọkụ ḅịamẹ anịsịkị oria ḅụchụayema pịkị ijiriji ḅịa ọkụ ḅịamẹ. 4Nyọ koruapụma ḅalafa se ḅụgeregere so ọkụma ini ḅo fịsapụ simeọkụ simemẹ.
5Enjẹlḅọ ḅe ọkwẹịn eremenima pịrị, se nwọ ḅẹmẹ, “Ó ḅalafama,” “à nemimẹ na ó Jizọs Ḅe ḍọkịaḅẹ, ini se mgbẹsẹchịn ọgọnọ ḅakụḅaa ḅọ Ḅe. 6Mịanga Ori ofori-ẹ Ọ̀ sịsẹsam, Ò ḍuko ḅara ḅụ. Ó ḅo Ọ̀ ḅọlọlọ sime nyọ mị ḍiki. 7Mịọkụ, ọ́ fịkịrị somun ḍuko Oria ọḅụḍukoapụma pịrị, ‘Na fị ḅụ Ọ̀ sịsẹsam, na mịọkụ Ori inia tọrọkọ ḅọrọ tatarị Galili mun aḅẹ, anịnyọ ómine Ori ọrịḅịa!’ Ḍiki à ḍuko ọ́ pịrịsam.”
8Anị ini ḅo iḍupu mị koromasoye-ẹ, ḅalafa ḅụ, anị sọnị ḅieḅẹlẹ inia ḅie ḅein waraḅẹ, se mangị mun ḍuko Oria ọḅụḍukoapụma pịrịmẹ.
9Ḅụnemika ḅụ Jizọs Ḅe ini na ịrịa se nwọ ḅẹmẹ, “Dein ómine na sime.” Ini Ọ̀ damaḅo se Ọ̀ ḅụọchuku kun se kpẹrẹkị Ọ̀ pịrịmẹ. 10Jizọs Ḅe nwọse ini ḅẹmẹ, “Ọ́ ḅalafa ma,” “ó mun ḍuko ị̀ya mịnapụma pịrị, na ini so Galili mun anị nyọ ini ị̀ ọrịḅịa.”
Nyọ Koruapụma Ḍukopakụmaye Mị
11Eremenima ini mun àrị nyọ mị nwọ mun-arịogbo, iḍupu mị koru sime owunima ḅie tọn-apụ so opuama mị ḅie tịḅịnị agbamịẹapụma damamun se pakaye mamgba nwọ ḍuko ini pịrịmẹ. 12Tịḅịnị agbamịẹapụma sẹnịapụma ḅụ sọ se ini mịẹḅịa ḅara nwọ ḅiamẹ, ini ḅaka igbiki seni owunima pịrịmẹ 13se nwọ ḅẹmẹ, “Ọ́ nwọ ḅẹḅịa na, Oria ọḅụḍukoapụma wa mọnọarị ogbo, ḍin ḅie ḅo Oria oju mị furu se somẹ. 14Se gọvịna ḅe nemikase mịn mị naamẹ ḅẹḅẹ, wa mịẹse anị ọ̀ ḅụokoroḅịa se ọ̀ ḅarị ó se ḅụḅalaḅala ḅie chu ẹkẹ.”
15Nyọ koruapụma igbiki mị ọkị se ini ḍuko ini pịrị ọkụ mị nwọ mịẹmẹ. Ọkịḅo mịmgba ene mị la sọnị, Juapụma mị ini pa se anị ḍuko wasama àrị ọkụ-ẹ.
Jizọs Ḅe Ḅụ Se Oria Ọḅụḍukoapụma Ḍiemẹ
(Mak 16.14-18; Luk 24.36-49; Jọn 20.19-23; Oku 1.6-8)
16Ọḅụḍuko oyigbọrịapụ fịnjịma Galili chịngị mị nwọ mun mẹ Jizọs Ḅe ḍuko ini pịrị nyọ mị. 17Ini Ori ọrị sịkị ini kpẹrẹkị Ọ̀ tẹkẹmẹ, inia ḅie tọn-apụ makuḅie nyanamẹ nwọ ḅẹ sọnị. 18Jizọs Ḅe kpekima mun se nwọse ini ḅẹmẹ, “Ini kụrọmamgba nwọse ị̀ pịrịsam soḅie na tomonikiri ḅie na. 19Anịẹrẹchị, ọ́ nyọ mamgba ḅụ tomoni mamgba nwọ damamun: ini se ị̀ya ọḅụḍukoapụ nwọ mịẹ: Ḍaḅọ Ḅe na Tọkụ Ḅe na, Fịafịa Tẹmẹ Ḅe na ẹrẹ ḅụ mengi se ini sara, 20ye se ini ḍie, oloko ḅara ḅụ à se ọ́ pịrị aye layelaye ini nwọ koko. Ḍiki à sịkịmamgba ómine na simeḅịa, ọkịmun tomonikiri mị ḅe kuluma sịkị la.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria