Agbamịẹ Apụ 25
25
Sọnọmẹ Karama Kụra Mị
(Maịn 15.1-11)
1Nyanaḅọ Ḅe Saịnaị Tụndụ mị ọgọnọ ḅụ ọkwẹịn Moziz ḅe pịrị se tọn ọ̀ pịrịmẹ na 2ọ̀ ma olokoma chụa se Izrẹlapụma pịrị. Nyanaḅọ Ḅe se ọ́ pịrịarị ama mị ḅie ọ́ sọsa ḅẹḅẹ, ómine osi se Nyanaḅọ Ḅe pịrịḅịa, anị sọnọmẹ karama kụra goyegoye fịye ḍipika ḅụ. 3Sonio-a kụra anị ó se ozu ḍipi, irumịẹ chịnmgbọlụ ozuma tẹlịma pịkị fịayema koḅirimaḅịaye-ẹ. 4Ọkụma sọnọmẹ karama kụra mị, ozukiri ma àrị ịnyọsaraḅịa, se osi seni Nyanaḅọ Ḅe pịrịḅịa kụra-ẹ. Ọ́mịna ozuma ó ḍipima pịkị irumịẹ chịnmgbọlụ ozuma sọnị ọ́ tẹlịmama. 5Ó ḍipika se ngẹrị sopaka ịpịamgba ma sọ ọ́ pẹlẹma, ọ́ tẹlịmaka tụmgbakị elelenda ozuma sọ ọ́ kaịnma; anị kiri mị anị jokoma anị kụra mị ḅie ịnyọsaraḅịa. 6Anị kụra mị ḅie kiri mị ḅie ọ́ fịye ḍipikẹ nwọḅẹ sọnị, anị fịye pakụmaḅo ómine na ọ́mịna omoni ma na, ómine ọkọḅo apụma na, ómine na anga igoniapụma na, 7ọ́mịna namama na pịkị ọ́mịna ozuma ḅie sime piri namama pịrịḅịa. Anịa ḅie pakaḅo fịye goyegoye ọ́ fịḅịa.
Ye Seni Pịkịmaḅo Koroma Kụra Mị
8Sọnọmẹ sọnọmẹ ḅe sọnọma kụra nwọ kịẹn, anịmgba ngei fa kụra mesi oyi fịnjị-ẹ. 9Anịsịkị, sọnọma akalụ mị ḅie oyi-a ḍin ene, anị Ḅẹrẹfama Ene mị ḅie, gbọrịḅọ fịrịma ori oḍu ofuro bebe ama mị mgba kelema. 10Mị ḅara anị ó se kụra mesi oyi fịnjị karama kụra mị sikima wẹrịḅịa ọkụ-ẹ, se ngẹrị tịḅịnyana mị ḍuko pakụma ama mị ḅie sime apụma pịrịḅịa ọkụ-ẹ. Anị opu ḅieḅẹlẹ alalị sọ ọ́ pịrịḅịa. Mị kụra mị ḅie, ini dẹrịsa ngọ goyegoye ini ọkịḅo dada anị nyanaḅọ mị pịrịḅịa anịkanịka ò furo ḅie apụma, se ini seni omoniḅọ ḅaraḅụ dẹrịsaḅọ ḅe, ò vinpịkịso ọ̀ pakaḅo furo mị nwọ munḅịa. 11Ọ́mịna ozukiri ma ḅie ọ́ fịye ḍipi ẹkẹ arịa ḅie, ngẹrị sopaka ịpịamgba ma sọ ọ́ pẹlẹ ẹkẹ, pịkị ọ́ tẹlịmaka tụmgbakị elelenda ozuma sọnị ọ́ kaịn ẹkẹ. 12Bebe kụra mị, anị osiḅụ simeye sọ ọ́ pịrịḅịa; ozukiri ma pakụmaḅo ọ́ pịrị ayema kẹngẹ mị ọ́ fịḅịaye-ẹ.
13Mịn kụra mị ḅie ini dẹrịsa ngọ mamgba ini saḅama dada anị nyanaḅọ mị pịrịḅịa. 14Anịẹrẹchị ị́ kiri se ị́ juo Izrẹlḅọ dẹrịmẹ anịkanịka ị́ nụḅọ ḅara fẹmẹ ḅẹḅẹ, kuraka ḅara se yemịẹma. 15Ye se Pịkịmaḅo ḅịa jịn Kụra ma laka sịkị ḅụ, kiri mị ineda fịaye pakụma ḅo ḅịa kụra ma laḅịa igbiki ḅịpị ọ́ nwọ pẹlẹ. 16Ḅaka kụra-ẹ ḅẹḅẹ, ḅịpị mị iwomaḅịa, ọkụma boka kụra kẹngẹ-ẹ ḅẹḅẹ igbiki ḅịpị mị iderimaḅịa, anịatịḅị ini dẹrị arịye ma anị kiri mị ineda pakụmaḅo ayema la ọkụ-ẹ. 17Ị́ juo Izrẹlḅọ inuma ma, ọkụma ị́ Nyana Tamụnọ Ḅe ḅịpị poki. Anịatịḅị Ị̀rị̀ anị ị́ Nyana Tamụnọ Ḅe-ẹ.
Sọnọmẹ Karama Kụra Mị Ḅe Ḅụfụka
18Nyanaḅọ Ḅe oria oloko mamgba na ọ̀ tọn ayema na ọ́ nwọ koko, mịẹso sịkị ó deinma ama mị ḅie angaḅịa ọkụ. 19Amakiri mị anịa fịye pakụmaḅoḅịa, se ọ́ fịḅịaye mamgba ọ́ nyanaḅịa, ọ́ pịkị deinma anịa ḅie angaḅịa.
20Ọkụma, ẹbịasi tomoniḅọ ineda gbelaḅịa na sọnọmẹ karama kụra mị ḅie wa che fịḅe, fịye nwọ ozukiri ma ḅie ḍipika, wa pịkị fịaye sọnị nwọ tan ẹka sịkị? 21Nyanaḅọ Ḅe ori amakiri mị ḅẹlẹmaḅịa mịẹse sonio-a kụra karama kụra mị anị ineda mama kụra ḅụ ọ́ fị ọ́ karaḅịa fịye nwọ pakụmaḅoḅịa ọkụ. 22Nine karama kụra mị ḅie ọ́ fịye ḍipisa ḅẹḅẹ, sonio-a kụra karama kụra mị ḅie ó sokuḅo fịayema mị ọ́ fịma munḅịaye-ẹ, ọ́ pịkị ọ́ karaḅịa fịye nyana ọkịmun anị kụra mị ḅie ó ḍipi fịayema nwọ soku sịkị laḅịa.
Ngọ Pẹkẹrẹ Ḅo Kụra Mị
23Kiri ma ngịsị ọ́ gbọtụma dẹrịma, anịatịḅị ómine anị nyanakẹ, anị sime Tamụnọ Ḅe pịrịmẹ, ómine igoniapụ kịkẹmẹ, à papa ḅereni ọ́ pịrịmẹ ómine anị se fịrị ḅụ chu.
24Ó kiri dẹrịmẹ ḅẹḅẹ, dada anị nyanaḅọ ḅe pịkị anị fẹ ọkị mị ó ḅereni ọ̀ pịrị. 25Nemikase mịẹḅịa ọkụ oforiḅaraḅụ igwein Izrẹlḅọ oria kiri dẹrịmẹ ḅẹḅẹ, ori na kpekitẹịn mịnaḅọ anị fẹ pẹkẹrẹḅo. 26Anị fẹ pẹkẹrẹḅoḅịa mịnaḅọ ofori-ẹ ḅẹḅẹ, ọḅụkọ ye ori na lọkọlọkọsa ḅẹḅẹ ori ineda anị fẹ ọkịḅịa. 27Anị ọkọ pakamẹ ḅẹḅẹ, kọn se mun Ngọ Pẹkẹrẹḅo Kụra mị laḅịa igbiki ḅịpị mị ọ̀ nwọse anị fẹḅọ ḅe gbẹịnḅịa, oria kiri mị ọ̀ nwọ pẹkẹrẹ ḍọkịmẹ nwọḅẹ sịkị. 28Ọkụma se kiri mị pẹkẹrẹ ọkịḅịa igbiki mị ori na karakẹ ḅẹḅẹ, anị fẹḅọ ḅe ḅara anị sime mun jịn Ngọ Pẹkẹrẹḅo Kụra mị la. Anị kụra mị ḅie ori anị saḅama dada anị nyanaḅọ ḅe pịrịḅịa.
29Tomoniḅọ nemikase ini onu nama kelema opuama ḅie oria warị nwọ dẹrịmẹ ḅẹḅẹ, ọ̀ kụrọ nyanamẹ anị fẹ ọkị anị gbọrị kụra mị ḅie ḅụ, ori anị dẹrị ene mị ḅụ sakị. 30Ọkụma anị gbọrị kụra mị ḅie ḅụ ori ineda anị fẹ ọkịkẹ ḅẹḅẹ, ọ̀ ḅarị kụrọ nyanakẹ ngịsị se anị fẹ ọkị, warị mị gbọtụma sime anị fẹḅọ ḅe pịrịsam pịkị ò furo ḅie apụma na; Ngọ Pẹkẹrẹḅo Kụra mị ḅie ḅụ ini ḅarị anị saḅama ọ̀ pịrị ẹkẹ. 31Ọkụma ini onu nama kelemaka ịwọama ḅie sime warịma ini ozukiri ma mịẹ ọkụ anị ini pịkị àrị sọ mịẹḅịa ọkụ-ẹ; dada anị nyanaḅọ ḅe ọ̀ kụrọ nyanamẹ anị fẹ ọkị, Ngọ Pẹkẹrẹḅo Kụra mị ḅie ini àrị saḅama nyanapụ ma pịrịḅịa. 32Livaị apụma ọkụma, ini se ini pịrị opuamama ḅie ḅụ inia ngọma fẹ ọkị kụrọ mị ini nyanamẹ sịkịmamgba. 33Ma opuamama ḅie sime warị Livaịḅọ nwọ dẹrịmẹ se ọ̀ fẹ ọkịkẹ ḅẹḅẹ, Ngọ Pẹkẹrẹḅo Kụra mị ḅie ini anị saḅama ọ̀ pịrịḅịa, anịatịḅị Livaị apụma nwọ nyana warịma inia opuamama ḅie ḅụ, sime ini pịrị gbaso ngọ-ẹ Izrẹlapụma ogboku. 34Ọkụma nama fịfị osuein kirima nwọ Livaị apụma opuamama kelemaye mị ngịsị ini dẹrị ẹkẹ, anị inia ngọ-ẹ ọkịmun ḅene-ḅene la.
Igbiki Se Igwein Apụ Ḅọlọ Mị
35Nemikase ị́ juo Izrẹlḅọ ị́rị́ na kpekima angaḅọ ḅo igweinmẹ se ḅarị ineda mịnaḅụ ḍikiḍikikẹ ḅẹḅẹ, ị́ ye se iniḅọ pịrịḅịa anị ị́ seni ị́ ọkọ apụma na angaḅịa ọkụ mị, mịẹse iniḅọ pa ị́rị́ na kpekima angama munḅịa ḅara. 36Ị́ se iniḅọ ḅọlọ igbiki mị ḅụ sọye se gbana ọkịma, ọkụma Tamụnọ Ḅe ḍikiḅalafa, se ye ị́ juo Izrẹlapụma ị́rị́ na kpekima anga. 37Ị́ se iniḅọ ḅọlọ igbiki mị ḅụ iniḅọ mịẹse iniḅọ ye se gbana ị́ pịrịma, ị́ pịkị se iniḅọ dẹrị fịye mị ḅụ sọye ḍọkịma. 38Mịn anị Nyanaḅọ ọ́mịna Tamụnọ Ḅe oria oloko-ẹ, anị Ijipt mị ḅie ómine ọkịpakụmaḅo ḅọ ḅe, ò Kenan ama mị seni ọ́ pịrị pịkị ọ́mịna Tamụnọ sọḅịa ẹrẹchị.
Omoniapụ Ma Ḅụ Ḅarasin Mị
39Ị́ juo Izrẹlḅọ, ị́rị́ na kpekima angaḅọ ḅo igwein so ọkụma ori ọ̀ ḅụ se ị́ dẹrịmẹ ḅẹḅẹ, ọ̀ mịẹse ori omoniḅọ fịrịnwẹngịma. 40Ị́ ọkọḅo ḅọ ḅara ọ̀ nwọse ị́rị́ na sime pịkị fịrịnwẹngị ị́ pịrị mun Ngọ Pẹkẹrẹḅo Kụra mị la. 41Anịsịkị ori na oria awọma na ị́ wẹrịso se vinpịkị so ọ̀ pakaḅo furo mị munḅịa, se ò sime oria ḅieju-aḍapụ pịrị ngọ sọḅịa. 42Izrẹlapụma Nyanaḅọ Ḅe ini oria omoni-ẹ, ori mị pịkị Ijipt mị ḅie ini ọkị pakụmaḅoye-ẹ; anịẹrẹchị ini ini se omoniapụ mịẹ dẹrị ẹkẹ. 43Ọ́ kụrọkụrọ ḅara se ini mịẹma, ọkụma ọ́mịna Tamụnọ Ḅe ọ́ nwọ ḍikiḅalafa. 44Ó nemikase omoniapụ fẹ ḅimẹ ḅẹḅẹ, ó kelema sẹma ḅie ómine ineda ini fẹḅịa. 45Ómine na anga gboloma igoniapụ awọma ómine ineda ini fẹḅịa. Ini nwọ ọ́mịna ama mị ḅie sime yi awọma ini ọ́mịna ngọ sọḅịa, 46ọ́ pịkị ineda ini wẹrịso ọ́mịna awọma pịrị se ini ini nyana ọkịḅịa, se inia ḍumo ene mamgba ḅụ ini fịrịnwẹngị ini pịrịḅịa. Ọkụma ngịsị ó juo Izrẹlapụma ḅie ọ́ kụrọkụrọ ḅara se gbọrịḅọ sọnị mịẹma.
47Nemikase ómine na anga gboloma igoniḅọ ḅo ngọ kọnmẹ, se Izrẹlḅọ igwein se ọ̀ ḅụ se ori igoniḅọ ḅe anịkanịka ò furo ḅie ḅọ dẹrịmẹ ḅẹḅẹ. 48Ori ọ̀ ḅụ dẹrịsam nwọḅẹ sọnị, ọ̀ pa kụrọ nyana waraḅẹ ọ̀ ḅụ pẹkẹrẹ ọkị. Oria mịnapụma ḅie gbọrịḅọ 49anịkanịka ḍawu ḅe numbireowu, anịkanịka ḍawu numbireowu ḅe tọkụ anịkanịka jịn ori na kpeki mịnaḅọ ineda ọ̀ pẹkẹrẹḅịa; anịkanịka ò ḅo ḅara na igbiki nyanasam nwọ ḅẹḅẹ, ori ineda ọ̀ ḅụ pẹkẹrẹ ọkịḅịa. 50Ori ọ̀ pẹkẹrẹ ḅọ ḅe na ḅịpị ọkịaḅịa, se ini ọ̀ sakị ọ̀ ḅụ dẹrị sịkị mị ḅụ wẹrị kụra ma kịẹn mun jịn Ngọ Pẹkẹrẹḅo Kụra nwọ laḅịa, se ini ò seni ọ̀ ḅụ nyana ọkịḅịa igbiki mị nwọ tuḅoḅịa, anị ini se ọkọḅo fịrịnwẹngịḅọ gbẹịn gbẹịnye mị la-ọkụ. 51-52Tọn-a kụra pa kọnmẹ ḅẹḅẹ, seni ọ̀ pẹkẹrẹ ḅo ḅịa igbiki ḅịpị mị ḅụ pẹkẹrẹ ọ̀ nwọ gbẹịnḅịa, anị kọn kụra ma la-ọkụ, 53anị kụra kụra ḅe gbẹịnye ḅụ ori ori ọkọmẹ nwọḅẹ ḅara. Ọ̀ nyanaḅọ ḅe ọ̀ kụrọ kụrọ ḅara se ori na anga ẹkẹ. 54Ma ḅọkọ mamgba ḅụ ọ̀ pọkọkẹ ḅẹḅẹ, ori na oria awọma na jịn Ngọ Pẹkẹrẹḅo Kụra ḅie ini ini wẹrịso se ini soḅịa. 55Izrẹl furo tọkụ ngịsị omoniḅọ sọ gbaso ẹkẹ, anịatịḅị Izrẹlapụma Nyanaḅọ Ḅe ini ma oria omoni-ẹ. Ori anị Ijipt mị ḅie ini ọkịpakụmaḅo ḅọ ḅe-ẹ; ori anị Nyanaḅọ inia Tamụnọ Ḅe-ẹ.
Currently Selected:
Agbamịẹ Apụ 25: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Agbamịẹ Apụ 25
25
Sọnọmẹ Karama Kụra Mị
(Maịn 15.1-11)
1Nyanaḅọ Ḅe Saịnaị Tụndụ mị ọgọnọ ḅụ ọkwẹịn Moziz ḅe pịrị se tọn ọ̀ pịrịmẹ na 2ọ̀ ma olokoma chụa se Izrẹlapụma pịrị. Nyanaḅọ Ḅe se ọ́ pịrịarị ama mị ḅie ọ́ sọsa ḅẹḅẹ, ómine osi se Nyanaḅọ Ḅe pịrịḅịa, anị sọnọmẹ karama kụra goyegoye fịye ḍipika ḅụ. 3Sonio-a kụra anị ó se ozu ḍipi, irumịẹ chịnmgbọlụ ozuma tẹlịma pịkị fịayema koḅirimaḅịaye-ẹ. 4Ọkụma sọnọmẹ karama kụra mị, ozukiri ma àrị ịnyọsaraḅịa, se osi seni Nyanaḅọ Ḅe pịrịḅịa kụra-ẹ. Ọ́mịna ozuma ó ḍipima pịkị irumịẹ chịnmgbọlụ ozuma sọnị ọ́ tẹlịmama. 5Ó ḍipika se ngẹrị sopaka ịpịamgba ma sọ ọ́ pẹlẹma, ọ́ tẹlịmaka tụmgbakị elelenda ozuma sọ ọ́ kaịnma; anị kiri mị anị jokoma anị kụra mị ḅie ịnyọsaraḅịa. 6Anị kụra mị ḅie kiri mị ḅie ọ́ fịye ḍipikẹ nwọḅẹ sọnị, anị fịye pakụmaḅo ómine na ọ́mịna omoni ma na, ómine ọkọḅo apụma na, ómine na anga igoniapụma na, 7ọ́mịna namama na pịkị ọ́mịna ozuma ḅie sime piri namama pịrịḅịa. Anịa ḅie pakaḅo fịye goyegoye ọ́ fịḅịa.
Ye Seni Pịkịmaḅo Koroma Kụra Mị
8Sọnọmẹ sọnọmẹ ḅe sọnọma kụra nwọ kịẹn, anịmgba ngei fa kụra mesi oyi fịnjị-ẹ. 9Anịsịkị, sọnọma akalụ mị ḅie oyi-a ḍin ene, anị Ḅẹrẹfama Ene mị ḅie, gbọrịḅọ fịrịma ori oḍu ofuro bebe ama mị mgba kelema. 10Mị ḅara anị ó se kụra mesi oyi fịnjị karama kụra mị sikima wẹrịḅịa ọkụ-ẹ, se ngẹrị tịḅịnyana mị ḍuko pakụma ama mị ḅie sime apụma pịrịḅịa ọkụ-ẹ. Anị opu ḅieḅẹlẹ alalị sọ ọ́ pịrịḅịa. Mị kụra mị ḅie, ini dẹrịsa ngọ goyegoye ini ọkịḅo dada anị nyanaḅọ mị pịrịḅịa anịkanịka ò furo ḅie apụma, se ini seni omoniḅọ ḅaraḅụ dẹrịsaḅọ ḅe, ò vinpịkịso ọ̀ pakaḅo furo mị nwọ munḅịa. 11Ọ́mịna ozukiri ma ḅie ọ́ fịye ḍipi ẹkẹ arịa ḅie, ngẹrị sopaka ịpịamgba ma sọ ọ́ pẹlẹ ẹkẹ, pịkị ọ́ tẹlịmaka tụmgbakị elelenda ozuma sọnị ọ́ kaịn ẹkẹ. 12Bebe kụra mị, anị osiḅụ simeye sọ ọ́ pịrịḅịa; ozukiri ma pakụmaḅo ọ́ pịrị ayema kẹngẹ mị ọ́ fịḅịaye-ẹ.
13Mịn kụra mị ḅie ini dẹrịsa ngọ mamgba ini saḅama dada anị nyanaḅọ mị pịrịḅịa. 14Anịẹrẹchị ị́ kiri se ị́ juo Izrẹlḅọ dẹrịmẹ anịkanịka ị́ nụḅọ ḅara fẹmẹ ḅẹḅẹ, kuraka ḅara se yemịẹma. 15Ye se Pịkịmaḅo ḅịa jịn Kụra ma laka sịkị ḅụ, kiri mị ineda fịaye pakụma ḅo ḅịa kụra ma laḅịa igbiki ḅịpị ọ́ nwọ pẹlẹ. 16Ḅaka kụra-ẹ ḅẹḅẹ, ḅịpị mị iwomaḅịa, ọkụma boka kụra kẹngẹ-ẹ ḅẹḅẹ igbiki ḅịpị mị iderimaḅịa, anịatịḅị ini dẹrị arịye ma anị kiri mị ineda pakụmaḅo ayema la ọkụ-ẹ. 17Ị́ juo Izrẹlḅọ inuma ma, ọkụma ị́ Nyana Tamụnọ Ḅe ḅịpị poki. Anịatịḅị Ị̀rị̀ anị ị́ Nyana Tamụnọ Ḅe-ẹ.
Sọnọmẹ Karama Kụra Mị Ḅe Ḅụfụka
18Nyanaḅọ Ḅe oria oloko mamgba na ọ̀ tọn ayema na ọ́ nwọ koko, mịẹso sịkị ó deinma ama mị ḅie angaḅịa ọkụ. 19Amakiri mị anịa fịye pakụmaḅoḅịa, se ọ́ fịḅịaye mamgba ọ́ nyanaḅịa, ọ́ pịkị deinma anịa ḅie angaḅịa.
20Ọkụma, ẹbịasi tomoniḅọ ineda gbelaḅịa na sọnọmẹ karama kụra mị ḅie wa che fịḅe, fịye nwọ ozukiri ma ḅie ḍipika, wa pịkị fịaye sọnị nwọ tan ẹka sịkị? 21Nyanaḅọ Ḅe ori amakiri mị ḅẹlẹmaḅịa mịẹse sonio-a kụra karama kụra mị anị ineda mama kụra ḅụ ọ́ fị ọ́ karaḅịa fịye nwọ pakụmaḅoḅịa ọkụ. 22Nine karama kụra mị ḅie ọ́ fịye ḍipisa ḅẹḅẹ, sonio-a kụra karama kụra mị ḅie ó sokuḅo fịayema mị ọ́ fịma munḅịaye-ẹ, ọ́ pịkị ọ́ karaḅịa fịye nyana ọkịmun anị kụra mị ḅie ó ḍipi fịayema nwọ soku sịkị laḅịa.
Ngọ Pẹkẹrẹ Ḅo Kụra Mị
23Kiri ma ngịsị ọ́ gbọtụma dẹrịma, anịatịḅị ómine anị nyanakẹ, anị sime Tamụnọ Ḅe pịrịmẹ, ómine igoniapụ kịkẹmẹ, à papa ḅereni ọ́ pịrịmẹ ómine anị se fịrị ḅụ chu.
24Ó kiri dẹrịmẹ ḅẹḅẹ, dada anị nyanaḅọ ḅe pịkị anị fẹ ọkị mị ó ḅereni ọ̀ pịrị. 25Nemikase mịẹḅịa ọkụ oforiḅaraḅụ igwein Izrẹlḅọ oria kiri dẹrịmẹ ḅẹḅẹ, ori na kpekitẹịn mịnaḅọ anị fẹ pẹkẹrẹḅo. 26Anị fẹ pẹkẹrẹḅoḅịa mịnaḅọ ofori-ẹ ḅẹḅẹ, ọḅụkọ ye ori na lọkọlọkọsa ḅẹḅẹ ori ineda anị fẹ ọkịḅịa. 27Anị ọkọ pakamẹ ḅẹḅẹ, kọn se mun Ngọ Pẹkẹrẹḅo Kụra mị laḅịa igbiki ḅịpị mị ọ̀ nwọse anị fẹḅọ ḅe gbẹịnḅịa, oria kiri mị ọ̀ nwọ pẹkẹrẹ ḍọkịmẹ nwọḅẹ sịkị. 28Ọkụma se kiri mị pẹkẹrẹ ọkịḅịa igbiki mị ori na karakẹ ḅẹḅẹ, anị fẹḅọ ḅe ḅara anị sime mun jịn Ngọ Pẹkẹrẹḅo Kụra mị la. Anị kụra mị ḅie ori anị saḅama dada anị nyanaḅọ ḅe pịrịḅịa.
29Tomoniḅọ nemikase ini onu nama kelema opuama ḅie oria warị nwọ dẹrịmẹ ḅẹḅẹ, ọ̀ kụrọ nyanamẹ anị fẹ ọkị anị gbọrị kụra mị ḅie ḅụ, ori anị dẹrị ene mị ḅụ sakị. 30Ọkụma anị gbọrị kụra mị ḅie ḅụ ori ineda anị fẹ ọkịkẹ ḅẹḅẹ, ọ̀ ḅarị kụrọ nyanakẹ ngịsị se anị fẹ ọkị, warị mị gbọtụma sime anị fẹḅọ ḅe pịrịsam pịkị ò furo ḅie apụma na; Ngọ Pẹkẹrẹḅo Kụra mị ḅie ḅụ ini ḅarị anị saḅama ọ̀ pịrị ẹkẹ. 31Ọkụma ini onu nama kelemaka ịwọama ḅie sime warịma ini ozukiri ma mịẹ ọkụ anị ini pịkị àrị sọ mịẹḅịa ọkụ-ẹ; dada anị nyanaḅọ ḅe ọ̀ kụrọ nyanamẹ anị fẹ ọkị, Ngọ Pẹkẹrẹḅo Kụra mị ḅie ini àrị saḅama nyanapụ ma pịrịḅịa. 32Livaị apụma ọkụma, ini se ini pịrị opuamama ḅie ḅụ inia ngọma fẹ ọkị kụrọ mị ini nyanamẹ sịkịmamgba. 33Ma opuamama ḅie sime warị Livaịḅọ nwọ dẹrịmẹ se ọ̀ fẹ ọkịkẹ ḅẹḅẹ, Ngọ Pẹkẹrẹḅo Kụra mị ḅie ini anị saḅama ọ̀ pịrịḅịa, anịatịḅị Livaị apụma nwọ nyana warịma inia opuamama ḅie ḅụ, sime ini pịrị gbaso ngọ-ẹ Izrẹlapụma ogboku. 34Ọkụma nama fịfị osuein kirima nwọ Livaị apụma opuamama kelemaye mị ngịsị ini dẹrị ẹkẹ, anị inia ngọ-ẹ ọkịmun ḅene-ḅene la.
Igbiki Se Igwein Apụ Ḅọlọ Mị
35Nemikase ị́ juo Izrẹlḅọ ị́rị́ na kpekima angaḅọ ḅo igweinmẹ se ḅarị ineda mịnaḅụ ḍikiḍikikẹ ḅẹḅẹ, ị́ ye se iniḅọ pịrịḅịa anị ị́ seni ị́ ọkọ apụma na angaḅịa ọkụ mị, mịẹse iniḅọ pa ị́rị́ na kpekima angama munḅịa ḅara. 36Ị́ se iniḅọ ḅọlọ igbiki mị ḅụ sọye se gbana ọkịma, ọkụma Tamụnọ Ḅe ḍikiḅalafa, se ye ị́ juo Izrẹlapụma ị́rị́ na kpekima anga. 37Ị́ se iniḅọ ḅọlọ igbiki mị ḅụ iniḅọ mịẹse iniḅọ ye se gbana ị́ pịrịma, ị́ pịkị se iniḅọ dẹrị fịye mị ḅụ sọye ḍọkịma. 38Mịn anị Nyanaḅọ ọ́mịna Tamụnọ Ḅe oria oloko-ẹ, anị Ijipt mị ḅie ómine ọkịpakụmaḅo ḅọ ḅe, ò Kenan ama mị seni ọ́ pịrị pịkị ọ́mịna Tamụnọ sọḅịa ẹrẹchị.
Omoniapụ Ma Ḅụ Ḅarasin Mị
39Ị́ juo Izrẹlḅọ, ị́rị́ na kpekima angaḅọ ḅo igwein so ọkụma ori ọ̀ ḅụ se ị́ dẹrịmẹ ḅẹḅẹ, ọ̀ mịẹse ori omoniḅọ fịrịnwẹngịma. 40Ị́ ọkọḅo ḅọ ḅara ọ̀ nwọse ị́rị́ na sime pịkị fịrịnwẹngị ị́ pịrị mun Ngọ Pẹkẹrẹḅo Kụra mị la. 41Anịsịkị ori na oria awọma na ị́ wẹrịso se vinpịkị so ọ̀ pakaḅo furo mị munḅịa, se ò sime oria ḅieju-aḍapụ pịrị ngọ sọḅịa. 42Izrẹlapụma Nyanaḅọ Ḅe ini oria omoni-ẹ, ori mị pịkị Ijipt mị ḅie ini ọkị pakụmaḅoye-ẹ; anịẹrẹchị ini ini se omoniapụ mịẹ dẹrị ẹkẹ. 43Ọ́ kụrọkụrọ ḅara se ini mịẹma, ọkụma ọ́mịna Tamụnọ Ḅe ọ́ nwọ ḍikiḅalafa. 44Ó nemikase omoniapụ fẹ ḅimẹ ḅẹḅẹ, ó kelema sẹma ḅie ómine ineda ini fẹḅịa. 45Ómine na anga gboloma igoniapụ awọma ómine ineda ini fẹḅịa. Ini nwọ ọ́mịna ama mị ḅie sime yi awọma ini ọ́mịna ngọ sọḅịa, 46ọ́ pịkị ineda ini wẹrịso ọ́mịna awọma pịrị se ini ini nyana ọkịḅịa, se inia ḍumo ene mamgba ḅụ ini fịrịnwẹngị ini pịrịḅịa. Ọkụma ngịsị ó juo Izrẹlapụma ḅie ọ́ kụrọkụrọ ḅara se gbọrịḅọ sọnị mịẹma.
47Nemikase ómine na anga gboloma igoniḅọ ḅo ngọ kọnmẹ, se Izrẹlḅọ igwein se ọ̀ ḅụ se ori igoniḅọ ḅe anịkanịka ò furo ḅie ḅọ dẹrịmẹ ḅẹḅẹ. 48Ori ọ̀ ḅụ dẹrịsam nwọḅẹ sọnị, ọ̀ pa kụrọ nyana waraḅẹ ọ̀ ḅụ pẹkẹrẹ ọkị. Oria mịnapụma ḅie gbọrịḅọ 49anịkanịka ḍawu ḅe numbireowu, anịkanịka ḍawu numbireowu ḅe tọkụ anịkanịka jịn ori na kpeki mịnaḅọ ineda ọ̀ pẹkẹrẹḅịa; anịkanịka ò ḅo ḅara na igbiki nyanasam nwọ ḅẹḅẹ, ori ineda ọ̀ ḅụ pẹkẹrẹ ọkịḅịa. 50Ori ọ̀ pẹkẹrẹ ḅọ ḅe na ḅịpị ọkịaḅịa, se ini ọ̀ sakị ọ̀ ḅụ dẹrị sịkị mị ḅụ wẹrị kụra ma kịẹn mun jịn Ngọ Pẹkẹrẹḅo Kụra nwọ laḅịa, se ini ò seni ọ̀ ḅụ nyana ọkịḅịa igbiki mị nwọ tuḅoḅịa, anị ini se ọkọḅo fịrịnwẹngịḅọ gbẹịn gbẹịnye mị la-ọkụ. 51-52Tọn-a kụra pa kọnmẹ ḅẹḅẹ, seni ọ̀ pẹkẹrẹ ḅo ḅịa igbiki ḅịpị mị ḅụ pẹkẹrẹ ọ̀ nwọ gbẹịnḅịa, anị kọn kụra ma la-ọkụ, 53anị kụra kụra ḅe gbẹịnye ḅụ ori ori ọkọmẹ nwọḅẹ ḅara. Ọ̀ nyanaḅọ ḅe ọ̀ kụrọ kụrọ ḅara se ori na anga ẹkẹ. 54Ma ḅọkọ mamgba ḅụ ọ̀ pọkọkẹ ḅẹḅẹ, ori na oria awọma na jịn Ngọ Pẹkẹrẹḅo Kụra ḅie ini ini wẹrịso se ini soḅịa. 55Izrẹl furo tọkụ ngịsị omoniḅọ sọ gbaso ẹkẹ, anịatịḅị Izrẹlapụma Nyanaḅọ Ḅe ini ma oria omoni-ẹ. Ori anị Ijipt mị ḅie ini ọkịpakụmaḅo ḅọ ḅe-ẹ; ori anị Nyanaḅọ inia Tamụnọ Ḅe-ẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria