Agbamịẹ Apụ 18
18
Ama Na Ere Na Ḅụgboloma Ḅụ Tọntọn Aye Ma
1Nyanaḅọ Ḅe nwọse Moziz ḅe ḅẹmẹ 2ḍuko Izrẹlapụma pịrị, “Ị̀rị̀ anị Nyanaḅọ ọ́mịna Tamụnọ Ḅe-ẹ. 3Ijipt apụma mịẹmịẹ ayema ómine àrị mịẹma, anị gbọrị sịkị ómine anga-ẹso nyọ mị, anịkanịka Kenan apụma, anị mịọkụ àrị ó se mun-arị ama mị ḅie anga apụma, ómine inia mịẹmịẹ ayema mịẹma. 4Ómine ị̀ya olokoma koko se à tọnye nwọ mịẹ. Ị̀rị̀ anị Nyanaḅọ ọ́mịna Tamụnọ Ḅe-ẹ. 5Àrị ọ́ ḅe mịẹ nwọ ḅẹ ayema na pịkị à chụa ọ́ pịrị olokoma na ọ́ nwọ ḍuko nwẹngị; ómine ọ́mịna ḍumo ḍụaḅịa; ómine ọkọ mịẹ ọkụma, Ị̀rị̀ anị Nyanaḅọ Ḅe-ẹ.”
6Nyanaḅọ Ḅe ma olokoma se ini pịrịmẹ. Ị́ya mịnaḅọ goyegoye na ḅụgbolomama. 7Ị́ ḍa ḅe ḅụgereremama anị ị́ nyengima na gboloma ḅụ. Ngịsị ị́ nyengima ḅụgererema ẹkẹ. 8Ị́ ḍa ḅe ḅụgereremama anị oria ísí erema ḅie gbọrịḅọ na gboloma ḅụ. 9Ị́ ḍa anịkanịka ị́ nyengima jụmḅọ na yi ḅọrọsaḅọ na ḅụgbolomama, gbọrị warị ḅie ini ị́rị́ na árị na ḍikiḍiki pakụmaḅo-o ini ómine ḍikiḍiki pakụmaḅoka sọnị. 10Ị́ya tọkụ yi tọkụ ma na ḅụgbolomama; anị ḅụgereremaye sọ ị́ pịrịḅịa. 11Ị́rị́ na gbọrị ḍaḅọ na yi eremeniḅọ ọkụma gbọrị nyengiḅọkẹ, anịkanịka gbọrị nyengiḅọ-ẹ, ọkụma gbọrị ḍaḅọkẹ na ḅụgbolomama, árị sọnị ị́ mbụra-ẹ. 12-13Ị́ ḍaḅe nụmbụrarọ anịkanịka ị́ nyengima nụmbụrarọ na ḅụgbolomama. 14Ị́ ḍaḅe numbireowu ta ma na ḅụgbolomama, árị sọnị mbụra-ẹ. 15Ị́ya tọkụ ḅe tarọ ma na ḅụgbolomama 16anịkanịka ị́ mbire ḅe tarọ sọnị. 17Ḅọrọsa sịkị ị́rị́ na gboloma sa ḅọ ḅa, anịkanịka ḅarọ ma tọkụ, na ḅụgbolomama; sosi ini ị́rị́ na pakụmaḅịa, anị mịna pulo ḅieḅọ ḍọkị si ẹrẹ sọ ị́ pịrịḅịa. 18Ị́ ta ma ḍumo simeogbo nụmbụrarọ ọkị se ị́ya erema ḅụ gbọrịḅọ mịẹma.
19Eremeniḅọ na ḅụgbolomama á kiri ọrịarị sịkị ḅụ, anịatịḅị á fịafịakẹ. 20Jụmḅọ ta na ḅụgbolomama; anị ị́ mịẹse ị́ fịafịakaḅọ sọḅịa. 21Ị́ya awọma ḅie gbọrịḅọ sọnị se dọkịma agba mịẹ Mọlẹk oru mị pịrịma anịatịḅị anị ḅụgerere ọkịḅo Tamụnọ Nyanaḅọ Ḅe ẹrẹ mị pịrịḅịa. 22Gbọrị owuḅọ sọnị ò juo owuḅọ na ḅụgbolomama; Tamụnọ Ḅe ọ̀ taraka se anị wẹrịmamẹ. 23Gbọrị owuḅọ anịkanịka eremeniḅọ sọnị nama na ḅụgbolomama, anị si ḍumo mị anị ị́ seni fịafịakaḅọ nwọ mịẹmẹ.
24Ma mịẹmịẹaye ma ḅụ gbọrịye sọnị ọ́ ḅụ se chuma, ó ḅofa fịafịakapụ sọ, anịatịḅị ma anị orutẹkẹ apụma mịẹse ini fịafịaka aye ma-ẹ; ini orutẹkẹ apụma, anị ọ́mịna tọrọkọ sime ama mị ḅie anga apụma, anị Nyanaḅọ Ḅe pịkị depakụmarịapụ ma-ẹ, mịẹse ọ́ sọmunḅịa ọkụ. 25Inia mịẹmịẹaye ma ama mị se fịafịakaye nwọ mịẹmẹ, anịẹrẹchị Nyanaḅọ Ḅe ò fomuḅara se ama mị pịrịaḅẹ, pịkị mịẹse Nyanaḅọ Ḅe anịa ḅie anga apụma sịkịaḅẹ. 26-27Ma ḅụngụngụma aye mamgba ini nwọ mịẹmẹ se ama mị seni fịafịakaye nwọ mịẹmẹ, ọkụma ngịsị ómine àrị mịẹ ẹkẹ. Ómine mgba ọ́ Nyanaḅọ Ḅe olokoma nwọ koko pịkị ọ̀ tọnye mịẹ, anị ḅọrọ ómine Izrẹlapụ-o anịkanịka ómine na anga jịn sẹ apụma sọnị, 28anịsịkị ama mị anị ọ́ sịkị ẹkẹ, anị anịa ḅie tatarị anga orutẹkẹ sime se ó ḅo apụma sịkị ọkụ mị. 29Ó nemimẹ na ma ḅụngụngụma ayema ḅụ gbọrịye mịẹḅọ, ini ḅarị nụḅọ se Tamụnọ-a tomonima ḅie gbọrịḅọ kịẹnma ẹkẹ.
30Nyanaḅọ Ḅe pịkị nwọ ḅẹmẹ, “À se ọ́ pịrị ayema ọ́ nwọ mịẹ se tatarị ama mị ḅie anga se ó ḅo apụma mịẹmịẹaye ma ómine àrị ḍikimama, ọ́ pịkị ma ayema ḅụ gbọrịye mịẹḅụ ḅo fịafịaka apụ nwọ sọma. Ị̀rị̀ anị Nyanaḅọ, ọ́mịna Tamụnọ Ḅe-ẹ.”
Currently Selected:
Agbamịẹ Apụ 18: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Agbamịẹ Apụ 18
18
Ama Na Ere Na Ḅụgboloma Ḅụ Tọntọn Aye Ma
1Nyanaḅọ Ḅe nwọse Moziz ḅe ḅẹmẹ 2ḍuko Izrẹlapụma pịrị, “Ị̀rị̀ anị Nyanaḅọ ọ́mịna Tamụnọ Ḅe-ẹ. 3Ijipt apụma mịẹmịẹ ayema ómine àrị mịẹma, anị gbọrị sịkị ómine anga-ẹso nyọ mị, anịkanịka Kenan apụma, anị mịọkụ àrị ó se mun-arị ama mị ḅie anga apụma, ómine inia mịẹmịẹ ayema mịẹma. 4Ómine ị̀ya olokoma koko se à tọnye nwọ mịẹ. Ị̀rị̀ anị Nyanaḅọ ọ́mịna Tamụnọ Ḅe-ẹ. 5Àrị ọ́ ḅe mịẹ nwọ ḅẹ ayema na pịkị à chụa ọ́ pịrị olokoma na ọ́ nwọ ḍuko nwẹngị; ómine ọ́mịna ḍumo ḍụaḅịa; ómine ọkọ mịẹ ọkụma, Ị̀rị̀ anị Nyanaḅọ Ḅe-ẹ.”
6Nyanaḅọ Ḅe ma olokoma se ini pịrịmẹ. Ị́ya mịnaḅọ goyegoye na ḅụgbolomama. 7Ị́ ḍa ḅe ḅụgereremama anị ị́ nyengima na gboloma ḅụ. Ngịsị ị́ nyengima ḅụgererema ẹkẹ. 8Ị́ ḍa ḅe ḅụgereremama anị oria ísí erema ḅie gbọrịḅọ na gboloma ḅụ. 9Ị́ ḍa anịkanịka ị́ nyengima jụmḅọ na yi ḅọrọsaḅọ na ḅụgbolomama, gbọrị warị ḅie ini ị́rị́ na árị na ḍikiḍiki pakụmaḅo-o ini ómine ḍikiḍiki pakụmaḅoka sọnị. 10Ị́ya tọkụ yi tọkụ ma na ḅụgbolomama; anị ḅụgereremaye sọ ị́ pịrịḅịa. 11Ị́rị́ na gbọrị ḍaḅọ na yi eremeniḅọ ọkụma gbọrị nyengiḅọkẹ, anịkanịka gbọrị nyengiḅọ-ẹ, ọkụma gbọrị ḍaḅọkẹ na ḅụgbolomama, árị sọnị ị́ mbụra-ẹ. 12-13Ị́ ḍaḅe nụmbụrarọ anịkanịka ị́ nyengima nụmbụrarọ na ḅụgbolomama. 14Ị́ ḍaḅe numbireowu ta ma na ḅụgbolomama, árị sọnị mbụra-ẹ. 15Ị́ya tọkụ ḅe tarọ ma na ḅụgbolomama 16anịkanịka ị́ mbire ḅe tarọ sọnị. 17Ḅọrọsa sịkị ị́rị́ na gboloma sa ḅọ ḅa, anịkanịka ḅarọ ma tọkụ, na ḅụgbolomama; sosi ini ị́rị́ na pakụmaḅịa, anị mịna pulo ḅieḅọ ḍọkị si ẹrẹ sọ ị́ pịrịḅịa. 18Ị́ ta ma ḍumo simeogbo nụmbụrarọ ọkị se ị́ya erema ḅụ gbọrịḅọ mịẹma.
19Eremeniḅọ na ḅụgbolomama á kiri ọrịarị sịkị ḅụ, anịatịḅị á fịafịakẹ. 20Jụmḅọ ta na ḅụgbolomama; anị ị́ mịẹse ị́ fịafịakaḅọ sọḅịa. 21Ị́ya awọma ḅie gbọrịḅọ sọnị se dọkịma agba mịẹ Mọlẹk oru mị pịrịma anịatịḅị anị ḅụgerere ọkịḅo Tamụnọ Nyanaḅọ Ḅe ẹrẹ mị pịrịḅịa. 22Gbọrị owuḅọ sọnị ò juo owuḅọ na ḅụgbolomama; Tamụnọ Ḅe ọ̀ taraka se anị wẹrịmamẹ. 23Gbọrị owuḅọ anịkanịka eremeniḅọ sọnị nama na ḅụgbolomama, anị si ḍumo mị anị ị́ seni fịafịakaḅọ nwọ mịẹmẹ.
24Ma mịẹmịẹaye ma ḅụ gbọrịye sọnị ọ́ ḅụ se chuma, ó ḅofa fịafịakapụ sọ, anịatịḅị ma anị orutẹkẹ apụma mịẹse ini fịafịaka aye ma-ẹ; ini orutẹkẹ apụma, anị ọ́mịna tọrọkọ sime ama mị ḅie anga apụma, anị Nyanaḅọ Ḅe pịkị depakụmarịapụ ma-ẹ, mịẹse ọ́ sọmunḅịa ọkụ. 25Inia mịẹmịẹaye ma ama mị se fịafịakaye nwọ mịẹmẹ, anịẹrẹchị Nyanaḅọ Ḅe ò fomuḅara se ama mị pịrịaḅẹ, pịkị mịẹse Nyanaḅọ Ḅe anịa ḅie anga apụma sịkịaḅẹ. 26-27Ma ḅụngụngụma aye mamgba ini nwọ mịẹmẹ se ama mị seni fịafịakaye nwọ mịẹmẹ, ọkụma ngịsị ómine àrị mịẹ ẹkẹ. Ómine mgba ọ́ Nyanaḅọ Ḅe olokoma nwọ koko pịkị ọ̀ tọnye mịẹ, anị ḅọrọ ómine Izrẹlapụ-o anịkanịka ómine na anga jịn sẹ apụma sọnị, 28anịsịkị ama mị anị ọ́ sịkị ẹkẹ, anị anịa ḅie tatarị anga orutẹkẹ sime se ó ḅo apụma sịkị ọkụ mị. 29Ó nemimẹ na ma ḅụngụngụma ayema ḅụ gbọrịye mịẹḅọ, ini ḅarị nụḅọ se Tamụnọ-a tomonima ḅie gbọrịḅọ kịẹnma ẹkẹ.
30Nyanaḅọ Ḅe pịkị nwọ ḅẹmẹ, “À se ọ́ pịrị ayema ọ́ nwọ mịẹ se tatarị ama mị ḅie anga se ó ḅo apụma mịẹmịẹaye ma ómine àrị ḍikimama, ọ́ pịkị ma ayema ḅụ gbọrịye mịẹḅụ ḅo fịafịaka apụ nwọ sọma. Ị̀rị̀ anị Nyanaḅọ, ọ́mịna Tamụnọ Ḅe-ẹ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria