Pakaso 9
9
Nama Ma Ḅe Fị Mị
1Nyanaḅọ Ḅe nwọse Moziz ḅe ḅẹmẹ, “Somun ḍuko amanyanaḅọ ḅe pịrị na Nyanaḅọ, Hibru apụ Tamụnọ Ḅe, nwọ ḅẹmẹ, ‘Ị̀ya tomonima wẹrịso ini so, mịẹse ini ị̀ tẹkẹḅịa ọkụ. 2Ị́ pịkị mịọkụ sọnị ini wẹrịso se ini soka ọkụma, 3à ḅalafama obi seni ọ́mịna nama mamgba gbinḅịa se fomuḅara seni ọ́mịna asụnma na, yepụra asụn ma na, ike-nambuloma na, nambuloma na, ananama na, pịkị oḅorima na pịrịḅịa. 4Izrẹlapụ namama na pịkị Ijipt apụ nama na ogboku à kịrị elekima chụa koromaḅịa, se Izrẹlapụ namama ḅụ gbọrị wu sọnị fịẹkẹ. 5Ị̀rị̀, Nyanaḅọ Ḅe, ḅa mị à nwọ tọn koromasam, anị à mịn mị mịẹḅịa sịkị-ẹ.’”
6Anịḅe eneḅa, Nyanaḅọ Ḅe ọ̀ ḅẹ ọkụ mị ọ̀ nwọ mịẹmẹ, se Ijipt apụ nama mamgba fịmẹ, ọkụma Izrẹlapụ namama ḅụ gbọrị wu sọnị fịkẹ. 7Amanyanaḅọ ḅe ọ̀ pakaye mị gbela se ini ḍuko ọ̀ pịrịmẹ na Izrẹlapụ namama ḅụ gbọrị wu sọnị fịkẹ. Ọkụma ori ininachịnmẹ, ọ̀ pịkị ḍụkụkẹ tomonima so.
Ọpọpọlị Ma
8Anị Nyanaḅọ Ḅe nwọse Moziz ḅe na Erọn ḅe na ḅẹye-ẹ, “Ọpọchuku ḅụ ḅarakuḅu ḅeinḅịa fọn ọ́ nwọ ọkị; se Moziz ḅe ori anị se fọrụ mị ḅie sara wasama amanyanaḅọ ḅe tọrọkọ ḅụ. 9Ànị iḅi nwịnịnwịnị fọn ḅara seni wasama bebe Ijipt ama mị mgba kelemaḅịa, se nyọ mamgba ḅụ anị ịnọtọrụ chụa ọpọpọlị pakụmaḅịa, tomonima ḅụ na namama ḅụ na.” 10Anị ini fọn ọkị se mun amanyanaḅọ ḅe tọrọkọ chịẹye-ẹ; Moziz ḅe anị se fọrụ mị ḅie sara wasamamẹ amanyanaḅọ ḅe tọrọkọ ḅụ, se àrị ịnọtọrụ chụa ọpọpọlị pakụmamẹ tomonima na namama na ḅụ. 11Ḍiri kọrị apụma ini ineda Moziz ḅe tọrọkọ iniaḅụ pakụmakẹ, anịatịḅị ọpọpọlị inia oju ḅụ sara ḅeinmẹ, ísí-a Ijipt apụma ḅụ anị sime ọkụ. 12Ọkụma Nyanaḅọ Ḅe ori amanyanaḅọ ḅe mịẹse ori ininachịnmẹ, anị Nyanaḅọ Ḅe ḍukosa ḅaraḅụ, na amanyanaḅọ ḅe Moziz ḅe na Erọn ḅe na ḅịpị ò poki ḍụkụkẹ.
Opu Ene Mgbọlụ
13Anị Nyanaḅọ Ḅe nwọse Moziz ḅe ḅẹye-ẹ, “Ḅa dede funfun ḅụ amanyanaḅọ ḅe na ịrịa se ḍuko ọ̀ pịrị na, Nyanaḅọ Hibru apụ Tamụnọ Ḅe, nwọ ḅẹmẹ, ‘Ị̀ya tomonima wẹrịso se ini so, mịẹse ini ị̀ tẹkẹḅịa ọkụ. 14Mị sịkị fomuḅara mị à ḅarị se ị́ya fịrịtịḅịnị ma na, pịkị ị́ya tomonima na kẹngẹ nwọ pịrị-ẹkẹ, ọkụma ị́rị́ sọnị à fomuḅara seni ị́ pịrịḅịa, mịẹse ị́ nemiḅịa ọkụ na à sime ọkụ simeḅọ ofori-ẹ, bebe tomonikiri mị ḅie mgba. 15À ḅọrọ nemikase ị̀ ḅara deki se obi se ị́rị́ na ị́ya tomonima na fomu ọkụma, mgbọkụ ọ́ fịsosam. 16Ọkụma pa ị̀ya kụrọ mị se ó ḍieḅịa ẹrẹchị, à wẹrịso se ó ḍumomẹ, mịẹse ị̀ya ẹrẹso mị, wasama mun bebe tomonikiri mị mgba kelemaḅịa ọkụ. 17Anị-ẹ ḅẹ sọnị, ị́ pa ḅụ dekichịẹma se pịkị ḍụkụkẹ ị̀ya tomonima so. 18Ḅa nwọ pembe ḅiri à mịẹse opu ene mgbọlụ-irisi fieḅịa, Ijipt mị jịn sịkị ma ọrịkaye. 19Mịọkụ kụrọ pịrị ini ọ́mịna nama mamgba tan warị chu, pịkị nụngọ ḅụ simeye goyegoye mamgba ó se warị ḅie chu se àrị tịḅịkikima. Opu ene mgbọlụ koro tomonima na namama na ḅaaḅịa, anị tịḅịkikimaye oforika ḅara seni papa nụngọ ogbo sara simeye goyegoye.’” 20Amanyanaḅọ ḅe, oria fịrịtịḅịdapụ ma ḅie dapụ Nyanaḅọ Ḅe kọn ọkwẹịn mị ḅụ ḅalafa nwọ nyanamẹ, anịẹrẹchị ini inia omoniapụ ma na namama na ọkị warị chumẹ, inia tịḅịkikimaḅịaye gose. 21Iniaḅụ dapụ Nyanaḅọ Ḅe se inia ḅerijineye mị se yechịnka ẹrẹchị, inia omoniapụ ma na namama na wẹrịsomẹ nụngọ ogbo, tịḅịkikimaye oforika ḅaraḅụ.
22Anị Nyanaḅọ Ḅe nwọse Moziz ḅe ḅẹye-ẹ, “Ị́ ḅara dekichịẹma so mị da, opu ene mgbọlụ bebe Ijipt ama mị ḅie mgba koro tomonima na, namama na pịkị ozuma ḅie sime chịnmgbọlụ chụa chịn mamgba na ọgọnọ ḅụ saraḅịa.” 23Anị Moziz ḅe oria amgbara mị dekichịẹma so mị daye-ẹ, se Nyanaḅọ Ḅe ò soalagba na opu ene mgbọlụ na, so wakam na nwọ fịrịma kiri mị tẹịnmẹ. Nyanaḅọ Ḅe ori 24opu ene mgbọlụ irisi fịrịmamẹ, so wakam mị ḅịa mun nyọ mamgba saramamẹ. Jịn sịkị ọkọ sime si irisi Ijipt mị ḅie ma fiekẹ. 25Bebe Ijipt mị mgba opu ene mgbọlụ mị nụngọ ogbo simeye goyegoye anị fomu gbinmẹ, tomonima na, pịkị namama na sọnị. Ozu ma ḅie sime chịnmgbọlụ chụa chịn goyegoye ḅịkịmẹ, eje goyegoye pịkị anyị famamẹ. 26Goshẹn pẹkẹrẹ mị, anị Izrẹlapụma anga nyọ mị kẹngẹ, anị gbọrị opu ene mgbọlụ sọnị lakaye-ẹ.
27Amanyanaḅọ ḅe ò Moziz ḅe na Erọn ḅe na chịn se nwọse ini ḅẹmẹ, “À siye mịẹsam mị sịkị ḅụ; Nyanaḅọ Ḅe ọ̀ karakaramẹ, ọkụma ị̀ya tomonima na ị̀rị̀ na wa mịẹirimamẹ. 28Nyanaḅọ Ḅe tẹkẹ! Wa dasa soalagba mị na opu ene mgbọlụma na iḅisam! À yeḅerenimẹ na àrị ọ́ wẹrịso se ó soḅịa; ó gose mịanga simeḅịaye ḅarị ofori-ẹ.”
29Moziz ḅe nwọse ọ̀ ḅẹmẹ, “Àrị ama mị ḅie pakaso kirikiri àrị ị̀ ḅarama dekichịẹma Nyanaḅọ Ḅe tẹkẹḅịa. Soalagba mị dachịẹḅịa, opu ene mgbọlụma sọnị ḅarị koro-ẹkẹ, mịẹse ị́ nemiḅịa ọkụ na sẹkiri mị Nyanaḅọ Ḅe oriaye-ẹ. 30Ọkụma à nemimẹ na ị́rị́ na ị́ya fịrịtịḅịdapụ ma na Nyanaḅọ Tamụnọ Ḅe ma ómine ò ḍikiḅalafakẹ.”
31Opu ẹrẹ chịnma na irumịẹ ịpịamgba ma na arịmgba fịmẹ, anịatịḅị irumịẹ ịpịamgba ma kpọsam anịsịkị opu ẹrẹ chịnma àrị sakị ịwọaye chụasam. 32Ọkụma fịturu mịẹ ịpịamgba ma ḅụ gbọrịye sọnị fịkẹ anịatịḅị ọḅụkọ mị àrị kpọye-ẹ.
33Moziz ḅe ori amanyanaḅọ ḅe wẹrịso, se opuama mị ḅie pakaso seni ọ̀ ḅarama dekichịẹma Nyanaḅọ Ḅe tẹkẹmẹ. Soalagba mị na, opu ene mgbọlụma na, pịkị ene mị na arịmgba dachịẹmẹ. 34Amanyanaḅọ ḅe ori ọrịmẹ na arịmgba pẹlẹsam nwọḅẹ sịkị ọ̀ pịkị siye mịẹmẹ. Ori na oria fịrịtịḅịdapụ ma na ini pa kụrọma ininachịn ḅụ omi-ẹ 35pịkị Nyanaḅọ Ḅe, Moziz ḅe ḅụ ḅọrọ ḍukosa ḅaraḅụ na, amanyanaḅọ ḅe ngịsị ọ̀ ḍụkụkẹ Izrẹlapụma ini so.
Currently Selected:
Pakaso 9: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Pakaso 9
9
Nama Ma Ḅe Fị Mị
1Nyanaḅọ Ḅe nwọse Moziz ḅe ḅẹmẹ, “Somun ḍuko amanyanaḅọ ḅe pịrị na Nyanaḅọ, Hibru apụ Tamụnọ Ḅe, nwọ ḅẹmẹ, ‘Ị̀ya tomonima wẹrịso ini so, mịẹse ini ị̀ tẹkẹḅịa ọkụ. 2Ị́ pịkị mịọkụ sọnị ini wẹrịso se ini soka ọkụma, 3à ḅalafama obi seni ọ́mịna nama mamgba gbinḅịa se fomuḅara seni ọ́mịna asụnma na, yepụra asụn ma na, ike-nambuloma na, nambuloma na, ananama na, pịkị oḅorima na pịrịḅịa. 4Izrẹlapụ namama na pịkị Ijipt apụ nama na ogboku à kịrị elekima chụa koromaḅịa, se Izrẹlapụ namama ḅụ gbọrị wu sọnị fịẹkẹ. 5Ị̀rị̀, Nyanaḅọ Ḅe, ḅa mị à nwọ tọn koromasam, anị à mịn mị mịẹḅịa sịkị-ẹ.’”
6Anịḅe eneḅa, Nyanaḅọ Ḅe ọ̀ ḅẹ ọkụ mị ọ̀ nwọ mịẹmẹ, se Ijipt apụ nama mamgba fịmẹ, ọkụma Izrẹlapụ namama ḅụ gbọrị wu sọnị fịkẹ. 7Amanyanaḅọ ḅe ọ̀ pakaye mị gbela se ini ḍuko ọ̀ pịrịmẹ na Izrẹlapụ namama ḅụ gbọrị wu sọnị fịkẹ. Ọkụma ori ininachịnmẹ, ọ̀ pịkị ḍụkụkẹ tomonima so.
Ọpọpọlị Ma
8Anị Nyanaḅọ Ḅe nwọse Moziz ḅe na Erọn ḅe na ḅẹye-ẹ, “Ọpọchuku ḅụ ḅarakuḅu ḅeinḅịa fọn ọ́ nwọ ọkị; se Moziz ḅe ori anị se fọrụ mị ḅie sara wasama amanyanaḅọ ḅe tọrọkọ ḅụ. 9Ànị iḅi nwịnịnwịnị fọn ḅara seni wasama bebe Ijipt ama mị mgba kelemaḅịa, se nyọ mamgba ḅụ anị ịnọtọrụ chụa ọpọpọlị pakụmaḅịa, tomonima ḅụ na namama ḅụ na.” 10Anị ini fọn ọkị se mun amanyanaḅọ ḅe tọrọkọ chịẹye-ẹ; Moziz ḅe anị se fọrụ mị ḅie sara wasamamẹ amanyanaḅọ ḅe tọrọkọ ḅụ, se àrị ịnọtọrụ chụa ọpọpọlị pakụmamẹ tomonima na namama na ḅụ. 11Ḍiri kọrị apụma ini ineda Moziz ḅe tọrọkọ iniaḅụ pakụmakẹ, anịatịḅị ọpọpọlị inia oju ḅụ sara ḅeinmẹ, ísí-a Ijipt apụma ḅụ anị sime ọkụ. 12Ọkụma Nyanaḅọ Ḅe ori amanyanaḅọ ḅe mịẹse ori ininachịnmẹ, anị Nyanaḅọ Ḅe ḍukosa ḅaraḅụ, na amanyanaḅọ ḅe Moziz ḅe na Erọn ḅe na ḅịpị ò poki ḍụkụkẹ.
Opu Ene Mgbọlụ
13Anị Nyanaḅọ Ḅe nwọse Moziz ḅe ḅẹye-ẹ, “Ḅa dede funfun ḅụ amanyanaḅọ ḅe na ịrịa se ḍuko ọ̀ pịrị na, Nyanaḅọ Hibru apụ Tamụnọ Ḅe, nwọ ḅẹmẹ, ‘Ị̀ya tomonima wẹrịso se ini so, mịẹse ini ị̀ tẹkẹḅịa ọkụ. 14Mị sịkị fomuḅara mị à ḅarị se ị́ya fịrịtịḅịnị ma na, pịkị ị́ya tomonima na kẹngẹ nwọ pịrị-ẹkẹ, ọkụma ị́rị́ sọnị à fomuḅara seni ị́ pịrịḅịa, mịẹse ị́ nemiḅịa ọkụ na à sime ọkụ simeḅọ ofori-ẹ, bebe tomonikiri mị ḅie mgba. 15À ḅọrọ nemikase ị̀ ḅara deki se obi se ị́rị́ na ị́ya tomonima na fomu ọkụma, mgbọkụ ọ́ fịsosam. 16Ọkụma pa ị̀ya kụrọ mị se ó ḍieḅịa ẹrẹchị, à wẹrịso se ó ḍumomẹ, mịẹse ị̀ya ẹrẹso mị, wasama mun bebe tomonikiri mị mgba kelemaḅịa ọkụ. 17Anị-ẹ ḅẹ sọnị, ị́ pa ḅụ dekichịẹma se pịkị ḍụkụkẹ ị̀ya tomonima so. 18Ḅa nwọ pembe ḅiri à mịẹse opu ene mgbọlụ-irisi fieḅịa, Ijipt mị jịn sịkị ma ọrịkaye. 19Mịọkụ kụrọ pịrị ini ọ́mịna nama mamgba tan warị chu, pịkị nụngọ ḅụ simeye goyegoye mamgba ó se warị ḅie chu se àrị tịḅịkikima. Opu ene mgbọlụ koro tomonima na namama na ḅaaḅịa, anị tịḅịkikimaye oforika ḅara seni papa nụngọ ogbo sara simeye goyegoye.’” 20Amanyanaḅọ ḅe, oria fịrịtịḅịdapụ ma ḅie dapụ Nyanaḅọ Ḅe kọn ọkwẹịn mị ḅụ ḅalafa nwọ nyanamẹ, anịẹrẹchị ini inia omoniapụ ma na namama na ọkị warị chumẹ, inia tịḅịkikimaḅịaye gose. 21Iniaḅụ dapụ Nyanaḅọ Ḅe se inia ḅerijineye mị se yechịnka ẹrẹchị, inia omoniapụ ma na namama na wẹrịsomẹ nụngọ ogbo, tịḅịkikimaye oforika ḅaraḅụ.
22Anị Nyanaḅọ Ḅe nwọse Moziz ḅe ḅẹye-ẹ, “Ị́ ḅara dekichịẹma so mị da, opu ene mgbọlụ bebe Ijipt ama mị ḅie mgba koro tomonima na, namama na pịkị ozuma ḅie sime chịnmgbọlụ chụa chịn mamgba na ọgọnọ ḅụ saraḅịa.” 23Anị Moziz ḅe oria amgbara mị dekichịẹma so mị daye-ẹ, se Nyanaḅọ Ḅe ò soalagba na opu ene mgbọlụ na, so wakam na nwọ fịrịma kiri mị tẹịnmẹ. Nyanaḅọ Ḅe ori 24opu ene mgbọlụ irisi fịrịmamẹ, so wakam mị ḅịa mun nyọ mamgba saramamẹ. Jịn sịkị ọkọ sime si irisi Ijipt mị ḅie ma fiekẹ. 25Bebe Ijipt mị mgba opu ene mgbọlụ mị nụngọ ogbo simeye goyegoye anị fomu gbinmẹ, tomonima na, pịkị namama na sọnị. Ozu ma ḅie sime chịnmgbọlụ chụa chịn goyegoye ḅịkịmẹ, eje goyegoye pịkị anyị famamẹ. 26Goshẹn pẹkẹrẹ mị, anị Izrẹlapụma anga nyọ mị kẹngẹ, anị gbọrị opu ene mgbọlụ sọnị lakaye-ẹ.
27Amanyanaḅọ ḅe ò Moziz ḅe na Erọn ḅe na chịn se nwọse ini ḅẹmẹ, “À siye mịẹsam mị sịkị ḅụ; Nyanaḅọ Ḅe ọ̀ karakaramẹ, ọkụma ị̀ya tomonima na ị̀rị̀ na wa mịẹirimamẹ. 28Nyanaḅọ Ḅe tẹkẹ! Wa dasa soalagba mị na opu ene mgbọlụma na iḅisam! À yeḅerenimẹ na àrị ọ́ wẹrịso se ó soḅịa; ó gose mịanga simeḅịaye ḅarị ofori-ẹ.”
29Moziz ḅe nwọse ọ̀ ḅẹmẹ, “Àrị ama mị ḅie pakaso kirikiri àrị ị̀ ḅarama dekichịẹma Nyanaḅọ Ḅe tẹkẹḅịa. Soalagba mị dachịẹḅịa, opu ene mgbọlụma sọnị ḅarị koro-ẹkẹ, mịẹse ị́ nemiḅịa ọkụ na sẹkiri mị Nyanaḅọ Ḅe oriaye-ẹ. 30Ọkụma à nemimẹ na ị́rị́ na ị́ya fịrịtịḅịdapụ ma na Nyanaḅọ Tamụnọ Ḅe ma ómine ò ḍikiḅalafakẹ.”
31Opu ẹrẹ chịnma na irumịẹ ịpịamgba ma na arịmgba fịmẹ, anịatịḅị irumịẹ ịpịamgba ma kpọsam anịsịkị opu ẹrẹ chịnma àrị sakị ịwọaye chụasam. 32Ọkụma fịturu mịẹ ịpịamgba ma ḅụ gbọrịye sọnị fịkẹ anịatịḅị ọḅụkọ mị àrị kpọye-ẹ.
33Moziz ḅe ori amanyanaḅọ ḅe wẹrịso, se opuama mị ḅie pakaso seni ọ̀ ḅarama dekichịẹma Nyanaḅọ Ḅe tẹkẹmẹ. Soalagba mị na, opu ene mgbọlụma na, pịkị ene mị na arịmgba dachịẹmẹ. 34Amanyanaḅọ ḅe ori ọrịmẹ na arịmgba pẹlẹsam nwọḅẹ sịkị ọ̀ pịkị siye mịẹmẹ. Ori na oria fịrịtịḅịdapụ ma na ini pa kụrọma ininachịn ḅụ omi-ẹ 35pịkị Nyanaḅọ Ḅe, Moziz ḅe ḅụ ḅọrọ ḍukosa ḅaraḅụ na, amanyanaḅọ ḅe ngịsị ọ̀ ḍụkụkẹ Izrẹlapụma ini so.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria