Pakaso 37
37
Ọḅọkụ Igbe Mị Mịẹ Mị
(Pak 25.10-22)
1Bẹzalẹl ḅe, ọjị chịn ọ̀ nwọse Ọḅọkụ Igbe mị mịẹmẹ, anịa ịsụn mị tẹrẹ-a ḅụọ na opu pẹkẹrẹ na-ẹ, finji mị mama ḅụọ na kala pẹkẹrẹ na-ẹ, anịa gele mị pịkị mama ḅụọ na kala pẹkẹrẹ na-ẹ. 2Jokoma goli ọ̀ nwọse anịa ḅie na oju mị mgba na oḅolomẹ, ọ̀ pịkị goli se aka ma mangị kelemamẹ. 3Seni anị dekidekiḅịa inein-a goli se mịẹ kelekele aye ọ̀ nwọ mịẹ anị pịrịmẹ, ori àrị seni anịa inein-a ḅụọma ḅụ chụamẹ, kelekele ayema ḅụ maịn gbọrị ịkọlị, gbọrị ịkọlị ḅụ. 4Ọjị chịn ọ̀ nwọse àrị dekidekiḅịaye mịẹmẹ, pịkị goli se àrị oḅolomẹ, 5ori àrị se Igbe mị ḅụ kelekele ayema ḅie tolumamẹ gbọrị ịkọlị, gbọrị ịkọlị ḅụ se anị dekiḅịa gose. 6Jokoma goli se oḅolo ḅịpịgbẹịnye ọ̀ nwọ mịẹ anị pịrịmẹ, anịa ịsụn tẹrẹ-a ḅụọ na opu pẹkẹrẹ lamẹ, anịsịkị finji mị mama ḅụọ na kala pẹkẹrẹ lamẹ. 7Ini iḅiọkụma ḅakụ goli ọ̀ nwọse mama enjẹlapụ tẹmẹmẹ, 8gbọrịwu gbọrị ịkọlị, gbọrịwu gbọrị ịkọlị, ḅịpịgbẹịnye mị ọgọnọ ọ̀ nwọse koromamẹ. 9Ḅịpịgbẹịnye mị ọgọnọ ḅụ sime enjẹlapụma àrị tọrụ se jịnye jịnye damẹ pịkị arịa pamba ma finjima anị gbẹịnmẹ.
Ḍie Seni Tamụnọ Pịrị Fịturu Dẹbụl Mị Mịẹ Mị
(Pak 25.23-30)
10Ọjị chịn ọ̀ nwọse dẹbụl mị mịẹmẹ, anịa ịsụn mị tẹrẹ-a ḅụọ, finji mị gbọrị ḅụọ na pẹkẹrẹ-ẹ, anịsịkị anịa gele mị mama ḅụọ na pẹkẹrẹ na-ẹ. 11Jokoma goli ọ̀ nwọse anị oḅolomẹ, ọ̀ pịkị goli seni aka ma mangị kelemamẹ. 12Finji ḅarakuḅu na gbasịka ye ọ̀ nwọ mịẹ anị kelemamẹ, pịkị goli se anịa aka mangị ḅọrọmamẹ. 13Ye dekiḅịa goli goli kelekele aye ọ̀ nwọ mịẹ anịa inein-a ịkọlị ma ḅụ chụamẹ, anịa ḅụọma sime anga. 14Chịn ma se toluma se dẹbụl mị dekiḅịa kelekele ayema, ò se dẹbụl mị ḅụ mangị ḅọrọmaye mị na kpekima chụamẹ. 15Ọjị chịn ọ̀ nwọse dẹbụl mị dekidekiḅịa chịnma mịẹmẹ, pịkị goli se àrị oḅolomẹ. 16Jokoma goli ọ̀ nwọ seni yefịaye mịẹ dẹbụl mị pịrịmẹ: se yefịfịḅịa panị na, ọmọngọ na, ojongo na, pịkị ini se ḍiepịrịaye agbamịẹḅịa iru chụachụaḅịa bọlị ma na, arịmgba jokoma goli ọ̀ nwọse àrị mịẹmẹ.
Tọnjie Gbanaye Mị Mịẹ Mị
(Pak 25.31-40)
17Tọnjie gbanaye mị jokoma goli ọ̀ nwọse anị mịẹmẹ. Anịa chuku sẹkẹye mị na ọḅụ mị na, ini ḅakụ-patalamasa goli ọ̀ nwọse àrị mịẹmẹ; ò seni anị ḅirima ngwengwe mị na, ngwengwe mị ḅụ sẹnịpakarị ịkpangị ma na, pịkị ḅịpịtolumarị ịnyanya ma na, arịmgba gbọrịḅụ omi-ẹ. 18Sonio-a ịkpangị anịaḅụ omi-ẹ, tẹrẹ-a ịkpangị gbọrị ịkọlị, gbọrị ịkọlị ḅụ. 19Sonio-a ịkpangị ma, ịmụnụ chịn ọkụ simeye arịa ịkpangị ma ḅụ pakaḅomẹ, anịa ịnyanya ma gbọrị ịkpangị, gbọrị ịkpangị ḅụ omi-ẹ. 20Tọnjie gbanaye mị ọgọnọ ḅụ ịmụnụ chịn ọkụ sime inein-a ọmọngọ omi-ẹ, arịa ịkpangị ma ịwọma paka àrị ngwengwe àrị nwọ nyanamẹ. 21Maịn gbọrịḅụ sime tatarị ịkpangị ḅịpị tolumarị ịnyanya, gbọrịye gbọrịye maịn maịn gbọrịḅụ sime ịkpangị ma chuku ḅie omi-ẹ. 22Ḅịpị tolumarị ịnyanya ma na, ịkpangị ma na ini ḅakụ patalamasa goli ọ̀ nwọse gbọrịḅụ àrị mịẹmẹ. 23Sọnọma tọnjie ọ̀ nwọ mịẹ tọnjie gbanaye mị pịrịmẹ, anyị koko ayema na, ye dekiḅịa sẹrẹrẹye ma na, jokoma goli ọ̀ pịkị nwọse àrị mịẹmẹ. 24Tọnjie gbanaye mị na, anịa fịrịnwẹngị ayema na, jokoma goli sọnọfa-okpokpo-a mesi ọ̀ nwọse àrị mịẹmẹ.
Insẹnsị Dọkịma Ẹbẹ mị Mịẹ Mị
(Pak 30.1-5)
25Ọjị chịn ọ̀ nwọse insẹnsị dọkịmaḅịa ẹbẹ mịẹmẹ. Anịa inein-a ịkọlị ma gbasịmẹ; ịsụn mị gbọrị ḅụọ na pẹkẹrẹ, finji mị pịkị gbọrị ḅụọ na pẹkẹrẹ, anịsịkị anịa gele mị tẹrẹ-a ḅụọ-ẹ. Anịa ḅụ ọ̀ chụa pakụma ịkpangị ma na inein-a ịkọlị ma na gbọrịḅụ simemẹ. 26Anịa ọgọnọ na, inein-a ịkọlị ma na, ọ̀ chụa pakụma ịkpangị ma na, jokoma goli ọ̀ nwọse àrị oḅolomẹ, ọ̀ pịkị goli seni anịa aka mangị ḅọrọmẹ. 27Goli goli mama kelekele yepụra aye ọ̀ nwọ mịẹ anị pịrịmẹ, ori àrị se anịa aka ma ḅụ mangị ḅọrọ ye mị chuku mama ịkọlị ma ḅụ chụamẹ, ini se anị dekiḅịa chịnma ọlọḅịa gose. 28Ọjị chịn ọ̀ nwọse anị dekichịẹma chịnma mịẹmẹ, ọ̀ pịkị goli se àrị oḅolomẹ.
Osi Ḅụsime Tịḅị Kiri Sara Pulo Mị Na Insẹnsị Mị Na Mịẹ Mị
(Pak 30.22-38)
29Ọ̀ pịkị osi ḅụsime tịḅị kiri sara pulo mị na, insẹnsị mị na gwa gbolomamẹ, anịḅo kụnụ olo kịkẹmẹ.
Currently Selected:
Pakaso 37: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Pakaso 37
37
Ọḅọkụ Igbe Mị Mịẹ Mị
(Pak 25.10-22)
1Bẹzalẹl ḅe, ọjị chịn ọ̀ nwọse Ọḅọkụ Igbe mị mịẹmẹ, anịa ịsụn mị tẹrẹ-a ḅụọ na opu pẹkẹrẹ na-ẹ, finji mị mama ḅụọ na kala pẹkẹrẹ na-ẹ, anịa gele mị pịkị mama ḅụọ na kala pẹkẹrẹ na-ẹ. 2Jokoma goli ọ̀ nwọse anịa ḅie na oju mị mgba na oḅolomẹ, ọ̀ pịkị goli se aka ma mangị kelemamẹ. 3Seni anị dekidekiḅịa inein-a goli se mịẹ kelekele aye ọ̀ nwọ mịẹ anị pịrịmẹ, ori àrị seni anịa inein-a ḅụọma ḅụ chụamẹ, kelekele ayema ḅụ maịn gbọrị ịkọlị, gbọrị ịkọlị ḅụ. 4Ọjị chịn ọ̀ nwọse àrị dekidekiḅịaye mịẹmẹ, pịkị goli se àrị oḅolomẹ, 5ori àrị se Igbe mị ḅụ kelekele ayema ḅie tolumamẹ gbọrị ịkọlị, gbọrị ịkọlị ḅụ se anị dekiḅịa gose. 6Jokoma goli se oḅolo ḅịpịgbẹịnye ọ̀ nwọ mịẹ anị pịrịmẹ, anịa ịsụn tẹrẹ-a ḅụọ na opu pẹkẹrẹ lamẹ, anịsịkị finji mị mama ḅụọ na kala pẹkẹrẹ lamẹ. 7Ini iḅiọkụma ḅakụ goli ọ̀ nwọse mama enjẹlapụ tẹmẹmẹ, 8gbọrịwu gbọrị ịkọlị, gbọrịwu gbọrị ịkọlị, ḅịpịgbẹịnye mị ọgọnọ ọ̀ nwọse koromamẹ. 9Ḅịpịgbẹịnye mị ọgọnọ ḅụ sime enjẹlapụma àrị tọrụ se jịnye jịnye damẹ pịkị arịa pamba ma finjima anị gbẹịnmẹ.
Ḍie Seni Tamụnọ Pịrị Fịturu Dẹbụl Mị Mịẹ Mị
(Pak 25.23-30)
10Ọjị chịn ọ̀ nwọse dẹbụl mị mịẹmẹ, anịa ịsụn mị tẹrẹ-a ḅụọ, finji mị gbọrị ḅụọ na pẹkẹrẹ-ẹ, anịsịkị anịa gele mị mama ḅụọ na pẹkẹrẹ na-ẹ. 11Jokoma goli ọ̀ nwọse anị oḅolomẹ, ọ̀ pịkị goli seni aka ma mangị kelemamẹ. 12Finji ḅarakuḅu na gbasịka ye ọ̀ nwọ mịẹ anị kelemamẹ, pịkị goli se anịa aka mangị ḅọrọmamẹ. 13Ye dekiḅịa goli goli kelekele aye ọ̀ nwọ mịẹ anịa inein-a ịkọlị ma ḅụ chụamẹ, anịa ḅụọma sime anga. 14Chịn ma se toluma se dẹbụl mị dekiḅịa kelekele ayema, ò se dẹbụl mị ḅụ mangị ḅọrọmaye mị na kpekima chụamẹ. 15Ọjị chịn ọ̀ nwọse dẹbụl mị dekidekiḅịa chịnma mịẹmẹ, pịkị goli se àrị oḅolomẹ. 16Jokoma goli ọ̀ nwọ seni yefịaye mịẹ dẹbụl mị pịrịmẹ: se yefịfịḅịa panị na, ọmọngọ na, ojongo na, pịkị ini se ḍiepịrịaye agbamịẹḅịa iru chụachụaḅịa bọlị ma na, arịmgba jokoma goli ọ̀ nwọse àrị mịẹmẹ.
Tọnjie Gbanaye Mị Mịẹ Mị
(Pak 25.31-40)
17Tọnjie gbanaye mị jokoma goli ọ̀ nwọse anị mịẹmẹ. Anịa chuku sẹkẹye mị na ọḅụ mị na, ini ḅakụ-patalamasa goli ọ̀ nwọse àrị mịẹmẹ; ò seni anị ḅirima ngwengwe mị na, ngwengwe mị ḅụ sẹnịpakarị ịkpangị ma na, pịkị ḅịpịtolumarị ịnyanya ma na, arịmgba gbọrịḅụ omi-ẹ. 18Sonio-a ịkpangị anịaḅụ omi-ẹ, tẹrẹ-a ịkpangị gbọrị ịkọlị, gbọrị ịkọlị ḅụ. 19Sonio-a ịkpangị ma, ịmụnụ chịn ọkụ simeye arịa ịkpangị ma ḅụ pakaḅomẹ, anịa ịnyanya ma gbọrị ịkpangị, gbọrị ịkpangị ḅụ omi-ẹ. 20Tọnjie gbanaye mị ọgọnọ ḅụ ịmụnụ chịn ọkụ sime inein-a ọmọngọ omi-ẹ, arịa ịkpangị ma ịwọma paka àrị ngwengwe àrị nwọ nyanamẹ. 21Maịn gbọrịḅụ sime tatarị ịkpangị ḅịpị tolumarị ịnyanya, gbọrịye gbọrịye maịn maịn gbọrịḅụ sime ịkpangị ma chuku ḅie omi-ẹ. 22Ḅịpị tolumarị ịnyanya ma na, ịkpangị ma na ini ḅakụ patalamasa goli ọ̀ nwọse gbọrịḅụ àrị mịẹmẹ. 23Sọnọma tọnjie ọ̀ nwọ mịẹ tọnjie gbanaye mị pịrịmẹ, anyị koko ayema na, ye dekiḅịa sẹrẹrẹye ma na, jokoma goli ọ̀ pịkị nwọse àrị mịẹmẹ. 24Tọnjie gbanaye mị na, anịa fịrịnwẹngị ayema na, jokoma goli sọnọfa-okpokpo-a mesi ọ̀ nwọse àrị mịẹmẹ.
Insẹnsị Dọkịma Ẹbẹ mị Mịẹ Mị
(Pak 30.1-5)
25Ọjị chịn ọ̀ nwọse insẹnsị dọkịmaḅịa ẹbẹ mịẹmẹ. Anịa inein-a ịkọlị ma gbasịmẹ; ịsụn mị gbọrị ḅụọ na pẹkẹrẹ, finji mị pịkị gbọrị ḅụọ na pẹkẹrẹ, anịsịkị anịa gele mị tẹrẹ-a ḅụọ-ẹ. Anịa ḅụ ọ̀ chụa pakụma ịkpangị ma na inein-a ịkọlị ma na gbọrịḅụ simemẹ. 26Anịa ọgọnọ na, inein-a ịkọlị ma na, ọ̀ chụa pakụma ịkpangị ma na, jokoma goli ọ̀ nwọse àrị oḅolomẹ, ọ̀ pịkị goli seni anịa aka mangị ḅọrọmẹ. 27Goli goli mama kelekele yepụra aye ọ̀ nwọ mịẹ anị pịrịmẹ, ori àrị se anịa aka ma ḅụ mangị ḅọrọ ye mị chuku mama ịkọlị ma ḅụ chụamẹ, ini se anị dekiḅịa chịnma ọlọḅịa gose. 28Ọjị chịn ọ̀ nwọse anị dekichịẹma chịnma mịẹmẹ, ọ̀ pịkị goli se àrị oḅolomẹ.
Osi Ḅụsime Tịḅị Kiri Sara Pulo Mị Na Insẹnsị Mị Na Mịẹ Mị
(Pak 30.22-38)
29Ọ̀ pịkị osi ḅụsime tịḅị kiri sara pulo mị na, insẹnsị mị na gwa gbolomamẹ, anịḅo kụnụ olo kịkẹmẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria