Pakaso 32
32
Goli-Goli Ayamburama Nambulo Ḅe
(Maịn 9.6-29)
1Tomonima ḅo ọrịmẹ na Moziz ḅe tụndụ mị ọgọnọ ma ọ̀ pa koroḅokẹ, ọkụma ọ̀ pịkị anịnyọ sime ḅọlọ sịkị la aḅẹ nwọḅẹ sịkị, ini koḅirima Erọn ḅe kelema se nwọse ọ̀ ḅẹmẹ, “Ḅe Moziz ḅe, ọ̀ ḅụ pakaye wa nemikẹ; anị Ijipt ḅie wa ọkị pakụmaḅoḅọ ḅe, anịẹrẹchị mine se tọrọkọ ịsụn ḅịa oru nwọ tẹmẹ wa pịrị.”
2Erọn ḅe nwọse ini ḅẹmẹ, “Ọ́mịna erema na, owuapụ awọma na, eremeni awọma na, ḅeri chụa goli ma ọ́ nwọ ọkịḅo ị̀ pịrị.” 3Anịẹrẹchị tomoni mamgba inia goli ḅerichụaye ma sin pakụmaḅo Erọn ḅe pịrịmẹ. 4Erọn ḅe, ò ḅeri chụaye mamgba ọkị àrị sanị gboloma se, anị sara opu okpokpo mịẹ se anị seni goli goli ayamburama owoi-nambulo tẹmẹmẹ.
Tomonima nwọ ḅẹmẹ “Izrẹlapụ, ḅe mị Ijipt ḅie mine ọkịpakụmaḅo mịna oru ḅe-ẹ.”
5Se Erọn ḅe, goli goli owoi-nambulo ḅe tọrọkọ, gbọrị agbamịẹ ẹbẹ nwọ nama se ḍukopakụmamẹ na, “Ḅa, osi se Nyanaḅọ Ḅe pịrịḅịa fịaye fị opu alalị kiri ọkịḅịa.” 6Anị ḍukoma eneḅa dede ḅie ini se dọkịma agba mịẹḅịa da nama ini nwọ ọkịḅomẹ, pịkị ini se gboloma ḍiepịrịaye agba mịẹ se pẹịḅịa jịn-a nama na nwọ ọkịḅomẹ. Tomonima, ini kpọnjị sime fị alalị mị, anịḅo iruḅu, owoi nyọfiema pịkị ama na ere na gboloma alalị nwọ sọmẹ.
7Nyanaḅọ Ḅe nwọse Moziz ḅe ḅẹmẹ, “Mị gbọrị kirikiri sarama vinpịkị chuku koro, anịatịḅị ị́ya tomoni, Ijipt ḅie ị́ ọkịpakụmaḅo apụma ini simịẹ pịkị ị̀ sịkịsam. 8À tọn ini pịrị na, ini nwẹngị-ẹ nwọḅẹ ateli mị ḅụ ini ḅarasinsam; ini goli sanị se owoi nambulo tẹmẹ pịkị tịḅịtu anị tẹkẹsam, ini agbamịẹ anị pịrịsam. Ini ḅẹaḅẹ na ḅe anị inia tamụnọ-ẹ Ijipt ḅie ini ọkịpakụmaḅoḅọ ḅe-ẹ. 9Mịna apụma inia kụrọtịḅịḅie sime ọkụ à nemimẹ. 10Mịọkụ ị̀ dachịẹmaḅịaye mịẹma. À ḅụnwọnwọ nyana ini pịrịsam, à pịkị ini famasin-ẹmuaḅẹ. Anịsịkị, ị́rị́ na ị́ furo ḅie pakaḅoḅịa apụma na à nwọse opu sẹ mịẹḅịa.”
11Ọkụma Moziz ḅe ori inia tịḅị gose ọ̀ “Nyana Tamụnọ Ḅe tẹkẹ se nwọ ḅẹmẹ, cheye gose ị́ opuma mị ḅara se ịganị ị́ya tomonima pịrị-ao, Ijipt ḅie ị́rị́ ḍụapakụmaḅo apụma, opu ịnyọ na kụrọ na ḅụ? 12Cheye gose Ijipt apụma nwọḅẹ ḅe na Ijipt ḅie ị́ya tomonima ị́ nwọ pakụma mun tụndụma ḅie ini ḅaa se gbọtụma ini kporonịsinmẹ. Ịganị mị dachịẹma, ị́ kuḅie ḍinma se mị fa mị ọkịḅo ị́ya tomonima pịrịma. 13Ị́ya fịrịnwẹngịapụ Ebraham ḅe na, Aịzịk ḅe na, pịkị Jekọb ḅe na se ḅiekoroma. Ị́ kụrọma ḅereni ini pịrịye mị se ḅiekoroma na, inia furo ḅie pakaḅoḅịa apụma sotọrụ lolia ma ḅaka ọkụ ḅakaḅịa-ẹ, ị́ seni ini karị kiri mamgba inia furo ḅie pakaḅoḅịa apụ mị àrị nyana anga gbasoḅịaye-ẹ.” 14Anịẹrẹchị Nyanaḅọ Ḅe, ori ò kuḅie ḍinma se ori oria tomonima ẹrẹma na ori ini famasinḅịa ḅẹye mị ọ̀ ḅarị nwọ mịẹkẹ.
15Moziz ḅe, tụndụ mị ọgọnọ koroḅomẹ, olokoma ọḅụ-na-kuḅu-na ḅụ gịẹịn ḍụparị pẹkẹrẹ ma ọ̀ ḅara ḅie omi-ẹ. 16Tamụnọ Ḅe ḅarana ḍụparịma mịẹmẹ se olokoma se arịa ọgọnọ gịẹịn mẹ.
17Jọsụwa ḅe tomonima olokuarịye mị naa se ọ̀ nwọse Moziz ḅe ḅẹmẹ, “Owuni nyọfiema ḅara à nwọ naa aḅẹ ikowarịma sime nyọ mị ḅie.”
18Moziz ḅe nwọ ḅẹmẹ, “Anị mị ọmụḅaraiḅi oloku kịkẹkẹ anị pịkị ọmụḅara si oloku kịkẹkẹ, anị mị nime pụkọ-ẹ.”
19Moziz ḅe, ò ḅo iḅiọkụ ikowarịma sime nyọ mị na kpeki se ori owoi nambulo ḅe ọrị pịkị tomonima sẹkịarị ọkụ ọrị sịkị ori opuma ịganịmẹ ineda ò kuḅie ọlọka ḅaraḅụ. Anịnyọ tụndụ mị chuku, ò deki ḍụparị pẹkẹrẹ ma ọ̀ nwọse kiri ọgọnọ gbin se àrị pukọsịmẹ. 20Ini tẹmẹ owoi nambulo ḅe ọ̀ nwọ ọkị se, ọ̀ sanị so se anị gbẹịn ḅo fọn mịẹ se mengi ḅie wọlọmamẹ. Anịsịkị ori Izrẹlapụma mịẹmẹ se ini anị ḅumẹ. 21Moziz ḅe nwọse Erọn ḅe ḅẹmẹ, “Cheye mịnapụma ini nwọse ị́ mịẹ, se ị́ ini mịẹse ini nwọ sime ḅalafama simịẹ?”
22Erọn ḅe nwọ pẹkẹrẹmẹ, “Ịganị ị̀ pịrịma; mịnapụma siye mịẹ ḅụ inia kuḅie kụrọ la-ọkụ ị́ nemimẹ. 23Ini nwọse ị̀ ḅẹmẹ, ‘Ḅe Moziz ḅe cheye ọ̀ ḅụ pakasa-otuḅo wa nemikẹ, Ijipt ḅie wa ọkịpakụmaḅo ḅọ ḅe, anịẹrẹchị wa seni tọrọkọ ịsụnḅịa oru nwọ tẹmẹ wa pịrị.’ 24Àrị ini ḅẹmẹ na inia goli ma ini nwọ ọkịḅo ị̀ pịrị, inia ḅie ọkọsimeaye nyana apụma ini ọkịḅo ị̀ pịrịmẹ. À ma yela ngọma se fịnị ḅie gbin chumẹ, se ḅe owoi nambulo ḅe pakụmaḅomẹ!”
25Moziz ḅe ori ọrịmẹ na, Erọn ḅe ori ineda iḅiọkụma tomonima ọlọkpaịnmakẹ, se tomonima inina-tarakapụma tọrọkọ oḅori-a mịẹmịẹaye nwọ mịẹmẹ. 26Anịẹrẹchị ori ikowarịma ḅọkọ ḅụ chịẹ se olokumẹ, “Nyanaḅọ Ḅe ḅụ simeḅọ goyegoye saḅa mịanga ḅo.” Anịẹrẹchị Livaị apụ mamgba ini ò gbori kelemamẹ, 27se ọ̀ nwọse ini ḅẹmẹ, “Nyanaḅọ Izrẹl Tamụnọ Ḅe kụrọ pịrịmẹ na ọ́mịna ḅie ḅọḅọ nụḅọ okola-agiji nwọ deki, se mị ḅọkọ ḅụ nwẹngị mun ísí ḅọkọ mị la se sakị nụḅọ mịnaḅọ, nụḅọ ikiaḅọ, pịkị nụḅọ na kpekima angaḅọ na nwọ ḅaa.” 28Livaị apụma, ọ̀ ḅịpị ini pokimẹ, se anị ene ḅie kịnị-a sọnọma ẹndẹ oyiasi fịnjị ini nwọ ḅaamẹ. 29Moziz ḅe nwọse Livaị apụma ḅẹmẹ, “Mịmgba ọ́mịna ḅụ ọ́ mịẹfịafịamasam, Nyanaḅọ Ḅe oria agbamịẹ fịrịnwẹngịapụ ḅaraḅụ, anị ọ́ nwọ ọ́mịna awọma na ọ́mịna mịnapụma na ḅaa ye mị ḅụ, anịẹrẹchị Nyanaḅọ Ḅe oria ḅẹlẹma ọ̀ nwọse ómine pịrịsam.”
30Anịḅe ene ḅa Moziz ḅe nwọse tomonima ḅẹmẹ, “Opuma ḅalafama si ọ́ nwọ mịẹsam. Ọkụma mịọkụ à pịkị tụndụ mị tanjị iwo Nyanaḅọ Ḅe damamunḅịa; sosi àrị ineda ọ́ mịẹasi ma ḅụ Nyanaḅọ Ḅe ḅara siḅụ-ḅarasin ḅi ómine pịrịḅịa.” 31Anị Moziz ḅe, ọ̀ pịkị Nyanaḅọ Ḅe damamun se ḅẹye-ẹ, “Mịna apụma, ini opuma ḅalafama si mịẹsam. Ini goli se oru tẹmẹ se anị tẹkẹsam. 32Pasisi ini mịẹ si mị ḅụ ḅarasin ini pịrị; ị́ ḅereni ẹkẹ ḅẹḅẹ anịọkụma ị́ya tomonima ẹrẹ ma ị́ nwọ chụa ḍiri mị ḅie ị̀ya ẹrẹ mị sin.”
33Nyanaḅọ Ḅe nwọ pẹkẹrẹmẹ, “Ini nwọ ị̀ ḅụ simịẹ apụma ẹrẹ ma mị àrị ị̀ya ḍiri mị ḅie sinḅịaye-ẹ. 34Mịọkụ tomonima tọrọkọda à ḍuko ị́ pịrị nyọ mị mun. Ḅiekoroma na ị̀ya enjẹlḅọ ó ḍikiḍikiaḅẹ, ọkụma sịkị ḅo aḅẹ à fomuḅara se mịna apụma pịrịḅịa inia sima gose.”
35Anị Nyanaḅọ Ḅe ḅalafama obi seni tomonima fịrịmaye-ẹ, anịatịḅị ini Erọn ḅe ḅụfụkamamẹ se ò goli se owoi nambulo ḅe tẹmẹmẹ.
Currently Selected:
Pakaso 32: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Pakaso 32
32
Goli-Goli Ayamburama Nambulo Ḅe
(Maịn 9.6-29)
1Tomonima ḅo ọrịmẹ na Moziz ḅe tụndụ mị ọgọnọ ma ọ̀ pa koroḅokẹ, ọkụma ọ̀ pịkị anịnyọ sime ḅọlọ sịkị la aḅẹ nwọḅẹ sịkị, ini koḅirima Erọn ḅe kelema se nwọse ọ̀ ḅẹmẹ, “Ḅe Moziz ḅe, ọ̀ ḅụ pakaye wa nemikẹ; anị Ijipt ḅie wa ọkị pakụmaḅoḅọ ḅe, anịẹrẹchị mine se tọrọkọ ịsụn ḅịa oru nwọ tẹmẹ wa pịrị.”
2Erọn ḅe nwọse ini ḅẹmẹ, “Ọ́mịna erema na, owuapụ awọma na, eremeni awọma na, ḅeri chụa goli ma ọ́ nwọ ọkịḅo ị̀ pịrị.” 3Anịẹrẹchị tomoni mamgba inia goli ḅerichụaye ma sin pakụmaḅo Erọn ḅe pịrịmẹ. 4Erọn ḅe, ò ḅeri chụaye mamgba ọkị àrị sanị gboloma se, anị sara opu okpokpo mịẹ se anị seni goli goli ayamburama owoi-nambulo tẹmẹmẹ.
Tomonima nwọ ḅẹmẹ “Izrẹlapụ, ḅe mị Ijipt ḅie mine ọkịpakụmaḅo mịna oru ḅe-ẹ.”
5Se Erọn ḅe, goli goli owoi-nambulo ḅe tọrọkọ, gbọrị agbamịẹ ẹbẹ nwọ nama se ḍukopakụmamẹ na, “Ḅa, osi se Nyanaḅọ Ḅe pịrịḅịa fịaye fị opu alalị kiri ọkịḅịa.” 6Anị ḍukoma eneḅa dede ḅie ini se dọkịma agba mịẹḅịa da nama ini nwọ ọkịḅomẹ, pịkị ini se gboloma ḍiepịrịaye agba mịẹ se pẹịḅịa jịn-a nama na nwọ ọkịḅomẹ. Tomonima, ini kpọnjị sime fị alalị mị, anịḅo iruḅu, owoi nyọfiema pịkị ama na ere na gboloma alalị nwọ sọmẹ.
7Nyanaḅọ Ḅe nwọse Moziz ḅe ḅẹmẹ, “Mị gbọrị kirikiri sarama vinpịkị chuku koro, anịatịḅị ị́ya tomoni, Ijipt ḅie ị́ ọkịpakụmaḅo apụma ini simịẹ pịkị ị̀ sịkịsam. 8À tọn ini pịrị na, ini nwẹngị-ẹ nwọḅẹ ateli mị ḅụ ini ḅarasinsam; ini goli sanị se owoi nambulo tẹmẹ pịkị tịḅịtu anị tẹkẹsam, ini agbamịẹ anị pịrịsam. Ini ḅẹaḅẹ na ḅe anị inia tamụnọ-ẹ Ijipt ḅie ini ọkịpakụmaḅoḅọ ḅe-ẹ. 9Mịna apụma inia kụrọtịḅịḅie sime ọkụ à nemimẹ. 10Mịọkụ ị̀ dachịẹmaḅịaye mịẹma. À ḅụnwọnwọ nyana ini pịrịsam, à pịkị ini famasin-ẹmuaḅẹ. Anịsịkị, ị́rị́ na ị́ furo ḅie pakaḅoḅịa apụma na à nwọse opu sẹ mịẹḅịa.”
11Ọkụma Moziz ḅe ori inia tịḅị gose ọ̀ “Nyana Tamụnọ Ḅe tẹkẹ se nwọ ḅẹmẹ, cheye gose ị́ opuma mị ḅara se ịganị ị́ya tomonima pịrị-ao, Ijipt ḅie ị́rị́ ḍụapakụmaḅo apụma, opu ịnyọ na kụrọ na ḅụ? 12Cheye gose Ijipt apụma nwọḅẹ ḅe na Ijipt ḅie ị́ya tomonima ị́ nwọ pakụma mun tụndụma ḅie ini ḅaa se gbọtụma ini kporonịsinmẹ. Ịganị mị dachịẹma, ị́ kuḅie ḍinma se mị fa mị ọkịḅo ị́ya tomonima pịrịma. 13Ị́ya fịrịnwẹngịapụ Ebraham ḅe na, Aịzịk ḅe na, pịkị Jekọb ḅe na se ḅiekoroma. Ị́ kụrọma ḅereni ini pịrịye mị se ḅiekoroma na, inia furo ḅie pakaḅoḅịa apụma sotọrụ lolia ma ḅaka ọkụ ḅakaḅịa-ẹ, ị́ seni ini karị kiri mamgba inia furo ḅie pakaḅoḅịa apụ mị àrị nyana anga gbasoḅịaye-ẹ.” 14Anịẹrẹchị Nyanaḅọ Ḅe, ori ò kuḅie ḍinma se ori oria tomonima ẹrẹma na ori ini famasinḅịa ḅẹye mị ọ̀ ḅarị nwọ mịẹkẹ.
15Moziz ḅe, tụndụ mị ọgọnọ koroḅomẹ, olokoma ọḅụ-na-kuḅu-na ḅụ gịẹịn ḍụparị pẹkẹrẹ ma ọ̀ ḅara ḅie omi-ẹ. 16Tamụnọ Ḅe ḅarana ḍụparịma mịẹmẹ se olokoma se arịa ọgọnọ gịẹịn mẹ.
17Jọsụwa ḅe tomonima olokuarịye mị naa se ọ̀ nwọse Moziz ḅe ḅẹmẹ, “Owuni nyọfiema ḅara à nwọ naa aḅẹ ikowarịma sime nyọ mị ḅie.”
18Moziz ḅe nwọ ḅẹmẹ, “Anị mị ọmụḅaraiḅi oloku kịkẹkẹ anị pịkị ọmụḅara si oloku kịkẹkẹ, anị mị nime pụkọ-ẹ.”
19Moziz ḅe, ò ḅo iḅiọkụ ikowarịma sime nyọ mị na kpeki se ori owoi nambulo ḅe ọrị pịkị tomonima sẹkịarị ọkụ ọrị sịkị ori opuma ịganịmẹ ineda ò kuḅie ọlọka ḅaraḅụ. Anịnyọ tụndụ mị chuku, ò deki ḍụparị pẹkẹrẹ ma ọ̀ nwọse kiri ọgọnọ gbin se àrị pukọsịmẹ. 20Ini tẹmẹ owoi nambulo ḅe ọ̀ nwọ ọkị se, ọ̀ sanị so se anị gbẹịn ḅo fọn mịẹ se mengi ḅie wọlọmamẹ. Anịsịkị ori Izrẹlapụma mịẹmẹ se ini anị ḅumẹ. 21Moziz ḅe nwọse Erọn ḅe ḅẹmẹ, “Cheye mịnapụma ini nwọse ị́ mịẹ, se ị́ ini mịẹse ini nwọ sime ḅalafama simịẹ?”
22Erọn ḅe nwọ pẹkẹrẹmẹ, “Ịganị ị̀ pịrịma; mịnapụma siye mịẹ ḅụ inia kuḅie kụrọ la-ọkụ ị́ nemimẹ. 23Ini nwọse ị̀ ḅẹmẹ, ‘Ḅe Moziz ḅe cheye ọ̀ ḅụ pakasa-otuḅo wa nemikẹ, Ijipt ḅie wa ọkịpakụmaḅo ḅọ ḅe, anịẹrẹchị wa seni tọrọkọ ịsụnḅịa oru nwọ tẹmẹ wa pịrị.’ 24Àrị ini ḅẹmẹ na inia goli ma ini nwọ ọkịḅo ị̀ pịrị, inia ḅie ọkọsimeaye nyana apụma ini ọkịḅo ị̀ pịrịmẹ. À ma yela ngọma se fịnị ḅie gbin chumẹ, se ḅe owoi nambulo ḅe pakụmaḅomẹ!”
25Moziz ḅe ori ọrịmẹ na, Erọn ḅe ori ineda iḅiọkụma tomonima ọlọkpaịnmakẹ, se tomonima inina-tarakapụma tọrọkọ oḅori-a mịẹmịẹaye nwọ mịẹmẹ. 26Anịẹrẹchị ori ikowarịma ḅọkọ ḅụ chịẹ se olokumẹ, “Nyanaḅọ Ḅe ḅụ simeḅọ goyegoye saḅa mịanga ḅo.” Anịẹrẹchị Livaị apụ mamgba ini ò gbori kelemamẹ, 27se ọ̀ nwọse ini ḅẹmẹ, “Nyanaḅọ Izrẹl Tamụnọ Ḅe kụrọ pịrịmẹ na ọ́mịna ḅie ḅọḅọ nụḅọ okola-agiji nwọ deki, se mị ḅọkọ ḅụ nwẹngị mun ísí ḅọkọ mị la se sakị nụḅọ mịnaḅọ, nụḅọ ikiaḅọ, pịkị nụḅọ na kpekima angaḅọ na nwọ ḅaa.” 28Livaị apụma, ọ̀ ḅịpị ini pokimẹ, se anị ene ḅie kịnị-a sọnọma ẹndẹ oyiasi fịnjị ini nwọ ḅaamẹ. 29Moziz ḅe nwọse Livaị apụma ḅẹmẹ, “Mịmgba ọ́mịna ḅụ ọ́ mịẹfịafịamasam, Nyanaḅọ Ḅe oria agbamịẹ fịrịnwẹngịapụ ḅaraḅụ, anị ọ́ nwọ ọ́mịna awọma na ọ́mịna mịnapụma na ḅaa ye mị ḅụ, anịẹrẹchị Nyanaḅọ Ḅe oria ḅẹlẹma ọ̀ nwọse ómine pịrịsam.”
30Anịḅe ene ḅa Moziz ḅe nwọse tomonima ḅẹmẹ, “Opuma ḅalafama si ọ́ nwọ mịẹsam. Ọkụma mịọkụ à pịkị tụndụ mị tanjị iwo Nyanaḅọ Ḅe damamunḅịa; sosi àrị ineda ọ́ mịẹasi ma ḅụ Nyanaḅọ Ḅe ḅara siḅụ-ḅarasin ḅi ómine pịrịḅịa.” 31Anị Moziz ḅe, ọ̀ pịkị Nyanaḅọ Ḅe damamun se ḅẹye-ẹ, “Mịna apụma, ini opuma ḅalafama si mịẹsam. Ini goli se oru tẹmẹ se anị tẹkẹsam. 32Pasisi ini mịẹ si mị ḅụ ḅarasin ini pịrị; ị́ ḅereni ẹkẹ ḅẹḅẹ anịọkụma ị́ya tomonima ẹrẹ ma ị́ nwọ chụa ḍiri mị ḅie ị̀ya ẹrẹ mị sin.”
33Nyanaḅọ Ḅe nwọ pẹkẹrẹmẹ, “Ini nwọ ị̀ ḅụ simịẹ apụma ẹrẹ ma mị àrị ị̀ya ḍiri mị ḅie sinḅịaye-ẹ. 34Mịọkụ tomonima tọrọkọda à ḍuko ị́ pịrị nyọ mị mun. Ḅiekoroma na ị̀ya enjẹlḅọ ó ḍikiḍikiaḅẹ, ọkụma sịkị ḅo aḅẹ à fomuḅara se mịna apụma pịrịḅịa inia sima gose.”
35Anị Nyanaḅọ Ḅe ḅalafama obi seni tomonima fịrịmaye-ẹ, anịatịḅị ini Erọn ḅe ḅụfụkamamẹ se ò goli se owoi nambulo ḅe tẹmẹmẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria