Pakaso 27
27
Agbamịẹ Ẹbẹ Mị
(Pak 38.1-7)
1“Ọjị chịn nwọse agbamịẹ ẹbẹ mị mị-ẹ. Anịa aka mamgba gbasịḅịa, anịa ịsụn sọnọma ḅụọ na pẹkẹrẹ laḅịa, finji mị pịkị sọnọma ḅụọ na pẹkẹrẹ, anịa gele mị inein-a ḅụọ na pẹkẹrẹ laḅịa. 2Tọpị paka aye nwọ chụa pakụma inein-a ịkọlị ma ḅụ. Agbamịẹ ẹbẹ mị na àrị na gbọrịḅụ simeḅịa, se anị mgba alapẹlẹka-ẹfẹrẹ seni anị oḅolo kelema. 3Fọn chụaḅịa panị ma na, kiri ịsịn ọgụ ma na bọlị ma na, yesụka ayema na, pịkị ḅụrọchụa panị ma na nwọ mịẹ. Alapẹlẹka ikulele seni ma fịrịnwẹngị aye mamgba mị-ẹ. 4Alapẹlẹka ikulele seni mgbẹsẹye nwọ mịẹ pịkị yese toluma dekiḅịa inein-a alapẹlẹka seni mịẹaye nwọse anịa ịkọlị ma ḅụ chụa. 5Mgbẹsẹye mị seni agbamịẹ ẹbẹ mị chuku ḅie chu akasịkị ḅụ, mịẹse anị somun ogboku laḅịa ọkụ. 6Yese toluma dekiḅịa chịnma ọjị chịn seni àrị mịẹ, seni alapẹlẹka ẹfẹrẹ se àrị oḅolo, 7se àrị seni yese tolumaḅịa ayema ḅie chu agbamịẹ ẹbẹ mị akasịkị ma ḅụ ini anị dekisa ḅẹḅẹ. 8Agbamịẹ ẹbẹ mị ḍụpọ seni anị gbẹịn, mịẹ ḅie mị pokoloma sime, à se tụndụ mị ọgọnọ ḅụ ị́ ḍieye mị sime ọkụ mị.
Seni Nyanaḅọ Ḅe Tọrụkuḅu Sime Ikowarị Mị Kikimaḅịa Ḅịtẹ Mị
(Pak 38.9-20)
9“Seni à pakaḅoḅo Ikowarị mị ḅie kikimaḅịa ḅịtẹ mị ḍikitọrụgbẹịn lọkọ-ḅịtẹ nwọ seni anị mị-ẹ. Chuku daọrụ mị ḅụ nyọ kikima ḅịtẹma arịa ịsụn mị simaịn kuḅu fịnjị na pẹkẹrẹ nwọ laḅịa, 10seni àrị dachịẹmaḅịa si chịnma na pịkị chuku ḅụ àrị se sụkaḅịa si chịnma na alapẹlẹka ikulele seni àrị mịẹ yesụkaye ma na ikulele ma na seleḅa seni àrị mịẹ. 11Anị gbọrị ḅara anị ị́ mịẹḅịa ọkụ-ẹ ọgọnọju daọrụ mị sọnị. 12Ịrụa mun sọsọ anga ḅụ, nyọ kikima ḅịtẹ simeḅịa, oyimaịn kuḅu fịnjị na pẹkẹrẹ ịsụn mị nwọ laḅịa, ọgọnọ gbana chịnma oyi-a chuku sẹkẹ-a chịnma pịkị oyi. 13Ịrụapakapaka anga da nyọ ḅụ, anị ḅọkọ mị sime anga mị, ḅie mị anịa finji oyimaịn kuḅu fịnjị na pẹkẹrẹ nwọ laḅịa. 14-15Seni anga-anga ḅụ ḅọkọ ma kikimaḅịa ḅịtẹma tẹrẹ-a kuḅu na pẹkẹrẹ nwọ laḅịa gbọrị anga gbọrị anga ḅụ, anị pịkị tẹrẹ-a ọgọnọ gbana chịn na, tẹrẹ-a chuku sẹkẹ-a chịn na nwọ nyanaḅịa. 16Dada ḅọkọ mị, seni anị kikimaḅịa lọkọ ḅịtẹ mị sọnọ-a kuḅu mị anịa ịsụn mị laḅịaye-ẹ, bulu bulu na awụwụ tọrụ na anị nwọ nyanaḅịa, pịkị pulo-pulo tọrụ nyana nama ichuka seni ḍoriye pịkị anịaḅụ simeḅịa anị ḅirimaye ḅaraḅụ. Inein-a chịn ini nwọse anị dekichịẹmaḅịa, chuku da inein-a chịnma ḅie àrị sụka simeḅịa. 17Ḅie mị kelema chịn mamgba seleḅa se mịẹ aye-ẹ, seni àrị sụkaḅịa ayema sọnị seleḅa se mịẹ aye-ẹ, se arịa chuku sẹkẹḅịa ayema alapẹlẹka ikulele seni mịẹ aye-ẹ. 18Ḅie mị anịa ịsụn si sọnọ-a kuḅu fịnjị nwọ laḅịa, anịa finji mị oyimaịn kuḅu fịnjị na pẹkẹrẹ nwọ laḅịa, anịa gele mị pịkị gbọrị kuḅu na pẹkẹrẹ nwọ laḅịa. Nyọ kikima ḅịtẹma ḍikitọrụgbẹịn lọkọ ḅịtẹ ini nwọse àrị mịẹḅịa, se chuku sẹkẹ ayema alapẹlẹka ikulele nwọse àrị mị-ẹ. 19Ini seni Ikowarị mị ḅie fịrịnwẹngịḅịa aye mamgba na pịkị ini seni Ikowarị mị pike ḅịa aye mamgba na ini pịkị seni ḅie mị chụaḅịa aye mamgba alapẹlẹka ikulele nwọse àrị mị-ẹ.
Tọnjie Mị Ḍikiḍiki Mị
(Agba 24.1-4)
20“Tọn Izrẹlapụma pịrị na seni tọnjie mị chụaḅịa iḅitẹịn oliv pulo mị ini nwọse ị́ pịrị, mịẹse saso goyegoye ini anị chụaḅịa ọkụ. 21Erọn ḅe na oria owuapụ awọma na anị tọnjie mị chụachụaḅịaye-ẹ à pakaḅoḅo Ikowarị mị ḅie, Ọḅọkụ Igbe mị tọrọkọ kikima ḅịtẹ mị ḅie sọka ḅaraḅụ. Anị anga ị̀ tọrụkuḅu ḅụ ini anị chụa koromaḅịa saso ḅiri ḅụ ọkịmun dede la. Mị ḅara mị Izrẹlapụma na inia awọma na mịẹ gbasoḅịa ọkụ-ẹ ḅụọ-ḅụọ ḅụ.
Currently Selected:
Pakaso 27: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Pakaso 27
27
Agbamịẹ Ẹbẹ Mị
(Pak 38.1-7)
1“Ọjị chịn nwọse agbamịẹ ẹbẹ mị mị-ẹ. Anịa aka mamgba gbasịḅịa, anịa ịsụn sọnọma ḅụọ na pẹkẹrẹ laḅịa, finji mị pịkị sọnọma ḅụọ na pẹkẹrẹ, anịa gele mị inein-a ḅụọ na pẹkẹrẹ laḅịa. 2Tọpị paka aye nwọ chụa pakụma inein-a ịkọlị ma ḅụ. Agbamịẹ ẹbẹ mị na àrị na gbọrịḅụ simeḅịa, se anị mgba alapẹlẹka-ẹfẹrẹ seni anị oḅolo kelema. 3Fọn chụaḅịa panị ma na, kiri ịsịn ọgụ ma na bọlị ma na, yesụka ayema na, pịkị ḅụrọchụa panị ma na nwọ mịẹ. Alapẹlẹka ikulele seni ma fịrịnwẹngị aye mamgba mị-ẹ. 4Alapẹlẹka ikulele seni mgbẹsẹye nwọ mịẹ pịkị yese toluma dekiḅịa inein-a alapẹlẹka seni mịẹaye nwọse anịa ịkọlị ma ḅụ chụa. 5Mgbẹsẹye mị seni agbamịẹ ẹbẹ mị chuku ḅie chu akasịkị ḅụ, mịẹse anị somun ogboku laḅịa ọkụ. 6Yese toluma dekiḅịa chịnma ọjị chịn seni àrị mịẹ, seni alapẹlẹka ẹfẹrẹ se àrị oḅolo, 7se àrị seni yese tolumaḅịa ayema ḅie chu agbamịẹ ẹbẹ mị akasịkị ma ḅụ ini anị dekisa ḅẹḅẹ. 8Agbamịẹ ẹbẹ mị ḍụpọ seni anị gbẹịn, mịẹ ḅie mị pokoloma sime, à se tụndụ mị ọgọnọ ḅụ ị́ ḍieye mị sime ọkụ mị.
Seni Nyanaḅọ Ḅe Tọrụkuḅu Sime Ikowarị Mị Kikimaḅịa Ḅịtẹ Mị
(Pak 38.9-20)
9“Seni à pakaḅoḅo Ikowarị mị ḅie kikimaḅịa ḅịtẹ mị ḍikitọrụgbẹịn lọkọ-ḅịtẹ nwọ seni anị mị-ẹ. Chuku daọrụ mị ḅụ nyọ kikima ḅịtẹma arịa ịsụn mị simaịn kuḅu fịnjị na pẹkẹrẹ nwọ laḅịa, 10seni àrị dachịẹmaḅịa si chịnma na pịkị chuku ḅụ àrị se sụkaḅịa si chịnma na alapẹlẹka ikulele seni àrị mịẹ yesụkaye ma na ikulele ma na seleḅa seni àrị mịẹ. 11Anị gbọrị ḅara anị ị́ mịẹḅịa ọkụ-ẹ ọgọnọju daọrụ mị sọnị. 12Ịrụa mun sọsọ anga ḅụ, nyọ kikima ḅịtẹ simeḅịa, oyimaịn kuḅu fịnjị na pẹkẹrẹ ịsụn mị nwọ laḅịa, ọgọnọ gbana chịnma oyi-a chuku sẹkẹ-a chịnma pịkị oyi. 13Ịrụapakapaka anga da nyọ ḅụ, anị ḅọkọ mị sime anga mị, ḅie mị anịa finji oyimaịn kuḅu fịnjị na pẹkẹrẹ nwọ laḅịa. 14-15Seni anga-anga ḅụ ḅọkọ ma kikimaḅịa ḅịtẹma tẹrẹ-a kuḅu na pẹkẹrẹ nwọ laḅịa gbọrị anga gbọrị anga ḅụ, anị pịkị tẹrẹ-a ọgọnọ gbana chịn na, tẹrẹ-a chuku sẹkẹ-a chịn na nwọ nyanaḅịa. 16Dada ḅọkọ mị, seni anị kikimaḅịa lọkọ ḅịtẹ mị sọnọ-a kuḅu mị anịa ịsụn mị laḅịaye-ẹ, bulu bulu na awụwụ tọrụ na anị nwọ nyanaḅịa, pịkị pulo-pulo tọrụ nyana nama ichuka seni ḍoriye pịkị anịaḅụ simeḅịa anị ḅirimaye ḅaraḅụ. Inein-a chịn ini nwọse anị dekichịẹmaḅịa, chuku da inein-a chịnma ḅie àrị sụka simeḅịa. 17Ḅie mị kelema chịn mamgba seleḅa se mịẹ aye-ẹ, seni àrị sụkaḅịa ayema sọnị seleḅa se mịẹ aye-ẹ, se arịa chuku sẹkẹḅịa ayema alapẹlẹka ikulele seni mịẹ aye-ẹ. 18Ḅie mị anịa ịsụn si sọnọ-a kuḅu fịnjị nwọ laḅịa, anịa finji mị oyimaịn kuḅu fịnjị na pẹkẹrẹ nwọ laḅịa, anịa gele mị pịkị gbọrị kuḅu na pẹkẹrẹ nwọ laḅịa. Nyọ kikima ḅịtẹma ḍikitọrụgbẹịn lọkọ ḅịtẹ ini nwọse àrị mịẹḅịa, se chuku sẹkẹ ayema alapẹlẹka ikulele nwọse àrị mị-ẹ. 19Ini seni Ikowarị mị ḅie fịrịnwẹngịḅịa aye mamgba na pịkị ini seni Ikowarị mị pike ḅịa aye mamgba na ini pịkị seni ḅie mị chụaḅịa aye mamgba alapẹlẹka ikulele nwọse àrị mị-ẹ.
Tọnjie Mị Ḍikiḍiki Mị
(Agba 24.1-4)
20“Tọn Izrẹlapụma pịrị na seni tọnjie mị chụaḅịa iḅitẹịn oliv pulo mị ini nwọse ị́ pịrị, mịẹse saso goyegoye ini anị chụaḅịa ọkụ. 21Erọn ḅe na oria owuapụ awọma na anị tọnjie mị chụachụaḅịaye-ẹ à pakaḅoḅo Ikowarị mị ḅie, Ọḅọkụ Igbe mị tọrọkọ kikima ḅịtẹ mị ḅie sọka ḅaraḅụ. Anị anga ị̀ tọrụkuḅu ḅụ ini anị chụa koromaḅịa saso ḅiri ḅụ ọkịmun dede la. Mị ḅara mị Izrẹlapụma na inia awọma na mịẹ gbasoḅịa ọkụ-ẹ ḅụọ-ḅụọ ḅụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria