Romu 13
13
Kọrị Ḅẹrẹtọn-Siri Pịrị Ḅẹ Akọrịnama
1Sime ḅọ, sime ḅọ Ḅẹrẹtọn-Siri mẹ ḅịḅị pokii, tẹ sịḅị-tuu ịn pịrịị, ịn kọn-arị kụrọ mẹ Tamụnọ ḅara ḅom ẹrẹsị, tẹ opu kiri ḅụ lẹgị ḅọ, lẹgị ḅọ Tamụnọ mḅọ kẹ lẹgịmam. 2Anie ḅụ, ḅẹrẹtọn kiri ḅụ sime ḅọ na tụḅụrụarị ḅọ sime, sime, mḅọ Tamụnọ tọn ye na tụḅụrụarị, tẹ pịkị ò fomu-ḅara nụnụ ḅụụ pịrịarị. 3Si mịẹ apụ anie ḅẹrẹtọn apụ gotẹ ḅalafaarị, iḅiye mịẹ apụ-a. Ị́ ḅẹrẹtọn kụrọ nyanaḅọ ḅe gotẹ ḅalafa ḅẹ ḅii-a ḅẹḅẹ, iḅiye ḍiki tẹ mịẹ, anịsakị ori í tokini ḅa, 4ori Tamụnọ fịrịmẹnjịḅọ tẹ í iḅi gotẹ kọrịnama kọrịarị ḅọ ẹrẹsị. Í si amịẹaị mịẹarị ḅẹḅẹ, ò gotẹ ḅalafaa, gbala Tamụnọ kẹ ọ̀ pịrị kụrọ ḅụ ori inetẹ fomu-ḅara kẹ ị́ pịrị ḅa, ori Tamụnọ fịrịmẹnjịḅọ tẹ fomu-ḅara kẹ si mịẹ ḅọ, mịẹ ḅọ pịrịarị. 5Ọkọẹrẹsị, kụrọ mẹ ḅara ḅụ simearị apụ ma ḅịḅị pokii, Tamụnọ ịganị ḅofa ḅo ị́ la kịngẹ gotẹ mịẹ ma, kụma ị́ tẹmẹ ḅioḅẹngbọ sọ kẹ ị́ ḅẹẹarị ḅara mịẹ.
6 #
Mat 22.21; Mak 12.17; Luk 20.25 Anie mẹ mie ó gotẹ ama-igbigi sọ osoarị ye; kẹ gotẹ ọkọ ḅẹẹarị, ḅẹrẹtọn-apụ ma ịna akọrịnama kọrịarị sakị goyegoye ịn kọrịnama kọrị Tamụnọ pịrịarị. 7Anie ḅụ ọmịnị ịna ḅara ọlọ ye emi-emii, ọ́ kẹ ịn gbẹẹ, tomḅọ sịḅị, sịḅị osoarị igbigi-o, tomḅọ nyana-ye ḅụ mḅọ kẹ ama gbẹẹ ḅẹ ye-o, ọ́ gbẹẹ, tẹ pịkị mangịma na kụn na sọ kẹ inimgba pịrịị.
Tomi Kẹ Jụmọ-Jụmọ Na Anga Ḅẹ Ḅara
8Ḅẹlẹma saa sikima kịnị aḅara jen saa fị ma, gbala jen tomḅọ ḅẹlẹmarịḅọ mẹ mie Oloko mẹ kokoarị ye. 9#Pks 20.14; Dit 5.18; Pks 20.13; Dit 5.17; Pks 20.15; Dit 5.19; Pks 20.17; Dit 5.21; Lẹv 19.18Oloko mẹ tọn koromam: “Sẹfị ma; kịnị-ḅa ma; furu ma; ye mọnị ma”; mịna aị ma na jaị na kpọọ gboloma tẹ kẹ gbọrụ oloko mịẹ ye anie, “Ị́ ị́ ḅụụ ḅẹlẹma ḅara kẹ í pembe tomḅọ ḅẹlẹmaa.” 10Í kura-aye kẹ ị́ ḅẹlẹmarị tomḅọ mịẹ ḅịa gbamasom, ọkọẹrẹsị jụmọ ḅẹlẹma mẹ anie Oloko mẹmgba koko fama mẹ.
11Miemẹ ọ́ mịẹ-a so ḅẹ ye-a, gbala ọmịnị sọ nimi ḅara ḅụ, mie mono ḅụ saakị na-iḅi sakị mẹ. Kẹ gotẹ ọkọ ḅẹẹarị, wa ḅọrọma ḅẹ sakị mẹ ḅo kpeki wa tarị, tarị minini sakị nẹngị tẹ. 12Ḍin mẹ mu lama tẹ, finji ene ḅo laa ḅẹ tẹ. Ó yee wa ḍin ḅẹ amịẹaị ma, tẹ sime kanakana pịrị aị ma, dasịẹma tẹ ịn kẹ bele ḅio ḅẹ owu sọ, sọ owuna-aị ma ọkị ḅiri. 13Eneḅaka-fịafịa-ogbo ḅụ angarị apụ ḅara ḅụ, ó yee wa tomina tọrọkọ ḅụụ gbẹẹ ḅara anga; iru ḅuu bụlụ-bụlụma ḅara kẹ alalị fị-a ḅara, owiapụ na ereme na kọn na-iḅi-a mẹnjị kọn, anịanịa ḅụụ-sima amịẹaị mịẹ ḅụ-a, owu-sọ ofori, ḅụụ-sịnịsịnị sọ ofori ḅara. 14Kụma KỊNỊNYANAḄỌ Jizọsị Kịrayịsị owuna-aị ma ọkị ḅiri, tẹ ḅarị tomḅọ si sime-ḅara kẹ ye sịn tẹ anị ḅii ye, ḅii ye mịẹ ma.
Currently Selected:
Romu 13: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
Romu 13
13
Kọrị Ḅẹrẹtọn-Siri Pịrị Ḅẹ Akọrịnama
1Sime ḅọ, sime ḅọ Ḅẹrẹtọn-Siri mẹ ḅịḅị pokii, tẹ sịḅị-tuu ịn pịrịị, ịn kọn-arị kụrọ mẹ Tamụnọ ḅara ḅom ẹrẹsị, tẹ opu kiri ḅụ lẹgị ḅọ, lẹgị ḅọ Tamụnọ mḅọ kẹ lẹgịmam. 2Anie ḅụ, ḅẹrẹtọn kiri ḅụ sime ḅọ na tụḅụrụarị ḅọ sime, sime, mḅọ Tamụnọ tọn ye na tụḅụrụarị, tẹ pịkị ò fomu-ḅara nụnụ ḅụụ pịrịarị. 3Si mịẹ apụ anie ḅẹrẹtọn apụ gotẹ ḅalafaarị, iḅiye mịẹ apụ-a. Ị́ ḅẹrẹtọn kụrọ nyanaḅọ ḅe gotẹ ḅalafa ḅẹ ḅii-a ḅẹḅẹ, iḅiye ḍiki tẹ mịẹ, anịsakị ori í tokini ḅa, 4ori Tamụnọ fịrịmẹnjịḅọ tẹ í iḅi gotẹ kọrịnama kọrịarị ḅọ ẹrẹsị. Í si amịẹaị mịẹarị ḅẹḅẹ, ò gotẹ ḅalafaa, gbala Tamụnọ kẹ ọ̀ pịrị kụrọ ḅụ ori inetẹ fomu-ḅara kẹ ị́ pịrị ḅa, ori Tamụnọ fịrịmẹnjịḅọ tẹ fomu-ḅara kẹ si mịẹ ḅọ, mịẹ ḅọ pịrịarị. 5Ọkọẹrẹsị, kụrọ mẹ ḅara ḅụ simearị apụ ma ḅịḅị pokii, Tamụnọ ịganị ḅofa ḅo ị́ la kịngẹ gotẹ mịẹ ma, kụma ị́ tẹmẹ ḅioḅẹngbọ sọ kẹ ị́ ḅẹẹarị ḅara mịẹ.
6 #
Mat 22.21; Mak 12.17; Luk 20.25 Anie mẹ mie ó gotẹ ama-igbigi sọ osoarị ye; kẹ gotẹ ọkọ ḅẹẹarị, ḅẹrẹtọn-apụ ma ịna akọrịnama kọrịarị sakị goyegoye ịn kọrịnama kọrị Tamụnọ pịrịarị. 7Anie ḅụ ọmịnị ịna ḅara ọlọ ye emi-emii, ọ́ kẹ ịn gbẹẹ, tomḅọ sịḅị, sịḅị osoarị igbigi-o, tomḅọ nyana-ye ḅụ mḅọ kẹ ama gbẹẹ ḅẹ ye-o, ọ́ gbẹẹ, tẹ pịkị mangịma na kụn na sọ kẹ inimgba pịrịị.
Tomi Kẹ Jụmọ-Jụmọ Na Anga Ḅẹ Ḅara
8Ḅẹlẹma saa sikima kịnị aḅara jen saa fị ma, gbala jen tomḅọ ḅẹlẹmarịḅọ mẹ mie Oloko mẹ kokoarị ye. 9#Pks 20.14; Dit 5.18; Pks 20.13; Dit 5.17; Pks 20.15; Dit 5.19; Pks 20.17; Dit 5.21; Lẹv 19.18Oloko mẹ tọn koromam: “Sẹfị ma; kịnị-ḅa ma; furu ma; ye mọnị ma”; mịna aị ma na jaị na kpọọ gboloma tẹ kẹ gbọrụ oloko mịẹ ye anie, “Ị́ ị́ ḅụụ ḅẹlẹma ḅara kẹ í pembe tomḅọ ḅẹlẹmaa.” 10Í kura-aye kẹ ị́ ḅẹlẹmarị tomḅọ mịẹ ḅịa gbamasom, ọkọẹrẹsị jụmọ ḅẹlẹma mẹ anie Oloko mẹmgba koko fama mẹ.
11Miemẹ ọ́ mịẹ-a so ḅẹ ye-a, gbala ọmịnị sọ nimi ḅara ḅụ, mie mono ḅụ saakị na-iḅi sakị mẹ. Kẹ gotẹ ọkọ ḅẹẹarị, wa ḅọrọma ḅẹ sakị mẹ ḅo kpeki wa tarị, tarị minini sakị nẹngị tẹ. 12Ḍin mẹ mu lama tẹ, finji ene ḅo laa ḅẹ tẹ. Ó yee wa ḍin ḅẹ amịẹaị ma, tẹ sime kanakana pịrị aị ma, dasịẹma tẹ ịn kẹ bele ḅio ḅẹ owu sọ, sọ owuna-aị ma ọkị ḅiri. 13Eneḅaka-fịafịa-ogbo ḅụ angarị apụ ḅara ḅụ, ó yee wa tomina tọrọkọ ḅụụ gbẹẹ ḅara anga; iru ḅuu bụlụ-bụlụma ḅara kẹ alalị fị-a ḅara, owiapụ na ereme na kọn na-iḅi-a mẹnjị kọn, anịanịa ḅụụ-sima amịẹaị mịẹ ḅụ-a, owu-sọ ofori, ḅụụ-sịnịsịnị sọ ofori ḅara. 14Kụma KỊNỊNYANAḄỌ Jizọsị Kịrayịsị owuna-aị ma ọkị ḅiri, tẹ ḅarị tomḅọ si sime-ḅara kẹ ye sịn tẹ anị ḅii ye, ḅii ye mịẹ ma.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria