Ayịzaya 18
18
1 #
Zẹf 2.12
Sudanị ḅẹ atọrụ ma ḅọrọ ḅụ gbọrụ ama emi, fẹrụ pamba fie mu tẹ kịnị naarị ama mẹ. 2Anị ama mẹ ḅụ amịna ama tọrụ ḍima apụ Nayịlị tọrụ mẹ ḅụ asịra kẹ mịẹ arụ kẹ ideri-ḅoarị. Ọ́ sarama pịkị so ama mu, ḅụụ-sarasara oku-mẹnjịapụ! Ọmịnị oku da tẹ kẹ pịkị so ọmịna ama mu, tọrụ, tọrụ kẹ pakịrị, pakịrị ḍie wararị ama mẹ, ó so ọmịna kụrọtẹ ịnyọ nyana wararị ama mẹ muu, ó so ọmịna sịẹ gberere tẹ welewele oju-kiri sụa apụ ma dama-muu, bebe tomikiri mamgba gotẹ ḅalafaarị apụ ma.
3Pokii, tomikiri angarị ḅọ goḅọ-goḅọ! Ye kẹ kịnị ḍie gotẹ tụndụ ma ọgọnọ-jụ ḅio pike wararị ḅịtẹ mẹ ḍikii! Ọmịnị ini ofuroarị ọdụ mẹ pokii! 4KỊNỊNYANAḄỌ ḅe ị̀ ḅẹẹm, “À So-ḅio sime tẹ ḍiki iderima ḅa igirigi ọfịrịarị fịye soku sakị ḅụ deinma koro ḅara ḍin ḅụ, ịrụa ḅụọ-fiema-a ḅara kẹ eneḅaka ogbo ḅụ ḅịya pakarị ḅara mẹ. 5Tẹrẹmẹ ịn kụrọ mgbọlụ ma kaịn kobiri, anie panga-ḅaa aị ma sara so tẹ mgbọlụ ma kpọọ tẹ ḅịyarị sakị, si kẹ ịn tọn apụ ma ḅo Sudanị ḅẹ apụ ma ḅaa guluguluma ḅa, sarasara ḅara ḅụ, gbala kala-ogie kẹ kụrọ sịn aḅara kọlị-kọlịarị ye ọkụ. 6Ịna ọmụapụ ma oju akpakpa ma kiri ọgọnọ sara sime feni ma na piri-ḅio-ḅẹ anama na pịrị ḅa. Ịrụa kụra ḅụ feni ma arị pẹị, pẹị tẹ kẹ anga ḅa, tẹ okiringa sakị ḅụ piri-ḅio-ḅẹ anama ma pịkị arị pẹị ḅa.”
7Anị sakị mẹ ḅụ, Kụrọmamgba nyana KỊNỊNYANAḄỌ ḅe mie tọrụ-tọrụ ḍiema wararị amakiri mẹ ḅẹ apụ ma ḅara agba da ḅa, mie kụrọtẹ ịnyọ nyana wararị sịẹ mẹ, mie gele-geletẹ oju-kiri welewele wararị atomi ma, anie tomikiri mamgba ḅụ in ḍiki-ḅalafaarị apụ ma. Ịn Zayọnị tụndụ ḅo ḅa, in sunsin Kụrọmamgba nyana KỊNỊNYANAḄỌ ḅe pịrịarị yọ mẹ ḅụ.
Currently Selected:
Ayịzaya 18: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria