Fịrịmẹnjịapụ 4
4
Pita Na Jọnị Na Sịẹ Kobiri Mẹ Tọrọkọ Emi
1Pita na Jọnị na paa ẹkwẹn tomi ma pịrịarị ogbo agbamịẹapụ ma ḅẹ ja apụ na, Tamụnọ-warị mẹ ḍikiḍikiarị apụ ma ḅẹ sịḅịdaḅọ na, Sadusiiapụ ma ḅẹ ja apụ na ḅo lam. 2Ịn nwẹnị maa fịrịmẹnjịapụ ma Jizọsị fị-ḅụ-saakị tẹ ye mẹ ḍuko tomi ma pịrị ye mẹ gotẹ ịganị, gbala Jizọsị fị-ḅụ-saakị tẹ mẹ ḍukoarị mịnẹ fịtẹ-apụ saakị ḅa. 3Mie ḅụ ịn nwẹnị in kun ikoli ḅio suu wẹrị ene-ḅaama, sakị mu lama tẹ ẹrẹsị. 4Kụma ịn kọn ẹkwẹn mẹ naa apụ ḅụ ḅẹ tọnwa apụ Jizọsị mininim; tẹ ịna kịẹn-ḅịḅị nwẹnị paka-ḅo kịnị oyi maa ẹndẹ finji na kịnị oyia asi na la.
5Anị ḅẹ ene ḅaa ḅụ Juu-ḅẹ-apụ ma, ḅẹ sịḅịdapụ na, ama ḅẹ omongiapụ na, oloko toluma apụ ma na Jeruselemu ḅụ kobirim. 6Sịḅịda-Agbamịẹḅọ Anasị na, Kayafasị na, Jọnị na, Alẹkịzanịda na, Sịḅịda-Agbamịẹḅọ ḅe warị ḅẹ apụ na, mie ini na kobiri ye. 7Ịn fịrịmẹnjịapụ ma kẹ ḅo ịna tọrọkọ sịẹma tẹ ịn gbelam, “Ndẹẹ ó miemẹ mịẹ ḅara? Ọ́ tọ kụrọ nyana, anịanịa tụḅọ ẹrẹ ọ́ nwẹn kẹ ọ́ mịẹ ye mẹ mịẹ?”
8Tẹ Fịafịa Tẹmẹ ḅe Pita ḅụụ sọ ḅin ḅara ḅụ ọ̀ nwẹnị ịn pakịrị, “Ọmịnị tomi ma sịḅịdapụ na omongiapụ na, 9ọ́ ḅọrọ mịmgba, ḅị ekeliḅọ ḅe ḅụ kọrị iḅi kọrịnama mẹ na, ọ̀ gwọọ ḅara na, gotẹ ḅẹrẹ kẹ wa gbelarị ḅẹḅẹ, 10ọmịnị-mgba na, bebe Izirẹlịapụ mamgba ó nimii, mịnẹ mịanga oju iḅi famatẹ ọmịna tọrọkọ sịẹ wararị tomḅọ ḅe, Nazarẹtị ḅẹ Jizọsị Kịrayịsị, tẹ ọ́ kẹ ẹngbẹsẹ-sịn ḅụ ḅakụ tẹ Tamụnọ fịị ḅụ saakịma ḅọ ḅe ẹrẹ ḅẹ kụrọ ḅụ mie ọ̀ ḅọrọ tẹ gwọọ ye.” 11#Dev 118.22Jizọsị ḅe anie Fịafịa Ḍiri mẹ ḅụụ ḅụ ye ḍuko ḅọ ḅee tẹ ḅẹẹm,
“Ọmịnị warị nama apụ ma ḍiki-sima ḍụḅarị mẹ
ḅo pịkị iḅitẹịn ye sọ tẹ.”
12“Ọ̀ ḅụụ ḅụ kịngẹ mie ḅọrọma simearị, bebe tomikiri mẹ ḅụ inetẹ wa ḅọrọma ḅẹ tẹ Tamụnọ kẹ tomi pịrị jụmọ ofori.”
13Juu-ḅẹ-apụ ma Sịẹ-Kobiri mẹ ḅo nimim mịnẹ Pita na Jọnị na, ḍiri ẹrị-a apụ tẹ ḅiokpọ tẹ gasị-gasịma ye ḍukoarị ye mẹ nwẹnị ịna aḅụụ buama, tẹ ịn nwẹnị lekiri mịnẹ in Jizọsị na mẹnjị simem. 14Kụma Pita na Jọnị na ịn gwọ ḅọ ḅe na sịẹ wararị ḅẹ sakị in ḍuko ḅẹ jen ye ḅarị ofori. 15Mie ḅụ ịn nwẹnị ịn ḅẹẹ in kobiri wararị ḅio mẹ ḅụ pakaa, tẹ ini nwẹnị piri-sọ ịn pịrị. 16In gbelam, “Wa ḅọrọ tọ-ḅara kẹ mịnapụ ma na mịẹ ḅẹ? Jeruselemu mẹ ḅụ sime tẹ ịn mịẹ kịrị ḅụụ-buamaye mẹ nimi-a ḅọ ofori ḅẹ sakị, wa pịkị ḅẹ ọkụ ḅarị ofori. 17Kụma wa pịkị ḅii ḅịa mịnẹ mị ye mẹ wasama ḅẹ sakị, ó yee wa mịna atomi ma sịn tẹ ịna ḅeri nụnụ, mịnẹ ịn ḅarị jen kẹ ẹkwẹn gbọrụḅọ-sọ pịrị ma Jizọsị ẹrẹ ḅụ.”
18Mie ḅụ ịn nwẹnị ịn sịn pịkị warị suu tẹ ịn ḅẹẹ, mịnẹ paka ye, paka ye sọ ịn ḅarị jen kẹ Jizọsị ẹrẹ kẹ ẹkwẹn tomi pịrị ma pịkị ye kẹ kịnị toluma ma. 19Kụma Pita na Jọnị na nwẹnị ịn pakịrị, “Ọmịnị ḅarana kọn ọmịna aḅụụ pịrịị, ndẹẹ maaịn ma ḅụ kuraye Tamụnọ tọrọkọ — ọmịna ḅịḅị poki mụnọọ, Tamụnọ ḅịḅị poki? 20Kẹ gotẹ ọkọ ḅẹẹarị wamịnị ḅarana tọrụngbọ kẹ ẹrị tẹ pịkị ḅeri kẹ naa tẹ ye mẹ wa inetẹ ḍuko-a so ḅịa.” 21Mie ḅụ Kobiri mẹ nwẹnị kụrọma ịna ḅeri nụnụ tẹ ịna ḅụ ḅara-siin. Ini ẹrịm mịnẹ ịn mịẹtẹ ḅụụ-fụka kẹ ịn pịrị ḅẹ ọkụ ofori, tomi mamgba mịẹ ye mẹ gotẹ Tamụnọ tokinim ẹrẹsị. 22Ịn mị ḅụụ-buama ḅara mẹ kẹ gwọ tomḅọ ḅe kụra amesi nẹngị ye ọ̀ sịḅị ḅọrọ tẹ.
Jizọsị Minini Apụ Ma Ḅiokpọ Ḅiim Tẹkẹ Ḅụ
23Ini ịna aḅụụ ḅara-siin gbọrụ sakị, Pita na Jọnị na mu ịna ogbo ḅẹ apụ la tẹ, agbamịẹapụ ma na, ama ḅẹ omongiapụ ma na, kọn ịn pịrị ẹkwẹn mẹ ḍuko ịn pịrịm. 24#Pks 20.11; Neh 9.6; Dev 146.6Jizọsị minini apụ ma miemẹ naa tẹso, inimgba nwẹnị gboloma tẹ Tamụnọ tẹkẹ: “Sịḅịdaḅọ, so na kiri na, tọrụ na, arị ḅio simearị aị mamgba na Tẹmẹḅọ!” 25#Dev 2.1,2“Ị́yẹrị wamịna atẹngịḅọ Devidi ị́ fịrịmẹnjịḅọ ḅe ḅụụ ḅọrọ tẹ Fịafịa Tẹmẹ ḅe ḅụ ḍukom,
“Tiye nwẹn kẹ Ja asịẹ ḅe apụ ma ịganịmarị,
tomi tiegotẹ papaa ḅẹrẹ-ḅiyarị?
26Tomikiri ḅẹ amadapụ ma ịna aḅụụ kobiri,
tẹ owu kẹ KỊNỊNYANA-TAMỤNỌ ḅe na Ọ̀ Mẹsaya ḅe na paka ḅẹm.”
27 #
Luk 23.7-11;
Mat 27.1,2; Mak 15.1; Luk 23.1; Jọn 18.28,29 Anie anị mịẹ ḅara, mị ama mẹ ḅio mie Ẹrọdị na, Pọnịtịyọsị Payịleti na, Ja asịẹ ḅẹ apụ ma na Izirẹlịapụ na kobiri ị́ Fịafịa Fịrịmẹnjịḅọ Jizọsị, tẹ ị́ kẹ Mẹsaya sọma ḅọ ḅe pịrị ye. 28In kobiri tẹ, ị́ kụrọ na, anị ị́ ḅụụ-ḅẹlẹ ḅara na, ḅụ tọn wẹrịm paka ḅa nwẹn ḅẹẹ ye, ḅẹẹ ye mịẹ tẹ anị paka ḅẹm. 29Mịọkụ, KỊNỊNYANAḄỌ, ịn kẹ wa ẹrẹmarị aị ma ḍikii, tẹ minini wamịnị ị́ afịrịmẹnjịapụ ma pịrị tẹ wa ḅiokpọ mamgba ḅụ í oku mẹ ḍuko pakama. 30Ị́ ḅara sụn-pakama tẹ kẹ obi apụ gwọ, tẹ mịẹtẹ ị́ fịafịa Fịrịmẹnjịḅọ Jizọsị ḅe ẹrẹ ḅụ ḅụụ-gbiripuma aị na ḅụụ-buama-aị na mịẹ.
31Ini ọkọ kẹ tẹkẹ fama tẹso, in kobiri sime anga mẹ nwẹnị jike. Fịafịa Tẹmẹ ḅe nwẹnị ịna aḅụụ ḅio sọ ḅin tẹ ịn nwẹnị saakị ḅiokpọ ḅara kẹ Tamụnọ ẹkwẹn kọn.
Jizọsị Minini Apụ Ma Ịn Nyana Aị Ḍiyam
32 #
Fịr 2.44,45 Jizọsị minini apụ ogbo mẹ gbọrụ kuroma na gbọrụ ḅioḅẹngbọ na nyanam. Gbọrụḅọ-sọ ḅẹẹ-a mịnẹ mḅọ nyana aị ḅụ sime mḅọ ngẹrị pịrị ye emi. Kụma inimgba ịn nyana ye goyegoye ḍiyam. 33Opu kụrọ fịrịmẹnjịapụ ma ḅụụ ḅio sọ tẹ ịn kẹ KỊNỊNYANAḄỌ Jizọsị fị-ḅụ-saakị ye mẹ ḍuko pakamam, tẹ Tamụnọ pịkị iḅiọkụ inimgba boma lamam. 34Anị sakị ịna ogbo mẹ ḅụ ḅụụ-fụka nyana ḅọ sọ ofori. Piri nyana apụ na, warị nyana apụ na arị dẹrị tẹ ịn dẹrị pakama-ḅo igbigi mẹ 35kẹ ḅo fịrịmẹnjịapụ ma pịrịm, tẹ ini igbigi mẹ kẹ ọrụḅọ-ọrụḅọ ḅụụ-fụka sime-ḅara ḍiki tẹ ḍie mḅọ pịrịm.
36Mị-ḅara ḅụ Josẹfụ nwẹn-sịn ḅọ, Livayị furo-ḅẹ-ḅọ, tẹ Sayịpụrọsị ḅụ ini iyi ḅọ, ori Josẹfụ ḅe tẹ fịrịmẹnjịapụ ma pịkị Banabasị kẹ sịn ḅọ ḅe (anie fiearị ye “Ḅiokpọmaḅọ”), 37ori sọ amịna kiri dẹrị tẹ igbigi mẹ kẹ ḅo fịrịmẹnjịapụ ma pịrịm.
Currently Selected:
Fịrịmẹnjịapụ 4: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
Fịrịmẹnjịapụ 4
4
Pita Na Jọnị Na Sịẹ Kobiri Mẹ Tọrọkọ Emi
1Pita na Jọnị na paa ẹkwẹn tomi ma pịrịarị ogbo agbamịẹapụ ma ḅẹ ja apụ na, Tamụnọ-warị mẹ ḍikiḍikiarị apụ ma ḅẹ sịḅịdaḅọ na, Sadusiiapụ ma ḅẹ ja apụ na ḅo lam. 2Ịn nwẹnị maa fịrịmẹnjịapụ ma Jizọsị fị-ḅụ-saakị tẹ ye mẹ ḍuko tomi ma pịrị ye mẹ gotẹ ịganị, gbala Jizọsị fị-ḅụ-saakị tẹ mẹ ḍukoarị mịnẹ fịtẹ-apụ saakị ḅa. 3Mie ḅụ ịn nwẹnị in kun ikoli ḅio suu wẹrị ene-ḅaama, sakị mu lama tẹ ẹrẹsị. 4Kụma ịn kọn ẹkwẹn mẹ naa apụ ḅụ ḅẹ tọnwa apụ Jizọsị mininim; tẹ ịna kịẹn-ḅịḅị nwẹnị paka-ḅo kịnị oyi maa ẹndẹ finji na kịnị oyia asi na la.
5Anị ḅẹ ene ḅaa ḅụ Juu-ḅẹ-apụ ma, ḅẹ sịḅịdapụ na, ama ḅẹ omongiapụ na, oloko toluma apụ ma na Jeruselemu ḅụ kobirim. 6Sịḅịda-Agbamịẹḅọ Anasị na, Kayafasị na, Jọnị na, Alẹkịzanịda na, Sịḅịda-Agbamịẹḅọ ḅe warị ḅẹ apụ na, mie ini na kobiri ye. 7Ịn fịrịmẹnjịapụ ma kẹ ḅo ịna tọrọkọ sịẹma tẹ ịn gbelam, “Ndẹẹ ó miemẹ mịẹ ḅara? Ọ́ tọ kụrọ nyana, anịanịa tụḅọ ẹrẹ ọ́ nwẹn kẹ ọ́ mịẹ ye mẹ mịẹ?”
8Tẹ Fịafịa Tẹmẹ ḅe Pita ḅụụ sọ ḅin ḅara ḅụ ọ̀ nwẹnị ịn pakịrị, “Ọmịnị tomi ma sịḅịdapụ na omongiapụ na, 9ọ́ ḅọrọ mịmgba, ḅị ekeliḅọ ḅe ḅụ kọrị iḅi kọrịnama mẹ na, ọ̀ gwọọ ḅara na, gotẹ ḅẹrẹ kẹ wa gbelarị ḅẹḅẹ, 10ọmịnị-mgba na, bebe Izirẹlịapụ mamgba ó nimii, mịnẹ mịanga oju iḅi famatẹ ọmịna tọrọkọ sịẹ wararị tomḅọ ḅe, Nazarẹtị ḅẹ Jizọsị Kịrayịsị, tẹ ọ́ kẹ ẹngbẹsẹ-sịn ḅụ ḅakụ tẹ Tamụnọ fịị ḅụ saakịma ḅọ ḅe ẹrẹ ḅẹ kụrọ ḅụ mie ọ̀ ḅọrọ tẹ gwọọ ye.” 11#Dev 118.22Jizọsị ḅe anie Fịafịa Ḍiri mẹ ḅụụ ḅụ ye ḍuko ḅọ ḅee tẹ ḅẹẹm,
“Ọmịnị warị nama apụ ma ḍiki-sima ḍụḅarị mẹ
ḅo pịkị iḅitẹịn ye sọ tẹ.”
12“Ọ̀ ḅụụ ḅụ kịngẹ mie ḅọrọma simearị, bebe tomikiri mẹ ḅụ inetẹ wa ḅọrọma ḅẹ tẹ Tamụnọ kẹ tomi pịrị jụmọ ofori.”
13Juu-ḅẹ-apụ ma Sịẹ-Kobiri mẹ ḅo nimim mịnẹ Pita na Jọnị na, ḍiri ẹrị-a apụ tẹ ḅiokpọ tẹ gasị-gasịma ye ḍukoarị ye mẹ nwẹnị ịna aḅụụ buama, tẹ ịn nwẹnị lekiri mịnẹ in Jizọsị na mẹnjị simem. 14Kụma Pita na Jọnị na ịn gwọ ḅọ ḅe na sịẹ wararị ḅẹ sakị in ḍuko ḅẹ jen ye ḅarị ofori. 15Mie ḅụ ịn nwẹnị ịn ḅẹẹ in kobiri wararị ḅio mẹ ḅụ pakaa, tẹ ini nwẹnị piri-sọ ịn pịrị. 16In gbelam, “Wa ḅọrọ tọ-ḅara kẹ mịnapụ ma na mịẹ ḅẹ? Jeruselemu mẹ ḅụ sime tẹ ịn mịẹ kịrị ḅụụ-buamaye mẹ nimi-a ḅọ ofori ḅẹ sakị, wa pịkị ḅẹ ọkụ ḅarị ofori. 17Kụma wa pịkị ḅii ḅịa mịnẹ mị ye mẹ wasama ḅẹ sakị, ó yee wa mịna atomi ma sịn tẹ ịna ḅeri nụnụ, mịnẹ ịn ḅarị jen kẹ ẹkwẹn gbọrụḅọ-sọ pịrị ma Jizọsị ẹrẹ ḅụ.”
18Mie ḅụ ịn nwẹnị ịn sịn pịkị warị suu tẹ ịn ḅẹẹ, mịnẹ paka ye, paka ye sọ ịn ḅarị jen kẹ Jizọsị ẹrẹ kẹ ẹkwẹn tomi pịrị ma pịkị ye kẹ kịnị toluma ma. 19Kụma Pita na Jọnị na nwẹnị ịn pakịrị, “Ọmịnị ḅarana kọn ọmịna aḅụụ pịrịị, ndẹẹ maaịn ma ḅụ kuraye Tamụnọ tọrọkọ — ọmịna ḅịḅị poki mụnọọ, Tamụnọ ḅịḅị poki? 20Kẹ gotẹ ọkọ ḅẹẹarị wamịnị ḅarana tọrụngbọ kẹ ẹrị tẹ pịkị ḅeri kẹ naa tẹ ye mẹ wa inetẹ ḍuko-a so ḅịa.” 21Mie ḅụ Kobiri mẹ nwẹnị kụrọma ịna ḅeri nụnụ tẹ ịna ḅụ ḅara-siin. Ini ẹrịm mịnẹ ịn mịẹtẹ ḅụụ-fụka kẹ ịn pịrị ḅẹ ọkụ ofori, tomi mamgba mịẹ ye mẹ gotẹ Tamụnọ tokinim ẹrẹsị. 22Ịn mị ḅụụ-buama ḅara mẹ kẹ gwọ tomḅọ ḅe kụra amesi nẹngị ye ọ̀ sịḅị ḅọrọ tẹ.
Jizọsị Minini Apụ Ma Ḅiokpọ Ḅiim Tẹkẹ Ḅụ
23Ini ịna aḅụụ ḅara-siin gbọrụ sakị, Pita na Jọnị na mu ịna ogbo ḅẹ apụ la tẹ, agbamịẹapụ ma na, ama ḅẹ omongiapụ ma na, kọn ịn pịrị ẹkwẹn mẹ ḍuko ịn pịrịm. 24#Pks 20.11; Neh 9.6; Dev 146.6Jizọsị minini apụ ma miemẹ naa tẹso, inimgba nwẹnị gboloma tẹ Tamụnọ tẹkẹ: “Sịḅịdaḅọ, so na kiri na, tọrụ na, arị ḅio simearị aị mamgba na Tẹmẹḅọ!” 25#Dev 2.1,2“Ị́yẹrị wamịna atẹngịḅọ Devidi ị́ fịrịmẹnjịḅọ ḅe ḅụụ ḅọrọ tẹ Fịafịa Tẹmẹ ḅe ḅụ ḍukom,
“Tiye nwẹn kẹ Ja asịẹ ḅe apụ ma ịganịmarị,
tomi tiegotẹ papaa ḅẹrẹ-ḅiyarị?
26Tomikiri ḅẹ amadapụ ma ịna aḅụụ kobiri,
tẹ owu kẹ KỊNỊNYANA-TAMỤNỌ ḅe na Ọ̀ Mẹsaya ḅe na paka ḅẹm.”
27 #
Luk 23.7-11;
Mat 27.1,2; Mak 15.1; Luk 23.1; Jọn 18.28,29 Anie anị mịẹ ḅara, mị ama mẹ ḅio mie Ẹrọdị na, Pọnịtịyọsị Payịleti na, Ja asịẹ ḅẹ apụ ma na Izirẹlịapụ na kobiri ị́ Fịafịa Fịrịmẹnjịḅọ Jizọsị, tẹ ị́ kẹ Mẹsaya sọma ḅọ ḅe pịrị ye. 28In kobiri tẹ, ị́ kụrọ na, anị ị́ ḅụụ-ḅẹlẹ ḅara na, ḅụ tọn wẹrịm paka ḅa nwẹn ḅẹẹ ye, ḅẹẹ ye mịẹ tẹ anị paka ḅẹm. 29Mịọkụ, KỊNỊNYANAḄỌ, ịn kẹ wa ẹrẹmarị aị ma ḍikii, tẹ minini wamịnị ị́ afịrịmẹnjịapụ ma pịrị tẹ wa ḅiokpọ mamgba ḅụ í oku mẹ ḍuko pakama. 30Ị́ ḅara sụn-pakama tẹ kẹ obi apụ gwọ, tẹ mịẹtẹ ị́ fịafịa Fịrịmẹnjịḅọ Jizọsị ḅe ẹrẹ ḅụ ḅụụ-gbiripuma aị na ḅụụ-buama-aị na mịẹ.
31Ini ọkọ kẹ tẹkẹ fama tẹso, in kobiri sime anga mẹ nwẹnị jike. Fịafịa Tẹmẹ ḅe nwẹnị ịna aḅụụ ḅio sọ ḅin tẹ ịn nwẹnị saakị ḅiokpọ ḅara kẹ Tamụnọ ẹkwẹn kọn.
Jizọsị Minini Apụ Ma Ịn Nyana Aị Ḍiyam
32 #
Fịr 2.44,45 Jizọsị minini apụ ogbo mẹ gbọrụ kuroma na gbọrụ ḅioḅẹngbọ na nyanam. Gbọrụḅọ-sọ ḅẹẹ-a mịnẹ mḅọ nyana aị ḅụ sime mḅọ ngẹrị pịrị ye emi. Kụma inimgba ịn nyana ye goyegoye ḍiyam. 33Opu kụrọ fịrịmẹnjịapụ ma ḅụụ ḅio sọ tẹ ịn kẹ KỊNỊNYANAḄỌ Jizọsị fị-ḅụ-saakị ye mẹ ḍuko pakamam, tẹ Tamụnọ pịkị iḅiọkụ inimgba boma lamam. 34Anị sakị ịna ogbo mẹ ḅụ ḅụụ-fụka nyana ḅọ sọ ofori. Piri nyana apụ na, warị nyana apụ na arị dẹrị tẹ ịn dẹrị pakama-ḅo igbigi mẹ 35kẹ ḅo fịrịmẹnjịapụ ma pịrịm, tẹ ini igbigi mẹ kẹ ọrụḅọ-ọrụḅọ ḅụụ-fụka sime-ḅara ḍiki tẹ ḍie mḅọ pịrịm.
36Mị-ḅara ḅụ Josẹfụ nwẹn-sịn ḅọ, Livayị furo-ḅẹ-ḅọ, tẹ Sayịpụrọsị ḅụ ini iyi ḅọ, ori Josẹfụ ḅe tẹ fịrịmẹnjịapụ ma pịkị Banabasị kẹ sịn ḅọ ḅe (anie fiearị ye “Ḅiokpọmaḅọ”), 37ori sọ amịna kiri dẹrị tẹ igbigi mẹ kẹ ḅo fịrịmẹnjịapụ ma pịrịm.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria