Fịrịmẹnjịapụ 26
26
Pọlụ Agiripa Tọrọkọ Ọ̀ Ḅụụ Ḍụam
1Agiripa nwẹnị Pọlụ ḅẹẹ, “À minini ị́ pịrị tẹ, ị́ ḅịḅị ḍukoo.” Pọlụ ọ̀ ḅara saakị-gelema tẹ mị ḅara kẹ ọ̀ ḅụụ ḍụam:
2“Ama-da Agiripa! Mịmgba ḅẹ eneḅaka à ḅo ị́ tọrọkọ Juu-ḅẹ-apụ ma kẹ ị̀ sịḅị sẹịn-arị aị mamgba ḅụ ị̀ ḅụụ-ḍụa ḅẹ ḅo ye mẹ kẹ ì ḅioḅẹlẹma ḅara ḅakam. 3Anị kẹ ì ḅioḅẹlẹma ḅakarị ye anie Juu-ḅẹ ama-anganga-ḅara na ịgbanịya aị na gbolomaye ḅụ í nimi kọnma ye ofori; ọkọẹrẹsị, sisi, iḅi ḅeri kẹ ì pokii.
4“Ị̀ ịwọ sakị kụra-ḅio à kẹ ḍumo kọn, kọn ḅara Juu-ḅẹ-apụ mamgba nimi fama wararị. Tarị, tarị ḅụ à paka ibe ḅụ na pịkị Jeruselemu ḅụ na, arị ì bebe ḍumo, kọn ḅara inimgba nimi wararị. 5#Fịr 23.6; Flp 3.5In ḍuko ḍụkụ ḅẹ kụma, ịn kọkọ nimi wararị, mịnẹ tarị, tarị yẹrị Farịsiiḅọ, anie wamịna Tamụnọ nimi ọrụ ḅẹ ogbo ma ḅụ kụrọ nyana tẹịn ogbo. 6Tẹ mịọkụ à gotẹ mịanga sịẹ tẹ ọmịnị ị̀ kọn-arị ye anie à kẹ ḅiokpọma wararị Tamụnọ minini wamịna atẹngịapụ ma pịrị ye mẹ ẹrẹsị, 7anị gberie mẹ anie wamịna oyi maa furo finji ma sọ kẹ ḅiokpọma tẹ anị ḅụ sime tẹ ḍin na eneḅaka na kẹ Tamụnọ tẹkẹarị ye mẹ. Amadaḅọ, í Opu ḅụ, à nwẹn kẹ ḅiokpọma wararị ye mẹ anie Juu-ḅẹ-apụ ma kẹ oloko sọma tẹ kẹ ị̀ ọlọarị ye! 8Ndẹẹ ọmịnị mịanga simearị apụ ma gotẹ Tamụnọ fịtẹ-apụ saakịmarị ye mẹ minini-a tẹ kẹ inetẹ mịẹ ḅịa ye ọkịarị ḅara?
9 #
Fịr 8.3; 22.4,5 “Yẹrị ḅioju sọ àrị inetẹ ḅara, inetẹ ḅara mịẹ tẹ Nazarẹtị ḅẹ Jizọsị ḅe mẹnjị mẹ dasịẹma ḅẹ ḍọkịm. 10Jeruselemu ḅụ arị ọkọ mịẹm, à pịkị Sịḅịda-Agbamịẹapụ ma ḅara kụrọ ọkị tẹ Tamụnọ atomi ma kun, kun ikoli suum; tẹ ị̀ ḅịḅị sọ, sọ tẹ ịn ja apụ ḅaam. 11Tọnwa sakị ama-awarị ma ḅio à mịẹ tẹ in fomu-ḅara kẹ ịn pịrịm; à pịkị mịẹtẹ ịna minini ḅụ ịn ḅịḅị ḍima ḅẹ ḅara ḍọkịm. Anị ị̀ ḅụ kụrọ la ḅara ja asịẹ ḅụ sọ arị in ḍuka mu ḅaa ḅẹ ḍọkịm.
Pọlụ Ọ̀ Pịkị Tẹ Jizọsị Minini Ḅara Ḍukom
(Fịr 9.1-19; 22.6-16)
12“Miemẹ anie agbamịẹapụ ma gotẹ ị̀ tọn tẹ kụrọ kẹ ị̀ pịrị tẹ à kẹ Damasịkọsị mu ye. 13Amadaḅọ, Í Opu ḅụ! Arị ọkọ kẹ muarị ogbo, eneḅaka fịafịa ogbo ḅụ, mie ḅịya ịrụa nẹngị bele So-ḅio ḅịya ḅo ị̀ na muarị apụ na ị̀ na gbaịn ye. 14Tẹ wamịnị-mgba nwẹnị fuku kiri koro; tẹ gbọrụ pọkọ nwẹnị Hiburu ḅịḅị kẹ ị̀ ḅẹẹ, ‘Sọlụ, Sọlụ, í tiegotẹ ḅaa-ḅọkọ kẹ ị̀ ḍọkịarị? Ị́ papaa ye kẹ ị́ ḅụụ lamarị, ị́ ḅụọ kẹ sịn tẹịn-arị ye mẹ, gbala pootẹ-nambulo ḅụọ kẹ ọ̀ nyanaḅọ ọlọ wararị sịn tẹịn ḅara.’ 15À nwẹnị gbela, ‘KỊNỊNYANAḄỌ, Ị́yẹrị ḅọrọ tụḅọ?’ KỊNỊNYANAḄỌ ḅe nwẹnị pakịrị, ‘Yẹrị Jizọsị, ị́ ḅaa-ḅọkọ kẹ ḍọkịarị ḅọ ḅe. 16Kụma saakị tẹ sịẹsime à ḅụụ pakama í ḍie tẹ ị́ tọn tẹ mịnẹ ị́ ị̀ fịrịmẹnjịḅọ sọ tẹ, Í mu ị́ kẹ mịmgba ị̀ ẹrị ḅara na, tọrọkọ-jụ à kẹ í ḍie tẹ ị́ kẹ ị̀ ẹrị ḅarị ḅara na, ḍuko tomi pịrị ḅa. 17Arị ị́ pụkọ-pakamaḅo ḅa Izirẹlịapụ ma ḅara-ḅio na, pịkị Ja asịẹ ḅẹ apụ ma tẹ arị ị̀ kẹ fịrịma ḅarị apụ ma ḅara-ḅio na ḅụ. 18Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’
Pọlụ Ọ̀ Wẹrịtẹ Jizọsị Fịrị Mẹ Mẹnjị Ḅara Ḍukom
19“Ama-da Agiripa, anị ḅara ḅụ, à So-ḅio ḅo ḅịḅị mẹ sima-a. 20#Fịr 9.20,28,29À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn. 21Miemẹ anie Juu-ḅẹ-apụ ma gotẹ à Tamụnọ-warị ḅio simearị ogbo ì kun tẹ ị̀ ḅaa ḅẹ tọn ye. 22Kụma ḅo mịmgba la sọ Tamụnọ ḅarasụa ị̀ pịrịarị, mie à kẹ mịanga sịẹ tẹ ḅẹrẹ-kiri sime-ḅọ ḅara ḅụ ẹkwẹn opu na kala na pịrịarị gbọrụ ḅara. Ịkịankoroapụ ma na Mozizi na ḅẹẹm paka ḅa ḅẹẹ ye mẹ mie à pịkị ḍukoarị; 23#1 Kọr 15.20; Ayị 42.6; 49.6mịnẹ Mẹsaya ḅe tọrụsiẹrị tẹ tarị fị-ḅụ-saakị ḅọ sọ tẹ ḅọrọma bele mẹ ḍuko wasama Juu-ḅẹ-apụ na Ja asịẹ ḅẹ apụ na pịrị ḅẹm.”
24Pọlụ paa ọkọ kẹ amịna ḅụụ-ḍụa ma muarị ogbo Fẹsịtọsị nwẹnị oloku ọ̀ pịrị, “Pọlụ, ị́ nọmụ tẹ! Opu ḍawọye ị́ mịẹtẹ ị́ nọmụarị!”
25Pọlụ nwẹnị pakịrị, “Í Opu ḅụ! Yẹrị à nọmụ-a. Karakara mẹ mie à tọrụ deinma tẹ ḍukoarị. 26Ama-da Agiripa! Arị inetẹ ị́ tọrọkọ ḅụ ḅiokpọ tẹ ẹkwẹn lama ḅa, mịna aị mamgba sọ nimi fama wararị ẹrẹsị. À mininim í ye goyegoye kẹ elekima sụa tẹ, gbala miemẹ ḅọị tẹ kikima anga mịẹ ye-a. 27Ama-da Agiripa, ịkịankoroapụ ma ḍukoye í minini-a? À nimim í mininim!”
28Agiripa nwẹnị Pọlụ ḅẹẹ, “Mị kpụlụ sakị mẹ ḅụ ị́ kuromarị ị̀ kẹ Kịrayịsị ḍukamẹnjịḅọ ḅọ mịẹ ḅẹ tẹ?”
29Pọlụ nwẹnị pakịrị, “Anị ḅọrọ kpụlụ sakị-o, nangwọ sakị-o, à Tamụnọ tẹkẹm mịnẹ na, pịkị mịanga sime tẹ ì pokiarị apụ mamgba na à nwẹn sime-ḅara mẹ simee, à ma ikoli ma ḅẹẹ-a-o!”
30Anịtẹso amadaḅọ ḅe na, Ḅẹrẹtọnḅọ ḅe na, Banayịsị na, anịjụ sime apụ mamgba na nwẹnị saakị, 31tẹ ịn so tẹso, ịn nwẹnị jụmọ-jụmọ ḅẹẹ, “Ḅị tomḅọ ḅe gotẹ fịị, anịanịa ikoli sọ, sọ ye ofori.” 32Tẹ Agiripa nwẹnị Fẹsịtọsị ḅẹẹ, “Mimgbe wa ḅị tomḅọ ḅe ḅụụ ḅara-siin tẹ ò so tẹ, ori ọ̀ ḅẹrẹ mẹ kẹ Romu Tomikiri mẹ daarị ḅọ ḅe fịrịma-a namịna.”
Currently Selected:
Fịrịmẹnjịapụ 26: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
Fịrịmẹnjịapụ 26
26
Pọlụ Agiripa Tọrọkọ Ọ̀ Ḅụụ Ḍụam
1Agiripa nwẹnị Pọlụ ḅẹẹ, “À minini ị́ pịrị tẹ, ị́ ḅịḅị ḍukoo.” Pọlụ ọ̀ ḅara saakị-gelema tẹ mị ḅara kẹ ọ̀ ḅụụ ḍụam:
2“Ama-da Agiripa! Mịmgba ḅẹ eneḅaka à ḅo ị́ tọrọkọ Juu-ḅẹ-apụ ma kẹ ị̀ sịḅị sẹịn-arị aị mamgba ḅụ ị̀ ḅụụ-ḍụa ḅẹ ḅo ye mẹ kẹ ì ḅioḅẹlẹma ḅara ḅakam. 3Anị kẹ ì ḅioḅẹlẹma ḅakarị ye anie Juu-ḅẹ ama-anganga-ḅara na ịgbanịya aị na gbolomaye ḅụ í nimi kọnma ye ofori; ọkọẹrẹsị, sisi, iḅi ḅeri kẹ ì pokii.
4“Ị̀ ịwọ sakị kụra-ḅio à kẹ ḍumo kọn, kọn ḅara Juu-ḅẹ-apụ mamgba nimi fama wararị. Tarị, tarị ḅụ à paka ibe ḅụ na pịkị Jeruselemu ḅụ na, arị ì bebe ḍumo, kọn ḅara inimgba nimi wararị. 5#Fịr 23.6; Flp 3.5In ḍuko ḍụkụ ḅẹ kụma, ịn kọkọ nimi wararị, mịnẹ tarị, tarị yẹrị Farịsiiḅọ, anie wamịna Tamụnọ nimi ọrụ ḅẹ ogbo ma ḅụ kụrọ nyana tẹịn ogbo. 6Tẹ mịọkụ à gotẹ mịanga sịẹ tẹ ọmịnị ị̀ kọn-arị ye anie à kẹ ḅiokpọma wararị Tamụnọ minini wamịna atẹngịapụ ma pịrị ye mẹ ẹrẹsị, 7anị gberie mẹ anie wamịna oyi maa furo finji ma sọ kẹ ḅiokpọma tẹ anị ḅụ sime tẹ ḍin na eneḅaka na kẹ Tamụnọ tẹkẹarị ye mẹ. Amadaḅọ, í Opu ḅụ, à nwẹn kẹ ḅiokpọma wararị ye mẹ anie Juu-ḅẹ-apụ ma kẹ oloko sọma tẹ kẹ ị̀ ọlọarị ye! 8Ndẹẹ ọmịnị mịanga simearị apụ ma gotẹ Tamụnọ fịtẹ-apụ saakịmarị ye mẹ minini-a tẹ kẹ inetẹ mịẹ ḅịa ye ọkịarị ḅara?
9 #
Fịr 8.3; 22.4,5 “Yẹrị ḅioju sọ àrị inetẹ ḅara, inetẹ ḅara mịẹ tẹ Nazarẹtị ḅẹ Jizọsị ḅe mẹnjị mẹ dasịẹma ḅẹ ḍọkịm. 10Jeruselemu ḅụ arị ọkọ mịẹm, à pịkị Sịḅịda-Agbamịẹapụ ma ḅara kụrọ ọkị tẹ Tamụnọ atomi ma kun, kun ikoli suum; tẹ ị̀ ḅịḅị sọ, sọ tẹ ịn ja apụ ḅaam. 11Tọnwa sakị ama-awarị ma ḅio à mịẹ tẹ in fomu-ḅara kẹ ịn pịrịm; à pịkị mịẹtẹ ịna minini ḅụ ịn ḅịḅị ḍima ḅẹ ḅara ḍọkịm. Anị ị̀ ḅụ kụrọ la ḅara ja asịẹ ḅụ sọ arị in ḍuka mu ḅaa ḅẹ ḍọkịm.
Pọlụ Ọ̀ Pịkị Tẹ Jizọsị Minini Ḅara Ḍukom
(Fịr 9.1-19; 22.6-16)
12“Miemẹ anie agbamịẹapụ ma gotẹ ị̀ tọn tẹ kụrọ kẹ ị̀ pịrị tẹ à kẹ Damasịkọsị mu ye. 13Amadaḅọ, Í Opu ḅụ! Arị ọkọ kẹ muarị ogbo, eneḅaka fịafịa ogbo ḅụ, mie ḅịya ịrụa nẹngị bele So-ḅio ḅịya ḅo ị̀ na muarị apụ na ị̀ na gbaịn ye. 14Tẹ wamịnị-mgba nwẹnị fuku kiri koro; tẹ gbọrụ pọkọ nwẹnị Hiburu ḅịḅị kẹ ị̀ ḅẹẹ, ‘Sọlụ, Sọlụ, í tiegotẹ ḅaa-ḅọkọ kẹ ị̀ ḍọkịarị? Ị́ papaa ye kẹ ị́ ḅụụ lamarị, ị́ ḅụọ kẹ sịn tẹịn-arị ye mẹ, gbala pootẹ-nambulo ḅụọ kẹ ọ̀ nyanaḅọ ọlọ wararị sịn tẹịn ḅara.’ 15À nwẹnị gbela, ‘KỊNỊNYANAḄỌ, Ị́yẹrị ḅọrọ tụḅọ?’ KỊNỊNYANAḄỌ ḅe nwẹnị pakịrị, ‘Yẹrị Jizọsị, ị́ ḅaa-ḅọkọ kẹ ḍọkịarị ḅọ ḅe. 16Kụma saakị tẹ sịẹsime à ḅụụ pakama í ḍie tẹ ị́ tọn tẹ mịnẹ ị́ ị̀ fịrịmẹnjịḅọ sọ tẹ, Í mu ị́ kẹ mịmgba ị̀ ẹrị ḅara na, tọrọkọ-jụ à kẹ í ḍie tẹ ị́ kẹ ị̀ ẹrị ḅarị ḅara na, ḍuko tomi pịrị ḅa. 17Arị ị́ pụkọ-pakamaḅo ḅa Izirẹlịapụ ma ḅara-ḅio na, pịkị Ja asịẹ ḅẹ apụ ma tẹ arị ị̀ kẹ fịrịma ḅarị apụ ma ḅara-ḅio na ḅụ. 18Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’
Pọlụ Ọ̀ Wẹrịtẹ Jizọsị Fịrị Mẹ Mẹnjị Ḅara Ḍukom
19“Ama-da Agiripa, anị ḅara ḅụ, à So-ḅio ḅo ḅịḅị mẹ sima-a. 20#Fịr 9.20,28,29À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn. 21Miemẹ anie Juu-ḅẹ-apụ ma gotẹ à Tamụnọ-warị ḅio simearị ogbo ì kun tẹ ị̀ ḅaa ḅẹ tọn ye. 22Kụma ḅo mịmgba la sọ Tamụnọ ḅarasụa ị̀ pịrịarị, mie à kẹ mịanga sịẹ tẹ ḅẹrẹ-kiri sime-ḅọ ḅara ḅụ ẹkwẹn opu na kala na pịrịarị gbọrụ ḅara. Ịkịankoroapụ ma na Mozizi na ḅẹẹm paka ḅa ḅẹẹ ye mẹ mie à pịkị ḍukoarị; 23#1 Kọr 15.20; Ayị 42.6; 49.6mịnẹ Mẹsaya ḅe tọrụsiẹrị tẹ tarị fị-ḅụ-saakị ḅọ sọ tẹ ḅọrọma bele mẹ ḍuko wasama Juu-ḅẹ-apụ na Ja asịẹ ḅẹ apụ na pịrị ḅẹm.”
24Pọlụ paa ọkọ kẹ amịna ḅụụ-ḍụa ma muarị ogbo Fẹsịtọsị nwẹnị oloku ọ̀ pịrị, “Pọlụ, ị́ nọmụ tẹ! Opu ḍawọye ị́ mịẹtẹ ị́ nọmụarị!”
25Pọlụ nwẹnị pakịrị, “Í Opu ḅụ! Yẹrị à nọmụ-a. Karakara mẹ mie à tọrụ deinma tẹ ḍukoarị. 26Ama-da Agiripa! Arị inetẹ ị́ tọrọkọ ḅụ ḅiokpọ tẹ ẹkwẹn lama ḅa, mịna aị mamgba sọ nimi fama wararị ẹrẹsị. À mininim í ye goyegoye kẹ elekima sụa tẹ, gbala miemẹ ḅọị tẹ kikima anga mịẹ ye-a. 27Ama-da Agiripa, ịkịankoroapụ ma ḍukoye í minini-a? À nimim í mininim!”
28Agiripa nwẹnị Pọlụ ḅẹẹ, “Mị kpụlụ sakị mẹ ḅụ ị́ kuromarị ị̀ kẹ Kịrayịsị ḍukamẹnjịḅọ ḅọ mịẹ ḅẹ tẹ?”
29Pọlụ nwẹnị pakịrị, “Anị ḅọrọ kpụlụ sakị-o, nangwọ sakị-o, à Tamụnọ tẹkẹm mịnẹ na, pịkị mịanga sime tẹ ì pokiarị apụ mamgba na à nwẹn sime-ḅara mẹ simee, à ma ikoli ma ḅẹẹ-a-o!”
30Anịtẹso amadaḅọ ḅe na, Ḅẹrẹtọnḅọ ḅe na, Banayịsị na, anịjụ sime apụ mamgba na nwẹnị saakị, 31tẹ ịn so tẹso, ịn nwẹnị jụmọ-jụmọ ḅẹẹ, “Ḅị tomḅọ ḅe gotẹ fịị, anịanịa ikoli sọ, sọ ye ofori.” 32Tẹ Agiripa nwẹnị Fẹsịtọsị ḅẹẹ, “Mimgbe wa ḅị tomḅọ ḅe ḅụụ ḅara-siin tẹ ò so tẹ, ori ọ̀ ḅẹrẹ mẹ kẹ Romu Tomikiri mẹ daarị ḅọ ḅe fịrịma-a namịna.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria