Fịrịmẹnjịapụ 21
21
Pọlụ Jeruselemu Mum
1Wa ḅaaḅaa kẹ ịn ḅẹẹ tẹso, wa nwẹnị tọrụ mẹ saḅa-koro mu Kọsị la, tẹ anị ḅẹ ene-ḅaa ḅụ mu Rodisi la tẹ ḅọrọ so Patara mum. 2Anịanga wa nwẹnị Fonisiya muarị arụ ẹrị, tẹ ḅụkụlọ so. 3Wa sịẹ paka tẹ Sayịpụrọsị ẹrị tẹso, wa nwẹnị anị ḅẹ suku-jụ ḅọrọ mu Siriya la. Taya ḅụ wa kiri korom, anie ini arụ mẹ sẹịn ḅo aị ma jii ḅẹ anga. 4Anịanga ḅụ wa Jizọsị minini apụ ma ḅẹ apụ ḍọkị-ẹrị tẹso, wa nwẹnị ini na sọnọma aḍin sime. Tẹmẹ ḅe kụrọ ḅụ ịn Pọlụ ḅẹẹm ò Jeruselemu la ma. 5Kụma wa ini na sime ḅẹ aḍin ma kara tẹso, wa nwẹnị so wa mu sime anga mu. Ịna ereme na ịna awọmẹ na inimgba ḅụụ sọ tẹ wa ḅọrọma ama mẹ ḅio toluma mu pọkụ la, tẹ wamịnị-mgba kparakị tẹ tẹkẹm. 6Tẹ wa ḅaaḅaa kẹ jụmọ-jụmọ ḅẹẹ tẹso, wamịnị mu arụ ḅụkụlọ tẹ ini so warị mum.
7Wa Taya ama ḅụ arụ sin tẹso, wa nwẹnị dọkụ mu Tọlẹmayịsị la, tẹ sịn-ḅịḅị kẹ anị ama ḅụ Jizọsị minini apụ ma pịrị tẹ ini na gbọrụ ḍin sime. 8#Fịr 6.5; 8.5Ene-ḅaa ḅụ wa nwẹnị so mu Sizariya la, tẹ Filipu, iḅi oku mẹ ḍuko, ḍuko ḅọ ḅe warị bịan. Ori ḅe sọ ḅarasụa fịrịmẹnjịapụ ma pịrị ḅẹ tẹ Jeruselemu ḅụ ịn sẹlẹ pakama-ḅo sọnọma apụ ma ḅẹ ḅọ. 9Ori amụ owiapụ sime-a inia eremịna-awọmẹ nyanam, inimgba Tamụnọ oku mẹ ḍuko-ḍuko apụ. 10#Fịr 11.28Wa anịjụ tọnwa aḍin sime tẹso, Agabọsị nwẹn-sịn ịkịankoroḅọ Judiya ḅụ sime tẹ ḅom. 11Ò ḅo wa la tẹ nwẹnị Pọlụ ḅiri-pono ḅịtẹ ọkị amịna aḅụọ na amịna aḅara na fịna, tẹ ḅẹẹ, “Mie Fịafịa Tẹmẹ ḅe ḍukoarị ye: Mị ḅiri-ponoye mẹ nyanaḅọ mẹ, mị ḅara mịẹ Jeruselemu ḅụ simearị Juu-ḅẹ apụ ma kẹ mḅọ fịna ḅarị ḅara, tẹ ini mḅọ saḅama Ja asịẹ ḅẹ apụ ma pịrị ḅa.”
12Wa miemẹ naa tẹso, wamịnị na anịanga sime ja apụ na kụrọma Pọlụ tẹkẹm mịnẹ ò Jeruselemu mu ma. 13Kụma ọ̀ nwẹnị pakịrị, “Ọmịnị owu ị̀ tẹmẹ lọkọma ma Jeruselemu ḅụ, ịn papaa ị̀ fịna tẹ so-a, tẹ KỊNỊNYANAḄỌ Jizọsị ḅe gotẹ ị̀ ḅaa ḅẹ sọ à mininim.”
14Wa ḍuko ye, ḍuko ye ori ọkị-a sakị, wa ọ̀ wẹrịso tẹ ḅẹẹm, “Yee KỊNỊNYANAḄỌ ḅẹ tọn ye mịẹ.”
15Wa anịjụ kẹlẹ sime tẹso, wa ye kobiri tẹ so Jeruselemu mum. 16Sizariya ḅụ sime Jizọsị ḍukamẹnjịapụ ma ḅẹ ja apụ nwẹnị wa ḅọrọma mu wa bịan ḅẹ warị la — Nesịni anie warị nyanaḅọ ḅe ẹrẹ, ori Sayịpụrọsị ḅẹ ḅọ, tẹ mị mẹnjị mẹ saakị kụra-ḅio anị minini ḅọọ.
Pọlụ Mu Jemusị Lam
17Wa mu Jeruselemu la sakị Jizọsị minini apụ ma tẹmẹ la “í ḅo tẹ” kẹ wa ḅẹẹm. 18Anị ḅẹ ene-ḅaa ḅụ Pọlụ wamịnị na Jemusị ẹrị ḅẹ mu sakị, sọsị omongiapụ mamgba anịanga emi. 19Tẹ Pọlụ sịn-ḅịḅị kẹ ịn pịrị tẹso, ọ̀ nwẹnị ye kọnma-a ḅara kẹ Tamụnọ Ja asịẹ ḅẹ apụ ma ogboku ọ̀ ḅụụ ḅọrọ tẹ kọrị kọrịnama goyegoye ḍuko fama. 20Ini ò poki tuma tẹso, inimgba Tamụnọ bomam. Anịtẹso ịn nwẹnị ḅẹẹ, “Mbire Pọlụ, ị́yẹrị sọ ẹrị tẹ ḅara Juu-ḅẹ-apụ ma kịẹnkịẹn-ọkụ-ofori ḅara kẹ Jizọsị minini apụ sọ tẹẹ, anịsọ ịn paa ịna Oloko mẹ ọlọ kụrọma wararị. 21Ịba-fịye ḍuko ịn pịrị tẹ mịnẹ ị́yẹrị mu, mu tẹ Ja asịẹ ḅụ simearị Juu-ḅẹ-apụ ma tolumarị mịnẹ ịn ḅarị Mozizi Oloko mẹ koko ma, ḅarị ịna awọmẹ tarị-ḅụụ sọ sin ma, ịn pịkị ḅarị Juu-ḅẹ-apụ ama anga-anga ḅara ma sọ ḍiki angama. 22Mịọkụ í ḅo la tẹ ye mẹ gbarị-a, ịn naa ḅa ḅẹ sakị, wa tọ-ḅara mịẹ na-iḅi? 23#Kịẹ 6.13-21Wamịnị kụma wa ḅiiarị í miemẹ mịẹ. Ịlọ minini Tamụnọ pịrị wararị inia apụ mịanga emi. 24Mu ịna ḅụụ sọ tẹ ini na ịn mịẹ ḅarị ḅụụ-fịafịama mịẹye mẹ mịẹ, tẹ ị́yẹrị ngẹrị anị ḅẹ fa mẹ kọn; anịtẹrẹmẹ ịn ḅo inetẹ ịna sịḅị sẹịn siin ḅarị ḅara. Mị ḅọkọ ḅụ ḅẹḅọ-ḅẹḅọ nimi ḅa mịnẹ í gboloma aị tẹ in ḍuko ịn pịrị tẹ aị ma ḅụ karakara gberie-sọ ofori, kụma ị́yẹrị ḅe ḅioju sọ Mozizi Oloko mẹ ḍiki angarị. 25#Fịr 15.29Ja asịẹ ḅẹ apụ tẹ Jizọsị minini apụ ma kịngẹ kụma, wa tọn-pẹlẹ tẹ ḍiri kẹẹ ịn fịrịma tẹ, mịnẹ in tomi kẹ oru pịrị tẹ fịye fị ma, pịkị ibirim pẹị ma, anịanịa fangala ḅaa tẹ nama; tẹ ịn pịkị owiḅọ na ẹrẹḅọ na kura-a ḅara kẹ gboloma ḍumo ḅụ ịna ḅụụ wẹrị ḅelemaa.”
26Mie ḅụ Pọlụ nwẹnị anị ḅẹ ene-ḅaa ḅụ, nwẹn ḅẹ atomi ma ọkị tẹ mu ini na ḅụụ-fịafịama mịẹye mẹ mịẹ. Anịtẹso ò mu Tamụnọ-warị mẹ ḅio ini ọrụḅọ-ọrụḅọ sịḅị ḅẹ agba mịẹ ḅẹ sakị mẹ la ḅẹ sakị mẹ ḍukom.
Ịn Pọlụ Kunm Tamụnọ-warị Mẹ Ḅio
27Ḅụụ-fịafịama sọnọma aḍin ma kara ḅẹ-yearị ogbo, Esiya ibe ḅụ ḅo Juu-ḅẹ-apụ Tamụnọ-warị mẹ ḅio Pọlụ ẹrịm. Ịn nwẹnị tomi ma jikema tẹ ịn kụrọ-ḅara kẹ Pọlụ kun, 28tẹ oloku, “Izirẹlịapụ, ó ḅo ḅarasụaa! Ḅie kịrị-kịrị anga mu-mu tẹ Izirẹlịapụ na, Oloko mẹ na, mị Tamụnọ-warị mẹ na ḅụ siye kẹ kịnị mamgba tolumarị ḅọ ḅee. Mịọkụ ọ̀ pịkị Ja asịẹ ḅẹ apụ kẹ sọ Tamụnọ-warị mẹ ḅo tẹ, mị fịafịa yọ mẹ pilema tẹ.” 29#Fịr 20.4(In gotẹ ọkọ ḅẹẹ ye ịn tarị ama ḅio Tirofimọsị, Ẹfisọsị ḅẹ ḅọ ḅe na Pọlụ na ẹrị ḅọrọma tẹ, ịn sịnm Pọlụ ọ̀ kẹ Tamụnọ-warị mẹ ḅio sọ-mu tẹ.)
30Anị gbọrụ sakị ḅụ bebe ama mẹ jike tẹ, tomi mamgba nwẹnị mangị mu kobiri, tẹ kụrọ-ḅara kẹ Pọlụ kun tẹ Tamụnọ-warị mẹ ḅio ọ̀ fọnọ pakama, tẹ ịn nwẹnị anị gbọrụ sakị ḅụ Tamụnọ-warị mẹ ḅẹ aḅọkọ ma gbaịn. 31Tomina-ogbo mẹ Pọlụ ḅaa ḅẹ-yearị ogbo ḅịḅị nwẹnị mu Romu ọmụ ogbo mẹ sịḅịdaḅọ ḅe lam, mịnẹ Jeruselemu fiearị. 32Anị-gbọrụ-kirikiri, ọ̀ nwẹnị owu-kụrọnịapụ na ọmụapụ na ọkị tẹ fọnya mu tomina-ogbo mẹ la. Tomi ma ori na ọmụapụ ma na ḅoarị ye ẹrị tẹso, ịn nwẹnị Pọlụ fomu mẹ dasịẹma. 33Ọmụapụ sịḅịdaḅọ ḅe nwẹnị mu Pọlụ kun, tẹ tọn mịnẹ ịn maa ikoli kẹ ori ịkasịị. Anịtẹso ọ̀ nwẹnị gbela, “Ḅieḅe tụḅọ? Ò tiye mịẹ?” 34Tomina-ogbo mẹ ḅio gbọrụ apụ gberie olokuarị, osi apụ jen olokuarị. Ye ḅo gboloki la ḅara ḅụ sịḅịdaḅọ ḅe ḅarị inetẹ da-da ye paka ḅara ḍọkị-nimia. Mie ḅụ ọ̀ nwẹnị tọn mịnẹ ịn Pọlụ kẹ iwo mu ọmụapụ sime anga mẹ ḅụ wẹrịị. 35Ini ori na mẹnjị mu kpọlị iwo anga mẹ la sakị, tomi ma ḅo siye mịẹ ḅẹ ḅara anị nwẹn sime tẹ ye ḅụ ọmụapụ ma nwẹnị ò dogi. 36Inimgba nwẹnị mangị ò ḍuka-ḍuka tẹ olokuarị, “Ọ̀ ḅaa!”
Pọlụ Ọ̀ Ḅụụ Ḍụam
37Ọmụapụ ma ịna sime-anga mẹ sọ mu ḅẹ-yearị ogbo Pọlụ nwẹnị sịḅịdaḅọ ḅe ḅẹẹ, “Yee à ye ḍuko ị́ pịrị, ị́ naa.”
Ọmụ sịḅịdaḅọ ḅe nwẹnị ò gbela, “Girisi ḅẹ ḅịḅị í fie ḍin? 38Anie ḅẹḅẹ, gbọrụ sakị kịnị oyia ẹndẹ kobiri tẹ kẹ ama jikema tẹ ini na mu ịkpa ḅio anga tẹ nini kọn sime Ijiputi-ḅẹ-ḅọ ḅe ị́yẹrị-a?”
39Pọlụ nwẹnị pakịrị, “Yẹrị Juu-ḅẹ ḅọ, yẹrị papaa ama ḅụ ḅo ḅọ-a; Silisiya ḅụ ịn kẹ Tasọsị sịn-arị opu ama mẹ ḅụ ini ì iyim, karakara opu ama ḅụ à pakam. Sisi, yee arị ẹkwẹn tomi ma pịrị.”
40Ọmụapụ sịḅịdaḅọ ḅe nwẹnị kụrọ kẹ ọ̀ pịrị; mie ḅụ Pọlụ nwẹnị kpọlị iwo anga mẹ ḅụ sịẹ tẹ ḅara kẹ tomi ma dedema, in gbọsime ḅẹ ḅara. Ịn yaụ-sime tẹso Pọlụ nwẹnị Hiburu ḅịḅị kẹ ẹkwẹn ịn pịrị:
Currently Selected:
Fịrịmẹnjịapụ 21: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
Fịrịmẹnjịapụ 21
21
Pọlụ Jeruselemu Mum
1Wa ḅaaḅaa kẹ ịn ḅẹẹ tẹso, wa nwẹnị tọrụ mẹ saḅa-koro mu Kọsị la, tẹ anị ḅẹ ene-ḅaa ḅụ mu Rodisi la tẹ ḅọrọ so Patara mum. 2Anịanga wa nwẹnị Fonisiya muarị arụ ẹrị, tẹ ḅụkụlọ so. 3Wa sịẹ paka tẹ Sayịpụrọsị ẹrị tẹso, wa nwẹnị anị ḅẹ suku-jụ ḅọrọ mu Siriya la. Taya ḅụ wa kiri korom, anie ini arụ mẹ sẹịn ḅo aị ma jii ḅẹ anga. 4Anịanga ḅụ wa Jizọsị minini apụ ma ḅẹ apụ ḍọkị-ẹrị tẹso, wa nwẹnị ini na sọnọma aḍin sime. Tẹmẹ ḅe kụrọ ḅụ ịn Pọlụ ḅẹẹm ò Jeruselemu la ma. 5Kụma wa ini na sime ḅẹ aḍin ma kara tẹso, wa nwẹnị so wa mu sime anga mu. Ịna ereme na ịna awọmẹ na inimgba ḅụụ sọ tẹ wa ḅọrọma ama mẹ ḅio toluma mu pọkụ la, tẹ wamịnị-mgba kparakị tẹ tẹkẹm. 6Tẹ wa ḅaaḅaa kẹ jụmọ-jụmọ ḅẹẹ tẹso, wamịnị mu arụ ḅụkụlọ tẹ ini so warị mum.
7Wa Taya ama ḅụ arụ sin tẹso, wa nwẹnị dọkụ mu Tọlẹmayịsị la, tẹ sịn-ḅịḅị kẹ anị ama ḅụ Jizọsị minini apụ ma pịrị tẹ ini na gbọrụ ḍin sime. 8#Fịr 6.5; 8.5Ene-ḅaa ḅụ wa nwẹnị so mu Sizariya la, tẹ Filipu, iḅi oku mẹ ḍuko, ḍuko ḅọ ḅe warị bịan. Ori ḅe sọ ḅarasụa fịrịmẹnjịapụ ma pịrị ḅẹ tẹ Jeruselemu ḅụ ịn sẹlẹ pakama-ḅo sọnọma apụ ma ḅẹ ḅọ. 9Ori amụ owiapụ sime-a inia eremịna-awọmẹ nyanam, inimgba Tamụnọ oku mẹ ḍuko-ḍuko apụ. 10#Fịr 11.28Wa anịjụ tọnwa aḍin sime tẹso, Agabọsị nwẹn-sịn ịkịankoroḅọ Judiya ḅụ sime tẹ ḅom. 11Ò ḅo wa la tẹ nwẹnị Pọlụ ḅiri-pono ḅịtẹ ọkị amịna aḅụọ na amịna aḅara na fịna, tẹ ḅẹẹ, “Mie Fịafịa Tẹmẹ ḅe ḍukoarị ye: Mị ḅiri-ponoye mẹ nyanaḅọ mẹ, mị ḅara mịẹ Jeruselemu ḅụ simearị Juu-ḅẹ apụ ma kẹ mḅọ fịna ḅarị ḅara, tẹ ini mḅọ saḅama Ja asịẹ ḅẹ apụ ma pịrị ḅa.”
12Wa miemẹ naa tẹso, wamịnị na anịanga sime ja apụ na kụrọma Pọlụ tẹkẹm mịnẹ ò Jeruselemu mu ma. 13Kụma ọ̀ nwẹnị pakịrị, “Ọmịnị owu ị̀ tẹmẹ lọkọma ma Jeruselemu ḅụ, ịn papaa ị̀ fịna tẹ so-a, tẹ KỊNỊNYANAḄỌ Jizọsị ḅe gotẹ ị̀ ḅaa ḅẹ sọ à mininim.”
14Wa ḍuko ye, ḍuko ye ori ọkị-a sakị, wa ọ̀ wẹrịso tẹ ḅẹẹm, “Yee KỊNỊNYANAḄỌ ḅẹ tọn ye mịẹ.”
15Wa anịjụ kẹlẹ sime tẹso, wa ye kobiri tẹ so Jeruselemu mum. 16Sizariya ḅụ sime Jizọsị ḍukamẹnjịapụ ma ḅẹ ja apụ nwẹnị wa ḅọrọma mu wa bịan ḅẹ warị la — Nesịni anie warị nyanaḅọ ḅe ẹrẹ, ori Sayịpụrọsị ḅẹ ḅọ, tẹ mị mẹnjị mẹ saakị kụra-ḅio anị minini ḅọọ.
Pọlụ Mu Jemusị Lam
17Wa mu Jeruselemu la sakị Jizọsị minini apụ ma tẹmẹ la “í ḅo tẹ” kẹ wa ḅẹẹm. 18Anị ḅẹ ene-ḅaa ḅụ Pọlụ wamịnị na Jemusị ẹrị ḅẹ mu sakị, sọsị omongiapụ mamgba anịanga emi. 19Tẹ Pọlụ sịn-ḅịḅị kẹ ịn pịrị tẹso, ọ̀ nwẹnị ye kọnma-a ḅara kẹ Tamụnọ Ja asịẹ ḅẹ apụ ma ogboku ọ̀ ḅụụ ḅọrọ tẹ kọrị kọrịnama goyegoye ḍuko fama. 20Ini ò poki tuma tẹso, inimgba Tamụnọ bomam. Anịtẹso ịn nwẹnị ḅẹẹ, “Mbire Pọlụ, ị́yẹrị sọ ẹrị tẹ ḅara Juu-ḅẹ-apụ ma kịẹnkịẹn-ọkụ-ofori ḅara kẹ Jizọsị minini apụ sọ tẹẹ, anịsọ ịn paa ịna Oloko mẹ ọlọ kụrọma wararị. 21Ịba-fịye ḍuko ịn pịrị tẹ mịnẹ ị́yẹrị mu, mu tẹ Ja asịẹ ḅụ simearị Juu-ḅẹ-apụ ma tolumarị mịnẹ ịn ḅarị Mozizi Oloko mẹ koko ma, ḅarị ịna awọmẹ tarị-ḅụụ sọ sin ma, ịn pịkị ḅarị Juu-ḅẹ-apụ ama anga-anga ḅara ma sọ ḍiki angama. 22Mịọkụ í ḅo la tẹ ye mẹ gbarị-a, ịn naa ḅa ḅẹ sakị, wa tọ-ḅara mịẹ na-iḅi? 23#Kịẹ 6.13-21Wamịnị kụma wa ḅiiarị í miemẹ mịẹ. Ịlọ minini Tamụnọ pịrị wararị inia apụ mịanga emi. 24Mu ịna ḅụụ sọ tẹ ini na ịn mịẹ ḅarị ḅụụ-fịafịama mịẹye mẹ mịẹ, tẹ ị́yẹrị ngẹrị anị ḅẹ fa mẹ kọn; anịtẹrẹmẹ ịn ḅo inetẹ ịna sịḅị sẹịn siin ḅarị ḅara. Mị ḅọkọ ḅụ ḅẹḅọ-ḅẹḅọ nimi ḅa mịnẹ í gboloma aị tẹ in ḍuko ịn pịrị tẹ aị ma ḅụ karakara gberie-sọ ofori, kụma ị́yẹrị ḅe ḅioju sọ Mozizi Oloko mẹ ḍiki angarị. 25#Fịr 15.29Ja asịẹ ḅẹ apụ tẹ Jizọsị minini apụ ma kịngẹ kụma, wa tọn-pẹlẹ tẹ ḍiri kẹẹ ịn fịrịma tẹ, mịnẹ in tomi kẹ oru pịrị tẹ fịye fị ma, pịkị ibirim pẹị ma, anịanịa fangala ḅaa tẹ nama; tẹ ịn pịkị owiḅọ na ẹrẹḅọ na kura-a ḅara kẹ gboloma ḍumo ḅụ ịna ḅụụ wẹrị ḅelemaa.”
26Mie ḅụ Pọlụ nwẹnị anị ḅẹ ene-ḅaa ḅụ, nwẹn ḅẹ atomi ma ọkị tẹ mu ini na ḅụụ-fịafịama mịẹye mẹ mịẹ. Anịtẹso ò mu Tamụnọ-warị mẹ ḅio ini ọrụḅọ-ọrụḅọ sịḅị ḅẹ agba mịẹ ḅẹ sakị mẹ la ḅẹ sakị mẹ ḍukom.
Ịn Pọlụ Kunm Tamụnọ-warị Mẹ Ḅio
27Ḅụụ-fịafịama sọnọma aḍin ma kara ḅẹ-yearị ogbo, Esiya ibe ḅụ ḅo Juu-ḅẹ-apụ Tamụnọ-warị mẹ ḅio Pọlụ ẹrịm. Ịn nwẹnị tomi ma jikema tẹ ịn kụrọ-ḅara kẹ Pọlụ kun, 28tẹ oloku, “Izirẹlịapụ, ó ḅo ḅarasụaa! Ḅie kịrị-kịrị anga mu-mu tẹ Izirẹlịapụ na, Oloko mẹ na, mị Tamụnọ-warị mẹ na ḅụ siye kẹ kịnị mamgba tolumarị ḅọ ḅee. Mịọkụ ọ̀ pịkị Ja asịẹ ḅẹ apụ kẹ sọ Tamụnọ-warị mẹ ḅo tẹ, mị fịafịa yọ mẹ pilema tẹ.” 29#Fịr 20.4(In gotẹ ọkọ ḅẹẹ ye ịn tarị ama ḅio Tirofimọsị, Ẹfisọsị ḅẹ ḅọ ḅe na Pọlụ na ẹrị ḅọrọma tẹ, ịn sịnm Pọlụ ọ̀ kẹ Tamụnọ-warị mẹ ḅio sọ-mu tẹ.)
30Anị gbọrụ sakị ḅụ bebe ama mẹ jike tẹ, tomi mamgba nwẹnị mangị mu kobiri, tẹ kụrọ-ḅara kẹ Pọlụ kun tẹ Tamụnọ-warị mẹ ḅio ọ̀ fọnọ pakama, tẹ ịn nwẹnị anị gbọrụ sakị ḅụ Tamụnọ-warị mẹ ḅẹ aḅọkọ ma gbaịn. 31Tomina-ogbo mẹ Pọlụ ḅaa ḅẹ-yearị ogbo ḅịḅị nwẹnị mu Romu ọmụ ogbo mẹ sịḅịdaḅọ ḅe lam, mịnẹ Jeruselemu fiearị. 32Anị-gbọrụ-kirikiri, ọ̀ nwẹnị owu-kụrọnịapụ na ọmụapụ na ọkị tẹ fọnya mu tomina-ogbo mẹ la. Tomi ma ori na ọmụapụ ma na ḅoarị ye ẹrị tẹso, ịn nwẹnị Pọlụ fomu mẹ dasịẹma. 33Ọmụapụ sịḅịdaḅọ ḅe nwẹnị mu Pọlụ kun, tẹ tọn mịnẹ ịn maa ikoli kẹ ori ịkasịị. Anịtẹso ọ̀ nwẹnị gbela, “Ḅieḅe tụḅọ? Ò tiye mịẹ?” 34Tomina-ogbo mẹ ḅio gbọrụ apụ gberie olokuarị, osi apụ jen olokuarị. Ye ḅo gboloki la ḅara ḅụ sịḅịdaḅọ ḅe ḅarị inetẹ da-da ye paka ḅara ḍọkị-nimia. Mie ḅụ ọ̀ nwẹnị tọn mịnẹ ịn Pọlụ kẹ iwo mu ọmụapụ sime anga mẹ ḅụ wẹrịị. 35Ini ori na mẹnjị mu kpọlị iwo anga mẹ la sakị, tomi ma ḅo siye mịẹ ḅẹ ḅara anị nwẹn sime tẹ ye ḅụ ọmụapụ ma nwẹnị ò dogi. 36Inimgba nwẹnị mangị ò ḍuka-ḍuka tẹ olokuarị, “Ọ̀ ḅaa!”
Pọlụ Ọ̀ Ḅụụ Ḍụam
37Ọmụapụ ma ịna sime-anga mẹ sọ mu ḅẹ-yearị ogbo Pọlụ nwẹnị sịḅịdaḅọ ḅe ḅẹẹ, “Yee à ye ḍuko ị́ pịrị, ị́ naa.”
Ọmụ sịḅịdaḅọ ḅe nwẹnị ò gbela, “Girisi ḅẹ ḅịḅị í fie ḍin? 38Anie ḅẹḅẹ, gbọrụ sakị kịnị oyia ẹndẹ kobiri tẹ kẹ ama jikema tẹ ini na mu ịkpa ḅio anga tẹ nini kọn sime Ijiputi-ḅẹ-ḅọ ḅe ị́yẹrị-a?”
39Pọlụ nwẹnị pakịrị, “Yẹrị Juu-ḅẹ ḅọ, yẹrị papaa ama ḅụ ḅo ḅọ-a; Silisiya ḅụ ịn kẹ Tasọsị sịn-arị opu ama mẹ ḅụ ini ì iyim, karakara opu ama ḅụ à pakam. Sisi, yee arị ẹkwẹn tomi ma pịrị.”
40Ọmụapụ sịḅịdaḅọ ḅe nwẹnị kụrọ kẹ ọ̀ pịrị; mie ḅụ Pọlụ nwẹnị kpọlị iwo anga mẹ ḅụ sịẹ tẹ ḅara kẹ tomi ma dedema, in gbọsime ḅẹ ḅara. Ịn yaụ-sime tẹso Pọlụ nwẹnị Hiburu ḅịḅị kẹ ẹkwẹn ịn pịrị:
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria