Fịrịmẹnjịapụ 17
17
In Tẹsalonika Lam
1Pọlụ na Sayịlasị na mu ma-mu Amụfịpolisi na Apọlọniya na ḅụ ḅọrọ mu Tẹsalonika ama lam, anie Juu-ḅẹ-apụ ama-warị sime anga. 2Ọ̀ mịẹ-mịẹ ḅara ḅụ, Pọlụ nwẹnị ama-warị mẹ ḅio sọ-mu, tẹ tẹra Ịnyọsara-Ene na gbasị ye kẹ tomi ma na ḅịḅị-ọkịya. 3Ọ̀ kẹ in ḍiem mịnẹ Fịafịa Ḍiri mẹ ḅio ò goo-goo ịn pịrị aị ma ḍuko ḅara ḅụ, Mẹsaya ḅe tọrụsiẹrị tẹ pịkị fị-ḅụ-saakị ḅa. Tẹ Pọlụ nwẹnị ḅẹẹ, “Ḅị Jizọsị ḅe tẹ à ḍuko pakama ọ́ pịrịarị ḅọ ḅe anie Mẹsaya ḅẹẹ.” 4Ẹkwẹn mẹ ja apụ na kura tẹ ịn Pọlụ na Sayịlasị na gbọrụ jụ ḅọrọm. Mị-ḅara anie pịkị opu ereme ma ḅẹ tọnwa-apụ na Girisi ḅẹ apụ ma ḅẹ apụ tẹ sunsin Tamụnọ pịrị apụ ma ḅẹ opu anga sọ mịẹ ḅara.
5Kụma anị kẹ Juu-ḅẹ-apụ ma ḅụụ-ḅẹsọ la ḅara ḅụ ịn nwẹnị mu ama ḅio ḅẹ papaa atomi kobiri tẹ ịn kẹ gbọrụ ogbo mịẹ. Ịn nwẹnị bebe ama mẹ kun jike tẹ ama mẹ fiema ma mu Jesịnị nwẹn-sịn gbọrụḅọ warị gbaịn-koro, anịanga ịn Pọlụ na Sayịlasị na kun pakama ḅo tomi ma pịrị ḅẹ ḅara. 6Kụma ịn Pọlụ amẹẹ ẹrị-a ye ḅụ ịn nwẹnị Jesịnị na minini apụ ma ḅẹ ja apụ na fọnọ mu ama ḍikiḍiki kụrọ ḅara ḅụ sime apụ ma pịrị tẹ oloku tẹ ḅẹẹ, “Mịna atomi ma la tẹ ini ama fiema-a anga ofori! Mịọkụ in ḅo wamịna ama la tẹ, 7tẹ Jesịnị ịn da warị suu tẹ. In Romu Tomikiri mẹ daarị ḅọ ḅe oloko ma kan-arị, tẹ ḅẹẹarị Jizọsị nwẹn-sịn jen amadaḅọ emi.” 8In ḍuko ye mẹ nwẹnị tomina-ogbo mẹ na ama ḍikiḍiki kụrọ ḅara ḅụ sime apụ ma na mịẹ tẹ ama mẹ fie. 9Anịtẹso ama ḍikiḍiki kụrọ-ḅara ḅụ sime apụ ma Jesịnị na osi apụ ma na mịẹtẹ ini igbigi gbẹẹ tẹrẹmẹ ini ịna ḅụụ ḅara-siin tẹ ịn som.
In Bereya Lam
10Ene gbaịn gbọrụ sakị minini apụ ma nwẹnị Pọlụ na Sayịlasị na kẹ Bereya fịrịma. In mu la tẹso, ịn nwẹnị Juu-ḅẹ-apụ ama-warị mẹ mu. 11Anị ama ḅẹ apụ ma iḅi ḅioḅẹngbọ nyana Tẹsalonika ḅẹ apụ nẹngịm. Ini opu ḅio-sẹsẹ kẹ ẹkwẹn mẹ poki tẹ pịkị ene-ḅaaene-ḅaaene Fịafịa Ḍiri mẹ ḍawọ tẹ ḍọkị-ẹrị ḅẹm, Pọlụ ḍuko ye mẹ karakara ye ḅoto. 12Ịna ḅụ tọnwa-apụ mininim, tẹ Girisi ḅẹ opu ereme ḅẹ ja apụ na anị ḅẹ owiapụ na sọ mininim. 13Kụma Tẹsalonika ḅẹ Juu-ḅẹ-apụ ma ḅo naa tẹ mịnẹ Bereya ḅụ sọ Pọlụ Tamụnọ ẹkwẹn mẹ kọn tẹ ḅẹ sakị, in mu anịanga tomi ma jikema tẹ ịna sịḅịḅio simam. 14Anị gbọrụ kiri minini apụ ma Pọlụ kẹ tọrụ akaka fịrịmam, kụma Sayịlasị na Timoti na Bereya ḅụ simem. 15Pọlụ kẹ mu atomi ma ori na mu Atẹnịsị la tẹ pịkịma-so Bereya muarị sakị, ori ịn fịrịmam ịn Sayịlasị na Timoti na ḅẹẹ, sakị paka gbọrụ sakị ini alama tẹ ḅo ọ̀ ḅụụ sọ.
Ini Atẹnịsị Lam
16Pọlụ Atẹnịsị ḅụ Sayịlasị na Timoti na koru sime sakị ori oru-afụḅara ama mẹ ḅio ḅin ḅara ẹrị ye mẹ nwẹnị kpọma ọ̀ ḅioḅẹngbọ sima. 17Mie ḅụ ene-ḅaaene-ḅaaene Juu-ḅẹ-apụ ama-warị mẹ ḅio ini na Tamụnọ tẹkẹarị Ja asịẹ ḅẹ apụ ma na ori na anị ḅẹ ẹkwẹn kọnm, anie ọ̀ pịkị ama-ogbo anị kẹ ori na bịama apụ, bịama apụ sọ na ẹkwẹn ḅara. 18Ja ye-tolumapụ tẹ ịn kẹ Ẹpikuria apụ na Sịtọyịkị apụ na sịn apụ na sọ Pọlụ na ḅẹrẹ nụnụam. Ini ḅẹ ja apụ gbelam, “Ḅie ḍiri sọ ẹrị-a ḅọ ḅe ḅọrọ tiye ḍuko ḅẹ ḍọkịarị?”
Anga mẹẹ, “Kịnị nimi-a apụ oru aḅẹrẹ mie ó ḍukoarị.” Pọlụ ḅe Jizọsị na fị-ḅụ-saakị mẹ na gboloma ye ḍuko ye mie in gotẹ ọkọ ḅẹẹ ye. 19Mie ḅụ ịn nwẹnị Pọlụ kẹ ini ama-kobiri tọrọkọ mu, anie ịn kẹ Arịyọpagọsị ḅẹ kobiri sịn ye mẹ, tẹ ḅẹẹ, “Mie í tolumarị ịwọ ye mẹ wa iḅiọkụ anị naa ḅẹ ḅiiarị. 20Í ḍukoarị jaị wamịna ḅụụ kịrị la ḅara ḅụ wa ḅiiarị ị́ arị puu-finji wa pịrị.” 21(Atẹnịsị ḅẹ apụ ma na, anị ama anga igoni apụ na, ịna sakị mamgba kẹ ịwọma pakaye, pakaye naa tẹ pịkị ḍuko ḅẹ ḍọkị ḍọkịm.)
22Pọlụ nwẹnị ama-kobiri mẹ tọrọkọ saakị sịẹ tẹ ḅẹẹ, “Atẹnịsị ḅẹ apụ! Arị ẹrị tẹ, ḅọkọ-ḅọkọ ḅụ, mịnẹ ọmịnị Tamụnọ minini apụ. 23À nwẹn ama mẹ mẹnjị-mẹnjị tẹ ọ́ tẹkẹarị anga ma ẹrị ma muarị ogbo à ḅo gbọrụ agbamịẹ-anga ẹrịm, anị ḅụ miemẹ kẹẹ wararị, ‘Sime kịnị lekiri-a Tamụnọ ḅe pịrị anga.’ Anị ó lekiri-a ḅara kẹ tẹkẹarị ḅọ ḅẹ ẹkwẹn mẹ mie à kọn ọ́ pịrị ḅẹ ḅo ye. 24#1 Ama 8.27; Ayị 42.5; Fịr 7.48Tomikiri mẹ na anị ḅio sime ye goyegoye na tẹmẹ Tamụnọ ḅe, tẹ So na Kiri na Nyanaḅọ ḅe, ò tomi ḅara kẹ nama awarị ḅio anga anga-a. 25Ọ̀ ḅụụ-fụkamarị tẹ tomi mịẹ ọ̀ pịrị, pịrị gberie-sọ ofori. Ori ḅe rẹ mie ḍumo na, wa sararị ọwụ mẹ na, ḅẹẹye-ḅẹẹye na kẹ ḅẹḅọ-ḅẹḅọ pịrịarị ḅọ. 26Kpọkpọ gbọrụ tomḅọ ḅụ mie ọ̀ saakị tomi kịrị-kịrị ma tẹmẹ tẹ ịn wasama bebe tomikiri mẹ anga ḅinma ye. Tomi ḍumo mu la ḅẹ sakị na ini anga mu daasịẹ ḅẹ oke na ọ̀ tarị nwẹn tọn koromam. 27Ò gotẹ miemẹ mịẹ ye tomi ọ̀ ḍọkị-ẹrị ḅarị ḅara, in kuroma ḅara ḅụ. Anịsọ, karakara-ḅara-ḅụ, Tamụnọ wamịna ḅụụ gbọrụḅọ-sọ ḅụụ ḅele-a. 28Anie gbọrụḅọ ḅẹẹ ḅara, ‘Ọ̀ ḅụụ mie wa ḍumoarị ye, mẹnjịarị ye, pịkị emi ye.’ Anie ọmịna ḅịḅị ḍịn apụ sọ ḅẹẹ ḅara, ‘Wamịnị sọ ori awọmẹẹ.’ 29Wamịnị Tamụnọ awọmẹ ḅẹ sakị, wa gotẹ ọ̀ kẹ golu, anịanịa seleḅa, anịanịa ḍụḅarị, anịanịa tomi aka na nimi na kẹ tẹmẹ-aị na tọnma ḅẹ ọkụ ofori. 30Elemu sakị tomi nimi-a ḅụ mịẹ-mịẹ aị ma Tamụnọ arị ḍiki-tọrụsin tẹ, kụma mịọkụ ọ̀ tọn kịnị mamgba pịrịarị, in sime anga, sime anga, mịnẹ ini ịna si etela ma ḅụ pịkịị. 31Kẹ gotẹ ọkọ ḍukoarị, ori ene pẹlẹ wararị, ọ̀ karakara ḅụ bebe tomikiri mẹ kọn ḅẹ ene, ori sẹlẹ ọkị tẹ gbọrụ tomḅọ ḅe ḅara ḅụ. Ori anị ḅẹ elekima kẹ ọrụḅọ-ọrụḅọ ḍie tẹ, fịị ḅụ anị tomḅọ ḅe saakịma ḅụ!”
32Ịn Pọlụ ḅịḅị fị-ḅụ-saakị mẹ naa sakị, ja apụ anị kẹ tii tii ye sọmam, osi apụ pịkị ḅẹẹm, “Wa ḅiiarị ị́ pịkị jen sakị kẹ miemẹ ḍuko wa pịrị.” 33Anie ḅụ, Pọlụ nwẹnị kobiri mẹ koroma tẹ so. 34Tẹ tomi ma ḅẹ ja apụ nwẹnị ọ̀ ḅụụ sọ tẹ minini, ini ḅẹ ja apụ, anie ama-kobiri mẹ ḅẹ ḅọ tẹ ịn kẹ Diyonisịyọsị sịn-arị ḅọ, na Damarisi nwẹn-sịn gbọrụ ẹrẹḅọ na, pịkị ja apụ na.
Currently Selected:
Fịrịmẹnjịapụ 17: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
Fịrịmẹnjịapụ 17
17
In Tẹsalonika Lam
1Pọlụ na Sayịlasị na mu ma-mu Amụfịpolisi na Apọlọniya na ḅụ ḅọrọ mu Tẹsalonika ama lam, anie Juu-ḅẹ-apụ ama-warị sime anga. 2Ọ̀ mịẹ-mịẹ ḅara ḅụ, Pọlụ nwẹnị ama-warị mẹ ḅio sọ-mu, tẹ tẹra Ịnyọsara-Ene na gbasị ye kẹ tomi ma na ḅịḅị-ọkịya. 3Ọ̀ kẹ in ḍiem mịnẹ Fịafịa Ḍiri mẹ ḅio ò goo-goo ịn pịrị aị ma ḍuko ḅara ḅụ, Mẹsaya ḅe tọrụsiẹrị tẹ pịkị fị-ḅụ-saakị ḅa. Tẹ Pọlụ nwẹnị ḅẹẹ, “Ḅị Jizọsị ḅe tẹ à ḍuko pakama ọ́ pịrịarị ḅọ ḅe anie Mẹsaya ḅẹẹ.” 4Ẹkwẹn mẹ ja apụ na kura tẹ ịn Pọlụ na Sayịlasị na gbọrụ jụ ḅọrọm. Mị-ḅara anie pịkị opu ereme ma ḅẹ tọnwa-apụ na Girisi ḅẹ apụ ma ḅẹ apụ tẹ sunsin Tamụnọ pịrị apụ ma ḅẹ opu anga sọ mịẹ ḅara.
5Kụma anị kẹ Juu-ḅẹ-apụ ma ḅụụ-ḅẹsọ la ḅara ḅụ ịn nwẹnị mu ama ḅio ḅẹ papaa atomi kobiri tẹ ịn kẹ gbọrụ ogbo mịẹ. Ịn nwẹnị bebe ama mẹ kun jike tẹ ama mẹ fiema ma mu Jesịnị nwẹn-sịn gbọrụḅọ warị gbaịn-koro, anịanga ịn Pọlụ na Sayịlasị na kun pakama ḅo tomi ma pịrị ḅẹ ḅara. 6Kụma ịn Pọlụ amẹẹ ẹrị-a ye ḅụ ịn nwẹnị Jesịnị na minini apụ ma ḅẹ ja apụ na fọnọ mu ama ḍikiḍiki kụrọ ḅara ḅụ sime apụ ma pịrị tẹ oloku tẹ ḅẹẹ, “Mịna atomi ma la tẹ ini ama fiema-a anga ofori! Mịọkụ in ḅo wamịna ama la tẹ, 7tẹ Jesịnị ịn da warị suu tẹ. In Romu Tomikiri mẹ daarị ḅọ ḅe oloko ma kan-arị, tẹ ḅẹẹarị Jizọsị nwẹn-sịn jen amadaḅọ emi.” 8In ḍuko ye mẹ nwẹnị tomina-ogbo mẹ na ama ḍikiḍiki kụrọ ḅara ḅụ sime apụ ma na mịẹ tẹ ama mẹ fie. 9Anịtẹso ama ḍikiḍiki kụrọ-ḅara ḅụ sime apụ ma Jesịnị na osi apụ ma na mịẹtẹ ini igbigi gbẹẹ tẹrẹmẹ ini ịna ḅụụ ḅara-siin tẹ ịn som.
In Bereya Lam
10Ene gbaịn gbọrụ sakị minini apụ ma nwẹnị Pọlụ na Sayịlasị na kẹ Bereya fịrịma. In mu la tẹso, ịn nwẹnị Juu-ḅẹ-apụ ama-warị mẹ mu. 11Anị ama ḅẹ apụ ma iḅi ḅioḅẹngbọ nyana Tẹsalonika ḅẹ apụ nẹngịm. Ini opu ḅio-sẹsẹ kẹ ẹkwẹn mẹ poki tẹ pịkị ene-ḅaaene-ḅaaene Fịafịa Ḍiri mẹ ḍawọ tẹ ḍọkị-ẹrị ḅẹm, Pọlụ ḍuko ye mẹ karakara ye ḅoto. 12Ịna ḅụ tọnwa-apụ mininim, tẹ Girisi ḅẹ opu ereme ḅẹ ja apụ na anị ḅẹ owiapụ na sọ mininim. 13Kụma Tẹsalonika ḅẹ Juu-ḅẹ-apụ ma ḅo naa tẹ mịnẹ Bereya ḅụ sọ Pọlụ Tamụnọ ẹkwẹn mẹ kọn tẹ ḅẹ sakị, in mu anịanga tomi ma jikema tẹ ịna sịḅịḅio simam. 14Anị gbọrụ kiri minini apụ ma Pọlụ kẹ tọrụ akaka fịrịmam, kụma Sayịlasị na Timoti na Bereya ḅụ simem. 15Pọlụ kẹ mu atomi ma ori na mu Atẹnịsị la tẹ pịkịma-so Bereya muarị sakị, ori ịn fịrịmam ịn Sayịlasị na Timoti na ḅẹẹ, sakị paka gbọrụ sakị ini alama tẹ ḅo ọ̀ ḅụụ sọ.
Ini Atẹnịsị Lam
16Pọlụ Atẹnịsị ḅụ Sayịlasị na Timoti na koru sime sakị ori oru-afụḅara ama mẹ ḅio ḅin ḅara ẹrị ye mẹ nwẹnị kpọma ọ̀ ḅioḅẹngbọ sima. 17Mie ḅụ ene-ḅaaene-ḅaaene Juu-ḅẹ-apụ ama-warị mẹ ḅio ini na Tamụnọ tẹkẹarị Ja asịẹ ḅẹ apụ ma na ori na anị ḅẹ ẹkwẹn kọnm, anie ọ̀ pịkị ama-ogbo anị kẹ ori na bịama apụ, bịama apụ sọ na ẹkwẹn ḅara. 18Ja ye-tolumapụ tẹ ịn kẹ Ẹpikuria apụ na Sịtọyịkị apụ na sịn apụ na sọ Pọlụ na ḅẹrẹ nụnụam. Ini ḅẹ ja apụ gbelam, “Ḅie ḍiri sọ ẹrị-a ḅọ ḅe ḅọrọ tiye ḍuko ḅẹ ḍọkịarị?”
Anga mẹẹ, “Kịnị nimi-a apụ oru aḅẹrẹ mie ó ḍukoarị.” Pọlụ ḅe Jizọsị na fị-ḅụ-saakị mẹ na gboloma ye ḍuko ye mie in gotẹ ọkọ ḅẹẹ ye. 19Mie ḅụ ịn nwẹnị Pọlụ kẹ ini ama-kobiri tọrọkọ mu, anie ịn kẹ Arịyọpagọsị ḅẹ kobiri sịn ye mẹ, tẹ ḅẹẹ, “Mie í tolumarị ịwọ ye mẹ wa iḅiọkụ anị naa ḅẹ ḅiiarị. 20Í ḍukoarị jaị wamịna ḅụụ kịrị la ḅara ḅụ wa ḅiiarị ị́ arị puu-finji wa pịrị.” 21(Atẹnịsị ḅẹ apụ ma na, anị ama anga igoni apụ na, ịna sakị mamgba kẹ ịwọma pakaye, pakaye naa tẹ pịkị ḍuko ḅẹ ḍọkị ḍọkịm.)
22Pọlụ nwẹnị ama-kobiri mẹ tọrọkọ saakị sịẹ tẹ ḅẹẹ, “Atẹnịsị ḅẹ apụ! Arị ẹrị tẹ, ḅọkọ-ḅọkọ ḅụ, mịnẹ ọmịnị Tamụnọ minini apụ. 23À nwẹn ama mẹ mẹnjị-mẹnjị tẹ ọ́ tẹkẹarị anga ma ẹrị ma muarị ogbo à ḅo gbọrụ agbamịẹ-anga ẹrịm, anị ḅụ miemẹ kẹẹ wararị, ‘Sime kịnị lekiri-a Tamụnọ ḅe pịrị anga.’ Anị ó lekiri-a ḅara kẹ tẹkẹarị ḅọ ḅẹ ẹkwẹn mẹ mie à kọn ọ́ pịrị ḅẹ ḅo ye. 24#1 Ama 8.27; Ayị 42.5; Fịr 7.48Tomikiri mẹ na anị ḅio sime ye goyegoye na tẹmẹ Tamụnọ ḅe, tẹ So na Kiri na Nyanaḅọ ḅe, ò tomi ḅara kẹ nama awarị ḅio anga anga-a. 25Ọ̀ ḅụụ-fụkamarị tẹ tomi mịẹ ọ̀ pịrị, pịrị gberie-sọ ofori. Ori ḅe rẹ mie ḍumo na, wa sararị ọwụ mẹ na, ḅẹẹye-ḅẹẹye na kẹ ḅẹḅọ-ḅẹḅọ pịrịarị ḅọ. 26Kpọkpọ gbọrụ tomḅọ ḅụ mie ọ̀ saakị tomi kịrị-kịrị ma tẹmẹ tẹ ịn wasama bebe tomikiri mẹ anga ḅinma ye. Tomi ḍumo mu la ḅẹ sakị na ini anga mu daasịẹ ḅẹ oke na ọ̀ tarị nwẹn tọn koromam. 27Ò gotẹ miemẹ mịẹ ye tomi ọ̀ ḍọkị-ẹrị ḅarị ḅara, in kuroma ḅara ḅụ. Anịsọ, karakara-ḅara-ḅụ, Tamụnọ wamịna ḅụụ gbọrụḅọ-sọ ḅụụ ḅele-a. 28Anie gbọrụḅọ ḅẹẹ ḅara, ‘Ọ̀ ḅụụ mie wa ḍumoarị ye, mẹnjịarị ye, pịkị emi ye.’ Anie ọmịna ḅịḅị ḍịn apụ sọ ḅẹẹ ḅara, ‘Wamịnị sọ ori awọmẹẹ.’ 29Wamịnị Tamụnọ awọmẹ ḅẹ sakị, wa gotẹ ọ̀ kẹ golu, anịanịa seleḅa, anịanịa ḍụḅarị, anịanịa tomi aka na nimi na kẹ tẹmẹ-aị na tọnma ḅẹ ọkụ ofori. 30Elemu sakị tomi nimi-a ḅụ mịẹ-mịẹ aị ma Tamụnọ arị ḍiki-tọrụsin tẹ, kụma mịọkụ ọ̀ tọn kịnị mamgba pịrịarị, in sime anga, sime anga, mịnẹ ini ịna si etela ma ḅụ pịkịị. 31Kẹ gotẹ ọkọ ḍukoarị, ori ene pẹlẹ wararị, ọ̀ karakara ḅụ bebe tomikiri mẹ kọn ḅẹ ene, ori sẹlẹ ọkị tẹ gbọrụ tomḅọ ḅe ḅara ḅụ. Ori anị ḅẹ elekima kẹ ọrụḅọ-ọrụḅọ ḍie tẹ, fịị ḅụ anị tomḅọ ḅe saakịma ḅụ!”
32Ịn Pọlụ ḅịḅị fị-ḅụ-saakị mẹ naa sakị, ja apụ anị kẹ tii tii ye sọmam, osi apụ pịkị ḅẹẹm, “Wa ḅiiarị ị́ pịkị jen sakị kẹ miemẹ ḍuko wa pịrị.” 33Anie ḅụ, Pọlụ nwẹnị kobiri mẹ koroma tẹ so. 34Tẹ tomi ma ḅẹ ja apụ nwẹnị ọ̀ ḅụụ sọ tẹ minini, ini ḅẹ ja apụ, anie ama-kobiri mẹ ḅẹ ḅọ tẹ ịn kẹ Diyonisịyọsị sịn-arị ḅọ, na Damarisi nwẹn-sịn gbọrụ ẹrẹḅọ na, pịkị ja apụ na.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria