Ahẹ Isoromọnị 8
8
Ozi ọnẹẹ ọnọọ kà
1Àa yẹ ahịka ẹnẹbẹnị amị ụ vị̀ nị;
dị ahịka ịrẹva ọnyị amị u hú nị.
Màa yaanị gẹrẹ wụ oze,
dị mi kú u irenu nị, ẹ́ yị nyị ọza anaa sị́ ayị nọ ịnị anị.
2Maa sị wụ nọ ịnị eehi ọnyị amị,
dị wa na kọ yị mị á memee sì ẹngụ.
Mị vaa sì eyi eche ene hinee
ọnịrị enyi ẹtụtụ ọchị ipomegiraneti ana á kama yị wụ.
3Si ụvọha pe mi ịrẹsụ,
dị wa sị ụvọrị awụ zá mị kú ayị.
4Hị́ eku mi nịnị ẹwụ nịnị anyẹnẹẹ Anijerusarẹmị,
ka wẹ yị vaa kwọ vee zigi yi nịnị yàa mẹrị ẹngụ.
Ahẹ Ọhụhịnọnyị
Anẹẹ Anijerusarẹmị
5Ẹnẹ maanị jị ụvọ chire ọza ọnị ó sì ịrẹyị anị
hụụnị ụnọmị aa vẹ aanị?
Ozi ọnẹẹ ọnọọ kà
Mâ ha wụ hụnị ara iruvo ọchị apụrụ.
Ịzọọ ọnyị awụ yá barẹẹ awụ di ọ́ ma wu nị.
6Navọ ịrẹyị amị ọ̀ yà ịnị ayị awụ pooro,
sị ụvọ za ẹmị ịnya kẹnẹ,
agụvị ka ịrẹyị ọza ọyị sì ô nyị ụkata anka iswọọza.
Avọọ ụhị ọyị kụ̀ ọnị mẹ̀ re divi nị.
Ọ̀ọ da ịra,
vị ộ za wụụrụ anka ịra ọdẹngụ avọọ nị.
7Enyi ọ̀ọ rụrụ pooro, é yi zụ mi ịra oyisì ọnị ọza ọ nyị yị ọza.
Ọhaara enyi ẹ́ yị zụ kụ́ ọ kwooze.
Ọza ọ̀ọ ka ọnị aa sị avaba ogu anị yị aza ka è sì ịrẹyị anị,
ịyẹyẹ kẹnẹ aa sị ẹngụ anịị mẹ̀ nị.
Ọhụva ana vị Ọnẹẹ
8Yaa nyị ọyịnyara ọnẹẹ ọnyara, ozweyi ọ́ vị nị.
Ệ yị ha ịrẹva.
Sị́ yị vaa mẹẹ yị ọ
ịhị ọnọrụ ọ̀ọ va zị ụsẹ anị kẹ?
9Ọ̀ọ sị ụvọ za ẹngụ anị,
dị ẹ̀ yị mẹ kẹnẹ-kẹnẹ nị, Ị vaa sị ọmọ mẹ̀ ẹ ọvị.
Ama àa mẹ kẹnẹ-kẹnẹ dị ẹ yị sị ụvọ za ẹngụ anị nị,
i vee sere e anka a mẹẹ̄ sị ọchị isida mẹ ukere gù oze avọọ nị.
Ozi ọnẹẹ ọnọọ kà
10Ọvọ mị vị nị,
ịrẹva amị vị ana jẹẹ jẹjẹrẹjẹ anka irehi ọgọdọ avọọ.
Ọza ene sì ịrẹyị amị ộ yẹ́ ka, màa sị vị anị.
Ozi Ọnọrụ ọnọọ kà
11Isoromọnị ộ nyị ụbazị ene é chịrẹ ịvayịnị hi tụ ịzị aā hị́ Ịbaarị-Ịhamọnị. Â nyị ana aarẹ nịnị ọnị ọ́ sị mẹ yị ịzọọ. Ọzọza vị ọnị ọ ka ò vee sí ụta achuchu ẹẹhị-ẹẹhịị yị ọnị. 12Isoromọnị ọ́ zụ nyị achuchu ẹẹhị-ẹẹhị, dị ana aarẹ ẹnẹnị nyị achuchu ọnya-ọnya ẹnịnị. Ẹma nyị ụbazị ịvayịnị amị nị. 13Yà ịnị ụbazị wa kà ịrẹyị dị ma wụ, ẹwụ ọnị mi sì ịrẹyị anị. Ọpọọpa amị ee zí ka ẹnị ẹ̀ wụ́ ịrẹyị awụ o.
Ozi ọnẹẹ ọnọọ kà
14Ẹwụ ọnị mị maanị sì ịrẹyị anị, wa ka mịị vẹ, anka ozi ùnè avọọ. Wa vẹ anka ùnè ana si hụ tụ ịnị ataba ịzị a kụ́ avị ịsẹpẹ hi avọọ.
Currently Selected:
Ahẹ Isoromọnị 8: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Isoromọnị 8
8
Ozi ọnẹẹ ọnọọ kà
1Àa yẹ ahịka ẹnẹbẹnị amị ụ vị̀ nị;
dị ahịka ịrẹva ọnyị amị u hú nị.
Màa yaanị gẹrẹ wụ oze,
dị mi kú u irenu nị, ẹ́ yị nyị ọza anaa sị́ ayị nọ ịnị anị.
2Maa sị wụ nọ ịnị eehi ọnyị amị,
dị wa na kọ yị mị á memee sì ẹngụ.
Mị vaa sì eyi eche ene hinee
ọnịrị enyi ẹtụtụ ọchị ipomegiraneti ana á kama yị wụ.
3Si ụvọha pe mi ịrẹsụ,
dị wa sị ụvọrị awụ zá mị kú ayị.
4Hị́ eku mi nịnị ẹwụ nịnị anyẹnẹẹ Anijerusarẹmị,
ka wẹ yị vaa kwọ vee zigi yi nịnị yàa mẹrị ẹngụ.
Ahẹ Ọhụhịnọnyị
Anẹẹ Anijerusarẹmị
5Ẹnẹ maanị jị ụvọ chire ọza ọnị ó sì ịrẹyị anị
hụụnị ụnọmị aa vẹ aanị?
Ozi ọnẹẹ ọnọọ kà
Mâ ha wụ hụnị ara iruvo ọchị apụrụ.
Ịzọọ ọnyị awụ yá barẹẹ awụ di ọ́ ma wu nị.
6Navọ ịrẹyị amị ọ̀ yà ịnị ayị awụ pooro,
sị ụvọ za ẹmị ịnya kẹnẹ,
agụvị ka ịrẹyị ọza ọyị sì ô nyị ụkata anka iswọọza.
Avọọ ụhị ọyị kụ̀ ọnị mẹ̀ re divi nị.
Ọ̀ọ da ịra,
vị ộ za wụụrụ anka ịra ọdẹngụ avọọ nị.
7Enyi ọ̀ọ rụrụ pooro, é yi zụ mi ịra oyisì ọnị ọza ọ nyị yị ọza.
Ọhaara enyi ẹ́ yị zụ kụ́ ọ kwooze.
Ọza ọ̀ọ ka ọnị aa sị avaba ogu anị yị aza ka è sì ịrẹyị anị,
ịyẹyẹ kẹnẹ aa sị ẹngụ anịị mẹ̀ nị.
Ọhụva ana vị Ọnẹẹ
8Yaa nyị ọyịnyara ọnẹẹ ọnyara, ozweyi ọ́ vị nị.
Ệ yị ha ịrẹva.
Sị́ yị vaa mẹẹ yị ọ
ịhị ọnọrụ ọ̀ọ va zị ụsẹ anị kẹ?
9Ọ̀ọ sị ụvọ za ẹngụ anị,
dị ẹ̀ yị mẹ kẹnẹ-kẹnẹ nị, Ị vaa sị ọmọ mẹ̀ ẹ ọvị.
Ama àa mẹ kẹnẹ-kẹnẹ dị ẹ yị sị ụvọ za ẹngụ anị nị,
i vee sere e anka a mẹẹ̄ sị ọchị isida mẹ ukere gù oze avọọ nị.
Ozi ọnẹẹ ọnọọ kà
10Ọvọ mị vị nị,
ịrẹva amị vị ana jẹẹ jẹjẹrẹjẹ anka irehi ọgọdọ avọọ.
Ọza ene sì ịrẹyị amị ộ yẹ́ ka, màa sị vị anị.
Ozi Ọnọrụ ọnọọ kà
11Isoromọnị ộ nyị ụbazị ene é chịrẹ ịvayịnị hi tụ ịzị aā hị́ Ịbaarị-Ịhamọnị. Â nyị ana aarẹ nịnị ọnị ọ́ sị mẹ yị ịzọọ. Ọzọza vị ọnị ọ ka ò vee sí ụta achuchu ẹẹhị-ẹẹhịị yị ọnị. 12Isoromọnị ọ́ zụ nyị achuchu ẹẹhị-ẹẹhị, dị ana aarẹ ẹnẹnị nyị achuchu ọnya-ọnya ẹnịnị. Ẹma nyị ụbazị ịvayịnị amị nị. 13Yà ịnị ụbazị wa kà ịrẹyị dị ma wụ, ẹwụ ọnị mi sì ịrẹyị anị. Ọpọọpa amị ee zí ka ẹnị ẹ̀ wụ́ ịrẹyị awụ o.
Ozi ọnẹẹ ọnọọ kà
14Ẹwụ ọnị mị maanị sì ịrẹyị anị, wa ka mịị vẹ, anka ozi ùnè avọọ. Wa vẹ anka ùnè ana si hụ tụ ịnị ataba ịzị a kụ́ avị ịsẹpẹ hi avọọ.
Ebira First Bible © Bible Society of Nigeria, 2014.