Iruutu 3
3
Iruutu ô re ọnọrụ
1O mè si kù chee, ẹkụhị ọnya di Inawomi kà a yị Iruutu, dị ọ ka, “Mee si ọ mẹ̀ mẹ vee zoza yị wụ, dị ayị awụ ọ̀ zụ nẹtẹ. 2Wáá yẹ ka Ibowazị ana nyị aarẹ ịzị ẹwụrị ezi anẹẹ anị yà mẹ̀ ụkọrọ vị anda ayị? Ọ vaa nọ ịzị eē tụ́ ibaari anị ịrahụ ajịnị. 3Na hụ enyi dị wa dá ịsa sisi ẹngụ di we chire awuru awụ, di wa nọ ịzị eē tụ́ ịsa. Ama asị ụ zẹẹ ka Ibowazị ọ̀ yẹ ka wụ yà ịzọọ pooro dị ọ rị, dị ò hú. 4Sị eyi pè ịzị ọ hụtẹtẹ tụ́. Ịjị ara ọ̀ọ sị ọ dọ, dị wa hụ ịta ahụtara anị, dị wa hụtẹtẹ ahụtara anị pè e. Ọ vaa kà yị wụ ịsa ana a vọrọ ka wa mẹ.” 5Di Iruutu ka, “Mị vaa mẹ avaba ịsa ọnị wàa kà yị mị.”
6Ịzẹyịza, dị Iruutu nọ ịzị a yàa tụ́ ịsa, dị ọ mẹ avaba ịsa anka ọnyị ọva anị mẹ̀ kà a yọ nị. 7Ịjị Ibowazị sị ịsa rị, dị ọ sị eche hú, dị ayị anị ee hine, dị ọ na sụ pè ịzị a kụ́ ibaari anị gụ tụ́ nị. Dị Iruutu were-were na hụ ịta ahụtara anị, dị ọ hụtẹtẹ tụ́ ahụtara anị nị. 8Ịnị agẹvịrahụ, Ibowazị ộ jị giri dị ẹngụ anị aa da ẹgahị nị. Ọ mẹ̀ vara akaha, dị ọ vẹ tù ọnyẹnẹẹ ahụtara anị nị. 9Di Ibowazị họ̀ ọ use ka, “Ẹnị ẹ yà ịzọọ?” Dị Iruutu ka ọnị ọ vị Iruutu ozi ịdị anị nị. Dị ọ rẹ ka, “Ẹwa vị anda ọva amị ana a vọrọ ka ọ̀ kú mị ogu nị.” 10Di Ibowazị ka, “Ẹnẹyịmavara ọ̀ navọ ò zee wụ, ozi emi. Ịsị ụ mẹ̀ aanị ô huna ọnị ụ vịdị mẹ̀ ana sị zụ ka wâ sị ayị yị ovwoovu ọva awụ. Wẹ yị kà a ka wee si ezwọọmụha, ọ̀ọ nyị ịsa, ọ̀ọ yị nyị. 11Ọ mẹ̀ maanị yà aanị, asị u hí angwa ozi emi. Mị vaa mẹ̀ ịsa tụra ịsa ọnị weè họ̀ use anị yị wụ, agụvị ka avaba anẹkụra ệ yẹ ka ọnyẹnẹẹ obooro ụ vị nị. 12#Iru 2.20Ịzẹyịza, ẹmị a vọrọ ka ọ̀ kụ́ ụ ogu nị, ama â nyị ohova awụ ọsa ana gụrị ọva awụ huna amị. 13Yà ịzẹnị tù ẹnẹnẹ ụhwọọ, dị ma họ̀ ọ use ka ọ́ọ́ dọ ka ọnị ọ̀ kụ wụ ogu. Ọ̀ọ dọ, o zoza, dị ọ kụ wụ ogu. Ama àa vị ọ̀ yị dọ nị, Ẹnẹyịmavara ọ̀ọ yà ịzọọ, mị vaa kụ wụ ogu. Na hụtẹtẹ tù ẹnẹnẹ ụhwọọ.” 14Ịzẹyịza, dị Iruutu varẹma na hụtẹtẹ tụ́ ahụtara anị nị. Ịnị ụmẹ eyọnị viri-viri, dị ẹtẹ ve hweyi, dị ọ kwẹẹtẹ hụ ịzọọ nị. Ịjọnọọ ọza ộ yị zụ yẹ ọza. Ộ vavọọ jintu kwẹẹtẹ agụvị ka Ibowazị e yi sì ka à nyị ọza ene re ka ộ vẹ ịzị eē tụ́ ibaari anị.
15Ịnị ẹnẹnẹ ọnọọ dị Ibowazị kà a yọ ka ọ̀ ngwa ọtịịza anị, dị ọ̀ gana a rị ụvọ nị. Ịzẹyịza, dị Iruutu vavọọ mẹ̀ nị. Di Ibowazị ká ibaari orogo ịhịnọnyị tụ ọ yọ nị. Dị o pè e ụvọ nị. Di Ibowazị si hu aa nọ ịnị ubooro nị. 16Di Iruutu ọnị ra ne eehi nị. Ọ mẹ̀ yị ngụ eehi kẹnẹ, dị ọnyị ọva anị aa họ̀ ọ use ịrẹyị nị. Dị ọ ka, “Ozi emi, wụ mẹmẹ zị ụsẹ awụ?” Dị Iruutu kà enube avaba ịsa ọnị Ibowazị mẹ yọ nị. 17Dị ọ rẹ kà a yọ ka, “Ibowazị ộ sị ibaari orogo ịhịnọnyị mẹ̀ ọnị ẹyịza nị. Ọ kà Ibowazị ọ yị sị̀ ka ọnị ọ̀ jị avọ osusu varẹma ve tụ́ ọ.” 18Dị Inawomi kà a yọ ka, “Yaayịtẹ ozi emi, dị wa yẹ ịsa ana vaa mẹ. Maa yẹ ka Ibowazị ẹ yị vaa tụ́ ụhwọ́ pooro dị ịrẹyị ọ̀ vị ajịnị.”
Currently Selected:
Iruutu 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Iruutu 3
3
Iruutu ô re ọnọrụ
1O mè si kù chee, ẹkụhị ọnya di Inawomi kà a yị Iruutu, dị ọ ka, “Mee si ọ mẹ̀ mẹ vee zoza yị wụ, dị ayị awụ ọ̀ zụ nẹtẹ. 2Wáá yẹ ka Ibowazị ana nyị aarẹ ịzị ẹwụrị ezi anẹẹ anị yà mẹ̀ ụkọrọ vị anda ayị? Ọ vaa nọ ịzị eē tụ́ ibaari anị ịrahụ ajịnị. 3Na hụ enyi dị wa dá ịsa sisi ẹngụ di we chire awuru awụ, di wa nọ ịzị eē tụ́ ịsa. Ama asị ụ zẹẹ ka Ibowazị ọ̀ yẹ ka wụ yà ịzọọ pooro dị ọ rị, dị ò hú. 4Sị eyi pè ịzị ọ hụtẹtẹ tụ́. Ịjị ara ọ̀ọ sị ọ dọ, dị wa hụ ịta ahụtara anị, dị wa hụtẹtẹ ahụtara anị pè e. Ọ vaa kà yị wụ ịsa ana a vọrọ ka wa mẹ.” 5Di Iruutu ka, “Mị vaa mẹ avaba ịsa ọnị wàa kà yị mị.”
6Ịzẹyịza, dị Iruutu nọ ịzị a yàa tụ́ ịsa, dị ọ mẹ avaba ịsa anka ọnyị ọva anị mẹ̀ kà a yọ nị. 7Ịjị Ibowazị sị ịsa rị, dị ọ sị eche hú, dị ayị anị ee hine, dị ọ na sụ pè ịzị a kụ́ ibaari anị gụ tụ́ nị. Dị Iruutu were-were na hụ ịta ahụtara anị, dị ọ hụtẹtẹ tụ́ ahụtara anị nị. 8Ịnị agẹvịrahụ, Ibowazị ộ jị giri dị ẹngụ anị aa da ẹgahị nị. Ọ mẹ̀ vara akaha, dị ọ vẹ tù ọnyẹnẹẹ ahụtara anị nị. 9Di Ibowazị họ̀ ọ use ka, “Ẹnị ẹ yà ịzọọ?” Dị Iruutu ka ọnị ọ vị Iruutu ozi ịdị anị nị. Dị ọ rẹ ka, “Ẹwa vị anda ọva amị ana a vọrọ ka ọ̀ kú mị ogu nị.” 10Di Ibowazị ka, “Ẹnẹyịmavara ọ̀ navọ ò zee wụ, ozi emi. Ịsị ụ mẹ̀ aanị ô huna ọnị ụ vịdị mẹ̀ ana sị zụ ka wâ sị ayị yị ovwoovu ọva awụ. Wẹ yị kà a ka wee si ezwọọmụha, ọ̀ọ nyị ịsa, ọ̀ọ yị nyị. 11Ọ mẹ̀ maanị yà aanị, asị u hí angwa ozi emi. Mị vaa mẹ̀ ịsa tụra ịsa ọnị weè họ̀ use anị yị wụ, agụvị ka avaba anẹkụra ệ yẹ ka ọnyẹnẹẹ obooro ụ vị nị. 12#Iru 2.20Ịzẹyịza, ẹmị a vọrọ ka ọ̀ kụ́ ụ ogu nị, ama â nyị ohova awụ ọsa ana gụrị ọva awụ huna amị. 13Yà ịzẹnị tù ẹnẹnẹ ụhwọọ, dị ma họ̀ ọ use ka ọ́ọ́ dọ ka ọnị ọ̀ kụ wụ ogu. Ọ̀ọ dọ, o zoza, dị ọ kụ wụ ogu. Ama àa vị ọ̀ yị dọ nị, Ẹnẹyịmavara ọ̀ọ yà ịzọọ, mị vaa kụ wụ ogu. Na hụtẹtẹ tù ẹnẹnẹ ụhwọọ.” 14Ịzẹyịza, dị Iruutu varẹma na hụtẹtẹ tụ́ ahụtara anị nị. Ịnị ụmẹ eyọnị viri-viri, dị ẹtẹ ve hweyi, dị ọ kwẹẹtẹ hụ ịzọọ nị. Ịjọnọọ ọza ộ yị zụ yẹ ọza. Ộ vavọọ jintu kwẹẹtẹ agụvị ka Ibowazị e yi sì ka à nyị ọza ene re ka ộ vẹ ịzị eē tụ́ ibaari anị.
15Ịnị ẹnẹnẹ ọnọọ dị Ibowazị kà a yọ ka ọ̀ ngwa ọtịịza anị, dị ọ̀ gana a rị ụvọ nị. Ịzẹyịza, dị Iruutu vavọọ mẹ̀ nị. Di Ibowazị ká ibaari orogo ịhịnọnyị tụ ọ yọ nị. Dị o pè e ụvọ nị. Di Ibowazị si hu aa nọ ịnị ubooro nị. 16Di Iruutu ọnị ra ne eehi nị. Ọ mẹ̀ yị ngụ eehi kẹnẹ, dị ọnyị ọva anị aa họ̀ ọ use ịrẹyị nị. Dị ọ ka, “Ozi emi, wụ mẹmẹ zị ụsẹ awụ?” Dị Iruutu kà enube avaba ịsa ọnị Ibowazị mẹ yọ nị. 17Dị ọ rẹ kà a yọ ka, “Ibowazị ộ sị ibaari orogo ịhịnọnyị mẹ̀ ọnị ẹyịza nị. Ọ kà Ibowazị ọ yị sị̀ ka ọnị ọ̀ jị avọ osusu varẹma ve tụ́ ọ.” 18Dị Inawomi kà a yọ ka, “Yaayịtẹ ozi emi, dị wa yẹ ịsa ana vaa mẹ. Maa yẹ ka Ibowazị ẹ yị vaa tụ́ ụhwọ́ pooro dị ịrẹyị ọ̀ vị ajịnị.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.