Iruutu 1
1
Ẹrịmẹrẹkị ộ kụ́ aza nọ Imowabi
1Â nyị ụmẹ ọnya aanị ọnị Anisirẹrị nịnị ệ yị nyị ohinọyị, dị ahịka aza irenyi-irenyi ệ mẹ ọdọvịdị ẹnịnị nị. Ụmẹ ọnọọ ụngwẹ vavọọ sị kụ̀ ịnị ẹtẹ Anisirẹrị nị. Â nyị ọnọrụ ọnya aanị ịjọnọọ ịnị ẹkụra Ịbẹtịrẹhẹmị ini ẹtẹ Ijuda. Ộ kụ́ ose anị ọnịrị ezi anị ẹẹva hụrẹ Ịbẹtịrẹhẹmị nọ ịnị ẹtẹ Imowabi. 2Ịrẹha ọnọrụ ọnọọ ọ rị Ẹrịmẹrẹkị, dị ose anị ọnị rị Inawomi, dị ezi anị ẹnị rẹ rị Imahironi ọnịrị Ikiriyoni nị. Ẹnịnị vị Anehwurata. Ệ kụ̀rà na ra Imowabi ịnị ụmẹ ụngwẹ ọnọọ. 3Ịzọọ Ẹrịmẹrẹkị ya su para ose anị Inawomi ọnịrị ezi anị ẹyịva hu nị. 4Ezi anị ẹnẹẹ ệ nyị ọnẹẹ ịzọọ. Ose ọnya ọ rị Ọpa, dị ose ọsa ọnị rị Iruutu nị. Ệ vavọọ ra ịzọọ mẹ ịrayị ẹẹwụ, 5dị ezi anị ọnọrụ ẹyịva ẹnẹẹ ve sú nị. Dị ọnyị ẹnịnị kụkụ vị osoku ọnịrị ọbọrị nị.
Iruutu ộ saasa Inawomi va nọ eehi
6Inawomi vị ana yịị ra ịnị ẹtẹ Imowabi, dị ọ va wụ́ ka Ẹnẹyịmavara ộ tamayị aza anị nị. Ộ sị ịsọyịrị va yị wa. Dị Inawomi ọnịrị ese ezi anị va kwẹẹtẹ ka ẹnị ẹ hụrẹ Imowabi nị. 7Dị ẹ varẹma aa nọ ịnị ẹtẹ Ijuda nị. Ẹ mẹ̀ vavọọ kwẹẹtẹ va tụra oze aa na, 8dị Inawomi hị́ ese ezi anị ẹyịva, dị ọ kà yị wa ka ẹ̀ varẹma ka ọnyị ẹnịnị na nị. Dị ọ kà Ẹnẹyịmavara ọ̀ mẹ ọyịza yị wa anka ẹnị mẹ̀ rẹ mẹ yị ọva ẹnịnị ene sú ọnịrị ọnị nị. 9Dị ọ rẹ ka Ẹnẹyịmavara ọ̀ sị wa na gẹrị ọnọrụ ọyịza ịzị ẹ vaa yàa nyị ayọnẹtẹ nị. Ịjị ọ vavọọ sị kà, dị ọ hara wa kú ayị, di Ọpa ọnịrị Iruutu a jị òrèrè boro-boro nị. 10Dị ẹnịnị ka, “Ho eyiye de! yaa saasa wụ nọ ịda aza awụ nịnị.”
11Dị Inawomi tụ́ wa ohi ka, “Varẹma wa na nịnị ezi emi, sị ẹ vẹ dị ụ ka waa saasa mị nịnị? Wu wéé ro ka ma kụkụ zụ ma ezi ọsa ana vaa nyị wụ nịnị nị? 12Mị ka wa nọ eehi nịnị. Wéē re ka me si bo aanị. Mẹ yị kụkụ zụ nyị ọnọrụ. Àa daka vi ka ma zụ nyị ọnọrụ ịrahụ ajịnị, dị mị hyakụ rẹ ma ezi ọnọrụ nị, 13wáá va zụ jẹẹ zi wa pooro di ẹ̀ vịra? Wụ wáá ka wẹ yị kụkụ vaa nyị ọnọrụ nịnị nị? Eyiye de, ezi emi! Ayị amị ô du ẹtẹẹtẹrẹ hụụnị ayị awụ nịnị, agụvị ka Ẹnẹyịmavara ọ raà mẹ ụya rị mị.”
14Di e re nyima aā tụ́ orere boro-boro nị. Dị Ọpa za ọnyị ọva anị kú ayị, dị ọ kà ọ̀ nyaatụ nị, ama di Iruutu yi ka ọnị ọ yị para ọnyị ọva anị hu nị.
15Dị Inawomi kà a yị Iruutu ka, “Wéē re ọhịnị awụ. Ộ sị varẹma aa nọ ịda anda ẹnịnị ọnịrị ịda ori ẹnịnị. Wẹ yị dụ ọhịnị awụ naa?”
16Ama dị Iruutu tụ́ o ohi ka, “Asị ụ rẹ kụ́ ọ hi mi ẹngụ ka ma navọ wụ dị ma varẹma. Ịzị wàa nọ kẹnẹ ẹmị raa nọ nị, ịzị waa ra ẹmị raa ra nị. Anda awụ nịnị ẹ rẹ vaa vị anda amị nị. Ohomorihi awụ ọ rẹ vaa vị Ohomorihi amị nị. 17Ịzị wèe sú tụ́ emi re vee sú tụ́ nị. Ịzị eè ne wụ tụ́, è re vee ne mi tụ́ nị. Ẹ̀ẹ yị hụhụ vị iswọọza, ẹ̀ yị nyị ịsa ọsa ọnị maa zẹẹ ka ọ ha ẹmịrị ẹwụ hi. Ẹ yị vị avọọ asị Ẹnẹyịmavara zẹ ka ò ozoza mị.” 18Ịjị Inawomi re ka Iruutu ọ raà sị ahụ kà aba ka ọnị aa saasa a, dị ọ kú irenu anị nị.
19Dị ẹnị ẹyịva vavọọ zị va ngụ Ịbẹtịrẹhẹmị nị. Ịjị ẹ na ngụ ẹkụra ọnọọ, di ẹtẹ aa sụ́ ịrẹyị hyịwụụ nị. Di anẹẹ ẹnẹ hị́ ịzọọ yee họ̀ use ka, “O! ayoo! Inawomi wáá yịị yị?”
20Di Inawomi tụ́ wa ohi dị ọ ka, “Asị ụ rẹ kụkụ hị́ mị́ Inawomi nịnị. Waā hị́ mị Ọnyịrẹyị agụvị ka Ohomorihi Ochẹtẹẹngụ ọ raà mẹ ẹhẹ amị nyịrẹyị. 21Mị gụ ahụ gụ ụvọ na jịnẹ nị, ama di Ẹnẹyịmavara tụ́ mị avọ osusu vavẹ eehi nị. Sị ẹ vẹ dị wụ kụkụ aa yịị hị́ mị Inawomi? Wê re ka Ẹnẹyịmavara ọ raà và ịrẹma amị, dị ọ kụ́ odivi tù mị nị.”
22Aanị Inawomi ọnịrị Iruutu mẹmẹ hụrẹ ẹtẹ Imowabi nị. Iruutu ọnị vị ose ozi Inawomi, dị ọ vi Animowabi nị. Ộ saasa ọnyị ọva anị ana hụrẹ ẹtẹ Imowabi vẹ. Ẹnị ẹyịva ẹnẹẹ vị ana va ngụ Ịbẹtịrẹhẹmị ịnị ụmẹ ene e si nyima aa mẹ̀ ịsa ịnị aarẹ ana aā hị́ ibaari.
Currently Selected:
Iruutu 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Iruutu 1
1
Ẹrịmẹrẹkị ộ kụ́ aza nọ Imowabi
1Â nyị ụmẹ ọnya aanị ọnị Anisirẹrị nịnị ệ yị nyị ohinọyị, dị ahịka aza irenyi-irenyi ệ mẹ ọdọvịdị ẹnịnị nị. Ụmẹ ọnọọ ụngwẹ vavọọ sị kụ̀ ịnị ẹtẹ Anisirẹrị nị. Â nyị ọnọrụ ọnya aanị ịjọnọọ ịnị ẹkụra Ịbẹtịrẹhẹmị ini ẹtẹ Ijuda. Ộ kụ́ ose anị ọnịrị ezi anị ẹẹva hụrẹ Ịbẹtịrẹhẹmị nọ ịnị ẹtẹ Imowabi. 2Ịrẹha ọnọrụ ọnọọ ọ rị Ẹrịmẹrẹkị, dị ose anị ọnị rị Inawomi, dị ezi anị ẹnị rẹ rị Imahironi ọnịrị Ikiriyoni nị. Ẹnịnị vị Anehwurata. Ệ kụ̀rà na ra Imowabi ịnị ụmẹ ụngwẹ ọnọọ. 3Ịzọọ Ẹrịmẹrẹkị ya su para ose anị Inawomi ọnịrị ezi anị ẹyịva hu nị. 4Ezi anị ẹnẹẹ ệ nyị ọnẹẹ ịzọọ. Ose ọnya ọ rị Ọpa, dị ose ọsa ọnị rị Iruutu nị. Ệ vavọọ ra ịzọọ mẹ ịrayị ẹẹwụ, 5dị ezi anị ọnọrụ ẹyịva ẹnẹẹ ve sú nị. Dị ọnyị ẹnịnị kụkụ vị osoku ọnịrị ọbọrị nị.
Iruutu ộ saasa Inawomi va nọ eehi
6Inawomi vị ana yịị ra ịnị ẹtẹ Imowabi, dị ọ va wụ́ ka Ẹnẹyịmavara ộ tamayị aza anị nị. Ộ sị ịsọyịrị va yị wa. Dị Inawomi ọnịrị ese ezi anị va kwẹẹtẹ ka ẹnị ẹ hụrẹ Imowabi nị. 7Dị ẹ varẹma aa nọ ịnị ẹtẹ Ijuda nị. Ẹ mẹ̀ vavọọ kwẹẹtẹ va tụra oze aa na, 8dị Inawomi hị́ ese ezi anị ẹyịva, dị ọ kà yị wa ka ẹ̀ varẹma ka ọnyị ẹnịnị na nị. Dị ọ kà Ẹnẹyịmavara ọ̀ mẹ ọyịza yị wa anka ẹnị mẹ̀ rẹ mẹ yị ọva ẹnịnị ene sú ọnịrị ọnị nị. 9Dị ọ rẹ ka Ẹnẹyịmavara ọ̀ sị wa na gẹrị ọnọrụ ọyịza ịzị ẹ vaa yàa nyị ayọnẹtẹ nị. Ịjị ọ vavọọ sị kà, dị ọ hara wa kú ayị, di Ọpa ọnịrị Iruutu a jị òrèrè boro-boro nị. 10Dị ẹnịnị ka, “Ho eyiye de! yaa saasa wụ nọ ịda aza awụ nịnị.”
11Dị Inawomi tụ́ wa ohi ka, “Varẹma wa na nịnị ezi emi, sị ẹ vẹ dị ụ ka waa saasa mị nịnị? Wu wéé ro ka ma kụkụ zụ ma ezi ọsa ana vaa nyị wụ nịnị nị? 12Mị ka wa nọ eehi nịnị. Wéē re ka me si bo aanị. Mẹ yị kụkụ zụ nyị ọnọrụ. Àa daka vi ka ma zụ nyị ọnọrụ ịrahụ ajịnị, dị mị hyakụ rẹ ma ezi ọnọrụ nị, 13wáá va zụ jẹẹ zi wa pooro di ẹ̀ vịra? Wụ wáá ka wẹ yị kụkụ vaa nyị ọnọrụ nịnị nị? Eyiye de, ezi emi! Ayị amị ô du ẹtẹẹtẹrẹ hụụnị ayị awụ nịnị, agụvị ka Ẹnẹyịmavara ọ raà mẹ ụya rị mị.”
14Di e re nyima aā tụ́ orere boro-boro nị. Dị Ọpa za ọnyị ọva anị kú ayị, dị ọ kà ọ̀ nyaatụ nị, ama di Iruutu yi ka ọnị ọ yị para ọnyị ọva anị hu nị.
15Dị Inawomi kà a yị Iruutu ka, “Wéē re ọhịnị awụ. Ộ sị varẹma aa nọ ịda anda ẹnịnị ọnịrị ịda ori ẹnịnị. Wẹ yị dụ ọhịnị awụ naa?”
16Ama dị Iruutu tụ́ o ohi ka, “Asị ụ rẹ kụ́ ọ hi mi ẹngụ ka ma navọ wụ dị ma varẹma. Ịzị wàa nọ kẹnẹ ẹmị raa nọ nị, ịzị waa ra ẹmị raa ra nị. Anda awụ nịnị ẹ rẹ vaa vị anda amị nị. Ohomorihi awụ ọ rẹ vaa vị Ohomorihi amị nị. 17Ịzị wèe sú tụ́ emi re vee sú tụ́ nị. Ịzị eè ne wụ tụ́, è re vee ne mi tụ́ nị. Ẹ̀ẹ yị hụhụ vị iswọọza, ẹ̀ yị nyị ịsa ọsa ọnị maa zẹẹ ka ọ ha ẹmịrị ẹwụ hi. Ẹ yị vị avọọ asị Ẹnẹyịmavara zẹ ka ò ozoza mị.” 18Ịjị Inawomi re ka Iruutu ọ raà sị ahụ kà aba ka ọnị aa saasa a, dị ọ kú irenu anị nị.
19Dị ẹnị ẹyịva vavọọ zị va ngụ Ịbẹtịrẹhẹmị nị. Ịjị ẹ na ngụ ẹkụra ọnọọ, di ẹtẹ aa sụ́ ịrẹyị hyịwụụ nị. Di anẹẹ ẹnẹ hị́ ịzọọ yee họ̀ use ka, “O! ayoo! Inawomi wáá yịị yị?”
20Di Inawomi tụ́ wa ohi dị ọ ka, “Asị ụ rẹ kụkụ hị́ mị́ Inawomi nịnị. Waā hị́ mị Ọnyịrẹyị agụvị ka Ohomorihi Ochẹtẹẹngụ ọ raà mẹ ẹhẹ amị nyịrẹyị. 21Mị gụ ahụ gụ ụvọ na jịnẹ nị, ama di Ẹnẹyịmavara tụ́ mị avọ osusu vavẹ eehi nị. Sị ẹ vẹ dị wụ kụkụ aa yịị hị́ mị Inawomi? Wê re ka Ẹnẹyịmavara ọ raà và ịrẹma amị, dị ọ kụ́ odivi tù mị nị.”
22Aanị Inawomi ọnịrị Iruutu mẹmẹ hụrẹ ẹtẹ Imowabi nị. Iruutu ọnị vị ose ozi Inawomi, dị ọ vi Animowabi nị. Ộ saasa ọnyị ọva anị ana hụrẹ ẹtẹ Imowabi vẹ. Ẹnị ẹyịva ẹnẹẹ vị ana va ngụ Ịbẹtịrẹhẹmị ịnị ụmẹ ene e si nyima aa mẹ̀ ịsa ịnị aarẹ ana aā hị́ ibaari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.