Aniroomi 4
4
Abụrahamị ộ sị zụ̀ Ohomorihi mẹmẹẹ̄ jị ịhị yị aza
1Sị ị nyẹngụ ka booro aanị ini oze ịrẹyị Abụrahamị ana vị ohiku ayị? À vẹ ya zama ịsị Abụrahamị re daa re! 2Àa vị agụvị ịsa ana Abụrahamị mẹ̀ Óhomorihi sị jị ịhị yọ nị, ọ yaanị nyẹngụ ee wo oto. Ama ẹ yị va nyị oto ana Abụrahamị zụ wo ini eyi Ohomorihi. 3#Oyn 15.6; Iga 3.6Si Iwe Ohomorihi kà? Ọ kà, Abụrahamị ọ́ sị ayị tụra Ohomorihi, agụvị avọọ dị Ohomorihi za a ịrịka tụ́ ịnị ọnịrẹyịzẹyịza nị. 4Ọza ọ̀ọ mẹ̀ ụkọrọ dị ọ dọ utosi ụkọrọ anị. Ụta ene e sí ọọ, ẹ yị vị ẹyịza a sị mẹ̀ ẹ; ụta ana a rị ọọ e sí ọọ nị. 5Ama ọza ẹnẹ ẹ̀ yị sị ayị tụra ụkọrọ ụvọ anị, dị ọ sị ayị tụra Ohomorihi anaā jị ịhị yị aza ẹnẹ ẹ̀ yị vị ọnịrẹyịzẹyịza nị, Ohomorihi vaa za a ịrịkaa tụ ịnị ọnịrẹyịzẹyịza, agụvị ka ộ sị ayị tụra a. 6Ẹngụ ịrẹyị ọnị Idevidi vịdị aa kà ọ vị ọnọọ nị, ọ maa kà ịrẹyị ẹngụ ịrajẹ aza ẹnẹ ẹ̀ yị nyị ịsị ẹ mẹ̀ di Ohomorihi za wa ịrịka tụ́ ịnị ọnịrẹyịzẹyịza. 7#Ahẹ 32.1,2Ọ kà, Aza oni Ohomorihi raà vagu ịnị ịsa odivi ẹnẹ ẹ mẹ, dị ọ raà sị ịsa kú ịvị ẹnịnị, vaa daa jẹ. 8Aza oni Ohomorihi ọ̀ yị za ịrịka tụ́ ịnị ọnịvị vaa daa jẹ. 9Ẹngụ ịrajẹ ọnọọ, Aniju nịnị kẹnẹ ẹ́ẹ́ zụ nyị ọọ nị, à vị aza ẹnẹ ẹ̀ yị vị Aniju ẹnị ẹ rẹ zụ nyị ọọ bẹẹ? Yâ vịdị sị ọ kà ka Abụrahamị ộ sị ayị tụra Ohomorihi, agụvị avọọ di Ohomorihi za a ịrịka tụ́ ịnị ọnịrẹyịzẹyịza nị. 10Ye re ụmẹ oni Ohomorihi vavọọ sị za Abụrahamị ịrịka tụ́ ịnị ọnịrẹyịzẹyịza? Dị ọ va jị ụvẹvẹnẹ wáá yọ, à vị ọ mẹ̀ sị ụvẹvẹnẹ jị kwooze? 11#Oyn 17.10Ụvẹvẹnẹ vị apọtẹrẹwa ka Abụrahamị ộ vịdị raà sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza nị. Dị ọ va jị ụvẹvẹnẹ ọ hụrẹ sị ayị tụra Ohomorihi nị. Ini oze ọnọọ, Abụrahamị ọ raà vị ada avaba aza ana sị ayị tụra Ohomorihi ịnị ụmẹ ẹnẹ ẹ̀ yị jị ụvẹvẹnẹ, dị Ohomorihi ọ̀ zụ za ẹngụ aza ẹnẹẹ ịrịka tụ́ ịnị ọnịrẹyịzẹyịza. 12Abụrahamị ọ rẹ vị ada Aniju nịnị nị, aza ana ahịka ẹ yị vị ụvẹvẹnẹ kẹnẹ ẹ jị, ama ệ sị ayị tụra Ohomorihi, anka Ábụrahamị ada ayị mẹẹ̄ mẹ, dị ọ hyakụ va jị ụvẹvẹnẹ.
Ẹdọwụ a sịị̄ dọ ịsị Ohomorihi ọ̀ọ kà a ka ọnị vaa mẹ nị
13 #
Oyn 17.4-6; 22.17,18; Iga 3.29 Ohomorihi ộ zẹẹ Abụrahamị ịzẹzẹ ka Abụrahamị ọnịrị ezi anị ẹ vaa nyị avaba ẹhẹ nị. Ẹ yị vị agụvị ka Abụrahamị ộ saasa ọda Aniju, ama agụvị ka ộ sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza ọ vavọọ sị kà a yọ nị. 14#Iga 3.18Àa yaanị vị ọza anaā saasa ọda, Óhomorihi wo oto ka ẹ vaa nyị ẹhẹ nị, ịrẹyị aza ana sị ayị tụra Ohomorihi kụkụ yaanị vị kẹnẹ-kẹnẹ. Dị ịsa oni Ohomorihi rẹẹ ịzẹzẹ anị ọnị rẹ vị ịrẹyị kẹnẹ-kẹnẹ. 15Ọda vị anaā mẹ ka Ohomorihi ọ̀ jị ịvị yị ọza; agụvị ka ẹ̀ yị nyị ọda, ẹ yị rẹ yaanị nyị ka ọza aa jịnẹ ọda. 16#Iga 3.7Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị. 17#Oyn 17.5Â vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ. 18#Oyn 15.5Abụrahamị ộ sị ayị tụra Ohomorihi, dị aa yịị tụra eyi ịsa ana ahịka àa ka ọza ọ̀ kà, ẹ yị kụkụ vọrọ ka ọ̀ọ tụra eyi anị nị. Ịzẹyịza, dị ọ vị ada anẹkụra ọrụrụ-ọrụrụ nị, anka a mẹ̀ vịdị kà a tịtẹ ka: Ezi ewu vaa rụrụ ẹtẹẹtẹrẹ. 19#Oyn 17.17Abụrahamị aa vaa gụ ịrayị ẹchẹhị, ama vị ọ yị nyayịnẹ sị ayị tụra Ohomorihi nị, ọ yị jị ọọ ịrẹka. O yi ro o ka ọnị ọ yị kụkụ zụ ma ozi, ọnịrị ka Isera ose anị ọ sị kụ̀rà ozi. 20Ọ yị mẹ ayị ẹẹva, dị ọ̀ọ jị ịrẹyị Ohomorihi ịrẹka. Agụvị ka ộ sị ayị tụra Ohomorihi, ộ jẹẹ geri-geri, dị aa sị ụgaa yị Ohomorihi nị. 21Ộ yẹ ịnị ayị anị ẹtẹẹtẹrẹ ka ịsa oni Ohomorihi wo oto anị, ọ zụ mẹ̀ ẹ. 22Agụvị ka Abụrahamị ộ vavọọ sị ayị tụra Ohomorihi, dị Ohomorihi za a ịrịka tụ́ ịnị ọnịrẹyịzẹyịza nị. 23Ẹ yị vị Abụrahamị ọnịnya kẹnẹ, a chẹrẹ ẹ yị ka Ohomorihi ọ za ịrịka tụ́ ịnị ọnịrẹyịzẹyịza. 24A rẹ vavọọ chẹrẹ ẹ yị ẹyị ana sị ayị tụra Ohomorihi ka ộ za yị ịrịka tụ́ ịnị ọnịrẹyịzẹyịza. Ohomorihi ọnọọ ọ ha Ijeesu Ananyị yị hụụnị isu nị. 25#Ayị 53.4,5Ọnị ọ sị ọọ chire aza ụvọ ka ẹ̀ wụ ọọ agụvị ịvị ẹnẹ ẹyị mẹ nị. Dị Ohomorihi rẹ ha a hụụnị isu ka ọ̀ zụ jị ịhị yị nị.
Currently Selected:
Aniroomi 4: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Aniroomi 4
4
Abụrahamị ộ sị zụ̀ Ohomorihi mẹmẹẹ̄ jị ịhị yị aza
1Sị ị nyẹngụ ka booro aanị ini oze ịrẹyị Abụrahamị ana vị ohiku ayị? À vẹ ya zama ịsị Abụrahamị re daa re! 2Àa vị agụvị ịsa ana Abụrahamị mẹ̀ Óhomorihi sị jị ịhị yọ nị, ọ yaanị nyẹngụ ee wo oto. Ama ẹ yị va nyị oto ana Abụrahamị zụ wo ini eyi Ohomorihi. 3#Oyn 15.6; Iga 3.6Si Iwe Ohomorihi kà? Ọ kà, Abụrahamị ọ́ sị ayị tụra Ohomorihi, agụvị avọọ dị Ohomorihi za a ịrịka tụ́ ịnị ọnịrẹyịzẹyịza nị. 4Ọza ọ̀ọ mẹ̀ ụkọrọ dị ọ dọ utosi ụkọrọ anị. Ụta ene e sí ọọ, ẹ yị vị ẹyịza a sị mẹ̀ ẹ; ụta ana a rị ọọ e sí ọọ nị. 5Ama ọza ẹnẹ ẹ̀ yị sị ayị tụra ụkọrọ ụvọ anị, dị ọ sị ayị tụra Ohomorihi anaā jị ịhị yị aza ẹnẹ ẹ̀ yị vị ọnịrẹyịzẹyịza nị, Ohomorihi vaa za a ịrịkaa tụ ịnị ọnịrẹyịzẹyịza, agụvị ka ộ sị ayị tụra a. 6Ẹngụ ịrẹyị ọnị Idevidi vịdị aa kà ọ vị ọnọọ nị, ọ maa kà ịrẹyị ẹngụ ịrajẹ aza ẹnẹ ẹ̀ yị nyị ịsị ẹ mẹ̀ di Ohomorihi za wa ịrịka tụ́ ịnị ọnịrẹyịzẹyịza. 7#Ahẹ 32.1,2Ọ kà, Aza oni Ohomorihi raà vagu ịnị ịsa odivi ẹnẹ ẹ mẹ, dị ọ raà sị ịsa kú ịvị ẹnịnị, vaa daa jẹ. 8Aza oni Ohomorihi ọ̀ yị za ịrịka tụ́ ịnị ọnịvị vaa daa jẹ. 9Ẹngụ ịrajẹ ọnọọ, Aniju nịnị kẹnẹ ẹ́ẹ́ zụ nyị ọọ nị, à vị aza ẹnẹ ẹ̀ yị vị Aniju ẹnị ẹ rẹ zụ nyị ọọ bẹẹ? Yâ vịdị sị ọ kà ka Abụrahamị ộ sị ayị tụra Ohomorihi, agụvị avọọ di Ohomorihi za a ịrịka tụ́ ịnị ọnịrẹyịzẹyịza nị. 10Ye re ụmẹ oni Ohomorihi vavọọ sị za Abụrahamị ịrịka tụ́ ịnị ọnịrẹyịzẹyịza? Dị ọ va jị ụvẹvẹnẹ wáá yọ, à vị ọ mẹ̀ sị ụvẹvẹnẹ jị kwooze? 11#Oyn 17.10Ụvẹvẹnẹ vị apọtẹrẹwa ka Abụrahamị ộ vịdị raà sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza nị. Dị ọ va jị ụvẹvẹnẹ ọ hụrẹ sị ayị tụra Ohomorihi nị. Ini oze ọnọọ, Abụrahamị ọ raà vị ada avaba aza ana sị ayị tụra Ohomorihi ịnị ụmẹ ẹnẹ ẹ̀ yị jị ụvẹvẹnẹ, dị Ohomorihi ọ̀ zụ za ẹngụ aza ẹnẹẹ ịrịka tụ́ ịnị ọnịrẹyịzẹyịza. 12Abụrahamị ọ rẹ vị ada Aniju nịnị nị, aza ana ahịka ẹ yị vị ụvẹvẹnẹ kẹnẹ ẹ jị, ama ệ sị ayị tụra Ohomorihi, anka Ábụrahamị ada ayị mẹẹ̄ mẹ, dị ọ hyakụ va jị ụvẹvẹnẹ.
Ẹdọwụ a sịị̄ dọ ịsị Ohomorihi ọ̀ọ kà a ka ọnị vaa mẹ nị
13 #
Oyn 17.4-6; 22.17,18; Iga 3.29 Ohomorihi ộ zẹẹ Abụrahamị ịzẹzẹ ka Abụrahamị ọnịrị ezi anị ẹ vaa nyị avaba ẹhẹ nị. Ẹ yị vị agụvị ka Abụrahamị ộ saasa ọda Aniju, ama agụvị ka ộ sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza ọ vavọọ sị kà a yọ nị. 14#Iga 3.18Àa yaanị vị ọza anaā saasa ọda, Óhomorihi wo oto ka ẹ vaa nyị ẹhẹ nị, ịrẹyị aza ana sị ayị tụra Ohomorihi kụkụ yaanị vị kẹnẹ-kẹnẹ. Dị ịsa oni Ohomorihi rẹẹ ịzẹzẹ anị ọnị rẹ vị ịrẹyị kẹnẹ-kẹnẹ. 15Ọda vị anaā mẹ ka Ohomorihi ọ̀ jị ịvị yị ọza; agụvị ka ẹ̀ yị nyị ọda, ẹ yị rẹ yaanị nyị ka ọza aa jịnẹ ọda. 16#Iga 3.7Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị. 17#Oyn 17.5Â vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ. 18#Oyn 15.5Abụrahamị ộ sị ayị tụra Ohomorihi, dị aa yịị tụra eyi ịsa ana ahịka àa ka ọza ọ̀ kà, ẹ yị kụkụ vọrọ ka ọ̀ọ tụra eyi anị nị. Ịzẹyịza, dị ọ vị ada anẹkụra ọrụrụ-ọrụrụ nị, anka a mẹ̀ vịdị kà a tịtẹ ka: Ezi ewu vaa rụrụ ẹtẹẹtẹrẹ. 19#Oyn 17.17Abụrahamị aa vaa gụ ịrayị ẹchẹhị, ama vị ọ yị nyayịnẹ sị ayị tụra Ohomorihi nị, ọ yị jị ọọ ịrẹka. O yi ro o ka ọnị ọ yị kụkụ zụ ma ozi, ọnịrị ka Isera ose anị ọ sị kụ̀rà ozi. 20Ọ yị mẹ ayị ẹẹva, dị ọ̀ọ jị ịrẹyị Ohomorihi ịrẹka. Agụvị ka ộ sị ayị tụra Ohomorihi, ộ jẹẹ geri-geri, dị aa sị ụgaa yị Ohomorihi nị. 21Ộ yẹ ịnị ayị anị ẹtẹẹtẹrẹ ka ịsa oni Ohomorihi wo oto anị, ọ zụ mẹ̀ ẹ. 22Agụvị ka Abụrahamị ộ vavọọ sị ayị tụra Ohomorihi, dị Ohomorihi za a ịrịka tụ́ ịnị ọnịrẹyịzẹyịza nị. 23Ẹ yị vị Abụrahamị ọnịnya kẹnẹ, a chẹrẹ ẹ yị ka Ohomorihi ọ za ịrịka tụ́ ịnị ọnịrẹyịzẹyịza. 24A rẹ vavọọ chẹrẹ ẹ yị ẹyị ana sị ayị tụra Ohomorihi ka ộ za yị ịrịka tụ́ ịnị ọnịrẹyịzẹyịza. Ohomorihi ọnọọ ọ ha Ijeesu Ananyị yị hụụnị isu nị. 25#Ayị 53.4,5Ọnị ọ sị ọọ chire aza ụvọ ka ẹ̀ wụ ọọ agụvị ịvị ẹnẹ ẹyị mẹ nị. Dị Ohomorihi rẹ ha a hụụnị isu ka ọ̀ zụ jị ịhị yị nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.