Aniroomi 2
2
Ohomorihi vaa mẹ̀ ọkarẹyị yị avaba aza
1 #
Imt 7.1; Irk 6.37 Ẹwụ nịnị ana aa mẹ̀ ọkarẹyị yị aza, ọza tụra ọza ọnị ụ wàa vị; ẹ yị kụkụ nyị ịsị u zụ re kụ́ nịnị. Ụ màa mẹ̀ ọkarẹyị yị ọza, wẹ yị yẹ ka ẹngụ awụ ụ waa mẹ̀ ọkarẹyị yị avọọ nịị! Agụvị ka ịsa ọnyọọnya ẹwụ rị ọọ aa mẹ nị. 2Yáa yẹ ka ọkarẹyị oni Ohomorihi mẹ yị ẹngụ aza ana mẹ̀ ịsa ẹnẹẹ, ọ́ọ vọrọ. 3Ẹwụ ana aa mẹ̀ ọkarẹyị yị aza ana aa mẹ ẹngụ ịsa ẹnẹẹ, dị ẹwụ raa mẹẹ, wéé zụ roo ka Ohomorihi ọ yị vaa mẹ̀ ọkarẹyị wụ? 4Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị? 5Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza. 6#Ahẹ 62.12; Ụhị 24.12Avaba ịsị ọzọza ọ̀ọ mẹ, Ohomorihi vaa sị ọgụ anịị yọ. 7Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna. 8Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị. 9Avaba aza ana àa mẹ odivi saka-saka vaa rị ụya, di eyi ẹnịnị ee ví. Aniju nịnị o vịdị vee tù nị, di ò re ve tù aza ana vọ ẹnẹ ẹ̀ yị vị Aniju. 10Ohomorihi rẹ vaa sị igirima ọnịrị ụbanyị beri ẹngwọọrọọ yị avaba aza ana àa mẹ̀ ịsa ene zoza. Aniju nịnị o re vịdị vee tù nị, di ò re ve tù avaba aza ana vọ ẹnẹ ẹ̀ yị vị Aniju, 11#Ọda 10.17agụvị ka Ohomorihi ọ mā nyị ọza remeyi. 12Avaba aza ẹnẹ ẹ̀ yị yẹ ọda Aniju dị ẹ yaa mẹ ịvị nị, vị ene vee vu ẹtẹ; ama ayị vị ọda ọnọọ, a vaa sị mẹ̀ ọkarẹyị yị wa. Avaba aza ana rẹ yẹ ọda ọnọọ dị ẹ yaa yịị mẹ ịvị nị, vị ene re vee vu ẹtẹ; ọda ọnọọ a vaa sị mẹ̀ ọkarẹyị yị wa nị. 13Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị. 14Aza ẹnẹ ẹ̀ yị vị Aniju, ẹ yị nyị ọda ọnọọ. Ama ịjẹnyị ịnị ebira ẹnịnị, ẹyaa mẹ̀ ịsa ana yà ịnị ọda ọnọọ. Ịzẹyịza, ẹnịnị ẹ yị nyị ọda ọnọọ, ama ẹ raà sị zụ̀ ka ẹnị ẹ́ẹ yẹ ịsa ana vọrọ. 15Ebira ẹnịnị ọ́ọ sị zụ̀ ka ịsa anaa chẹrẹ tụ́ ịnị ọda ọnọọ, rẹ yà ịnị ayị ẹnịnị. Ivehu ẹnịnị ọ́ọ dọ ivenu tụ́ ọọ. Ayị ẹnịnịị̄ jị ịvịị yị wa ịjẹnyị, ịjẹnyị dị ọ rẹ kà ọda yị wa. 16Anka enube ọyịza ọnị maa kà ịhị Ohomorihi àaa zị oze ịnị ụvọ Ijeesu Ikirisiti mẹ̀ ọkarẹyị, ịsa ana aza tangwa ee ro ịnị ayị ẹnịnị, vị ọ vaa yà anka ịrẹyị ọnị mị kà aanị nị.
Ịvị ana Aniju nịnị rị
17Ẹwụ nịnịị yọ? Waa hị́ ẹngụ awụ nịnị Aniju, dị ụ kụkụ sị ayị tụra ọda nịnị, du wee wo oto ka aza Ohomorihi ụ vị nịnị nị. 18Wáa yẹ ịsị Ohomorihi sì ka waa mẹ nịnị, agụvị ka wa sị ọọ kọ ịnị ọda ịsa ana vọrọ. 19Wee wo oto nịnị ka ẹwụ nịnị aa sị oze zụ̀ aza ene è yi re ẹtẹ nị. Ụ rẹ ka ẹwụ nịnị ọ vị ẹtohweyi yị aza ene hi ịnị ịrahụ nị; 20dị ụ rẹ vị aza ana aa sị ịrẹyọyẹẹ zụ̀ ọnụra nịnị nị; dị ụ raa zụ̀ aza ẹnẹ ẹ̀ yị yẹ ịsa. Ịzẹyịza, wáa nyị ịrẹyọyẹ obooro ọnịrị ịzẹyịza nịnị, agụvị ka wáa nyị ọda ọnọọ nịnị. 21Ẹwụ ana aa zụ̀ aza ịsa, sị ẹ vẹ dị ẹwụ àa mā daba zụ̀ ẹngụ ẹwụ ịsa? Ẹwụ ana aa kà ịrẹyị Ohomorihi ka asị ọza rè yi oyi, áá vọrọ ka ẹwụ è kukuu yii yi oyi? 22Ụ ka asị ọza rẹ̀ sẹ̀ ịrẹka, áá vọrọ ka ẹwụ áá sẹ̀ ịrẹka? Ụụ̄ nyị ịhyẹrẹ ori, ama dị waa kụ́ ẹnyaa hụụnị eehi ẹnịnị. 23Wee wo oto ka wáa nyị ọda Ohomorihi, áá vọrọ ka wa jịnẹ ọda ọnọọ, dị waa kụ́ ebira ụhị vee tù Ohomorihi? 24#Ayị 52.5Áa vịdị chẹrẹẹ tụ́ ini Iwe Ohomorihi ka, “Agụvị ebira awụ nịnị Anigiriki aa sịị kà ịrẹyị odivii hi Ohomorihi nị.” 25Wàa sị eyi pe ọda Ohomorihi, ụvẹvẹnẹ ọnị ụ jị nịnị ọ́ọ nyị ọgụ. Ama wẹ̀ yị sị eyi pe ọda Ohomorihi, vụ ụ kụkụ sị mẹẹ anka ọza ẹnẹ ẹ̀ yị jị ụvẹvẹnẹ avọọ nị. 26Aza ẹnẹ ẹ̀ yị mā jị ụvẹvẹnẹ, àaa sị eyii pe ọda Ohomorihi, wéé ro ka ayị vị Ohomorihi kụkụ vaa sị eyi ọza anaā jị ụvẹvẹnẹ re e? 27Ẹwụ nịnị anaā jị ụvẹvẹnẹ, Anigiriki dị ẹ̀ yị mā rẹ jị ụvẹvẹnẹ vaa jị ịvịị wụ nịnị. A yị chẹrẹ ọda ọnọọ tịtẹ wụ nịnị, dị a rẹ jị wụ nịnị ụvẹvẹnẹ nị; ama wẹ yị mẹ̀ ịsa ọnị ọda ọnọọ kà nịnị. Aza ẹnẹẹ ẹnị ẹ mā jị ụvẹvẹnẹ, ama ẹ yaa mẹ̀ ịsa ọnị ọda Ohomorihi kà. 28Àa ka à na kà, ayị vị ozi ẹtẹ Aniju ẹ vị Aniju obooro. Me yi re ụvẹvẹnẹ ana aā jịị yị aza aanị anka ụvẹvẹnẹ obooro. 29#Ọda 30.6Aniju obooro ọ vị ọza ana vị Aniju ịnị ayị anị nị. Ọza ana jị ụvẹvẹnẹ obooro ọ vị ọza ana vara ayị anị nị. Ụhwẹ Ọnịnị ọọ̄ mẹ̀ ọsọnị nị, ayị vị ọda anaa chẹrẹ tịtẹ. Ohomorihi ọnị ụvọta aa ga ẹngụ aza ẹnẹẹ nị, ayị vị aza.
Currently Selected:
Aniroomi 2: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Aniroomi 2
2
Ohomorihi vaa mẹ̀ ọkarẹyị yị avaba aza
1 #
Imt 7.1; Irk 6.37 Ẹwụ nịnị ana aa mẹ̀ ọkarẹyị yị aza, ọza tụra ọza ọnị ụ wàa vị; ẹ yị kụkụ nyị ịsị u zụ re kụ́ nịnị. Ụ màa mẹ̀ ọkarẹyị yị ọza, wẹ yị yẹ ka ẹngụ awụ ụ waa mẹ̀ ọkarẹyị yị avọọ nịị! Agụvị ka ịsa ọnyọọnya ẹwụ rị ọọ aa mẹ nị. 2Yáa yẹ ka ọkarẹyị oni Ohomorihi mẹ yị ẹngụ aza ana mẹ̀ ịsa ẹnẹẹ, ọ́ọ vọrọ. 3Ẹwụ ana aa mẹ̀ ọkarẹyị yị aza ana aa mẹ ẹngụ ịsa ẹnẹẹ, dị ẹwụ raa mẹẹ, wéé zụ roo ka Ohomorihi ọ yị vaa mẹ̀ ọkarẹyị wụ? 4Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị? 5Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza. 6#Ahẹ 62.12; Ụhị 24.12Avaba ịsị ọzọza ọ̀ọ mẹ, Ohomorihi vaa sị ọgụ anịị yọ. 7Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna. 8Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị. 9Avaba aza ana àa mẹ odivi saka-saka vaa rị ụya, di eyi ẹnịnị ee ví. Aniju nịnị o vịdị vee tù nị, di ò re ve tù aza ana vọ ẹnẹ ẹ̀ yị vị Aniju. 10Ohomorihi rẹ vaa sị igirima ọnịrị ụbanyị beri ẹngwọọrọọ yị avaba aza ana àa mẹ̀ ịsa ene zoza. Aniju nịnị o re vịdị vee tù nị, di ò re ve tù avaba aza ana vọ ẹnẹ ẹ̀ yị vị Aniju, 11#Ọda 10.17agụvị ka Ohomorihi ọ mā nyị ọza remeyi. 12Avaba aza ẹnẹ ẹ̀ yị yẹ ọda Aniju dị ẹ yaa mẹ ịvị nị, vị ene vee vu ẹtẹ; ama ayị vị ọda ọnọọ, a vaa sị mẹ̀ ọkarẹyị yị wa. Avaba aza ana rẹ yẹ ọda ọnọọ dị ẹ yaa yịị mẹ ịvị nị, vị ene re vee vu ẹtẹ; ọda ọnọọ a vaa sị mẹ̀ ọkarẹyị yị wa nị. 13Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị. 14Aza ẹnẹ ẹ̀ yị vị Aniju, ẹ yị nyị ọda ọnọọ. Ama ịjẹnyị ịnị ebira ẹnịnị, ẹyaa mẹ̀ ịsa ana yà ịnị ọda ọnọọ. Ịzẹyịza, ẹnịnị ẹ yị nyị ọda ọnọọ, ama ẹ raà sị zụ̀ ka ẹnị ẹ́ẹ yẹ ịsa ana vọrọ. 15Ebira ẹnịnị ọ́ọ sị zụ̀ ka ịsa anaa chẹrẹ tụ́ ịnị ọda ọnọọ, rẹ yà ịnị ayị ẹnịnị. Ivehu ẹnịnị ọ́ọ dọ ivenu tụ́ ọọ. Ayị ẹnịnịị̄ jị ịvịị yị wa ịjẹnyị, ịjẹnyị dị ọ rẹ kà ọda yị wa. 16Anka enube ọyịza ọnị maa kà ịhị Ohomorihi àaa zị oze ịnị ụvọ Ijeesu Ikirisiti mẹ̀ ọkarẹyị, ịsa ana aza tangwa ee ro ịnị ayị ẹnịnị, vị ọ vaa yà anka ịrẹyị ọnị mị kà aanị nị.
Ịvị ana Aniju nịnị rị
17Ẹwụ nịnịị yọ? Waa hị́ ẹngụ awụ nịnị Aniju, dị ụ kụkụ sị ayị tụra ọda nịnị, du wee wo oto ka aza Ohomorihi ụ vị nịnị nị. 18Wáa yẹ ịsị Ohomorihi sì ka waa mẹ nịnị, agụvị ka wa sị ọọ kọ ịnị ọda ịsa ana vọrọ. 19Wee wo oto nịnị ka ẹwụ nịnị aa sị oze zụ̀ aza ene è yi re ẹtẹ nị. Ụ rẹ ka ẹwụ nịnị ọ vị ẹtohweyi yị aza ene hi ịnị ịrahụ nị; 20dị ụ rẹ vị aza ana aa sị ịrẹyọyẹẹ zụ̀ ọnụra nịnị nị; dị ụ raa zụ̀ aza ẹnẹ ẹ̀ yị yẹ ịsa. Ịzẹyịza, wáa nyị ịrẹyọyẹ obooro ọnịrị ịzẹyịza nịnị, agụvị ka wáa nyị ọda ọnọọ nịnị. 21Ẹwụ ana aa zụ̀ aza ịsa, sị ẹ vẹ dị ẹwụ àa mā daba zụ̀ ẹngụ ẹwụ ịsa? Ẹwụ ana aa kà ịrẹyị Ohomorihi ka asị ọza rè yi oyi, áá vọrọ ka ẹwụ è kukuu yii yi oyi? 22Ụ ka asị ọza rẹ̀ sẹ̀ ịrẹka, áá vọrọ ka ẹwụ áá sẹ̀ ịrẹka? Ụụ̄ nyị ịhyẹrẹ ori, ama dị waa kụ́ ẹnyaa hụụnị eehi ẹnịnị. 23Wee wo oto ka wáa nyị ọda Ohomorihi, áá vọrọ ka wa jịnẹ ọda ọnọọ, dị waa kụ́ ebira ụhị vee tù Ohomorihi? 24#Ayị 52.5Áa vịdị chẹrẹẹ tụ́ ini Iwe Ohomorihi ka, “Agụvị ebira awụ nịnị Anigiriki aa sịị kà ịrẹyị odivii hi Ohomorihi nị.” 25Wàa sị eyi pe ọda Ohomorihi, ụvẹvẹnẹ ọnị ụ jị nịnị ọ́ọ nyị ọgụ. Ama wẹ̀ yị sị eyi pe ọda Ohomorihi, vụ ụ kụkụ sị mẹẹ anka ọza ẹnẹ ẹ̀ yị jị ụvẹvẹnẹ avọọ nị. 26Aza ẹnẹ ẹ̀ yị mā jị ụvẹvẹnẹ, àaa sị eyii pe ọda Ohomorihi, wéé ro ka ayị vị Ohomorihi kụkụ vaa sị eyi ọza anaā jị ụvẹvẹnẹ re e? 27Ẹwụ nịnị anaā jị ụvẹvẹnẹ, Anigiriki dị ẹ̀ yị mā rẹ jị ụvẹvẹnẹ vaa jị ịvịị wụ nịnị. A yị chẹrẹ ọda ọnọọ tịtẹ wụ nịnị, dị a rẹ jị wụ nịnị ụvẹvẹnẹ nị; ama wẹ yị mẹ̀ ịsa ọnị ọda ọnọọ kà nịnị. Aza ẹnẹẹ ẹnị ẹ mā jị ụvẹvẹnẹ, ama ẹ yaa mẹ̀ ịsa ọnị ọda Ohomorihi kà. 28Àa ka à na kà, ayị vị ozi ẹtẹ Aniju ẹ vị Aniju obooro. Me yi re ụvẹvẹnẹ ana aā jịị yị aza aanị anka ụvẹvẹnẹ obooro. 29#Ọda 30.6Aniju obooro ọ vị ọza ana vị Aniju ịnị ayị anị nị. Ọza ana jị ụvẹvẹnẹ obooro ọ vị ọza ana vara ayị anị nị. Ụhwẹ Ọnịnị ọọ̄ mẹ̀ ọsọnị nị, ayị vị ọda anaa chẹrẹ tịtẹ. Ohomorihi ọnị ụvọta aa ga ẹngụ aza ẹnẹẹ nị, ayị vị aza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.