Ẹtore 7
7
Ohomorihi ộ mẹ̀ apọtẹrẹwa tụ́ aza anị ibe
1 #
Ijer 49.36; Ịda 7.2; Iza 6.5 Ịjị ịsa ẹnẹẹ sị mẹ kwooze, di mi re anggẹẹrị ẹẹna, ẹ mẹ̀ jẹẹ eyi ẹẹna ẹnẹ ẹhẹ kụ́ ịrẹsụ gẹ nị. Dị ẹ za ahị eyi ẹẹna ẹhẹ ka asị ẹ tụ́ ku ẹhẹ, àa vị oku, àa daka vị ọchị ọnyọọnyị. 2Me re re anggẹẹrị ọsa ana hịrẹ hụrị eyi ọnị ọyịị̄ zịị hụrẹ vẹ. Dị ọ sị ịsa oni Ohomorihi ana yára sịị̄ sị ụvọọ tụ́ ịnị ịsa rị ụvọ nị. Dị ọ nowu hị́ anggẹẹrị ẹẹna ana a sị ụkata yị ka è du ẹhẹ ọnịrị eku ha nị. 3#Ezk 9.4,6Dị ọ ka: Asị e du ẹhẹ ọnịrị oku beri ọchị nịnị ha pooro dị ẹnị ẹ̀ mẹ apọtẹrẹwa tụ́ ini ibe ezi ahụ Ohomorihi ẹnịnị. 4Â kà a mị ịrịka aza ana mẹ apọtẹrẹwa tụ́ ibe. Ẹnịnị vị ana hụrẹ ovwoovu Anisirẹrị vẹ, dị ẹ vị akawụ-akawụ oze ẹtarẹwụ tụra ẹẹva (144,000). 5Ini ovwoovu Ijuda â mẹ apọtẹrẹwa tụra aza ẹnẹ akawụ-akawụ oze ịhịnọnyị (12,000) ịrẹsụ. Ini ovwoovu Irubẹnị, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Igadi, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. 6Ini ovwoovu Aseri, a rẹ mẹ̀ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Inahwitari, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ịmanasẹ, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. 7Ini ovwoovu Isimiyọnị, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ireevi, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Iisaka, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. 8Ini ovwoovu Izeburuni, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ijosẹẹhụ, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ịbẹnjamịnị, dị a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ nị.
Ọkọnị aza ana aa hẹkẹ Ohomorihi
9Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị. 10Di e nowu tụ́ ẹba, dị ẹ ka: Ohomorihi ayị ana yaayịtẹ ịrẹsụ aga ohinọyị ọnịrị Ozi atẹmẹ ọọ̄ dọ ọza ha nị. 11Dị avaba anggẹẹrị ana jẹẹ kara aga ohinọyị ọnọọ, beri azọkụ ẹnẹẹ ọnịrị ịsa ẹẹna ẹnẹẹ ana nyị ụhwẹ aanị, tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị. 12Dị ẹ ka:
“Aamị! Ize ọnịrị igirima beri ịrẹyọyẹ
ọnịrị avọ beri ụbanyịị
avaba ụkata ọnịrị ụzụ vị Óhomorih ayị
pooro zịna-zịna! Aamị.”
13Dị ọnya ịnị azọkụ ẹnẹẹ họ̀ mị, dị ọ ka: Ẹnẹ vị ẹnẹnị ana maanị chire awuru ọvwọọvụ aanị? Ịzị ẹ hụrẹ vẹ? 14#Ịda 12.1; Imt 24.21; Ịmk 13.19Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.
15Agụvị avọọ, ẹ́nịnị va yà ọvịdị aga Ohomorihi ohinọyị,
dị ẹyaa hẹkẹ ẹ ọọdụ ọnịrị ịrahụ ini eehi anị nị.
Ọza ana yaayịtẹ ịnị aga ohinọyị ọnọọ
vaa yàa pe wa.
16 #
Ayị 49.10
Ụngwẹ ọnịrị onyi ọ mā vana kụ̀ wa pooro;
Ọyị ọ mā vana ngụra za wa pooro.
17 #
Ahẹ 23.1; Ezk 34.23;
Ahẹ 23.2; Ayị 49.10;
Ayị 25.8
Agụvị ka Ozi Atẹmẹ ana yà ọvịdị aga ohinọyị
vaa tẹsị ẹnịnị anka oseratẹmẹ.
Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà.
Ohomorihi vee nyee avaba ẹgọọ hụụnị eyi ẹnịnị.
Currently Selected:
Ẹtore 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ẹtore 7
7
Ohomorihi ộ mẹ̀ apọtẹrẹwa tụ́ aza anị ibe
1 #
Ijer 49.36; Ịda 7.2; Iza 6.5 Ịjị ịsa ẹnẹẹ sị mẹ kwooze, di mi re anggẹẹrị ẹẹna, ẹ mẹ̀ jẹẹ eyi ẹẹna ẹnẹ ẹhẹ kụ́ ịrẹsụ gẹ nị. Dị ẹ za ahị eyi ẹẹna ẹhẹ ka asị ẹ tụ́ ku ẹhẹ, àa vị oku, àa daka vị ọchị ọnyọọnyị. 2Me re re anggẹẹrị ọsa ana hịrẹ hụrị eyi ọnị ọyịị̄ zịị hụrẹ vẹ. Dị ọ sị ịsa oni Ohomorihi ana yára sịị̄ sị ụvọọ tụ́ ịnị ịsa rị ụvọ nị. Dị ọ nowu hị́ anggẹẹrị ẹẹna ana a sị ụkata yị ka è du ẹhẹ ọnịrị eku ha nị. 3#Ezk 9.4,6Dị ọ ka: Asị e du ẹhẹ ọnịrị oku beri ọchị nịnị ha pooro dị ẹnị ẹ̀ mẹ apọtẹrẹwa tụ́ ini ibe ezi ahụ Ohomorihi ẹnịnị. 4Â kà a mị ịrịka aza ana mẹ apọtẹrẹwa tụ́ ibe. Ẹnịnị vị ana hụrẹ ovwoovu Anisirẹrị vẹ, dị ẹ vị akawụ-akawụ oze ẹtarẹwụ tụra ẹẹva (144,000). 5Ini ovwoovu Ijuda â mẹ apọtẹrẹwa tụra aza ẹnẹ akawụ-akawụ oze ịhịnọnyị (12,000) ịrẹsụ. Ini ovwoovu Irubẹnị, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Igadi, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. 6Ini ovwoovu Aseri, a rẹ mẹ̀ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Inahwitari, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ịmanasẹ, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. 7Ini ovwoovu Isimiyọnị, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ireevi, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Iisaka, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. 8Ini ovwoovu Izeburuni, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ijosẹẹhụ, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ịbẹnjamịnị, dị a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ nị.
Ọkọnị aza ana aa hẹkẹ Ohomorihi
9Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị. 10Di e nowu tụ́ ẹba, dị ẹ ka: Ohomorihi ayị ana yaayịtẹ ịrẹsụ aga ohinọyị ọnịrị Ozi atẹmẹ ọọ̄ dọ ọza ha nị. 11Dị avaba anggẹẹrị ana jẹẹ kara aga ohinọyị ọnọọ, beri azọkụ ẹnẹẹ ọnịrị ịsa ẹẹna ẹnẹẹ ana nyị ụhwẹ aanị, tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị. 12Dị ẹ ka:
“Aamị! Ize ọnịrị igirima beri ịrẹyọyẹ
ọnịrị avọ beri ụbanyịị
avaba ụkata ọnịrị ụzụ vị Óhomorih ayị
pooro zịna-zịna! Aamị.”
13Dị ọnya ịnị azọkụ ẹnẹẹ họ̀ mị, dị ọ ka: Ẹnẹ vị ẹnẹnị ana maanị chire awuru ọvwọọvụ aanị? Ịzị ẹ hụrẹ vẹ? 14#Ịda 12.1; Imt 24.21; Ịmk 13.19Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.
15Agụvị avọọ, ẹ́nịnị va yà ọvịdị aga Ohomorihi ohinọyị,
dị ẹyaa hẹkẹ ẹ ọọdụ ọnịrị ịrahụ ini eehi anị nị.
Ọza ana yaayịtẹ ịnị aga ohinọyị ọnọọ
vaa yàa pe wa.
16 #
Ayị 49.10
Ụngwẹ ọnịrị onyi ọ mā vana kụ̀ wa pooro;
Ọyị ọ mā vana ngụra za wa pooro.
17 #
Ahẹ 23.1; Ezk 34.23;
Ahẹ 23.2; Ayị 49.10;
Ayị 25.8
Agụvị ka Ozi Atẹmẹ ana yà ọvịdị aga ohinọyị
vaa tẹsị ẹnịnị anka oseratẹmẹ.
Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà.
Ohomorihi vee nyee avaba ẹgọọ hụụnị eyi ẹnịnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.