Ẹtore 15
15
Anggẹẹrị ịhịmba beri ụyọrị ịhịmba
1Me re re apọtẹrẹwa ọsa ẹbẹẹba, ộ banyị dị o re hí ọza irenu nị. Â nyị Anggẹẹrị ịhịmba ana vaa sị ụyọrị ịhịmba ọdịrẹmaa rị anẹhẹ. Ohomorihi ọ̀ọ maanị raà sị ụyọrị ịhịmba ẹnẹnị rị anẹhẹ, ayị anị vee hunẹnẹ. 2Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị. 3#Kụra 15.1Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka:
Ananyị yị, Ohomorihi Ochẹtẹngụ,
ụkọrọ awụ ộ banyị, di o re hí ọza irenu nị.
Ẹwa vị ohinọyị anẹhẹ nị,
oze awụ vị ịzẹyịza, ẹ yị nyị ireche ịnị anị.
4 #
Ijer 10.7;
Ahẹ 86.9
Ananyị yị, ẹnẹ ka oni o yi vee hí angwa awụ,
dị ọnị ọ̀ ga ịrẹha awụ?
Ẹwụ ịnya kẹnẹ ẹ̀ yị nyị ẹngụ anị nị.
Avaba anẹhẹ vaa vẹ dị ẹ va và ku ẹtẹ ọvịdị awụ,
agụvị ka avaba aza ẹ sị ụkọrọ ịzẹyịza awụ re.
5 #
Kụra 38.21
Ịrẹma ọnọọ, dị mị kana eyi, di mi re ka â na Irehi Ohomorihi ẹ́bẹẹba beri ajẹngụ Ohomorihi ana yà ịnị anị hi ẹtẹ nị, ịzọọ a sị ịsa ana sị oto Ohomorihi zụ̀ tụ́ nị. 6Dị anggẹẹrị ịhịmba ẹnẹẹ jịnẹ hụụnị irehi Ohomorihi ọnọọ vẹ beri ụyọrị ịhịmba ẹnẹẹ nị. Ẹnya ọvwọọvụ sẹnẹ-sẹnẹ aanị e chire nị, dị ẹ sị ịbanụ igooru sụ́ ịrachị nị. 7Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna. 8#Kụra 40.34; 1 Ohi 8.10,11; 2 Ịtọ 5.13,14; Ayị 6.4Igirima Ohomorihi ọnịrị ụbanyị anị ộ mẹ̀ ka areyi ọ̀ vị ohihi Irehi Ohomorihi ọnọọ. Ẹ yị nyị ọza ana zụ ngụ ọọ, pooro dị ụyọrị ịhịmba ana anggẹẹrị ịhịmba ẹnẹẹ sị rị ụvọ ta.
Currently Selected:
Ẹtore 15: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ẹtore 15
15
Anggẹẹrị ịhịmba beri ụyọrị ịhịmba
1Me re re apọtẹrẹwa ọsa ẹbẹẹba, ộ banyị dị o re hí ọza irenu nị. Â nyị Anggẹẹrị ịhịmba ana vaa sị ụyọrị ịhịmba ọdịrẹmaa rị anẹhẹ. Ohomorihi ọ̀ọ maanị raà sị ụyọrị ịhịmba ẹnẹnị rị anẹhẹ, ayị anị vee hunẹnẹ. 2Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị. 3#Kụra 15.1Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka:
Ananyị yị, Ohomorihi Ochẹtẹngụ,
ụkọrọ awụ ộ banyị, di o re hí ọza irenu nị.
Ẹwa vị ohinọyị anẹhẹ nị,
oze awụ vị ịzẹyịza, ẹ yị nyị ireche ịnị anị.
4 #
Ijer 10.7;
Ahẹ 86.9
Ananyị yị, ẹnẹ ka oni o yi vee hí angwa awụ,
dị ọnị ọ̀ ga ịrẹha awụ?
Ẹwụ ịnya kẹnẹ ẹ̀ yị nyị ẹngụ anị nị.
Avaba anẹhẹ vaa vẹ dị ẹ va và ku ẹtẹ ọvịdị awụ,
agụvị ka avaba aza ẹ sị ụkọrọ ịzẹyịza awụ re.
5 #
Kụra 38.21
Ịrẹma ọnọọ, dị mị kana eyi, di mi re ka â na Irehi Ohomorihi ẹ́bẹẹba beri ajẹngụ Ohomorihi ana yà ịnị anị hi ẹtẹ nị, ịzọọ a sị ịsa ana sị oto Ohomorihi zụ̀ tụ́ nị. 6Dị anggẹẹrị ịhịmba ẹnẹẹ jịnẹ hụụnị irehi Ohomorihi ọnọọ vẹ beri ụyọrị ịhịmba ẹnẹẹ nị. Ẹnya ọvwọọvụ sẹnẹ-sẹnẹ aanị e chire nị, dị ẹ sị ịbanụ igooru sụ́ ịrachị nị. 7Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna. 8#Kụra 40.34; 1 Ohi 8.10,11; 2 Ịtọ 5.13,14; Ayị 6.4Igirima Ohomorihi ọnịrị ụbanyị anị ộ mẹ̀ ka areyi ọ̀ vị ohihi Irehi Ohomorihi ọnọọ. Ẹ yị nyị ọza ana zụ ngụ ọọ, pooro dị ụyọrị ịhịmba ana anggẹẹrị ịhịmba ẹnẹẹ sị rị ụvọ ta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.