Ẹtore 11
11
Onivenu ẹẹva oni Ohomorihi tụ́ vẹ
1 #
Ezk 40.3; Iza 2.1,2 Â sị ịkẹ ọnya aanị yị mị. Ịkẹ ọnọọ vị ana sị mẹẹ anka okutẹ avọọ. Dị a kà a mị ka: Ma kwẹẹtẹ, dị ma ngọ irehi Ohomorihi ọnịrị ụta, dị ma rẹ za aza ana aa mẹ ahẹkẹ ịzọọ ịrịka nị. 2#Irk 21.24Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42). 3Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260). 4#Iza 4.3,11-14Onivenu ẹẹva ẹnẹẹ ẹ vị ọchị orivi ẹẹva ọnịrị aha ẹẹva ana aā sị ozotupaa tụ́, ana jẹẹ ọvịdị Ohomorihi ana nyị avaba ẹhẹ nị. 5Àa nyị ọza ene sì ka ọnị ọ̀ mẹ ịrẹyị, dị ịra jịnẹ hụụnị irenu ẹnịnị vẹ, dị ọ wụ ọnịvị ẹnịnị ẹnẹẹ. Aza ene èe sì ka ẹnị ẹ̀ mẹ wa ịrẹyị, vị a vaa wụ̀ wa nị. 6#1 Ohi 17.1; Kụra 7.17-19; 1 Ịsa 4.8Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ. 7#Ịda 7.7; Ẹtẹ 13.5-7; 17.8; Ịda 7.21Ẹ̀ẹ sị ịrẹyị ẹnịnị kà ta, dị uye odivi ana jịnẹ hụụnị ọbọbọ ọnọọ vẹ, ve pe wa kụ̀ ịrẹkụ. O vee huna wa, dị ọ wụ̀ wa. 8#Ayị 1.9,10Oku ẹnịnị vaa yà ini oze ẹkụra ọbanyị, ịzị a vịdị kanyị Ananyị yị za ọchị apavahị. Ịrẹha ẹkụra ọnọọ ana ahịka vị e si juwe ịsa nị, aā hị́ Isodọmị, à vị Ijipiti nị. 9Avaba anẹkụra, aza ana aa kà ẹkụra irenyi-irenyi avaba ẹhẹ, vee re oku ẹnẹẹ mẹ ẹkụhị ẹẹta rị ẹjịjị, ama dị ẹ́ yị zẹẹ ka è ne wa. 10Dị anẹhẹ nịnị aa jẹ agụvị ọnịsẹ ẹẹva ẹnẹẹ. Dị ẹyaa mẹ inohine, dị ẹyaa kụ́ ẹyịza tụ́ụ hi ẹngụ, agụvị ka ọnịsẹ ẹẹva ệ vịdị sị ụyọrị va tù anẹhẹ. 11#Ezk 37.10Ịjị ẹkụhị ẹẹta rị ẹjịjị sị mẹ kwooze, dị Ohomorihi tụ́ ụhwẹ ana aa mẹ ka ọza ọ̀ yàra, ngụ ịnịnẹ oku ẹnẹẹ nị. Dị ẹ sị ahụ ẹnịnị kwẹẹtẹ jẹẹ nị. Angwa ô hi aza ene re e ẹtẹẹtẹrẹ. 12#2 Ohi 2.11Dị ọnịsẹ ẹnẹẹ wụ́ ọngwẹ ọbanyị ọnya aanị hụrẹ ẹbẹẹba vẹ, dị ọ kà a yị wa ka: Hịrẹ vẹ ịzẹnị nịnị! Ọnịvị ẹnịnị vị enee yii re wa, dị ẹnịnị yà ini eguhi, dị ẹ hịrẹ na ngụ ẹbẹẹba nị. 13#Ẹtẹ 6.12; 16.18Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị. 14Ụyọrị odivi ọhụva ọ sị mẹ para hu; ama re, ụyọrị odivi ọhụta aa vẹ ịsọọnị-ịsọọnị.
Ọpanyị ọhụhịmba ộ sụ́ ịrẹyị
15 #
Kụra 15.18; Ịda 2.44; 7.14,27 Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!” 16Dị azọkụ ohurẹẹna ana yaayịtẹ ọvịdị Ohomorihi tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị. 17Dị ẹ ka, Ohomorihi Ananyị yị Ochẹtẹngụ, ẹnị ệ kụ́ wụ avọ. Ẹwụ aa yà ịzọọ hụrị ụmọrụmọ dị a va yẹ ka aa mẹ ẹhẹ nị; ẹwa yị yà ịzọọ nị, ụ rẹ vanaa vaa vẹ ịnị ẹhẹ. We si nyima aa sị ụkata ọbanyị awụụ zụ̀, we reè nyima aa mẹ ịjọva. 18#Ahẹ 2.5; 110.5; Ahẹ 115.13Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ. 19#Ẹtẹ 8.5; 16.18; Ẹtẹ 16.21Â na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.
Currently Selected:
Ẹtore 11: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ẹtore 11
11
Onivenu ẹẹva oni Ohomorihi tụ́ vẹ
1 #
Ezk 40.3; Iza 2.1,2 Â sị ịkẹ ọnya aanị yị mị. Ịkẹ ọnọọ vị ana sị mẹẹ anka okutẹ avọọ. Dị a kà a mị ka: Ma kwẹẹtẹ, dị ma ngọ irehi Ohomorihi ọnịrị ụta, dị ma rẹ za aza ana aa mẹ ahẹkẹ ịzọọ ịrịka nị. 2#Irk 21.24Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42). 3Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260). 4#Iza 4.3,11-14Onivenu ẹẹva ẹnẹẹ ẹ vị ọchị orivi ẹẹva ọnịrị aha ẹẹva ana aā sị ozotupaa tụ́, ana jẹẹ ọvịdị Ohomorihi ana nyị avaba ẹhẹ nị. 5Àa nyị ọza ene sì ka ọnị ọ̀ mẹ ịrẹyị, dị ịra jịnẹ hụụnị irenu ẹnịnị vẹ, dị ọ wụ ọnịvị ẹnịnị ẹnẹẹ. Aza ene èe sì ka ẹnị ẹ̀ mẹ wa ịrẹyị, vị a vaa wụ̀ wa nị. 6#1 Ohi 17.1; Kụra 7.17-19; 1 Ịsa 4.8Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ. 7#Ịda 7.7; Ẹtẹ 13.5-7; 17.8; Ịda 7.21Ẹ̀ẹ sị ịrẹyị ẹnịnị kà ta, dị uye odivi ana jịnẹ hụụnị ọbọbọ ọnọọ vẹ, ve pe wa kụ̀ ịrẹkụ. O vee huna wa, dị ọ wụ̀ wa. 8#Ayị 1.9,10Oku ẹnịnị vaa yà ini oze ẹkụra ọbanyị, ịzị a vịdị kanyị Ananyị yị za ọchị apavahị. Ịrẹha ẹkụra ọnọọ ana ahịka vị e si juwe ịsa nị, aā hị́ Isodọmị, à vị Ijipiti nị. 9Avaba anẹkụra, aza ana aa kà ẹkụra irenyi-irenyi avaba ẹhẹ, vee re oku ẹnẹẹ mẹ ẹkụhị ẹẹta rị ẹjịjị, ama dị ẹ́ yị zẹẹ ka è ne wa. 10Dị anẹhẹ nịnị aa jẹ agụvị ọnịsẹ ẹẹva ẹnẹẹ. Dị ẹyaa mẹ inohine, dị ẹyaa kụ́ ẹyịza tụ́ụ hi ẹngụ, agụvị ka ọnịsẹ ẹẹva ệ vịdị sị ụyọrị va tù anẹhẹ. 11#Ezk 37.10Ịjị ẹkụhị ẹẹta rị ẹjịjị sị mẹ kwooze, dị Ohomorihi tụ́ ụhwẹ ana aa mẹ ka ọza ọ̀ yàra, ngụ ịnịnẹ oku ẹnẹẹ nị. Dị ẹ sị ahụ ẹnịnị kwẹẹtẹ jẹẹ nị. Angwa ô hi aza ene re e ẹtẹẹtẹrẹ. 12#2 Ohi 2.11Dị ọnịsẹ ẹnẹẹ wụ́ ọngwẹ ọbanyị ọnya aanị hụrẹ ẹbẹẹba vẹ, dị ọ kà a yị wa ka: Hịrẹ vẹ ịzẹnị nịnị! Ọnịvị ẹnịnị vị enee yii re wa, dị ẹnịnị yà ini eguhi, dị ẹ hịrẹ na ngụ ẹbẹẹba nị. 13#Ẹtẹ 6.12; 16.18Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị. 14Ụyọrị odivi ọhụva ọ sị mẹ para hu; ama re, ụyọrị odivi ọhụta aa vẹ ịsọọnị-ịsọọnị.
Ọpanyị ọhụhịmba ộ sụ́ ịrẹyị
15 #
Kụra 15.18; Ịda 2.44; 7.14,27 Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!” 16Dị azọkụ ohurẹẹna ana yaayịtẹ ọvịdị Ohomorihi tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị. 17Dị ẹ ka, Ohomorihi Ananyị yị Ochẹtẹngụ, ẹnị ệ kụ́ wụ avọ. Ẹwụ aa yà ịzọọ hụrị ụmọrụmọ dị a va yẹ ka aa mẹ ẹhẹ nị; ẹwa yị yà ịzọọ nị, ụ rẹ vanaa vaa vẹ ịnị ẹhẹ. We si nyima aa sị ụkata ọbanyị awụụ zụ̀, we reè nyima aa mẹ ịjọva. 18#Ahẹ 2.5; 110.5; Ahẹ 115.13Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ. 19#Ẹtẹ 8.5; 16.18; Ẹtẹ 16.21Â na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.