Ahẹ Ụgama 98
98
Ohomorihi ọ vị ohinọyị anẹhẹ nị
(Ahẹ)
1Waā jị ahẹ ọwọọwa gono Ẹnẹyịmavara nịnị, agụvị ka ịsa ọnị ọ mẹ ộ banyị.
Ọ raà sị ụkata ẹngụ anị nyị ehuna.
2Ẹnẹyịmavara ọ raà sị zụ̀ ka ọnị ọ nyị ehuna nị,
dị ọ rẹ sị zụ̀ anẹhẹ ka ịsa ana vọrọ ọnịị̄ mẹ nị.
3Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị.
Avaba anẹhẹ ẹ si o re ka Ohomorihi ọ nyị ehuna nị.
4Avaba ẹwụ nịnị anẹhẹ, weē nowu ịrajẹẹ kụ́ Ẹnẹyịmavara nịnị,
waa sị ịrajẹẹ hú ịsa, dị waa jị ahẹ, dị waa mẹrị nịnị.
5Sị àgidibò irenyi-irenyi di wee hú ọ, dị wa sịị jị ahẹẹ gono Ẹnẹyịmavara nịnị.
6Si ịkakanchị ọnịrị ọpanyị ịdẹba, dị waa sị ịrajẹ hú ọ hị́ Ẹnẹyịmavara ana vị ohinọyị.
7Òkū ọnịrị avaba ịsị e hi ịnị anị ẹ̀ẹ sị ịrajẹẹ nowu,
dị avaba ẹhẹ ọnịrị aza ene hí ịnị anị ẹnị ẹ̀ rẹ vavọọ jẹ
8Okuha nịnị ẹ̀ẹ kụ̀rà ụvọ, dị ataba nịnị è duduu jị ahẹ dị ẹẹ jẹ.
9Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ.
Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.
Currently Selected:
Ahẹ Ụgama 98: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 98
98
Ohomorihi ọ vị ohinọyị anẹhẹ nị
(Ahẹ)
1Waā jị ahẹ ọwọọwa gono Ẹnẹyịmavara nịnị, agụvị ka ịsa ọnị ọ mẹ ộ banyị.
Ọ raà sị ụkata ẹngụ anị nyị ehuna.
2Ẹnẹyịmavara ọ raà sị zụ̀ ka ọnị ọ nyị ehuna nị,
dị ọ rẹ sị zụ̀ anẹhẹ ka ịsa ana vọrọ ọnịị̄ mẹ nị.
3Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị.
Avaba anẹhẹ ẹ si o re ka Ohomorihi ọ nyị ehuna nị.
4Avaba ẹwụ nịnị anẹhẹ, weē nowu ịrajẹẹ kụ́ Ẹnẹyịmavara nịnị,
waa sị ịrajẹẹ hú ịsa, dị waa jị ahẹ, dị waa mẹrị nịnị.
5Sị àgidibò irenyi-irenyi di wee hú ọ, dị wa sịị jị ahẹẹ gono Ẹnẹyịmavara nịnị.
6Si ịkakanchị ọnịrị ọpanyị ịdẹba, dị waa sị ịrajẹ hú ọ hị́ Ẹnẹyịmavara ana vị ohinọyị.
7Òkū ọnịrị avaba ịsị e hi ịnị anị ẹ̀ẹ sị ịrajẹẹ nowu,
dị avaba ẹhẹ ọnịrị aza ene hí ịnị anị ẹnị ẹ̀ rẹ vavọọ jẹ
8Okuha nịnị ẹ̀ẹ kụ̀rà ụvọ, dị ataba nịnị è duduu jị ahẹ dị ẹẹ jẹ.
9Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ.
Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.
Ebira First Bible © Bible Society of Nigeria, 2014.