Ahẹ Ụgama 91
91
Ịda Ohomorihi ị tẹ tụ́ nị
1Ọza ana aa sị ẹngụ anị na tẹ̀ ịda Ohomorihi ana nẹba hu keekere
ẹnị Ananyị yị vaa jị òkúu kú, dị ẹ yaa tụ́ ụhwọ nị.
2Ẹnị ẹẹ̄ kà a ka Ẹnẹyịmavara, ịda awụ mị tẹ dị à yị nyị ịsị ẹ zụ mẹ mị nị.
Ohomorihi amị, mị vaa sị ayị tụra wụ
3Ohomorihi ọ yị vaa zẹẹ ka aza ene ee bè wu ẹ̀ zụ za wụ.
Ọ yị rẹ va zẹẹ ka ụkụ edivi anaā wụ̀ ọza ọ̀ kanyị wụ.
4Ohomorihi vị ana vaa sị avaka anịị kụ́ wu, ẹ yị nyị ịsị ẹ zụ va mẹ wụ ịzọọ.
Ịzẹyịza Ohomorihi vee sere wu dị aa dọ wụ ụ tụ́.
5We yi vee hí angwa ịsa edivi ana aa zị ịrahụ ọnịrị ịsa asigiri anaā mẹ ọọdụ.
6We yi re ve hí angwa ụkụ anaā ngụụ tụ̀ ọza ịrahụ ọnịrị ụkụ edivi anaā wụ̀ azaa ha ụmẹ ọọdụ.
7Wa nyẹngụ ee re aza otomiroku mèe su vaa hi ẹtẹ eyi ụvọ ọnyị ọsa,
ama ẹ yị nyị ịsị aa kanyị ẹwụ.
8Ẹwụ vị ana vaa sị eyii re e kẹnẹ ịjị aza edivi àaa rị ụya.
9Wa raà na tẹ̀ ịda Ohomorihi ọgọdọgọdọ ọnị ụvọ ọza è yi mè tù
mị ka ịda ọnị Ẹnẹyịmavara ẹnẹ ẹ̀ yị zẹẹ ka à nyị ịsị ẹ kanyị mị ụ na tẹ̀ nị,
10agụvị avọọ ẹ yị nyị ịsa odivi ene vee tù wụ,
mị ka ẹ yị nyị ịrẹyị odivi ana vaa gụrị ịzị ụ yà.
11 #
Imt 4.6; Irk 4.10 Ohomorihi vaa hụ ụvị awụ kà a yị anggẹẹrị anị, di e yee sere wu aha tụra aha ọnị wàa nọ.
12 #
Imt 4.6; Irk 4.11 Ẹnịnị vị ana vaa sị wụụ rị ụvọ agụvị asị ụ na tụ́ ahụ hi ịrẹta.
13 #
Irk 10.19
Ụ maanị vaa kụ́ ahụ hi iku irenyi-irenyi ọnịrị ẹwụ edivi irenyi-irenyi, dị waa na haara kẹnẹ.
14Ẹnẹyịmavara kà ọnị vee sere wụ dị ọnị aa dọ wụụ tụ́
agụvị ka wê sì ịrẹyị anị, dị ụ rẹ yẹ ka ọnị ọ vị Ohomorihi nị.
15Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi.
Ọ kà èe hi ịnị ẹngụkata ọnị ọ yị vaa hụrẹ wa ụvọ,
ama ọnị vaa dọ waa tụ́, dị ọnị sị ụbanyị yị wa.
16Ọ rẹ ka ọnị vaa sị ụhwẹ ọgọdọọ yị wa, dị ọnị dọ wa tụ́.
Currently Selected:
Ahẹ Ụgama 91: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 91
91
Ịda Ohomorihi ị tẹ tụ́ nị
1Ọza ana aa sị ẹngụ anị na tẹ̀ ịda Ohomorihi ana nẹba hu keekere
ẹnị Ananyị yị vaa jị òkúu kú, dị ẹ yaa tụ́ ụhwọ nị.
2Ẹnị ẹẹ̄ kà a ka Ẹnẹyịmavara, ịda awụ mị tẹ dị à yị nyị ịsị ẹ zụ mẹ mị nị.
Ohomorihi amị, mị vaa sị ayị tụra wụ
3Ohomorihi ọ yị vaa zẹẹ ka aza ene ee bè wu ẹ̀ zụ za wụ.
Ọ yị rẹ va zẹẹ ka ụkụ edivi anaā wụ̀ ọza ọ̀ kanyị wụ.
4Ohomorihi vị ana vaa sị avaka anịị kụ́ wu, ẹ yị nyị ịsị ẹ zụ va mẹ wụ ịzọọ.
Ịzẹyịza Ohomorihi vee sere wu dị aa dọ wụ ụ tụ́.
5We yi vee hí angwa ịsa edivi ana aa zị ịrahụ ọnịrị ịsa asigiri anaā mẹ ọọdụ.
6We yi re ve hí angwa ụkụ anaā ngụụ tụ̀ ọza ịrahụ ọnịrị ụkụ edivi anaā wụ̀ azaa ha ụmẹ ọọdụ.
7Wa nyẹngụ ee re aza otomiroku mèe su vaa hi ẹtẹ eyi ụvọ ọnyị ọsa,
ama ẹ yị nyị ịsị aa kanyị ẹwụ.
8Ẹwụ vị ana vaa sị eyii re e kẹnẹ ịjị aza edivi àaa rị ụya.
9Wa raà na tẹ̀ ịda Ohomorihi ọgọdọgọdọ ọnị ụvọ ọza è yi mè tù
mị ka ịda ọnị Ẹnẹyịmavara ẹnẹ ẹ̀ yị zẹẹ ka à nyị ịsị ẹ kanyị mị ụ na tẹ̀ nị,
10agụvị avọọ ẹ yị nyị ịsa odivi ene vee tù wụ,
mị ka ẹ yị nyị ịrẹyị odivi ana vaa gụrị ịzị ụ yà.
11 #
Imt 4.6; Irk 4.10 Ohomorihi vaa hụ ụvị awụ kà a yị anggẹẹrị anị, di e yee sere wu aha tụra aha ọnị wàa nọ.
12 #
Imt 4.6; Irk 4.11 Ẹnịnị vị ana vaa sị wụụ rị ụvọ agụvị asị ụ na tụ́ ahụ hi ịrẹta.
13 #
Irk 10.19
Ụ maanị vaa kụ́ ahụ hi iku irenyi-irenyi ọnịrị ẹwụ edivi irenyi-irenyi, dị waa na haara kẹnẹ.
14Ẹnẹyịmavara kà ọnị vee sere wụ dị ọnị aa dọ wụụ tụ́
agụvị ka wê sì ịrẹyị anị, dị ụ rẹ yẹ ka ọnị ọ vị Ohomorihi nị.
15Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi.
Ọ kà èe hi ịnị ẹngụkata ọnị ọ yị vaa hụrẹ wa ụvọ,
ama ọnị vaa dọ waa tụ́, dị ọnị sị ụbanyị yị wa.
16Ọ rẹ ka ọnị vaa sị ụhwẹ ọgọdọọ yị wa, dị ọnị dọ wa tụ́.
Ebira First Bible © Bible Society of Nigeria, 2014.