Ahẹ Ụgama 85
85
Ohomorihi sị ẹngwọọrọ vavẹ va yị
(Ahẹ ezi Ikora ana yà ini ụvọ ọjahẹ)
1Ẹnẹyịmavara, wâ vayị aza ene hi ịnị ẹtẹ ọnọnị.
Wa raà mẹ ka ẹngụ Anisirẹrị ẹ̀ rẹ varẹma hunẹnẹ.
2Wa raà vagu aza awụ ini ebira odivi ẹnị ẹ mẹ,
wa raà si eyi hụụnị avaba ịvị ẹnị ẹ rị.
3Wa rẹ raà và hụụnị ayị ana vịdị nyayịnẹ aa kụ́ wụ.
4Ohomorihi ana vị ọdọzaha ayị, navọ wa sị ẹngwọọrọ varẹma va yị,
dị asị ụ kụkụ kụ́ ayị hi yị.
5Aanị ụ wáá mẹ kụkụ vị vaa kụ́ ayịị hi yi pooro zịna-zịna nị?
6Navọ de, wa sị ẹngwọọrọ vavẹ va yị dị ẹyị aza awụ ọ̀ zụụ jẹ agụvị ịsị ụ mẹ yị.
7Ẹnẹyịmavara, navọ wa vayị ayị anka ụ mẹẹ̄ yịị vayị ọza, dị wa dọ yị há.
8Maa jẹẹ dị ma wụ́ ịsị Ẹnẹyịmavara vị Ohomorihi vaa kà.
Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị.
Ama asị aza anị ẹnẹẹ kụkụ na mẹ ụra.
9Mâ yẹ kaakara ka Ohomorihi vaa dọ aza ene hí angwa anịị tụ́,
dị ẹ̀ yẹ ịnị ẹtẹ ayị ka Ohomorihi yà pè ẹnị.
10Aza vaa nyị ayị ọnya, di e yee sì ịrẹyị ẹngụ,
dị ẹ rẹ yaa mẹ̀ ebira ana vọrọ ini eyi Ohomorihi, dị ẹngụ ẹnịnị rọ.
11Anẹhẹ vaa sị ayị ọnyaa nọ ịda Ohomorihi,
dị Ohomorihi ọnị raa mẹ̀ ịsa ana vọrọọ yị wa.
12Mâ yẹ kaakara ka Ẹnẹyịmavara vaa mẹ̀ ịsa ene zoza, dị ẹtẹ ayị vaa mẹ̀ ịsa.
13Ẹnẹyịmavara vị ana vaa mẹ̀ ịsa ana vọrọ,
oze ịzẹyịza ọ vaa vàa tụra nị.
Currently Selected:
Ahẹ Ụgama 85: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 85
85
Ohomorihi sị ẹngwọọrọ vavẹ va yị
(Ahẹ ezi Ikora ana yà ini ụvọ ọjahẹ)
1Ẹnẹyịmavara, wâ vayị aza ene hi ịnị ẹtẹ ọnọnị.
Wa raà mẹ ka ẹngụ Anisirẹrị ẹ̀ rẹ varẹma hunẹnẹ.
2Wa raà vagu aza awụ ini ebira odivi ẹnị ẹ mẹ,
wa raà si eyi hụụnị avaba ịvị ẹnị ẹ rị.
3Wa rẹ raà và hụụnị ayị ana vịdị nyayịnẹ aa kụ́ wụ.
4Ohomorihi ana vị ọdọzaha ayị, navọ wa sị ẹngwọọrọ varẹma va yị,
dị asị ụ kụkụ kụ́ ayị hi yị.
5Aanị ụ wáá mẹ kụkụ vị vaa kụ́ ayịị hi yi pooro zịna-zịna nị?
6Navọ de, wa sị ẹngwọọrọ vavẹ va yị dị ẹyị aza awụ ọ̀ zụụ jẹ agụvị ịsị ụ mẹ yị.
7Ẹnẹyịmavara, navọ wa vayị ayị anka ụ mẹẹ̄ yịị vayị ọza, dị wa dọ yị há.
8Maa jẹẹ dị ma wụ́ ịsị Ẹnẹyịmavara vị Ohomorihi vaa kà.
Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị.
Ama asị aza anị ẹnẹẹ kụkụ na mẹ ụra.
9Mâ yẹ kaakara ka Ohomorihi vaa dọ aza ene hí angwa anịị tụ́,
dị ẹ̀ yẹ ịnị ẹtẹ ayị ka Ohomorihi yà pè ẹnị.
10Aza vaa nyị ayị ọnya, di e yee sì ịrẹyị ẹngụ,
dị ẹ rẹ yaa mẹ̀ ebira ana vọrọ ini eyi Ohomorihi, dị ẹngụ ẹnịnị rọ.
11Anẹhẹ vaa sị ayị ọnyaa nọ ịda Ohomorihi,
dị Ohomorihi ọnị raa mẹ̀ ịsa ana vọrọọ yị wa.
12Mâ yẹ kaakara ka Ẹnẹyịmavara vaa mẹ̀ ịsa ene zoza, dị ẹtẹ ayị vaa mẹ̀ ịsa.
13Ẹnẹyịmavara vị ana vaa mẹ̀ ịsa ana vọrọ,
oze ịzẹyịza ọ vaa vàa tụra nị.
Ebira First Bible © Bible Society of Nigeria, 2014.