Ahẹ Ụgama 83
83
Ohomorihi, navọ me hụ ọnịvị Anisirẹrị ẹtẹ
(Ahẹ Asahwi).
1Ohomorihi, navọ kwogwo asị u ku oku irenu
navọ asị u maanị re ẹtẹ kẹnẹ.
Navọ asị ụ kà ka we yi tụ́ ohi.
2Wéē re ka ọnịvị awụ ọ kụ́ kwẹẹtẹ,
ẹ ka ẹwụrị ẹnị ệ kụ́ eyi gẹrị ẹngụ.
3Ẹ yaa sị ọbọ gẹ eyi aza awụ,
e yee be aza ọnị ụ sì ịrẹyị anị.
4Ẹ ka à vẹ dị ẹnị ẹ̀ wụ̀ wa va ha,
di asị a kụkụ tamayị ka Anisirẹrị ẹnị rẹ yà ịnị anẹkụra ene hi ẹhẹ.
5Ẹnịnị ẹ sị vabẹ, ẹ yaa gẹ eyi awụ.
6Ẹnịnị ana aa gẹ eyi awụ yị Anedomi, Anisimẹrị ene hi Imowabi ọnịrị Anihaga.
7Anigebari, Anamọnị ọnịrị Anamarẹkị yà ịnị ẹnịnị.
Ẹnị ana vọ ẹ vị Anihwirisiti ya, ne beri anẹkụra Ịtaya.
8Anasiriya vị ana rẹ na vaka wa bẹẹ, ka ọnị sị ezi Ịrọọtị ẹnẹẹ nyị ụkata.
9 #
Ọdọ 7.1-23;
Ọdọ 4.6-22
Ohomorihi, wâ tama ayị ịsị ụ mẹ Animidiya ọnịrị Isisera
ne beri Ijabini ini okuha Ikisoni
Navọ ahịka avọọ ụ mẹ̀ mẹ wa nị.
10Wâ yẹ ka aza ẹnẹẹ vi ene vú ẹtẹ tụ́ ịzị aā hị́ Ẹndọ ịnị ụmẹ ọnọọ,
dị ẹ vara itutu tụ́ ini eteesu ịzọọ nị.
11 #
Ọdọ 7.25;
Ọdọ 8.12
Navọ ahịka ịsị e tù Orebi ọnịrị Izeebi ne beri Ịzẹba ọnịrị Izarimuna
o tù ọdọvịdị aza ẹnẹẹ nị
12aza ẹnẹẹ ana ka ẹnị va naa sị ẹtẹ Ohomorihi dị ẹnị ẹ̀ kụkụ sị mẹ ẹ́nịnị.
13Ohomorihi, navọ wa tụ́ wa ahị há anka ahị mẹ̀ẹ kụ́ edudu ọnịrị azịzẹ avọọ.
14Rị wa ịra anka ịra mẹ̀ẹ rị iruku àa vị ataba avọọ.
15Sị apaana ihinẹba dụ wa, dị wa tụ́ opomi kú wa dị angwa ò hí wa.
16Ẹnẹyịmavara navọ wa mẹ̀ ụhị nyị wa agụvị dị aza ẹ̀ yẹ ka ẹwa nyị ụkata nị.
17Navọ ụhị ọ vaa nyị wa pooro, dị angwa òo hí wa.
Navọ dị ahịka ịnị ụtẹ ẹ́ẹnịnị ta tụ́ nị.
18Navọ ẹ̀ va yẹ ka ẹwụ ọnị ịrẹha anị rị Ẹnẹyịmavara,
ẹwụ ịnya kẹnẹ ọ vị Ohomorihi ene hu keekere ana nyị avaba ẹhẹ nị.
Currently Selected:
Ahẹ Ụgama 83: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 83
83
Ohomorihi, navọ me hụ ọnịvị Anisirẹrị ẹtẹ
(Ahẹ Asahwi).
1Ohomorihi, navọ kwogwo asị u ku oku irenu
navọ asị u maanị re ẹtẹ kẹnẹ.
Navọ asị ụ kà ka we yi tụ́ ohi.
2Wéē re ka ọnịvị awụ ọ kụ́ kwẹẹtẹ,
ẹ ka ẹwụrị ẹnị ệ kụ́ eyi gẹrị ẹngụ.
3Ẹ yaa sị ọbọ gẹ eyi aza awụ,
e yee be aza ọnị ụ sì ịrẹyị anị.
4Ẹ ka à vẹ dị ẹnị ẹ̀ wụ̀ wa va ha,
di asị a kụkụ tamayị ka Anisirẹrị ẹnị rẹ yà ịnị anẹkụra ene hi ẹhẹ.
5Ẹnịnị ẹ sị vabẹ, ẹ yaa gẹ eyi awụ.
6Ẹnịnị ana aa gẹ eyi awụ yị Anedomi, Anisimẹrị ene hi Imowabi ọnịrị Anihaga.
7Anigebari, Anamọnị ọnịrị Anamarẹkị yà ịnị ẹnịnị.
Ẹnị ana vọ ẹ vị Anihwirisiti ya, ne beri anẹkụra Ịtaya.
8Anasiriya vị ana rẹ na vaka wa bẹẹ, ka ọnị sị ezi Ịrọọtị ẹnẹẹ nyị ụkata.
9 #
Ọdọ 7.1-23;
Ọdọ 4.6-22
Ohomorihi, wâ tama ayị ịsị ụ mẹ Animidiya ọnịrị Isisera
ne beri Ijabini ini okuha Ikisoni
Navọ ahịka avọọ ụ mẹ̀ mẹ wa nị.
10Wâ yẹ ka aza ẹnẹẹ vi ene vú ẹtẹ tụ́ ịzị aā hị́ Ẹndọ ịnị ụmẹ ọnọọ,
dị ẹ vara itutu tụ́ ini eteesu ịzọọ nị.
11 #
Ọdọ 7.25;
Ọdọ 8.12
Navọ ahịka ịsị e tù Orebi ọnịrị Izeebi ne beri Ịzẹba ọnịrị Izarimuna
o tù ọdọvịdị aza ẹnẹẹ nị
12aza ẹnẹẹ ana ka ẹnị va naa sị ẹtẹ Ohomorihi dị ẹnị ẹ̀ kụkụ sị mẹ ẹ́nịnị.
13Ohomorihi, navọ wa tụ́ wa ahị há anka ahị mẹ̀ẹ kụ́ edudu ọnịrị azịzẹ avọọ.
14Rị wa ịra anka ịra mẹ̀ẹ rị iruku àa vị ataba avọọ.
15Sị apaana ihinẹba dụ wa, dị wa tụ́ opomi kú wa dị angwa ò hí wa.
16Ẹnẹyịmavara navọ wa mẹ̀ ụhị nyị wa agụvị dị aza ẹ̀ yẹ ka ẹwa nyị ụkata nị.
17Navọ ụhị ọ vaa nyị wa pooro, dị angwa òo hí wa.
Navọ dị ahịka ịnị ụtẹ ẹ́ẹnịnị ta tụ́ nị.
18Navọ ẹ̀ va yẹ ka ẹwụ ọnị ịrẹha anị rị Ẹnẹyịmavara,
ẹwụ ịnya kẹnẹ ọ vị Ohomorihi ene hu keekere ana nyị avaba ẹhẹ nị.
Ebira First Bible © Bible Society of Nigeria, 2014.