Ahẹ Ụgama 81
81
Ahẹ ana a jị ịnị ụmẹ eche
(Ahẹ Asahwi ana yà ịnị ụvọ ọjahẹ, Ahẹ Anigati).
1Waā sị ịnẹ ohinee jị ahẹ gono Ohomorihi ka ọnị aa sị ụkataa yị nị.
Mị ka wa jị ahẹ boro-boro gono Ohomorihi oni Ijekọvụ hẹkẹ.
2Weē hú ịsa nịnị, dị ọkangga irenyi-irenyi ọ̀ọ sụ́,
di weē hú agidibò irenyi-irenyi ene hine nịnị.
3 #
Ịrị 10.10
Sị ọpanyị ịdẹba di wee hú ọ nịnị ịnị eche ụhwẹ ọwọọwa
ọnịrị ini eche ana aā rị ụhwẹ ọ̀ọ sị hụrẹ.
4Ohomorihi oni Ijekọvụ hẹkẹ ọ mẹ ọda ọnọnị yị Anisirẹrị nị.
Ọnị ọ kà a ka à vavọọ mẹ̀ ẹ pooro nị.
5Ịrẹyị ọnọnị vị oni Ohomorihi jị ido anị yị Anisirẹrị ẹ́nịnị mẹ̀ na dụ Anijipiti.
Yaa wụ́ ka ẹnịnị aa kà ẹkụra ọnị yẹ̀ yị yẹ.
6Ohomorihi ka oni o reè chi ẹnya ụya hụrẹ wụ nịnị ịza,
dị ọnị mẹ ka asị a rẹ kụkụ za wụ nịnị chema uji zị nị.
7 #
Kụra 17.7; Ịrị 20.13 Ohomorihi ka ụ maà rị ụya, di u nowu va za ọnịnị nị, ọnị ộ ba wụ nịnị owu.
Ọ kà ọnị yà ịzị opomi yà aa tụ́, dị ọnị tụ́ wụ nịnị ohi nị.
Ọ rẹ ka ọnị ộ zama wụ nịnị re ini okuha Imeriba.
8Ohomorihi rẹ ka Ẹwụ nịnị Anisirẹrị, batọ nịnị.
Wàa sị ụtọ pè ịrẹyị amị nịnị, mị vaa kà wụ nịnị ọ̀nọ̀.
9 #
Kụra 20.2,3; Ọda 5.6,7 Asị a na nyị ori ọnyị-ọnyị ọnị ụ dọ pè ẹngụ nịnị o!
wẹ yị nyayịnẹ ne kú ẹtẹ kụ́ ori ọnyị-ọnyị.
10Ohomorihi rẹ ka ọnị ọ vị Ẹnẹyịmavara ana vị Ohomorihi awụ nịnị nị.
Ọ kà ọnị ọ sị wụ nịnị hụrẹ Ijipiti vẹ nị.
Ọ rẹ ka wa há irenu nịnị kẹnẹ, ka ọnị vaa sị ịsa awụ nịnị.
11Di Ohomorihi rẹ ka Ama aza amị ẹ yị zẹẹ ka ẹnị ẹ̀ wụ́ ịrẹyị amị,
ẹnịnị ẹ yị zẹẹ ka ẹnị ẹ̀ dọ mị tụ́ ịzọọ.
12Avọọ dị mị hụrẹ wa ụvọ ka ebira odivi ẹnị ẹ̀ẹ ka ẹnị aa mẹ, ẹ̀ẹ mẹ̀ ẹ nị.
13Àa vị ka Anisirẹrị aza amị yaanị zẹẹ ka ẹnị ẹ̀ wụ́ ịrẹyị amị,
14o sị ku ọnị mị yaanị hú ọnịvị ẹnịnị ẹtẹ yị wa.
Avaba ọnịvị ẹnịnị yaanị kụ́ hyẹdụ da.
15Ohomorihi rẹ ka aza ana ka ẹnị e yi sì ịrẹyị ọnị Ẹnẹyịmavara,
vị ana maanị vaa sị eyi kwọrọ ẹtẹ ọvịdị anị ángwa òó mèe hi wa.
Ọ kà vị ẹnịnị vaa rị ụya pooro zịna-zịna nị.
16Ohomorihi ka ama ọnị vaa sị ịsọyịrị ene zoza hu anaaa hị́ ihwiti dị ọnị sị yị ẹwụ.
Dị ahịka ẹhụ ịnị akakana ịda ọnị sị wụ ka wa rị ọ nị.
Currently Selected:
Ahẹ Ụgama 81: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 81
81
Ahẹ ana a jị ịnị ụmẹ eche
(Ahẹ Asahwi ana yà ịnị ụvọ ọjahẹ, Ahẹ Anigati).
1Waā sị ịnẹ ohinee jị ahẹ gono Ohomorihi ka ọnị aa sị ụkataa yị nị.
Mị ka wa jị ahẹ boro-boro gono Ohomorihi oni Ijekọvụ hẹkẹ.
2Weē hú ịsa nịnị, dị ọkangga irenyi-irenyi ọ̀ọ sụ́,
di weē hú agidibò irenyi-irenyi ene hine nịnị.
3 #
Ịrị 10.10
Sị ọpanyị ịdẹba di wee hú ọ nịnị ịnị eche ụhwẹ ọwọọwa
ọnịrị ini eche ana aā rị ụhwẹ ọ̀ọ sị hụrẹ.
4Ohomorihi oni Ijekọvụ hẹkẹ ọ mẹ ọda ọnọnị yị Anisirẹrị nị.
Ọnị ọ kà a ka à vavọọ mẹ̀ ẹ pooro nị.
5Ịrẹyị ọnọnị vị oni Ohomorihi jị ido anị yị Anisirẹrị ẹ́nịnị mẹ̀ na dụ Anijipiti.
Yaa wụ́ ka ẹnịnị aa kà ẹkụra ọnị yẹ̀ yị yẹ.
6Ohomorihi ka oni o reè chi ẹnya ụya hụrẹ wụ nịnị ịza,
dị ọnị mẹ ka asị a rẹ kụkụ za wụ nịnị chema uji zị nị.
7 #
Kụra 17.7; Ịrị 20.13 Ohomorihi ka ụ maà rị ụya, di u nowu va za ọnịnị nị, ọnị ộ ba wụ nịnị owu.
Ọ kà ọnị yà ịzị opomi yà aa tụ́, dị ọnị tụ́ wụ nịnị ohi nị.
Ọ rẹ ka ọnị ộ zama wụ nịnị re ini okuha Imeriba.
8Ohomorihi rẹ ka Ẹwụ nịnị Anisirẹrị, batọ nịnị.
Wàa sị ụtọ pè ịrẹyị amị nịnị, mị vaa kà wụ nịnị ọ̀nọ̀.
9 #
Kụra 20.2,3; Ọda 5.6,7 Asị a na nyị ori ọnyị-ọnyị ọnị ụ dọ pè ẹngụ nịnị o!
wẹ yị nyayịnẹ ne kú ẹtẹ kụ́ ori ọnyị-ọnyị.
10Ohomorihi rẹ ka ọnị ọ vị Ẹnẹyịmavara ana vị Ohomorihi awụ nịnị nị.
Ọ kà ọnị ọ sị wụ nịnị hụrẹ Ijipiti vẹ nị.
Ọ rẹ ka wa há irenu nịnị kẹnẹ, ka ọnị vaa sị ịsa awụ nịnị.
11Di Ohomorihi rẹ ka Ama aza amị ẹ yị zẹẹ ka ẹnị ẹ̀ wụ́ ịrẹyị amị,
ẹnịnị ẹ yị zẹẹ ka ẹnị ẹ̀ dọ mị tụ́ ịzọọ.
12Avọọ dị mị hụrẹ wa ụvọ ka ebira odivi ẹnị ẹ̀ẹ ka ẹnị aa mẹ, ẹ̀ẹ mẹ̀ ẹ nị.
13Àa vị ka Anisirẹrị aza amị yaanị zẹẹ ka ẹnị ẹ̀ wụ́ ịrẹyị amị,
14o sị ku ọnị mị yaanị hú ọnịvị ẹnịnị ẹtẹ yị wa.
Avaba ọnịvị ẹnịnị yaanị kụ́ hyẹdụ da.
15Ohomorihi rẹ ka aza ana ka ẹnị e yi sì ịrẹyị ọnị Ẹnẹyịmavara,
vị ana maanị vaa sị eyi kwọrọ ẹtẹ ọvịdị anị ángwa òó mèe hi wa.
Ọ kà vị ẹnịnị vaa rị ụya pooro zịna-zịna nị.
16Ohomorihi ka ama ọnị vaa sị ịsọyịrị ene zoza hu anaaa hị́ ihwiti dị ọnị sị yị ẹwụ.
Dị ahịka ẹhụ ịnị akakana ịda ọnị sị wụ ka wa rị ọ nị.
Ebira First Bible © Bible Society of Nigeria, 2014.