Ahẹ Ụgama 75
75
Ohomorihi ọ vị Ọmọkarẹyị nị
(Ahẹ Asahwi ana ya ịnị ụvọ ọga ọjahẹ ọ ka asị a wụ ọ)
1Ohomorihi ya kụ́ wụ avọ ẹtẹẹtẹrẹ,
wa raà kà pè aza awụ, dị aza aa kà ịrẹkụkụ ịsa ọnị ụ mẹ nị.
2Ụ ka wa sị ụmẹ jị ọnị ụ vaa sị mẹ̀ ọkarẹyị.
Ụ rẹ ka ọkarẹyị ịzẹyịza ụ vaa mẹ nị.
3Ohomorihi, ụ ka ịjị ẹhẹ ọnịrị aza ene hi ịnị anị aa vangga,
ẹwa sị ụvọ za ẹhẹ jẹẹ geri-geri nị.
4Wâ kà a yị aza edivi ene ee wùu zị ka asị e rè wo oto
Ụ ka asị aza edivi rẹ mẹ ịkanggụ.
5Ụ ka asị ẹnịnị rẹ nyị irenu hi ẹwụ Ohomorihi,
dị asị ẹ rẹ ka ịrẹyị oni irenu ẹnịnị ò yi tù.
6Òo zee e eyi ọza ọ̀ hụrẹ oze ọnị ọyịị̄ zịị hụrẹẹ vẹ,
ọ̀ọ vi oze ọnị ọ zịị̄ na ngụ ẹtẹ ọ daka rẹ hụrẹ vẹ nị,
ọ̀ọ daka rẹ va hụụnị ụnọmị vẹ
ẹ yị nyị ịzị ọza zụ hụrẹ va kà ọza hịrẹ.
7Ohomorihi ọnị ịnya kẹnẹ ọọ̄ mẹ̀ ọkarẹyị nị.
Ọọ̄ kà aza enyi chi, dị ọ kà ọsa hịrẹ.
8Ayị ana aa kụ́ Ohomorihi vị ana sị mẹẹ anka eche ana a kụ́ ịsa ana nyị ịrẹyị hi
dị ọ sị tụ́ ini ako rị ụvọ.
Avaba anị ọ vaa vàa yị aza edivi ene hi ịnị ẹhẹ ka è hú ọnị.
9Ẹmị vị ana vị vaa kà ịrẹyị Ohomorihi oni Ijekọvụ hẹkẹ pooro, dị maa jị ahẹ gono o.
10Ohomorihi vaa gara ụkata aza edivii ha,
dị ọ mẹ ka aza ana aa mẹ̀ ebira ana vọrọ ẹ̀ẹ nyị ụkata hu avọọ.
Currently Selected:
Ahẹ Ụgama 75: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 75
75
Ohomorihi ọ vị Ọmọkarẹyị nị
(Ahẹ Asahwi ana ya ịnị ụvọ ọga ọjahẹ ọ ka asị a wụ ọ)
1Ohomorihi ya kụ́ wụ avọ ẹtẹẹtẹrẹ,
wa raà kà pè aza awụ, dị aza aa kà ịrẹkụkụ ịsa ọnị ụ mẹ nị.
2Ụ ka wa sị ụmẹ jị ọnị ụ vaa sị mẹ̀ ọkarẹyị.
Ụ rẹ ka ọkarẹyị ịzẹyịza ụ vaa mẹ nị.
3Ohomorihi, ụ ka ịjị ẹhẹ ọnịrị aza ene hi ịnị anị aa vangga,
ẹwa sị ụvọ za ẹhẹ jẹẹ geri-geri nị.
4Wâ kà a yị aza edivi ene ee wùu zị ka asị e rè wo oto
Ụ ka asị aza edivi rẹ mẹ ịkanggụ.
5Ụ ka asị ẹnịnị rẹ nyị irenu hi ẹwụ Ohomorihi,
dị asị ẹ rẹ ka ịrẹyị oni irenu ẹnịnị ò yi tù.
6Òo zee e eyi ọza ọ̀ hụrẹ oze ọnị ọyịị̄ zịị hụrẹẹ vẹ,
ọ̀ọ vi oze ọnị ọ zịị̄ na ngụ ẹtẹ ọ daka rẹ hụrẹ vẹ nị,
ọ̀ọ daka rẹ va hụụnị ụnọmị vẹ
ẹ yị nyị ịzị ọza zụ hụrẹ va kà ọza hịrẹ.
7Ohomorihi ọnị ịnya kẹnẹ ọọ̄ mẹ̀ ọkarẹyị nị.
Ọọ̄ kà aza enyi chi, dị ọ kà ọsa hịrẹ.
8Ayị ana aa kụ́ Ohomorihi vị ana sị mẹẹ anka eche ana a kụ́ ịsa ana nyị ịrẹyị hi
dị ọ sị tụ́ ini ako rị ụvọ.
Avaba anị ọ vaa vàa yị aza edivi ene hi ịnị ẹhẹ ka è hú ọnị.
9Ẹmị vị ana vị vaa kà ịrẹyị Ohomorihi oni Ijekọvụ hẹkẹ pooro, dị maa jị ahẹ gono o.
10Ohomorihi vaa gara ụkata aza edivii ha,
dị ọ mẹ ka aza ana aa mẹ̀ ebira ana vọrọ ẹ̀ẹ nyị ụkata hu avọọ.
Ebira First Bible © Bible Society of Nigeria, 2014.