Ahẹ Ụgama 73
73
Iwe 3
(Ahẹ 73—89)
Ohomorihiī mẹ̀ ọkarẹyị ana vọrọ
(Ahẹ anị Asahwi jị)
1Ịzẹyịza Ohomorihi oo zoza yị Anisirẹrị,
ọnịrị aza ana ayị ẹnịnị nị.
2Ama ọ sị vọ chee dị ẹma raà sị ahụ jị ọchị nyee.
Ịsị ẹ vọ di me nyee eyi aa kiiki anị.
3Ịjị mi re ẹhẹ aza ana aa mẹ̀ ebira odivi mee zoza, dị ẹ yaa mẹ eyi tụ ọ ộ va mị;
ẹmị rẹ ka àa yẹ ahịka ẹma vavọọ yà nị.
4Ẹ yị nyị ka ẹ̀ naa hụrẹ ayị ịnẹ agụvị isu,
agụvị ka ẹ yị nyị ịsị aa zị wa.
5Avaba ẹngụkata ene eē tù aza o mē tù wa.
Ẹ yị nyị ịsị ẹẹ̄ rị ụya anị.
6Agụvị avọọ dị ẹ kụkụ aa mẹ eyi, dị ẹ yaa chamayị nị.
7Ẹnịnị aa mẹ̀ ebira odivi, ayị ọ yị hụrẹ wa ịnẹ,
ịsa edivi eni eē ro ịnị ayị, ọ yị nyị ọpa.
8Ẹnịnị vị anaā mẹ̀ isiya dị ẹ yaa kà ịrẹyị odivi ọza.
Ẹnịnị vị anaā mẹ eyi zị, dị ẹ yaa gẹ eyi ẹ mẹmẹ vaa mẹ ẹvaya yị aza.
9Aza edivi ẹnẹẹ ẹ̀ẹ há irenu dị ẹ yaa kụ̀ Ohomorihi ụhụ,
dị ẹ yaa mẹ̀ ọda ẹnẹ ẹ̀ yị hụ ọ mẹ yị anẹhẹ.
10Aza ẹnịnị vị anaā saasa wa, dị ẹ dọ avaba ịrẹyị ọnị aza ẹnẹẹ ẹ̀ẹ kà yị wa.
11Ẹnịnị e rò o ka Ohomorihi ẹ yị yẹ ịsị ẹnị aa mẹ.
Ẹ kà a yị hyakụ yẹ ịsa aa na.
12Ẹhẹ aza edivi ọ vị ọnọọ nị o.
Ẹnịnị ệ nyị ogu ama dị ẹ yaa hịị hàrà a hi ọ.
13Dị mị kụkụ ee ro o ka ẹmị ana ka m maa mẹ̀ ịzẹyịza nị, sị ẹ va vị ọgụ amị kẹ?
Mị ka me yi sì ka ma mẹ̀ ebira odivi ama sị ẹ va vị ọgụ oni mi re ịnị anị?
14Eyinị-eyinị vi oni Ohomorihi aa sị ụyaa rị mị, ẹ yị nyị eyi ana nị ka mẹ yị rị ụya.
15Màa ka maa ka ịrẹyị ọnọnị ịzị eyi za mị ne tù, mị raà mẹ aza awụ ịrẹma ụvọ.
16Mê ro o pooro ka sị̀ ẹ va na vị iruvo ẹngụ ẹhẹ amị ọnọnị?
Mẹ yị yẹ ọnị mị sịị mẹ eyi anị.
17Dị mị va nọ ini irehi Ohomorihi nị.
Ịhị ọnọọ mị va na yẹ ịsị ẹ vaa za ẹhẹ aza edivi ẹnẹẹ ịrẹsụ nị.
18Mẹ yị yẹ ka vị ụ kụ́ wa jẹẹ ịnị ọsịrị nị,
ka wa gụ wa hyẹdụ dị ẹ̀ ta tụ́ ịzọọ nị.
19Ịjị a naa kà ẹẹva, wa sị wa wụ̀ va ha. Oze odivi ẹhẹ ẹnịnị zị za ẹtẹ nị.
20Ẹnẹyịmavara, mâ yẹ ka ịhị wàa kwẹẹtẹ tu aza ẹnẹnị,
ịrẹyị ẹnịnị vị ana kụkụ vaa sịị mẹẹ anka ụ́ra avọọ.
21Ohomorihi, ịjị ayị aaa kụ́ mị ẹnẹmẹhị, Dị ayị amị aa dà ọ̀va,
22mị kụkụ sị mẹẹ anka ịsụpa avọọ nị.
Ẹ yị kụkụ nyị ịsị mị yẹ.
23Ama mẹ yi noze rịrị ẹwụ, ẹwa sị ụvọ gẹ ị ụvọrị nị.
24Wee pè mi juwe ana mẹ ka asị mi nyeeyi,
mâ yẹ ka ụ vaa dọ mịị pè ẹngụ,
dị ụ sị ụbanyị mị ịnị ụmẹ ọdịrẹma.
25Ẹwụ ịnya chọ̀chọ̀chọ̀ mị nyị tụ́ ẹbẹẹba nị,
ẹ yị rẹ nyị ịsị ẹ yà ịnị ẹhẹ oni mee sì, ẹ̀ yị vị ẹwụ.
26Ma nyẹngụ vara ọkụmị, dị mẹ yị hyakụ kụkụ yẹ ịrẹyị,
ama Ohomorihi aa sị ụkataa mị ka ma zụ yẹ ịrẹyị nị.
Ọnị ịnya kẹnẹ m mee sì pooro nị.
27Aza ẹnẹ ẹ̀ yị gụrị ẹwụ vi ene vee vú ẹtẹ.
Avaba aza ẹnẹ ẹ̀ yị sị ịnẹ zụ̀ wụ vị ọnị ụ vaa wụụ vaa ha.
28Yị ẹmị, ò ze ka ma gụrị Ohomorihi.
Ẹnẹyịmavara Ochẹtẹẹngụ ọ sị mị tẹ nị,
Avaba ịsa oni Ohomorihi aa mẹ vị ọnị mị vaa kà a zụ̀ aza.
Currently Selected:
Ahẹ Ụgama 73: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 73
73
Iwe 3
(Ahẹ 73—89)
Ohomorihiī mẹ̀ ọkarẹyị ana vọrọ
(Ahẹ anị Asahwi jị)
1Ịzẹyịza Ohomorihi oo zoza yị Anisirẹrị,
ọnịrị aza ana ayị ẹnịnị nị.
2Ama ọ sị vọ chee dị ẹma raà sị ahụ jị ọchị nyee.
Ịsị ẹ vọ di me nyee eyi aa kiiki anị.
3Ịjị mi re ẹhẹ aza ana aa mẹ̀ ebira odivi mee zoza, dị ẹ yaa mẹ eyi tụ ọ ộ va mị;
ẹmị rẹ ka àa yẹ ahịka ẹma vavọọ yà nị.
4Ẹ yị nyị ka ẹ̀ naa hụrẹ ayị ịnẹ agụvị isu,
agụvị ka ẹ yị nyị ịsị aa zị wa.
5Avaba ẹngụkata ene eē tù aza o mē tù wa.
Ẹ yị nyị ịsị ẹẹ̄ rị ụya anị.
6Agụvị avọọ dị ẹ kụkụ aa mẹ eyi, dị ẹ yaa chamayị nị.
7Ẹnịnị aa mẹ̀ ebira odivi, ayị ọ yị hụrẹ wa ịnẹ,
ịsa edivi eni eē ro ịnị ayị, ọ yị nyị ọpa.
8Ẹnịnị vị anaā mẹ̀ isiya dị ẹ yaa kà ịrẹyị odivi ọza.
Ẹnịnị vị anaā mẹ eyi zị, dị ẹ yaa gẹ eyi ẹ mẹmẹ vaa mẹ ẹvaya yị aza.
9Aza edivi ẹnẹẹ ẹ̀ẹ há irenu dị ẹ yaa kụ̀ Ohomorihi ụhụ,
dị ẹ yaa mẹ̀ ọda ẹnẹ ẹ̀ yị hụ ọ mẹ yị anẹhẹ.
10Aza ẹnịnị vị anaā saasa wa, dị ẹ dọ avaba ịrẹyị ọnị aza ẹnẹẹ ẹ̀ẹ kà yị wa.
11Ẹnịnị e rò o ka Ohomorihi ẹ yị yẹ ịsị ẹnị aa mẹ.
Ẹ kà a yị hyakụ yẹ ịsa aa na.
12Ẹhẹ aza edivi ọ vị ọnọọ nị o.
Ẹnịnị ệ nyị ogu ama dị ẹ yaa hịị hàrà a hi ọ.
13Dị mị kụkụ ee ro o ka ẹmị ana ka m maa mẹ̀ ịzẹyịza nị, sị ẹ va vị ọgụ amị kẹ?
Mị ka me yi sì ka ma mẹ̀ ebira odivi ama sị ẹ va vị ọgụ oni mi re ịnị anị?
14Eyinị-eyinị vi oni Ohomorihi aa sị ụyaa rị mị, ẹ yị nyị eyi ana nị ka mẹ yị rị ụya.
15Màa ka maa ka ịrẹyị ọnọnị ịzị eyi za mị ne tù, mị raà mẹ aza awụ ịrẹma ụvọ.
16Mê ro o pooro ka sị̀ ẹ va na vị iruvo ẹngụ ẹhẹ amị ọnọnị?
Mẹ yị yẹ ọnị mị sịị mẹ eyi anị.
17Dị mị va nọ ini irehi Ohomorihi nị.
Ịhị ọnọọ mị va na yẹ ịsị ẹ vaa za ẹhẹ aza edivi ẹnẹẹ ịrẹsụ nị.
18Mẹ yị yẹ ka vị ụ kụ́ wa jẹẹ ịnị ọsịrị nị,
ka wa gụ wa hyẹdụ dị ẹ̀ ta tụ́ ịzọọ nị.
19Ịjị a naa kà ẹẹva, wa sị wa wụ̀ va ha. Oze odivi ẹhẹ ẹnịnị zị za ẹtẹ nị.
20Ẹnẹyịmavara, mâ yẹ ka ịhị wàa kwẹẹtẹ tu aza ẹnẹnị,
ịrẹyị ẹnịnị vị ana kụkụ vaa sịị mẹẹ anka ụ́ra avọọ.
21Ohomorihi, ịjị ayị aaa kụ́ mị ẹnẹmẹhị, Dị ayị amị aa dà ọ̀va,
22mị kụkụ sị mẹẹ anka ịsụpa avọọ nị.
Ẹ yị kụkụ nyị ịsị mị yẹ.
23Ama mẹ yi noze rịrị ẹwụ, ẹwa sị ụvọ gẹ ị ụvọrị nị.
24Wee pè mi juwe ana mẹ ka asị mi nyeeyi,
mâ yẹ ka ụ vaa dọ mịị pè ẹngụ,
dị ụ sị ụbanyị mị ịnị ụmẹ ọdịrẹma.
25Ẹwụ ịnya chọ̀chọ̀chọ̀ mị nyị tụ́ ẹbẹẹba nị,
ẹ yị rẹ nyị ịsị ẹ yà ịnị ẹhẹ oni mee sì, ẹ̀ yị vị ẹwụ.
26Ma nyẹngụ vara ọkụmị, dị mẹ yị hyakụ kụkụ yẹ ịrẹyị,
ama Ohomorihi aa sị ụkataa mị ka ma zụ yẹ ịrẹyị nị.
Ọnị ịnya kẹnẹ m mee sì pooro nị.
27Aza ẹnẹ ẹ̀ yị gụrị ẹwụ vi ene vee vú ẹtẹ.
Avaba aza ẹnẹ ẹ̀ yị sị ịnẹ zụ̀ wụ vị ọnị ụ vaa wụụ vaa ha.
28Yị ẹmị, ò ze ka ma gụrị Ohomorihi.
Ẹnẹyịmavara Ochẹtẹẹngụ ọ sị mị tẹ nị,
Avaba ịsa oni Ohomorihi aa mẹ vị ọnị mị vaa kà a zụ̀ aza.
Ebira First Bible © Bible Society of Nigeria, 2014.