Ahẹ Ụgama 7
7
Aduwa ọza ọnị ịrẹyị ọọhẹ tù
(Ahẹ ọnị Idevidi jị gono Ohomorihi agụvị Ikusi ana vi Anịbẹnjamịnị)
1Ẹwụ Ẹnẹyịmavara ana vị Ohomorihi amị, mi zwe vẹ vaka wụ nọ.
Navọ wa dọ mị hụrẹ ụvọ avaba ọnịvị amị ana aa dụ mị.
2Wẹ̀ yị dọ mị, vị ẹ yaa za mị dị ẹ gara mị ha anka idu mẹ gara uyee ha avọọ nị.
Ẹ zụ na mị ha di me yi re ọza gụ mị ụvọ.
3-4Ẹwụ Ẹnẹyịmavara ana vị Ohomorihi amị
wâ yẹ ka ẹ yị nyị ọza ọnị mị mẹ ịrẹyị odivi.
Mẹ yị mẹ̀ ebira odivi hi ọta amị ana mẹ̀ ebira ọyịza hi mị.
Mẹ mā kà a ka mèe re ọnịvị amị kẹnẹ maa mẹ̀ ẹ ịrẹyị ọhịmị àyị vị a hụhụ nyị ịsị ọ mẹ.
5Àa vị ka mâ mẹ ẹngụ ebira ẹnẹẹ, ọnịvị ẹ̀ẹ dụ mị, ẹ̀ za mị.
Ẹ̀ẹ za mị ẹ̀ wụ̀ mị dị ẹ kà mị ngụ ẹtẹ.
6Ẹnẹyịmavara, navọ wa jị ayị kwẹẹtẹ tù ọnịvị ana aa kụ ayị amị.
Ohomorihi amị, navọ wa kwẹẹtẹ dị wa mẹ ka ịzẹyịza ịrẹyị ọ̀ tụ́ ẹhẹ.
7Kụ́ avaba aza ana kara wụ gụ,
dị wa vị ohinọyị tụra wa tụ́ ẹbẹẹba.
8Ẹnẹyịmavara, ẹwaā mẹ̀ ọkarẹyị avaba aza nị.
Navọ wàa mẹ̀ ọkarẹyị amị, wa vayị amị.
Wâ yẹ ka mẹ yị mẹ̀ ebira odivi.
9 #
Ẹtẹ 2.23
Mâ yẹ ka ẹwụ vị Ohomorihi ana aā mẹ ịrẹyị ana vọrọ.
Wâ yẹ ịsa oni yee ro ọnịrị ịsa oni yee sì ịnị ayị ayị.
Navọ wa za aza edivi ụvọ chire enyi,
dị asị ẹ rẹ kụkụ chamayị.
Navọ dị wa sị ahụ aza ana aa mẹ ịzẹyịza jẹẹ.
10Ohomorihi ee sere mi nị.
Ọnị ọọ̄ dọ ọza ana nyị ayị ọnyaa tụ́ nị.
11Ohomorihi vị ana aā sị ịzẹyịzaa mẹ̀ ọkarẹyị
aza ana aa mẹ̀ ebira odivi vị ọnị ọ vaa kụ́ ayịị hi eyinị-eyinị.
12Aza edivi ẹ̀ẹ ka ẹnị ẹ yị và hụụnị ebira odivi ẹnịnị.
Ẹ̀ yẹ ka Ohomorihi ọ sị ụhwọ anị ne rị ụvọ.
Ọ rẹ sị ọkịta anị tụra.
13Ọ raà kụ́ ẹnya ịrẹkụ anị ana zụ wụ̀ ọza;
ọpa anị vị ọnị ọ nyayịnẹ kụ́ eyi.
14Aza ẹhịmị vi ene eē ro ịrẹyị odivi.
Ẹnịnị vị ene ẹẹ̄ sì ẹ mẹmẹẹ kụ́ ẹngụkataa vẹ,
di ẹ re yee vene ọza.
15Ama ụsị ẹnị ẹ chi zi ọza, ẹnị gẹdẹ-gẹdẹ ẹ vaa
hụrẹ ne ngụ ọ nị.
Ebira odivi ẹnị ẹ yaa mẹ ọ vaa vara eyii sị ụyaa rị wa nị.
16Ẹngụkata ẹnị ẹ̀ẹ kụ́ vẹ, dị ẹ rẹ sị ịrẹsụ ẹnịnị kụ́ ọ;
ebira ayịchama ọnị ẹ yaa mẹ vị ana raa varẹma vẹ ịnị ịrẹsụ ẹnịnị.
17Mị vaa kụ́ Ẹnẹyịmavara avọ,
ka ịsa ana vọrọ ọọ̄ mẹ pooro nị,
avọọ mị vaa jị ahẹ ga a nị.
Currently Selected:
Ahẹ Ụgama 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 7
7
Aduwa ọza ọnị ịrẹyị ọọhẹ tù
(Ahẹ ọnị Idevidi jị gono Ohomorihi agụvị Ikusi ana vi Anịbẹnjamịnị)
1Ẹwụ Ẹnẹyịmavara ana vị Ohomorihi amị, mi zwe vẹ vaka wụ nọ.
Navọ wa dọ mị hụrẹ ụvọ avaba ọnịvị amị ana aa dụ mị.
2Wẹ̀ yị dọ mị, vị ẹ yaa za mị dị ẹ gara mị ha anka idu mẹ gara uyee ha avọọ nị.
Ẹ zụ na mị ha di me yi re ọza gụ mị ụvọ.
3-4Ẹwụ Ẹnẹyịmavara ana vị Ohomorihi amị
wâ yẹ ka ẹ yị nyị ọza ọnị mị mẹ ịrẹyị odivi.
Mẹ yị mẹ̀ ebira odivi hi ọta amị ana mẹ̀ ebira ọyịza hi mị.
Mẹ mā kà a ka mèe re ọnịvị amị kẹnẹ maa mẹ̀ ẹ ịrẹyị ọhịmị àyị vị a hụhụ nyị ịsị ọ mẹ.
5Àa vị ka mâ mẹ ẹngụ ebira ẹnẹẹ, ọnịvị ẹ̀ẹ dụ mị, ẹ̀ za mị.
Ẹ̀ẹ za mị ẹ̀ wụ̀ mị dị ẹ kà mị ngụ ẹtẹ.
6Ẹnẹyịmavara, navọ wa jị ayị kwẹẹtẹ tù ọnịvị ana aa kụ ayị amị.
Ohomorihi amị, navọ wa kwẹẹtẹ dị wa mẹ ka ịzẹyịza ịrẹyị ọ̀ tụ́ ẹhẹ.
7Kụ́ avaba aza ana kara wụ gụ,
dị wa vị ohinọyị tụra wa tụ́ ẹbẹẹba.
8Ẹnẹyịmavara, ẹwaā mẹ̀ ọkarẹyị avaba aza nị.
Navọ wàa mẹ̀ ọkarẹyị amị, wa vayị amị.
Wâ yẹ ka mẹ yị mẹ̀ ebira odivi.
9 #
Ẹtẹ 2.23
Mâ yẹ ka ẹwụ vị Ohomorihi ana aā mẹ ịrẹyị ana vọrọ.
Wâ yẹ ịsa oni yee ro ọnịrị ịsa oni yee sì ịnị ayị ayị.
Navọ wa za aza edivi ụvọ chire enyi,
dị asị ẹ rẹ kụkụ chamayị.
Navọ dị wa sị ahụ aza ana aa mẹ ịzẹyịza jẹẹ.
10Ohomorihi ee sere mi nị.
Ọnị ọọ̄ dọ ọza ana nyị ayị ọnyaa tụ́ nị.
11Ohomorihi vị ana aā sị ịzẹyịzaa mẹ̀ ọkarẹyị
aza ana aa mẹ̀ ebira odivi vị ọnị ọ vaa kụ́ ayịị hi eyinị-eyinị.
12Aza edivi ẹ̀ẹ ka ẹnị ẹ yị và hụụnị ebira odivi ẹnịnị.
Ẹ̀ yẹ ka Ohomorihi ọ sị ụhwọ anị ne rị ụvọ.
Ọ rẹ sị ọkịta anị tụra.
13Ọ raà kụ́ ẹnya ịrẹkụ anị ana zụ wụ̀ ọza;
ọpa anị vị ọnị ọ nyayịnẹ kụ́ eyi.
14Aza ẹhịmị vi ene eē ro ịrẹyị odivi.
Ẹnịnị vị ene ẹẹ̄ sì ẹ mẹmẹẹ kụ́ ẹngụkataa vẹ,
di ẹ re yee vene ọza.
15Ama ụsị ẹnị ẹ chi zi ọza, ẹnị gẹdẹ-gẹdẹ ẹ vaa
hụrẹ ne ngụ ọ nị.
Ebira odivi ẹnị ẹ yaa mẹ ọ vaa vara eyii sị ụyaa rị wa nị.
16Ẹngụkata ẹnị ẹ̀ẹ kụ́ vẹ, dị ẹ rẹ sị ịrẹsụ ẹnịnị kụ́ ọ;
ebira ayịchama ọnị ẹ yaa mẹ vị ana raa varẹma vẹ ịnị ịrẹsụ ẹnịnị.
17Mị vaa kụ́ Ẹnẹyịmavara avọ,
ka ịsa ana vọrọ ọọ̄ mẹ pooro nị,
avọọ mị vaa jị ahẹ ga a nị.
Ebira First Bible © Bible Society of Nigeria, 2014.