Ahẹ Ụgama 69
69
Ohomorihi, navọ wa ba mi owu
(Ahẹ Idevidi ana aā hị́ ododo ozoza ana ya ịnị ụvọ ọga ọjahẹ)
1Ohomorihi, navọ kwogwo wa dọ mị tụ́ ka ẹngụkata ọnọnị aa vaa mụnẹ mị anka enyi avọọ
ọ sị kà mị ọrọkọ booro aanị.
2Mee chii ngụ enyi, me yi re aha sị ahụ jẹẹ
Me si horo ngụ adagu, enyi ọ sị mị mụnẹ.
3Mê nowu pooro ka à gụ mị, owu ọ kụ́ mị tụ́.
Ọrọkọ amị ẹ kụ́ há chire ọsa m mee nowu.
Mê zi Ohomorihi amị eyi pooro, eyi amị ọ kụ́ kata.
4 #
Ahẹ 35.19; Ịjọ 15.25 Aza ana aa kụ́ ayị amị ọọhẹ kẹnẹ ệ hyakụ rụrụ huna ẹyị ịrẹsụ amị.
Ọnịvị amị ene ee sì ka ẹnị ẹ wụ̀ mị ệ rụrụ ẹnẹmẹhị
vị ka vị a nyị m mẹ̀ ka yị wa nị.
Ịsị mè yi yi, ệ sị ụkata za mị ka ma sị ọ vẹ.
5Ohomorihi, ẹ yị nyị ebira odivi ọnị mị mẹ̀ ọnị wẹ̀ yị yẹ.
Wâ yẹ ebira ụkavụ ọnị mịị̄ mẹ.
6Ananyị yị Ẹnẹyịmavara Ochẹtẹẹngụ,
navọ asị ụ na zẹẹ ka aza ana sị ayị tụra awụ è ne re ịrẹyị amị dị ụhị ọ̀ọ nyị wa.
Ohomorihi Anisirẹrị mị ka asị ụ zẹẹ ka aza ana sị ayị tụra wụ è ne ịrẹyị amị dị ụhị ọ̀ọ nyị wa.
7Ma raà hụ agụvị awụ sị ẹngụ dọ ụhụ,
ma raà sị eyi dọ ụhị agụvị awụ.
8Ma sị vara ọzọga yị ẹyịnyara amị ana a ma ẹmịrịị hụụnị ịnẹ ọnya vẹ.
9 #
Ịjọ 2.17;
Iro 15.3
Ohomorihi, avaba ayị amị mi sị sì ịrẹyị irehi awụ nị
Ụhụ ana aza aa kụ̀ wụ vị ọnị mị dọ hi ẹngụ.
10Maa jị òrèrè, mẹ yị rị ịsa, dị aza aa kụ̀ mị ụhụ nị.
11Ịjị mị sị ịta kú ẹngụ ana sị zụ̀ ka ayị amị ô du, aza vị anaaa sị mịị mẹ̀ isiya,
di ohweche ẹnị aa jị mị ahẹ nị.
12Aza ene hi oze ini orere aa mẹ mị isiya
di ohweche ẹnị aa jị mị ahẹ nị.
13Ẹwụ ẹmaa dá ịpẹẹ yị nọ, Ẹnẹyịmavara.
Ohomorihi navọ ụmẹ oni wèe sì, we tụ́ mi ohi
agụvị ka mâ yẹ ka ụụ̄ sì ịrẹyị ọza ẹtẹẹtẹrẹ.
Mâ yẹ ka ụ vaa dọ mịị tụ́ anka ụ mẹ̀ kà a.
14Navọ wa dọ mị tụ́, asị ụ zẹẹ ka me horo ngụ avata,
Aarịhịnị dọ mị hụụnị ụvọ aza ana aa kụ́ ayị amị.
Asị ụ zẹẹ ka me horo ngụ adagu.
15Asị ụ zẹẹ ka ịrẹyị ene tù mị anka ọhaara enyi aanị ọ̀ rị mị.
Navọ asị ụ zẹẹ ka ọ̀ mụnẹ mị.
Asị ụ navọ ka ịrẹyị ọnọnị ọ̀ sị mi chire ẹtẹ.
16Ẹnẹyịmavara, navọ wa ba mị owu.
Ụụ̄ sì ịrẹyị ọza, avọọ ụ mẹ̀ rẹẹ mẹ ọyịza yị ọza nị.
Ẹwụ ana maanịị vayị ọza, navọ wa kana eyi amị.
17Wéē re ka emi ozida awụ vị ana yà ịnị ịrẹyị aanị,
navọ wa kana eyi amị, dị wa wụsẹ va ba mị owu.
18Ohomorihi, navọ we tere vẹ dị wa va dọ mị tụ́.
Navọ wa dọ mị tụ́ ka ọnịvị amị ẹ sị kwẹẹtẹ tù mi.
19Wê re aza màa mẹ mi isiya, dị ẹ yaa mẹ ụhịị nyị mị.
Wâ yẹ avaba ọnịvị amị
20Isiya ẹnịnị aa vaa wụ̀ mị, me yi re ọza gụ mị ụvọ.
Mee sì ka à nyị ọza ana hyakụ ro o mị, dị ọ sị ayị amị nẹtẹ,
ana ẹ yị nyị ọza oni mi re.
21 #
Imt 27.48; Ịmk 15.36; Irk 23.26; Ịjọ 19.28,29 Ệ sị ẹchịpa tụ́ ịnị ịsa amị ka maa rị ọ.
M mẹ̀ ka enyi aa kụ̀ mị, dị ẹ sị eche ana sị sụ́ ịrẹyị mị ka me hú ọ nị.
22 #
Iro 11.9,10 Ohomorihi, navọ ịzị aza ẹnẹẹ yà aa rị ịsa ịsọvọ ọ̀ vara ịrẹpa za wa.
Navọ ahịka ịzọọ ẹ yà rị ọgụ ebira odivi ẹnịnị nị.
23Navọ we gu wa eyi dị asị e kuku zụ re ẹtẹ,
di we che wa ọjịrẹma dị asị ẹ kụkụ zụ vọrọ jẹẹ pooro.
24Sị ọyịkụ pa ịva yị wa ẹtẹẹtẹrẹ,
dị wa dà jị wa asị e re oze zwe.
25 #
Ụkọ 1.20
Ajẹngụ ẹnịnị ẹ̀ jị eburu, asị a nyị ọza ana vana ra ịnị anị.
26Ohomorihi, aza èe re ka wâ tụ́ ọza ụnava, dị ẹnị raa sị ụyaa rị aza ẹnẹẹ.
Aza ọnị wàa mẹ ka ịsa ọ̀ọ zị, dị ẹẹ̄ kụkụ aa kụ ọ ịrẹkaa zị.
27Waā da ụyaa tụ́ ịnị ụyaa yị wa.
Asị ụ za wa beri aza ana aa mẹ̀ ebira ana vọrọ.
28 #
Kụra 32.32; Ẹtẹ 3.5; 13.8; 17.8 Nyee ịrẹha ẹnịnị hụụnị iwe ọnị u chẹrẹ ịrẹha aza ana yara hi,
asị ụ chẹrẹ wa beri aza ana aa mẹ̀ ebira ana vọrọ.
29Avaba ẹngụ amị vị ana kata dị aa zị mị
Ohomorihi, navọ wa dọ mị tụ́ di we sere mị.
30Mị vaa jị ahẹ dị maa sịị kụ́ Ohomorihi avọ
Mị vaa sị ụbanyị yọ, dị maa kụ́ ọ avọ.
31Ọnọọ o vee zee Ẹnẹyịmavara eyi hu ka ma sị imaaru va yọ nị.
Ô zee e eyi huna imaaru ene si ọpanyị nyị ana rụra mẹ̀ ịsọvọ.
32Ịjị aza ana aa sị ụyaa rị ẹ̀ẹ maanị re e, ẹnịnị vaa jẹ.
Ẹwụ nịnị ene ee sì Ohomorihi, navọ ayị awụ nịnị ọ̀ nẹtẹ.
33Ẹnẹyịmavara a wụ́ aduwa oniruwa,
Ọ mā si eyi wụ̀ aza anị ana a za hi ịnị ẹngwa.
34Ẹbẹẹba ọnịrị ẹtẹ ẹ̀ẹ kụ́ Ohomorihi avọ.
Òkū ọnịrị avaba ịsị e hi ịnị anị ẹnị ẹ̀ rẹẹ kụ́ ọ avọ.
35Ohomorihi vaa dọ Anịzayọnị tụ́,
dị o tenyi ọvọ jị kara ẹkụra Ijuda.
Ịjọnọọ dị aza na ra hi ịzọọ,
dị ẹ rẹ dọ ẹkụra ẹnịnị.
36Ịpa ezi ahụ Ohomorihi ẹ vaa nyị ẹtẹ ọnọọ nị,
dị aza ene sì ịrẹyị anị ra hi ịzọọ.
Currently Selected:
Ahẹ Ụgama 69: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 69
69
Ohomorihi, navọ wa ba mi owu
(Ahẹ Idevidi ana aā hị́ ododo ozoza ana ya ịnị ụvọ ọga ọjahẹ)
1Ohomorihi, navọ kwogwo wa dọ mị tụ́ ka ẹngụkata ọnọnị aa vaa mụnẹ mị anka enyi avọọ
ọ sị kà mị ọrọkọ booro aanị.
2Mee chii ngụ enyi, me yi re aha sị ahụ jẹẹ
Me si horo ngụ adagu, enyi ọ sị mị mụnẹ.
3Mê nowu pooro ka à gụ mị, owu ọ kụ́ mị tụ́.
Ọrọkọ amị ẹ kụ́ há chire ọsa m mee nowu.
Mê zi Ohomorihi amị eyi pooro, eyi amị ọ kụ́ kata.
4 #
Ahẹ 35.19; Ịjọ 15.25 Aza ana aa kụ́ ayị amị ọọhẹ kẹnẹ ệ hyakụ rụrụ huna ẹyị ịrẹsụ amị.
Ọnịvị amị ene ee sì ka ẹnị ẹ wụ̀ mị ệ rụrụ ẹnẹmẹhị
vị ka vị a nyị m mẹ̀ ka yị wa nị.
Ịsị mè yi yi, ệ sị ụkata za mị ka ma sị ọ vẹ.
5Ohomorihi, ẹ yị nyị ebira odivi ọnị mị mẹ̀ ọnị wẹ̀ yị yẹ.
Wâ yẹ ebira ụkavụ ọnị mịị̄ mẹ.
6Ananyị yị Ẹnẹyịmavara Ochẹtẹẹngụ,
navọ asị ụ na zẹẹ ka aza ana sị ayị tụra awụ è ne re ịrẹyị amị dị ụhị ọ̀ọ nyị wa.
Ohomorihi Anisirẹrị mị ka asị ụ zẹẹ ka aza ana sị ayị tụra wụ è ne ịrẹyị amị dị ụhị ọ̀ọ nyị wa.
7Ma raà hụ agụvị awụ sị ẹngụ dọ ụhụ,
ma raà sị eyi dọ ụhị agụvị awụ.
8Ma sị vara ọzọga yị ẹyịnyara amị ana a ma ẹmịrịị hụụnị ịnẹ ọnya vẹ.
9 #
Ịjọ 2.17;
Iro 15.3
Ohomorihi, avaba ayị amị mi sị sì ịrẹyị irehi awụ nị
Ụhụ ana aza aa kụ̀ wụ vị ọnị mị dọ hi ẹngụ.
10Maa jị òrèrè, mẹ yị rị ịsa, dị aza aa kụ̀ mị ụhụ nị.
11Ịjị mị sị ịta kú ẹngụ ana sị zụ̀ ka ayị amị ô du, aza vị anaaa sị mịị mẹ̀ isiya,
di ohweche ẹnị aa jị mị ahẹ nị.
12Aza ene hi oze ini orere aa mẹ mị isiya
di ohweche ẹnị aa jị mị ahẹ nị.
13Ẹwụ ẹmaa dá ịpẹẹ yị nọ, Ẹnẹyịmavara.
Ohomorihi navọ ụmẹ oni wèe sì, we tụ́ mi ohi
agụvị ka mâ yẹ ka ụụ̄ sì ịrẹyị ọza ẹtẹẹtẹrẹ.
Mâ yẹ ka ụ vaa dọ mịị tụ́ anka ụ mẹ̀ kà a.
14Navọ wa dọ mị tụ́, asị ụ zẹẹ ka me horo ngụ avata,
Aarịhịnị dọ mị hụụnị ụvọ aza ana aa kụ́ ayị amị.
Asị ụ zẹẹ ka me horo ngụ adagu.
15Asị ụ zẹẹ ka ịrẹyị ene tù mị anka ọhaara enyi aanị ọ̀ rị mị.
Navọ asị ụ zẹẹ ka ọ̀ mụnẹ mị.
Asị ụ navọ ka ịrẹyị ọnọnị ọ̀ sị mi chire ẹtẹ.
16Ẹnẹyịmavara, navọ wa ba mị owu.
Ụụ̄ sì ịrẹyị ọza, avọọ ụ mẹ̀ rẹẹ mẹ ọyịza yị ọza nị.
Ẹwụ ana maanịị vayị ọza, navọ wa kana eyi amị.
17Wéē re ka emi ozida awụ vị ana yà ịnị ịrẹyị aanị,
navọ wa kana eyi amị, dị wa wụsẹ va ba mị owu.
18Ohomorihi, navọ we tere vẹ dị wa va dọ mị tụ́.
Navọ wa dọ mị tụ́ ka ọnịvị amị ẹ sị kwẹẹtẹ tù mi.
19Wê re aza màa mẹ mi isiya, dị ẹ yaa mẹ ụhịị nyị mị.
Wâ yẹ avaba ọnịvị amị
20Isiya ẹnịnị aa vaa wụ̀ mị, me yi re ọza gụ mị ụvọ.
Mee sì ka à nyị ọza ana hyakụ ro o mị, dị ọ sị ayị amị nẹtẹ,
ana ẹ yị nyị ọza oni mi re.
21 #
Imt 27.48; Ịmk 15.36; Irk 23.26; Ịjọ 19.28,29 Ệ sị ẹchịpa tụ́ ịnị ịsa amị ka maa rị ọ.
M mẹ̀ ka enyi aa kụ̀ mị, dị ẹ sị eche ana sị sụ́ ịrẹyị mị ka me hú ọ nị.
22 #
Iro 11.9,10 Ohomorihi, navọ ịzị aza ẹnẹẹ yà aa rị ịsa ịsọvọ ọ̀ vara ịrẹpa za wa.
Navọ ahịka ịzọọ ẹ yà rị ọgụ ebira odivi ẹnịnị nị.
23Navọ we gu wa eyi dị asị e kuku zụ re ẹtẹ,
di we che wa ọjịrẹma dị asị ẹ kụkụ zụ vọrọ jẹẹ pooro.
24Sị ọyịkụ pa ịva yị wa ẹtẹẹtẹrẹ,
dị wa dà jị wa asị e re oze zwe.
25 #
Ụkọ 1.20
Ajẹngụ ẹnịnị ẹ̀ jị eburu, asị a nyị ọza ana vana ra ịnị anị.
26Ohomorihi, aza èe re ka wâ tụ́ ọza ụnava, dị ẹnị raa sị ụyaa rị aza ẹnẹẹ.
Aza ọnị wàa mẹ ka ịsa ọ̀ọ zị, dị ẹẹ̄ kụkụ aa kụ ọ ịrẹkaa zị.
27Waā da ụyaa tụ́ ịnị ụyaa yị wa.
Asị ụ za wa beri aza ana aa mẹ̀ ebira ana vọrọ.
28 #
Kụra 32.32; Ẹtẹ 3.5; 13.8; 17.8 Nyee ịrẹha ẹnịnị hụụnị iwe ọnị u chẹrẹ ịrẹha aza ana yara hi,
asị ụ chẹrẹ wa beri aza ana aa mẹ̀ ebira ana vọrọ.
29Avaba ẹngụ amị vị ana kata dị aa zị mị
Ohomorihi, navọ wa dọ mị tụ́ di we sere mị.
30Mị vaa jị ahẹ dị maa sịị kụ́ Ohomorihi avọ
Mị vaa sị ụbanyị yọ, dị maa kụ́ ọ avọ.
31Ọnọọ o vee zee Ẹnẹyịmavara eyi hu ka ma sị imaaru va yọ nị.
Ô zee e eyi huna imaaru ene si ọpanyị nyị ana rụra mẹ̀ ịsọvọ.
32Ịjị aza ana aa sị ụyaa rị ẹ̀ẹ maanị re e, ẹnịnị vaa jẹ.
Ẹwụ nịnị ene ee sì Ohomorihi, navọ ayị awụ nịnị ọ̀ nẹtẹ.
33Ẹnẹyịmavara a wụ́ aduwa oniruwa,
Ọ mā si eyi wụ̀ aza anị ana a za hi ịnị ẹngwa.
34Ẹbẹẹba ọnịrị ẹtẹ ẹ̀ẹ kụ́ Ohomorihi avọ.
Òkū ọnịrị avaba ịsị e hi ịnị anị ẹnị ẹ̀ rẹẹ kụ́ ọ avọ.
35Ohomorihi vaa dọ Anịzayọnị tụ́,
dị o tenyi ọvọ jị kara ẹkụra Ijuda.
Ịjọnọọ dị aza na ra hi ịzọọ,
dị ẹ rẹ dọ ẹkụra ẹnịnị.
36Ịpa ezi ahụ Ohomorihi ẹ vaa nyị ẹtẹ ọnọọ nị,
dị aza ene sì ịrẹyị anị ra hi ịzọọ.
Ebira First Bible © Bible Society of Nigeria, 2014.