Ahẹ Ụgama 66
66
Ịsa ẹbanyị-ẹbanyị oni Ohomorihi mẹ
(Ahẹ ana yà ịnị ụvọ ọga ọjahẹ. Ahẹ ene hine)
1Ẹwụ nịnị avaba anẹhẹ, waā jẹ ịrajẹ,
dị waa kụ́ Ohomorihi avọ nịnị dị ọzọza ọ̀ọ wụ́.
2Waā jị ahẹ nịnị, dị waa kà a ụbanyị ẹnị ọ nyị
Waā kụ́ ọ avọ nịnị ini oze ana sị zụ̀ ka ộ nyị ụbanyị.
3Waā kà a yị Ohomorihi nịnị ka ụkọrọ amị vi ene eē hí ọza angwa.
Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa
dị ẹ yaa vaa kú ẹtẹ nị.
4Avaba anẹhẹ vị ana vaa tanaa tụra ẹtẹẹ kụ́ wụ.
Ẹ vaa jị ahẹ gono wu ẹnị ẹ vaa sịị kụ́ wụ avọ.
5Vẹ di we ve re ịsa oni Ohomorihi mẹ,
ụkọrọ anị vi ene hi avabaa aza ene re e irenu.
6 #
Kụra 14.21;
Ijos 3.14-17
Ộ mẹ ka òkū ọ̀ vara ẹtẹ ọyịwụ,
dị aza anị sị ahụ na para hu ini okuha ọnọọ nị. Dị ị yà ịzọọ dị yaa jẹ agụvị ịsa ọnị ọ mẹ nị.
7Ụkata ẹngụ anị aa sịị mẹ ohinọyị pooro zịna-zịna nị.
Ee re avaba anẹhẹ,
Asị a nyị ọza ene ne hira ka vị ẹnị aa kwẹẹtẹ tù ọ nị.
8Ẹwụ nịnị anẹhẹ, waā kụ́ Ohomorihi avọ nịnị.
Waā kụ́ ọ nịnị dị avaba aza ẹ̀ẹ wụ́.
9Ohomorihi o reè sere yi, ọ rẹ vaa zẹẹ ka ya hyẹdụ.
10Ohomorihi, wa raà zama yi re,
we reè tenyi yị anka a mẹ̀ẹ sị ịraa tenyi igooru avọọ.
11Wâ mẹ ka ya ngụ ịnị ịrẹpa, dị ụ nyayịnẹ sị ụya rị yị nị.
12Wâ zẹẹ ka ọnịvị ayị ẹ̀ za yị, dị ẹ̀ mẹ̀ yị sẹkẹ-sẹkẹ.
Ẹ yị nyị ụya ọnị yẹ̀ yị sị rị; ama wa vị va raà sị yị va ngụ ịzị ị yà dị ẹngụ ayị ee hunẹnẹ.
13Ohomorihi, mị vaa vẹ ini eehi awụ, dị ma mẹ̀ ịsọvọ dị mị rị ọ ịra wụ.
Mị rẹ vaa mẹ ịsị mị vịdị kà a ka maa mẹẹ wụ.
14Ịsa ọnọọ vị ọnị mị kà mị vaa mẹẹ wụ ịnị ụmẹ ana akanya si tù mi.
15Mị vaa sị uye ana banyị dị mị sị mẹ ịsọvọọ wụ.
Ịdẹba, imaaru ọnịrị ẹvụ vị ọnị mị vaa kụ́ụ mẹ ịsọvọọ wụ.
16Avaba ẹwụ nịnị ana nyị angwahi Ohomorihi, vẹ dị ma kà a zụ̀ wụ nịnị ịsa oni Ohomorihi mẹ mị.
17Mê nowu na za Ohomorihi ka ọ̀ gụ mị ụvọ, dị maa kụ́ ọ avọ pooro nị.
18Màa zẹẹ ka ma sị ebira odivi tụ́ ịnị ayị amị, Ẹnẹyịmavara ọ yị yaanị wụ́ aduwa amị.
19Ama Ohomorihi ọ raà wụ́ aduwa amị,
ộ sị ụtọ tụ́ ịnị ịpẹ ọnị maa dá.
20Ohomorihi o rè vee yi ka ọnị ọ yị wụ́ aduwa amị,
ọ yị kà ka oni o yi kuku sì ịrẹyị amị,
Mâ kụ́ ọ avọ.
Currently Selected:
Ahẹ Ụgama 66: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 66
66
Ịsa ẹbanyị-ẹbanyị oni Ohomorihi mẹ
(Ahẹ ana yà ịnị ụvọ ọga ọjahẹ. Ahẹ ene hine)
1Ẹwụ nịnị avaba anẹhẹ, waā jẹ ịrajẹ,
dị waa kụ́ Ohomorihi avọ nịnị dị ọzọza ọ̀ọ wụ́.
2Waā jị ahẹ nịnị, dị waa kà a ụbanyị ẹnị ọ nyị
Waā kụ́ ọ avọ nịnị ini oze ana sị zụ̀ ka ộ nyị ụbanyị.
3Waā kà a yị Ohomorihi nịnị ka ụkọrọ amị vi ene eē hí ọza angwa.
Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa
dị ẹ yaa vaa kú ẹtẹ nị.
4Avaba anẹhẹ vị ana vaa tanaa tụra ẹtẹẹ kụ́ wụ.
Ẹ vaa jị ahẹ gono wu ẹnị ẹ vaa sịị kụ́ wụ avọ.
5Vẹ di we ve re ịsa oni Ohomorihi mẹ,
ụkọrọ anị vi ene hi avabaa aza ene re e irenu.
6 #
Kụra 14.21;
Ijos 3.14-17
Ộ mẹ ka òkū ọ̀ vara ẹtẹ ọyịwụ,
dị aza anị sị ahụ na para hu ini okuha ọnọọ nị. Dị ị yà ịzọọ dị yaa jẹ agụvị ịsa ọnị ọ mẹ nị.
7Ụkata ẹngụ anị aa sịị mẹ ohinọyị pooro zịna-zịna nị.
Ee re avaba anẹhẹ,
Asị a nyị ọza ene ne hira ka vị ẹnị aa kwẹẹtẹ tù ọ nị.
8Ẹwụ nịnị anẹhẹ, waā kụ́ Ohomorihi avọ nịnị.
Waā kụ́ ọ nịnị dị avaba aza ẹ̀ẹ wụ́.
9Ohomorihi o reè sere yi, ọ rẹ vaa zẹẹ ka ya hyẹdụ.
10Ohomorihi, wa raà zama yi re,
we reè tenyi yị anka a mẹ̀ẹ sị ịraa tenyi igooru avọọ.
11Wâ mẹ ka ya ngụ ịnị ịrẹpa, dị ụ nyayịnẹ sị ụya rị yị nị.
12Wâ zẹẹ ka ọnịvị ayị ẹ̀ za yị, dị ẹ̀ mẹ̀ yị sẹkẹ-sẹkẹ.
Ẹ yị nyị ụya ọnị yẹ̀ yị sị rị; ama wa vị va raà sị yị va ngụ ịzị ị yà dị ẹngụ ayị ee hunẹnẹ.
13Ohomorihi, mị vaa vẹ ini eehi awụ, dị ma mẹ̀ ịsọvọ dị mị rị ọ ịra wụ.
Mị rẹ vaa mẹ ịsị mị vịdị kà a ka maa mẹẹ wụ.
14Ịsa ọnọọ vị ọnị mị kà mị vaa mẹẹ wụ ịnị ụmẹ ana akanya si tù mi.
15Mị vaa sị uye ana banyị dị mị sị mẹ ịsọvọọ wụ.
Ịdẹba, imaaru ọnịrị ẹvụ vị ọnị mị vaa kụ́ụ mẹ ịsọvọọ wụ.
16Avaba ẹwụ nịnị ana nyị angwahi Ohomorihi, vẹ dị ma kà a zụ̀ wụ nịnị ịsa oni Ohomorihi mẹ mị.
17Mê nowu na za Ohomorihi ka ọ̀ gụ mị ụvọ, dị maa kụ́ ọ avọ pooro nị.
18Màa zẹẹ ka ma sị ebira odivi tụ́ ịnị ayị amị, Ẹnẹyịmavara ọ yị yaanị wụ́ aduwa amị.
19Ama Ohomorihi ọ raà wụ́ aduwa amị,
ộ sị ụtọ tụ́ ịnị ịpẹ ọnị maa dá.
20Ohomorihi o rè vee yi ka ọnị ọ yị wụ́ aduwa amị,
ọ yị kà ka oni o yi kuku sì ịrẹyị amị,
Mâ kụ́ ọ avọ.
Ebira First Bible © Bible Society of Nigeria, 2014.